مش عايزين تتشلوا شويه تعالوا تعالوا اشمعنى انا عشان تعرفوا ان البلد دى ربنا يستر عليها

خصص الفنان عمرو دياب أولى حملات برنامج "مصرى بجد" الذى يذاع على محطته الإذاعية diab fm لتنشيط السياحة فى مصر، وذلك يوم السبت المقبل الساعة 9 صباحاً بالمتحف المصرى بالتحرير، وستستمر الحملة حتى الواحدة ظهرا.

وتهدف حملة "مصرى بجد" لتنشيط السياحة وتنمية الوعى بأهمية السياحة وأثرها على الاقتصاد المصرى والدخل القومى وتنشيط حركة بيع التذاكر لصالح المتحف المصرى
معرفة كيفية التعامل مع السائحين لإعطاء صورة حضارية عن المصريين والترحيب بالسائحين.

وستشمل الحملة لقاء داخل المتحف مع بسام الشماع أستاذ التاريخ، وسوف يقوم باصطحاب أعضاء الحملة بجولة داخل المتحف وتوجيه مستمعى البرنامج إلى الأساليب الصحيحة للتعامل مع السياحة والسائحين وأهميه السياحة فى الاقتصاد المصرى.

ونوه أعضاء حملة "مصرى بجد" لتنشيط السياحة على من يرغب فى الانضمام لهم بارتداء تى شيرت أبيض أثناء الزيارة ليتناسب مع البادج الخاص بالحملة الذى سيتم توزيعه على الحضور وسعر تذكرة الدخول للمتحف المصرى 4 جنيهات لصالح المتحف

والى يشل بقا الردود اتفرجوا على الشباب الذى لم يتغير ابداااااااااااااااااااا

فعلا والله عمرو دياب فنان مصري اصيل
واثبت بالحملة دي انه خايف علي بلدة و بيدور علي مصلحة مصر
ربنا يوفقك

There are only AmR DiaB

وقوم بقا ناس غلطت فى الباشا الكبير الى مينفعش نغلط فيه وقالت كده

كان فين عمرو دياب فى الثورة ؟! استنا لما يشوف مين حيكسب فى الثورة بعد كدة ينزل اغنية ؟! كنت احبة ! لكنة لم يفعل شىْ من اجلنا فى ثورتنا و الآن يظهر ؟ مالوش طعم

كان وياما كان واحد اسمه الهضبة دلوقتى اسمه هضوبة
راح لندن فى الوقت اللى كان الشباب بحاجة لدعمه والان جاى عامل فيها وطنى

انشر لو سمحت احنا فى عصر الحريات

اين كنت ايها المتفذلك من يوم 25 الان تقول مصر ولماذا لم تبني اي مستشفى ولاجتى صنبور مياه لم نسمع عن اعمالك الخيريه سيء اذهب ولا نريد سماعك مرة اخرى

طبعا جه بقا المتاضلين الى فاهمين الصح وردوا عليهم وقالوا

والنبى اتلهى انت بقى عمرو يبقى مواطن مصرى شريف لما يطلع يغننى اغنية وطنية يعنى هى البلد محتاجة اغنية ولا محتاجة حاجة زى كده تشجيع على السياحةاللى عاوز يعمل حاجة بيعملها فى صمت مش يطلع ويلبس مناضل مصرى ويقعد فى التحرير ويوقف البلد ولما يخلص يطلع يسهر ويشرب ولايهمه حاجة وهو ده فى نظر اللى زيك مواطن مصرى شجاع صح

بلاش الاحباط اللى انتو معيشينا فيه ده لازم الحياة تستمر ونرتقى من جديد بالوطن ولو كل واحد بدا نقف له ونئوله كنت فين من الثورة يبئا مافيش حد هيشتغل وبعدين الثورة ماكانتش ميدان التحرير وبس ثم هو فين عادل امام وعمر الشريف وغيرهم وغيرهم من الفنانين عمرو دياب فنان مجتهد ولو كان اخطا بعدم نزوله الميدان ده مش هيقلل من حبنا له حتى وان اخطا لان احنا عشقناه بجد ومن الصعب ان احنا ننسى فنه طيب ماهو ابو تريكة اللاعب الخلوق لم يؤيد ولم يعارض الثورة حاله حال كتير من الناس فين الهجوم عليه وبعدين عمرو لم يتعرض واكتفى بالصمت ممكن يكون حب للوطن الدور والباقى على تامر افندى اللى راح الميدان ويئول بابا مبارك ما يستهلش كل ده عموما استمر ياعمرو واعرف ان شباب مصر وعشاقك مازالو يهتفو بس انت تغنى واحنا معاك

شوفتوش الشلل بذمتكم طول مااحنا لسه بنبجل فى العالم دى هنشوف خير ابدا

انا هسيبلكم انتوا الرد فهمونى طول مااحنا لسه بنبجل فى المغنى فلان والفنان علان

هنشوف خير طول مافى حد بيقول احنا بنعشقه ومش هقدر نكرهه يبقا دا خير

واحد لما البلد حصل فيها ازمه وسابها ومشى وبردو بندافع عنه وعايزين نبجل الناس دى تانى

والله حرام وحياة ربنا حرام يارب سترك يارب سترك ياكريم

no comment

معلش يا ميمو اسمحيلي اختلف معاكي
مش غلط اننا نحترم فلان أو علان
لكن الغلط ان التبجيل أو الاحترام دا ينقلب لحد الهوس زي ما هو حاصل
حضرتك اخدتي عينة بسيطة جدا من الردود يعني لو سيبتي الموضوع شوية وقلبتي في الردود هتلاقي ان فيه ردود كتير لناس عاقلة وفاهمة بتشوف الموضوع من زوايا أوسع
مش كل الشعب بيفكر بنفس الطريقة ولا كله للاحداث الجارية نفس التأثير عليه
ومش معاكي برضه في جزئية الحساب على فترة الثورة دي يعني ما نقولش ان فلان دا ساب البلد وقت ماكانوا الناس بتتقتل في التحرير وغيره
في رأيي ان دا له كذا احتمال منها مثلا انه ممكن يكون اتعرض لضغوط زي اللي منى الشاذلي اتكلمت عنها وقالت ان جهة معينة بتفرض عليها كلام محدد (انه يكون توقع مثلا ان حد يطلب منه انه يطلع يشتم زي ما ناس كتير عملت وشاف انه صعب عليه يعمل كدا وكان الحل بالنسبة له أو في رأيه الهروب)
اللي عاوز اقوله بلاش الاحكام المسبقة
بلاش نحكم من غير ما يكون عندنا خلفية بكل الظروف
تحياتي

نورتنى يامنوفى نورتنى يامحمد برايك الى ليه كل احترام وتقدير

بس برائى المتواضع مفيش حاجه وقعت البلد دى الا الفتره الاخيره الى حسينا فيها واعتقد كلنا حسينا باحساسى ان الفنانين دول بقا ليهم مكانه اوى زياده عن اللازم لما الاقى واحد زى عادل امام الى ادواره قمه فى الزتئه وقلى الادب ولا يسرا ولا غاده عبد الرازق دى ولا الناس دى بيتكلموا كانهم حكام فى مصر وبيمثلوا الشعب ولا عمرو دياب انا واحده من الناس الى كنت بسمع عمرو دياب دا جداااااااااااا وكان بالنسبالى هو المغنى الوحيد المحترم بس يعنى لما منعوا منير من انه يغنى ومنعوا اغنيته من النشر مهربش دا راح وغنها واحمد حلمى واحمد السقا وناس كتير ماهما فنانين بردو بس لما الاقى فئه خافت على مصلحتها والبلد تولع تغور فى ستين داهيه لا دول ملهمش لازمه فى حياتنا مينفعش اديهم قيمه اكتر من قيهمتهم معلش انا من وجهة نظرى المتواضعه الناس دى خدت اكتر من حقها وكفايه كده بقا عايزين يبقوا موجودين اهلا وسهلا لكن يمثلونا لا كفايه عليهم كده المصرى كان بيسمى بسقراط زمان واحنا عايزين الزمن دا

نحن لا نعلم ظروف عمرو ديلب او غيره وانا راى فى الفنانين عموما انهم بيركبوا الموجه وبيخافوا على شعبيتهم فقط لا غير وكلهم كانوا مع مبارك اما اليوم فسبحان مغير الاحوال مع انى احب عمرو دياب جدا مش عشان زى اسمى طبعا................ ههههههههههههه.......... والخطوه اللى عملها تعتبر الى حد ما كويسه ......... وعموما انا رايى فيهم انهم يهتموا بمصلحتهم الخاصه اولا واخيرا ........... وانا احترم ارائكم جميعا.........................

memo dream كتب:: نورتنى يامنوفى نورتنى يامحمد برايك الى ليه كل احترام وتقدير

بس برائى المتواضع مفيش حاجه وقعت البلد دى الا الفتره الاخيره الى حسينا فيها واعتقد كلنا حسينا باحساسى ان الفنانين دول بقا ليهم مكانه اوى زياده عن اللازم لما الاقى واحد زى عادل امام الى ادواره قمه فى الزتئه وقلى الادب ولا يسرا ولا غاده عبد الرازق دى ولا الناس دى بيتكلموا كانهم حكام فى مصر وبيمثلوا الشعب ولا عمرو دياب انا واحده من الناس الى كنت بسمع عمرو دياب دا جداااااااااااا وكان بالنسبالى هو المغنى الوحيد المحترم بس يعنى لما منعوا منير من انه يغنى ومنعوا اغنيته من النشر مهربش دا راح وغنها واحمد حلمى واحمد السقا وناس كتير ماهما فنانين بردو بس لما الاقى فئه خافت على مصلحتها والبلد تولع تغور فى ستين داهيه لا دول ملهمش لازمه فى حياتنا مينفعش اديهم قيمه اكتر من قيهمتهم معلش انا من وجهة نظرى المتواضعه الناس دى خدت اكتر من حقها وكفايه كده بقا عايزين يبقوا موجودين اهلا وسهلا لكن يمثلونا لا كفايه عليهم كده المصرى كان بيسمى بسقراط زمان واحنا عايزين الزمن دا

ودا شئ انا متفق معاكي فيه يا ميمو
لكن وجه الاختلاف اني في رأيي مانحكمش عليه غير لما يكون عندنا احاطة بكل جوانب المسألة يعني واحد زي عادل امام دا كان كل ما يطلع يتكلم يقول انا بأيد فلان الفلاني وطلع في اثناء الثورة وقال نفس الكلام
ومجرد ما دفة الامور راحت للناحية التانية غير كلامه وبقا مؤيد
اعتقد ان واحد زي دا كدا الظروف كلها بقيت ظاهرة حواليه بيحاول انه يركب الموجه وبس
انما عمرو دياب او غيره ناس تانية كتير من الفنانين عموما ملهمش موقف ظاهر مفيش عندنا احاطة بالظروف اللي مروا بيها
وهرجع تاني واقولك ان الناس مش زي بعضها كل واحد لما بيتحط في موقف معين بيتصرف بطريقة بتختلف عن غيره من الناس

اقتباس :: نحن لا نعلم ظروف عمرو ديلب او غيره وانا راى فى الفنانين عموما انهم بيركبوا الموجه وبيخافوا على شعبيتهم فقط لا غير وكلهم كانوا مع مبارك اما اليوم فسبحان مغير الاحوال مع انى احب عمرو دياب جدا مش عشان زى اسمى طبعا................ ههههههههههههه.......... والخطوه اللى عملها تعتبر الى حد ما كويسه ......... وعموما انا رايى فيهم انهم يهتموا بمصلحتهم الخاصه اولا واخيرا ........... وانا احترم ارائكم جميعا.........................

بالظبط يا باشا ودا اللي انا بقوله اننا ما نحكمش على حد غير لما نبقى عارفين ظروف المسألة كاملة
لكن انا مش معاك في جزئية ركوب الموجة من الكل دي لأ فيه ناس كتير اتمسكت بمبدأ معين من الاول زي خالد الصاوي وخالد صالح مثلا كانوا مع الثورة من الاول دقيقة بدقيقة في الشارع