بخيل عمل شوربة لحمه فسالوه فين اللحمه؟
قالهم هو شاى العروسه فيه عروسه
************************
واحد بيقول لصاحبه عيب مراتك تحدفك بشبشب واحنا قاعدين قاله:بس بذمتك جه فيا
************************
سالوا صعيدى ايه اخبار الصيام
رد وقال :والله لولا الوضوء كنا متنا من العطش
****************************
بلدينا بعت رساله لاخوه فى امريكا
open god write his book on in in
الترجمه:فتح الله كتب كتابه على فيفى
*****************************
بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
************
بلدينا بيفتح الثلاجة على مهله وببطء شديد ليه؟
عشان يكتشف مين بيفتح النور
************
بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي
الشعراوي؟
قال له: يا أهبل ... ده مجرد تشابه أسماء
************
واحد بلدينا كلما يخلف ولد يموت، اتفق هو ومراته إذا جالهم ولد يسموه مبروك
يوم ما ولدت مراته، طلعت الممرضة، بيسألها، ها؟ إيه اللي حصل؟
قالت له: ألف مبروك يا حاج
رد قال: يا بووووي .... هأصرف عليهم منين دول كلهم؟
************
واحد بلدينا ماشي ع الرصيف
شاف واحد سأله: هو فين الرصيف الثاني؟
رد عليه: الناحية الثانية
بلدينا قال: حاجة تدوخ!! ... والله أنا سألت الناحية الثانية قالو لي هنا!!
************
واحد بلدينا عايز يعمل عملية انتحارية، قام دخل مطعم وضرب نفسه بسكين
تلاتة زباين ماتوا من الضحك!!!
*****************
النكتة دى بقى بخمس نكت واحد عجوز كل يوم يروح البنك ويودع 5000 جنيه فى حسابه... الموظفين
استغربواوفى يوم قال لهم المديرلما ييجى نادوه أكيد هو غنى ولازم نستفيد منه
لما جه الراجل ودخل البنك دخَّـلوه الموظفين على المدير
قالّه المدير: أنت بتشتغل إيه؟..قال: عاطل مابشتغلش
قاله المدير: منين كل الفلوس دى؟: قال:أنا بأراهن الناس بـ 5000 جنيه ودائما باكسب
قاله المدير: مش ممكن ... إحكى الحقيقة ...
قال الراجل: خلاص تراهن بـ 5000 جنيه إنى اقدر أبوس عينى
قال المدير: أراهن...
قام الراجل وفك عينه وباسها ورجعها (عينه زجاج تركيب)
قال الراجل تراهن بـ 5000 جنيه إنى اقدر أعض ودنى
المدير بعد ما فكر واتأكد إن مافيش ودن تركيب قاله: أتحدى
الراجل فك طقم اسنانه وعض به ودنه ورجعه
المدير إداله 10000 جنيه ومشى الراجل
وتانى يوم الصبح لما دخل الراجل البنك نادوه الموظفين ودخلوه على المدير
قاله المدير يا ابن الحلال عشان خاطرى رجعلّى فلوسى
قال الراجل: خلاص أنا حاراهنك على حاجة إذا إنت كسبت حاديلك ال10000 وإذا أنا كسبت تدينى 5000 جنيه
قال المدير على إيه تراهن
قاله الراجل: تراهنى أن لون غيارك الداخلى أزرق
قال المدير وهوفرحان: لا طبعا مش أزرق (متأكد بقى)
قال الراجل: لا أزرق
قال المدير: لا مش أزرق
قال الراجل: خلاص اقلع البنطلون ونشوف
قلع المدير البنطلون وطلع الغيار لونه مش أزرق
وفعلاً رجّع الراجل فلوس المدير
التفت الراجل للموظفين اللى كانوا بيتابعوا وقالهم: أهو قلّعتلكم المدير زي ما راهنتكم
كل واحد يجيب 5000 جنيه حسب الإتفاق
*****************
خطير يا انصارى والله .. ضحكتنى من جد والله .. بارك الله فيك
