سؤال مهم للنقاش ممكن تشاركونى ؟؟؟؟؟؟؟؟؟؟؟؟؟؟؟( المشاركه اجبااااارى)

ايه طبعا اجبارى الى مش هيشارك هيتحظر لمؤاخذه Very Happy

عايزه اسئل سؤال اعتقد ان كل واحد بيسئله ولو فى نفسه وياريت كل واحد يقولنا وجهة نظره

هل الثوره غيرت حاجه

من وجهة نظركم شايفين الثوره عملت ايه

ومن وجهة نظركم بردو ايه سلبياتها وايه ايجابياتها لحد دلوقتى ؟؟؟؟؟؟؟؟؟؟؟؟؟؟

مستنيه تنورونى بردودكم

على الله حد ميردش Laughing

الثوره غيرت نظام........... ومغيرتش فكر الناس
وهى دى اكبر غلطه.... بدليل ظهورالمطالب الفئويه
والله حتى الان ....... لا نستطيع ان نقول هناك سلبيات او ايجابيات
هذه وجهه نظرى المتواضعه

وجهة نظر صحيحه ياعمرو انا معاك فيها وخصوصا انها غيرت نظام وللاسف مغيرتش فكر الناس

الف شكر ليك على التعليق الجميل

انت كده فى الامان ان شاء الله الباقى هيتحظر بدون مقاطعه Very Happy

من وجهة نظرى

ايجابيات الثورة انها اطاحت بنظام بصراحة انا لغاية دلوقتى حاسس انى ف حلم دى هى مش اسقطت النظام دى حبست النظام هههههههه

روح التعاون بين الثوار الحقيقين فالشعب كلة كان ايد وحدة

وقوف الجيش بجانب الثورة لو بصينا برة ع الدول الاخرى اللى حصل فيها ثورات ايضا هنعرف اد اية الجيش ووقوف جانب الثوار ضد الظلم

مشروعية الاعتصام المشروع اللى بنشوفة كل يوم (دا الاول الناس كانت متخيطة )

اهم حاجة عندى بقى انها خلت الكل يفهم فى السياسية ويتكلم فيها ههههههههه

وحاجات تانية كتير انا شايف انها ايجابية بس عشان مطولش

اما سلبيتها بتكمن فى الفكر المصرى لسة زى ماهو مش عاوز يتغير خاااالص ياناس افهمو بقى ف ثورة حصلت اية غيرك نفسك بس انا هقولك على موقف والله العظيم حصل بعد قيام الثورة كان فى شغل روحت اقدم فية على امل ان الدنيا اتغيرت اتقلى كدا بالفظ يا استاذ من الاخر كدا الشغل دا هيكون مقصور على ابنا العاملين واقاربهم انا ابنى مرمى ف الشارع مش هسيبه واخدكم انتم كنت انا وواحد صاحبى فجينا ندخل معاه ف حوار ان الثورة والبلد اتغيرت وهو ولا هو هنا ولا اكن من مصر اصلا فساعاتها حسيت ان لسة برضو ف ظلم

بصراحة موضوع جميل والله تسلمى

شكرا ليك ياسياده النائب على تعليقك الرائع

بس مش شايف ان كتر الاعتصامات وان الناس كلها بقت بتتكلم فى السياسه دى حاجه سلبيه مش

حاجه ايجابيه

ومتزعلش من الكلمتين الى الراجل قالهملك اصل انا اتقلى نفس البؤين دول بالظبط فى الشهر

العقارى بس قبل الثوره بصراحه ههههههههه

يلا اركن بقا جنب اخوك كده انت كمان فى امان خلاص مفيش حظر ابسطوا Very Happy

الاعتصام اساسا حق مشروع كفلة القانون ولكن القانون قبل الثورة مكنش مفعل كان ف امن دولة واعتقال وتعذيب فمكنش ف حد قادر يتكلم كانوا بيمشوا جنب الحيط يا حيطة دارينى (فالاعتصام المشروع انك بتطالب بحق مشروع لك تم انتهاكة والاعتداء عليه)

كتر الاعتصامات دا يوضحلك قد اية الناس كانت مظلومة وبتفك عن نفسهم سيبهم بدل مينتحروا زى ماكان بيحصل الاول واللى يخيطوا بؤهم زى محصل برضو قبل كدا

لالالالا انا شايف الناس كلها دلوقتى بقيت عارفة حقوقها اية ومش بتفرط فيها دا اللى انا اقصدة من ان الناس بقيت تتكلم ف السياسة

اديكى قولت اتقلك كدا قبل الثورة مش بعدها اصل قبل الثورة كنت متعود ع كدا هههههههه

ايوه معلش انا وصلتلى على ان الكل دلوقتى بقا بيفتى فى السياسه ومش سايبين المجال لاصحابه يعنى فعشان كده كنت بقولك انها مش حاجه ايجابيه نأسف لهازوه الفهم الخاطئ Very Happy

بس مش بقيت بتحس ان الاعتصامات بقت على الفاضى والمليان يعنى كل الناس بقت بتظاهر ولو اى حاجه بتظاهروا وخلاص ومتهيالى احنا محتاجين دلوقتى لحاجات تانيه عشان البلد ترجع تقف على رجلها تانى انا مبقولش الاعتصامات غلط بس الى يعتصم يعتصم فى الايام دى بالذات لحاجه ضروريه مش كل حاجه واى حاجه متحسش يعنى انها قلبت بفوضى

شكرا ليك مره تانيه سيادة النائب على مشاركتك فى الموضوع

memo dream كتب:: ايوه معلش انا وصلتلى على ان الكل دلوقتى بقا بيفتى فى السياسه ومش سايبين المجال لاصحابه يعنى فعشان كده كنت بقولك انها مش حاجه ايجابيه نأسف لهازوه الفهم الخاطئ

بس مش بقيت بتحس ان الاعتصامات بقت على الفاضى والمليان يعنى كل الناس بقت بتظاهر ولو اى حاجه بتظاهروا وخلاص ومتهيالى احنا محتاجين دلوقتى لحاجات تانيه عشان البلد ترجع تقف على رجلها تانى انا مبقولش الاعتصامات غلط بس الى يعتصم يعتصم فى الايام دى بالذات لحاجه ضروريه مش كل حاجه واى حاجه متحسش يعنى انها قلبت بفوضى

شكرا ليك مره تانيه سيادة النائب على مشاركتك فى الموضوع

فعلا الاعتصام يبقا بأدب مش مولعيين نار وعامليين فيها ذئاب الجبل ..

فين رايك يامصطفى شايف غيرت ايه ومغيرتش ايه ؟؟؟؟؟؟؟؟؟؟؟؟

memo dream كتب:: فين رايك يامصطفى شايف غيرت ايه ومغيرتش ايه ؟؟؟؟؟؟؟؟؟؟؟؟

صعب ان اقول راىى دلوقت خالص .. لان التغييرات اللى بتحصل كلها وقتية مفيش حاجة ثابتة .. يعنى الاعتصمات والبلطجة والانفلات و الاستغلال وكل المساؤى اللى على الساحة دلوقتى ان شاء الله مش هتستمر .. فلما الاوضاع تستقر هنقدر نحكم ساعتها .. متنسيش يا ميمو ان احنا ماشيين بحكومة انتقالية ودستور مرفوض وجيش يدير البلاد ولا يحكم .. لسة الاوضاع مش مستقرة خالص ..

قال تعالى : ان الله لا يغير ما بقوم حتى يغيروا ما بانفسهم .. صدق الله العظيم . يا رب ان شاء الله نغير للافضل والاحسن باذن الله ..

الشئ الإيجابى الوحيد :القضاء على النظام الفاسد ومحاسبتهم وكشف الفساد

الأشياء السلبية : - أن الحرية تحولت إلى فوضى

- أنه ليس هناك إحترام لشخص واحد فى الدولة وأتحدى أن تجدوا ليا شخص

يحترم الآن بإختلاف المهن والأوساط سواء كان رئيس أو وزير أو قاضى أو

ضابط شرطة أو طبيب أو أى حد .. بين الحرية والفوضى شعرة

- البلطجية يحكمون مصر وليس شرط أن يكون البلطجى ماسك مطوة فهناك

بلطجة الفكر وهناك بلطجة الإعلام

- أصحاب الصوت العالى هم من يقودون البلد ويحوزوا على رضا الناس

ودا بسبب الحرمان من الكلام فى النظام السابق

- أخيرا معلش فى فرق بين الإعتصام المنضبط الذى لا يوقف حال العمل

وبين الإعتصام الذى يعطل البلد وهيرجعنا سنين ورا .. فإعتصام العمال

والموظفين الذى يترتب عليه الإضراب عن العمل دا قمة قلة الأدب وبيخسر

الدولة كتير وكذلك الإعتصام الجماهيرى أيضا الذى يوقف العمل ويعطله

دا برضو قمة الهبل وقلة الأدب وخاصة إذا كان ينطوى على إساءة لأشخاص

بأعينهم .. يمكن تكون نظرتى تشاؤمية بس دا حال البلد فى الفترة دى ..يمكن

يتعدل فى الشهور الجاية خاصة أن الواحد مننا تعطل مستقبله وأصبح غامض

فى الوقت اللى ناس كتير شايفة إن مستقبلها هيكون أحسن بعد الثورة بس أكيد

دول مش إحنا المتقدمين للهيئات القضائية وتعطلت حياتهم بسبب الثورة

ان شاء الله نتمنا انها تستقر يامصطفى والى بيحصل دا ميستمرش طويلا

نورتنى بمشاركتك الجميله

ملهاش لازمه الحته الايجابيه دى ياانصارى Very Happy

والله عندك حق فى كل الى قولته وهى مش نظره تشاؤميه فعلا الثوره الناس استغلتها غلط للاسف وعشان تنتج ثمارها صح لازم احنا نتغير فى حاجتا كتيييييييييييييير

شكرا ياانصارى على تشريفك للموضوع ومشاركتك الرائعه

ايه ده هو كان فى ثوره وانا معرفش
غريبه محدش قاللى
!!!!!!!!!!!!!!!!!!!!!!!!!!!

ههههههههههههههههههههههههههه
انتي عايشة في عصر الظلام ولا ايه يا نودي
متشغليش بالك دا اللي حصل حاجة بسيطة كده
شكة دبوس يعني
affraid

طيب الحمد لله انك طمنتنى
بس قولى الثوره دى كانت عشان ايه
اوعى تصدمنى وتقول ان بابا حسنى وماما سوزى وانكل جمال وابيه علاء ليهم علاقه بيها
هههههههههههههههههههههههههههههههههه

الثوره غيرت الناس خلتهم يطلبوا كل حاجه في نفسهم حتي لبن العصفور

بس إللي ما أتغيرش إن مافيش حد بردوا قادر يجيبهولهم

[b]

أحمد المنوفى كتب:: ههههههههههههههههههههههههههه
انتي عايشة في عصر الظلام ولا ايه يا نودي
متشغليش بالك دا اللي حصل حاجة بسيطة كده
شكة دبوس يعني

فين رايك يامنوفى محظوووووووووووووووووور Very Happy

الاميره نودى كتب:: ايه ده هو كان فى ثوره وانا معرفش
غريبه محدش قاللى
!!!!!!!!!!!!!!!!!!!!!!!!!!!

ياصلاة النبى عثل عثثثثثثثثثثثثثثثثثثثثثثثثل ههههههههه

Hoba kh كتب:: الثوره غيرت الناس خلتهم يطلبوا كل حاجه في نفسهم حتي لبن العصفور

بس إللي ما أتغيرش إن مافيش حد بردوا قادر يجيبهولهم

[b]

ماهو المشكله ان لبن العصفور مش موجود طب يجيبهولهم ازاااااااااااى Very Happy

تسلمى ياقمر على ردك ومشاركتك الجميله دى

انا هجاوبك واقولك ان الثورة لسه مستمرة صدقينى انا شايفه اننا لسه فى ثورة علشان كده نتائج الثورة صدقينى هتكون بعد سنين انا شايفه مفيش اى نتائج حتى الان

» كارثة استيراد القمح ..... موضوع للنقاش
» حديث مع نفسى الأمارة بالسوء ..دعوه للنقاش
» ممكن اقترح ممكن
» موضوع للنقاش؟؟؟؟؟؟؟؟؟؟؟؟؟؟؟؟
» بدء مسابقة افضل شاعر فى المنتدى ارجو المشاركه من الجميع...........