بنت الجيران و ما ادراك ما بنت الجيران

الاميرة نودي كتبت :
الحكاية بتبدأ من حوالى سنتين....
العفش بينزل من على عربية النقل...


و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..
و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. زوجه الراجل عدت عليا النهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)
و أثناء الحديث الشيق ده..
طلعت والده الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...
و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...
و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...
لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
"








***********



"
"
"
قالتلى عندى 3 سنين



رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض
******************************************
انا لقيت ان مفيش مقالب بتتعمل فيكوا
فقلت لازم اعمله فيكم مره من نفسى سامحنى يارب

الموضوع الاصلي حصل به بعض التعليقات الغير لائقة فتم حذفه
بكرر اسفي لصاحبة الموضوع للاضطرار لمسحه ولكن قوانين المنتدي تقتضي ذلك ...

طب ايه اللى حصل لاحسن كدة الفضووول هيقتلنى

تسلم ايدك بجد يانودى مقلب جامد جدا

هو الحل ياجماعة اننا نعتير ان الحكاية انتهت عند لما شالها
ودى النهاية الجميلة اللى ............الخ


كلاكيت تانى مرة اعادة تعليقات

هههههههههههههههههههه
تانى مره
مينفعش يا ميدو الحكايه تنتهى انه شالها وخلاص
عشان الناس متفهمناش غلط
ههههههههههههههههههههههههههه
ولا ايه رأيك يا منوفى
ههههههههههههههههههههههههههههههههه

نورت يا مصطفى

ههههههههههههههه
افهم ايه انا من ده

لا الا الجزء الاخير محدش يكرره واللى هيكرره
هكررالجزء الاسود اللى فى حياته
هه

تمام يا فندم
كله اللى تقوله جار تنفيذه معاليك
احنا تحت الامر يا باشا

كلنا فدا الاوامر معاليك
وانا اقدر اخالف
ده انا اتعلق
ومدخلش المنتدى تانى

ههههههههههههههه
بس بقى عشان محدش يمسك فيك

طيب خلاص مادام انا استثناء بقى
يبقى اعمل اللى انا عايزاه
محدش يقولى حاجه

على الاخر على الاخر يعنى؟؟؟؟؟؟؟؟؟
اى حاجه بقى اعملها
ان شاء الله امشيك من المنتدى يا منوفى

لا يا باشا وانا اقدر اعملها
ده انا امشيك وامشى وراك على طول
انا مقدرش اقعد فى المنتدى وانت مش فيه
دول ياكلونى
ههههههههههههههههههههههه