النيابة العامة دفعة 2009

واحد من الناس كتب:

انت شايف يا على 5020 باشا

الى عنده اقتراح مدروس لحل مشكلتنا يقوله وبسرعه

الزميل السفاح بينظم حاجة لو عايز تنضم أبعتلوا رسالة

هيا العمليه كدا عاوزة شويه صبر على ما تفرج ان شاء الله لان العمليه كدا شكلها فيها بقولكوا ايه يا جماعه سيبونا من الموضوع دا ننسوه أحسن عشان نرتاح نفسيا وعصبيا ويلا بينا نشوف شغلنا وحالنا اللى حيسافر يسافر واللى حيشتغل يشتغل مفيش غير هوا دا الحل الاصلح لنا عشان لو الميعاد اتأجل عن كده احتمال نصاب بصدميه عصبيه أرضيه جويه ونمشى نخرف فى الشوارع هوا وضع مؤلم لكن لابد لنا من التعود عليه حسبى الله ونعم الوكيل

mostafa_mostafa كتب:

لا اله الا الله .. اللى خلاكو صبرتوا سنــــــتين مش قادرين تصبروا اسبوعين ..

ايه يا درش شكلك عارف حاجه ؟؟؟؟؟؟؟؟؟

ibrahim magdy كتب:

mido aser4 كتب:

فى اجتماع لمجلس القضاء يوم الاتنين القادم 13/6
وهيناقش فيه امر دفعتكوا
يامسهل

المعلومة دي أكيدة يا باشا ولا إيييييييييييييييييييييييييييه ؟؟؟؟؟

ايوة ان شاء الله ويارب يكون فيه جديد والموضوع يقرب
خصوصا ان سرى صيام لسة ماطلعش معاش واى كلام عن عدم اعلان الدفعة فى عهده كلام سابق لاوانه مع وجود كلام عن الدفعة
ان شاء الله خير

لاحول ولا قوة الا بالله

أعلن المستشار الدكتور سري صيام رئيس محكمة النقض ورئيس مجلس القضاء الأعلى أن المجلس سوف يناقش، السبت القادم، كافة الأوراق المتعلقة بموضوع حديث المستشارين علاء الدين سليمان شوقي وحسن النجارالرئيسين
بمحاكم الاستئناف، من خلال إحدى القنوات الفضائية، حول اختصاصات القضاء العادي والقضاء العسكري .

وأشار صيام إلى انه تلقى من المستشار محمد عبد العزيز الجندي وزير العدل كافة الأوراق المتعلقة بهذا الموضوع.

وناشد المستشار صيام في بيان له، الاربعاء، الكافة بما فيهم القضاة ووسائل الإعلام بالتوقف عن الخوض في هذا الموضوع وإصدار التصريحات أوالادلاء بالتعليقات في شأنه حتى يتهيأ لمجلس القضاء الأعلى المعني بشئون القضاء والقضاة والحريص على استقلالهما، اتخاذ ما يحقق الصالح العام في ظل الظروف الدقيقة التي تمر بها مصر.



منقول من موقع مصراوى

[ندعوك للتسجيل في المنتدى أو التعريف بنفسك لمعاينة هذا الرابط]

دة خبر بيقول أن مفيش الحاق لخريجى الحقوق بالشرطة علشان بس الناس اللى كانت بتتكلم فى الموضوع دة.

قرر المستشار الدكتور سري صيام رئيس محكمة النقض ورئيس مجلس القضاء الأعلى تشكيل لجنة قضائية عليا برئاسته تضطلع بمهام دراسة مشروع قانون لإنشاء أكاديمية القضاء.. وذلك في ما يعد أولى الخطوات الجادة والعملية في شأن هذا المشروع بعدما ظل حبيسا للأدراج لسنوات طوال.

وحددت اللجنة في ختام اجتماعها الاثنين المهام التي ستضطلع بها أكاديمية القضاء.. حيث ستتولى المعاهد المتخصصة بداخل الأكاديمية إعداد المتفوقين من خريجي كليات الحقوق والشريعة والقانون للتعيين بالهيئات القضائية المختلفة، وفقا لأعلى المعايير الموضوعية التي يحددها القانون، وكذلك التدريب المستمر لأعضاء السلك القضائي.

وأكدت اللجنة - التي ستعقد جلسات متتالية بدار القضاء العالي لدراسة مشروع قانون إنشاء أكاديمية القضاء حتى يتم الانتهاء منه على أهمية إنشاء الأكاديمية تحقيقا لمبدأ المساواة وبما يساهم في انتقاء أفضل العناصر للعمل بسلك القضاء، وضرورة أن تتولى الأكاديمية إعداد أعوان القضاء من الخبراء والطب الشرعي والشهر العقاري والتوثيق وأقلام كتاب المحاكم والنيابات، وذلك لرفع كفاءة هذه الأجهزة المعاونة.

وأشارت اللجنة إلى ضرورة أن تظل الأرض التي تم تخصيصها مسبقا لإقامة مباني أكاديمية القضاء، للغرض المخصصة من أجله، وأن يراعى في أحكام المشروع صون استقلال السلطة القضائية وتولي كل هيئة قضائية شئون أعضائها.

وتضم اللجنة في عضويتها كلا من المستشارين:- محمد حسام الدين الغريانى نائب رئيس محكمة النقض - على الصادق نائب رئيس محكمة النقض ومساعد أول وزير العدل - محمد عيد سالم نائب رئيس محكمة النقض والأمين العام لمجلس القضاء الأعلى - عدنان فنجرى النائب العام المساعد ومدير التفتيش القضائى - أحمد الحسينى نائب رئيس محكمة النقض ورئيس المكتب الفني - علاء الدين مرسي نائب رئيس محكمة النقض ومدير نيابة النقض - عمر مروان رئيس محكمة الاستئناف ومساعد وزير العدل.

كما تضمن قرار تشكيل اللجنة أن يتولى أعمال الأمانة الفنية الخاصة بها كل من المستشارين عادل ماجد نائب رئيس محكمة النقض ورئيس إدارة البحوث والتوثيق والعلاقات الدولية، وعلاء الدين سمهان عضو الأمانة العامة لمجلس القضاء الأعلى.



منقول من موقع مصراوى

[ندعوك للتسجيل في المنتدى أو التعريف بنفسك لمعاينة هذا الرابط]

دة خبر بيقول أن فى أجتماع لمجلس القضاء يوم السبت لمناقشة أزمة تصريحات القضاه عقب تحويل الملف من وزير العدل الى مجلس القضاء , و بذلك تكون حلت المشكلة إن شاء الله و يا رب يفتكرونا بقى .

الأخ أحمد بدر الخبر دة قديم بقالة أكثر من 10 أيام و سبق نشرة فى المنتدى . و ليس لدفعتنا به علاقة إلا إذا لم تصدر فى هذا الشهر و بالتالى أحتمال كبير أن تلغى و يتم ألحاقنا بها عقب صدور القانون و دة هيكون على شهر 1 القادم .

اكاديميه ايه دلوقتى يا جماعه عينونا باءه الواحد جاب سولار هى الناس دى من عالم تانى ولا ايه

احنا لسه هانروح اكادميه تانى ولى ينجح ينزاله تحريات من اول وجديد هى الناس دى فاضيه ولا ايه

mostafa_mostafa كتب:

ibrahim magdy كتب:

للأسف خلاص أنسوا حاجة تطلع الشهر ده ، للأسف كلام التعلب طلع صح ، لسة جايلي خبر من واحد من جوة المجلس إن سري هيطلع معاش ومش هيطلع الدفعة ، حسبي الله ونعم الوكيل وأنتوا كمان حسبنوا كل دقيقة علي كل من كان السبب في عدم ظهور الدفعة

يا هيما يا حبيبى هو شهر 6 خلص واحنا مش عارفيين .. برجاء يا جماعة الصبر .. كلامكم سابق لاوانه جدا لسة فى اجتماعات جاية وستناقش فيها امر الدفعة .. ومازال سرى صيام موجود حتى الان .. وان شاء الله امر الدفعة سينتهى فى شهر 6 باذن الله ..

والله يا باشا انا عن نفسي أمنية حياتي أبقي متفائل بس بعد اللي حصل انهاردة والمعلومات اللي جتلي من جوة مجلس القضاء ومن جوة مكتب النائب العام خلاص بقي كلي احباط ونكد ، حسبي الله ونعم الوكيل فيك يا اللي في بالي

باقي من الزمن 13 يوم يعني اقل من اسبوعين ... و على حد علمي ان المستشار سري بيه هيطلع يوم 21 مش اخر الشهر و الله يا جماعه كلها 13 يوم و كل واحد يشوف حاله بس اقسم بالله ما انا عارف ابدأ منين ادور على وظايف ازاي يعني ... استغفر الله العظيم

aly2050 كتب:

الأخ أحمد بدر الخبر دة قديم بقالة أكثر من 10 أيام و سبق نشرة فى المنتدى . و ليس لدفعتنا به علاقة إلا إذا لم تصدر فى هذا الشهر و بالتالى أحتمال كبير أن تلغى و يتم ألحاقنا بها عقب صدور القانون و دة هيكون على شهر 1 القادم .

ايه ايه يا استاذ على انت بتتلكم فى ايه

الاكادميه قدامك وقت طويييييييييييييييييييييل جدااااااااااااااااااا على بال ما تنبنى وتشتغل

انت عايز دفعه 2008 و2009 يتم الحافهم بالاكادميه دى

ههههههههههههههههه يدينا ويديك طوله العمر

واحد من الناس كتب:

aly2050 كتب:

الأخ أحمد بدر الخبر دة قديم بقالة أكثر من 10 أيام و سبق نشرة فى المنتدى . و ليس لدفعتنا به علاقة إلا إذا لم تصدر فى هذا الشهر و بالتالى أحتمال كبير أن تلغى و يتم ألحاقنا بها عقب صدور القانون و دة هيكون على شهر 1 القادم .

ايه ايه يا استاذ على انت بتتلكم فى ايه

الاكادميه قدامك وقت طويييييييييييييييييييييل جدااااااااااااااااااا على بال ما تنبنى وتشتغل

انت عايز دفعه 2008 و2009 يتم الحافهم بالاكادميه دى

ههههههههههههههههه يدينا ويديك طوله العمر

يا باشا أنا مجبتش سيرت 2008 خالص علشان دول باقوا و كلاء خلاص الحمد لله و كمان اللى أنت متعرفوش أن القانون لو صدر معناه أنه معهد درسات القضاء اللى فى العباسية هينضم للأكاديمية و ممكن عادى تبتدى فيه الدراسة لحد لما المكان الجديد يتبنى .

((( أحمد باشا المنوفي ))) مش بعرف ابعت رسايل بيقولي لا تستطيع لقلة مساهماتك

اللهم انى احمدك على كل قضائك وجميع قدرك .. حمد الرضا بحكمك لليقين بحكمتك.

الحمد لله رب العالمين

صاحبى والده مستشار كنت خارج معاه دلوقتى يا جماعه والده اتصل بيه يطمنوا وقاله ان فى اجتماع بكره ان شاء الله بحضور المحامى العام لكى يتم البت فالدفعه نظرا للشكاوى المقدمه من المستشارين اولياء امور زمايلنا فالدفعه وكثره الشكاوى ايضا المقدمه مساعدى ووكلاء النيابه بسبب الكم الهائل من القضايا والدعاوى واكدلى الكلام دا واحد صاحبى تانى والده مستشار بردوا

وفعلا ابن عمتى وكيل نيابه قدم شكوى اول امبارح واخوه ابن عمتى التانى بردوا قدم شكوى للمجلس الاعلى وللنائب العام


يارب الايام الجايه يكون فيها خير يا جماعه