اسئله والجواب اجبارى

. نبـــدآ بـالآسئلـــة الآن ..

1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

12-ماهي حكمتك بالحياة ؟

13-ماالذي يحزنك ؟

14-ماالذي يغيظك ؟

15-ماالذي يفرحك ؟

16-افضل شخصيه في رأيك ؟

17-اى من قراء القرءان تفضل؟

18-لو خيروك تكون مشرف أي قسم تختار ؟

19-من هم الأعضاء اللي تود مصادقتهم ؟

20-من هم الأعضاء اللي تتمنى تشوفهم؟

21-من العضو اللي تحب يضيفك لقائمة الأصدقاء ؟

22-رأيك بـ الصداقـه بيـن الجنسيـن؟

23-عضو عاجبتك صورته الشخصيه وتوقيعه ؟

24-عضو نشيط... ؟

25-عضو مفقود... ؟

26-عضو واثق من نفسه ... ؟

27-عضو داخل مزاجك ... ؟

28-عضو تتمنى تلقتي به ... ؟

29-عضو مثقف ... ؟

30-عضو نفسك تغير اسمه ... ؟

31-عضو نفسك تضربه هههه ... ؟

32-عضو نفسك تقول له ( برافو عليك ) ... ؟

33- عضو تهديه بيت شعر ايه هو بيت الشعر ؟ ومين العضو ؟

34-ماهو رأيك بالحب ؟

35- صــف نفســـك بكلمتيـــن فقـــط..!

36 -مــاهــو الشــئ الذي ندمــت علــي عمـلــــه؟!؟

37 -كـلمـــة تمنيـــــت ان تسـتطيـــع سحـبهــــا؟!؟

38 -آخـــر شخـــص تتـــذكــــره قبـــل أن تنـــــام؟!؟

39 -جــريمــة تتمنـــي لـــو تستطيـــع ارتكابهــــا؟!؟

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

41-شخـــص لطــالما حـــلمـــت بــــه؟!؟

42 -دمـعـــه انـذرفــــت رغـمــاً عنـــك؟!؟

43 -مـوقـــف صــدمــك ولــن تنســــاه؟!؟

44 -شـخــص تتمنــي الإنتقــام منـــه؟!؟

45-شــئ او عمــل لا تستطيــع مســامحته؟!؟

46-شــئ او شخــص غيــّر مجــري حياتـــك؟!؟

47-حلم لا تستطيـــع تحقيقه؟!؟

48-كلمة تود سماعها كل يوم؟!؟

50 -طالع رحله بريه من تاخذ معك ؟؟

51 - غرق المنتدى ومعك قارب مايشيل الا ثلاثه من تاخذ معك ؟

اتمنى تعجبكم الاسئلة ... وسوري على الاطالة ...
انا دلوقتى قريت الموضوع واقسم بالله هرد بصراحه


انت / انتى دلوقتى اقسمتوا انكوا هتردوا بصراحه
يلا بقى عايزه اشوف الاجابات

صباح الفل دا مين اللى هيجاوبلك على الاسئله دى كلها يا نودى طب جاوبى انتى الاول ونجاوبك دا الواحد على ميجاوب يكون الفجر ادن

طب توضيح بس بالنسيه للاسئله الخاصه بالاعضاء ممكن حد يجاوب باسم عضو واحد فى كذا سؤال ولا لازم اسم عضو واحد بس وميتكررش ولا ايه

yasserahlawy كتب:

طب توضيح بس بالنسيه للاسئله الخاصه بالاعضاء ممكن حد يجاوب باسم عضو واحد فى كذا سؤال ولا لازم اسم عضو واحد بس وميتكررش ولا ايه

لا عادى ممكن تكرر براحتك

وانا هجاوب ماشى الاول

1-اسمك المستعار ؟
الاميره نودى
2-سبب اختيارك لهذاالاسم ؟
مش عشان حاجه بس الدلع بتاعى نودى
3-الهوايات ؟
النت مفيش غيره
4-افضل شهـر بالسنه والسبب ؟
10 عشان اتولدت فيه
5-حلمك في الحياة؟
نفسى اطلع حاجه كويسه
6-أجمل سنوات مرت عليك؟
السنوات دى اللى انا فيها
7-البرامج المفضلة؟
برنامج لحظه الحقيقه
8-شخصيتك ( عصبي ، رومانسي ، ....... )؟
عصبيه جدا وفى نفس الوقت طيبه
9-اجمل بلد زرتها ؟
ما فيش احلى من مصر
10-ماهو لونك المفضل ؟
البنفسجى
11-من هو مثلك الاعلى ؟
ماما
12-ماهي حكمتك بالحياة ؟
اجعل قلبك كالقبر لا يدخله سوى واحد ولا تجعله كالبئر يشرب منه كل واحد
13-ماالذي يحزنك ؟
الفراق
14-ماالذي يغيظك ؟
الخيانه
15-ماالذي يفرحك ؟
لما اتمنى حاجه وربنا يحققهالى
16-افضل شخصيه في رأيك ؟
الرسول صلى الله عليه وسلم
17-اى من قراء القرءان تفضل؟
ماهر المعيقلى
18-لو خيروك تكون مشرف أي قسم تختار ؟
الفكاهه والنكت
19-من هم الأعضاء اللي تود مصادقتهم ؟
كلهم
20-من هم الأعضاء اللي تتمنى تشوفهم؟
كلهم برضه
21-من العضو اللي تحب يضيفك لقائمة الأصدقاء ؟
كلهم هههههههههههههه
22-رأيك بـ الصداقـه بيـن الجنسيـن؟
كويسه لو قائمه على مبدأ الادب
23-عضو عاجبتك صورته الشخصيه وتوقيعه ؟
احمد المنوفى
24-عضو نشيط... ؟
مصطفى
25-عضو مفقود... ؟
الخطيب والانصارى
26-عضو واثق من نفسه ... ؟
ميدو
27-عضو داخل مزاجك ... ؟
ميمو
28-عضو تتمنى تلقتي به ... ؟
كلهم
29-عضو مثقف ... ؟
هوبا
30-عضو نفسك تغير اسمه ... ؟
مفيش حد
31-عضو نفسك تضربه هههه ... ؟
اممممممممممممم مفيش
32-عضو نفسك تقول له ( برافو عليك ) ... ؟
احمد المنوفى
33- عضو تهديه بيت شعر ايه هو بيت الشعر ؟ ومين العضو ؟
محدش
34-ماهو رأيك بالحب ؟
من غير حب مينفعش نعيش
35- صــف نفســـك بكلمتيـــن فقـــط..!
مادح نفسه كاذب
36 -مــاهــو الشــئ الذي ندمــت علــي عمـلــــه؟!؟
(اجابه شخصيه)
37 -كـلمـــة تمنيـــــت ان تسـتطيـــع سحـبهــــا؟!؟
الحلفان
38 -آخـــر شخـــص تتـــذكــــره قبـــل أن تنـــــام؟!؟
مفيش حد معين بتذكر ناس كتير
39 -جــريمــة تتمنـــي لـــو تستطيـــع ارتكابهــــا؟!؟
الهروب
40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
(اجابه شخصيه)
41-شخـــص لطــالما حـــلمـــت بــــه؟!؟
(اجابه شخصيه)
42 -دمـعـــه انـذرفــــت رغـمــاً عنـــك؟!؟
فراق حد عزيز عليا
43 -مـوقـــف صــدمــك ولــن تنســــاه؟!؟
زى اللى قبله
44 -شـخــص تتمنــي الإنتقــام منـــه؟!؟
محدش
45-شــئ او عمــل لا تستطيــع مســامحته؟!؟
مفيش
46-شــئ او شخــص غيــّر مجــري حياتـــك؟!؟
(اجابه شخصيه)
47-حلم لا تستطيـــع تحقيقه؟!؟
الهروب
48-كلمة تود سماعها كل يوم؟!؟
دعاء ماما ليا
50 -طالع رحله بريه من تاخذ معك ؟؟
مع نفسى
51 - غرق المنتدى ومعك قارب مايشيل الا ثلاثه من تاخذ معك ؟

هرمى القارب ونغرق كلنا
هههههههههههههههههههههههه

mostafa_mostafa كتب:

yasserahlawy كتب:

طب توضيح بس بالنسيه للاسئله الخاصه بالاعضاء ممكن حد يجاوب باسم عضو واحد فى كذا سؤال ولا لازم اسم عضو واحد بس وميتكررش ولا ايه

ايوة يعنى انت عايز اى دلوقت .. عشان وربنا قريت كلامك اكتر من مرة .. انى افهم كلمة ما فهمت ..

ههههههههههههههههههههههههههه انا حصلى كده بردو هههههههههههه

هو قصده ان فيه اسئله بتسأل عن الاعضاء
ممكن يجاوب اسم اكتر من مره يعنى
وبعدين انتى ليه ماجوبتيش يا ميمو

1-اسمك المستعار ؟

ميمو

2-سبب اختيارك لهذاالاسم ؟

مبحبش الاسامى الفافى فحسيت ان ميمو مسترجل كده ومخشوشن فاصبح الاسم المستعار

3-الهوايات ؟

الشعر والكتابه

4-افضل شهـر بالسنه والسبب ؟

كل الشهور عندى جميله الحمدلله


5-حلمك في الحياة؟

ان ربنا يرضى عنى ويكرم نفسى بالرضا

6-أجمل سنوات مرت عليك؟

الحمدلله سنوات عمرى كلها جميله ربنا يديمها عليا نعمه

7-البرامج المفضلة؟

واحد من الناس

8-شخصيتك ( عصبي ، رومانسي ، ....... )؟

لو فى اختيارات تانيه هقول بس انا لاكده ولاكده ههههههههه

9-اجمل بلد زرتها ؟

مطلعتش بره مصر بس جوه مصر الاقصر تحفه

10-ماهو لونك المفضل ؟

الروز والموف

11-من هو مثلك الاعلى ؟

مش عارفه بحس ان المثل الاعلى بيكون كذا حد مش حد واحد بمعنى ان المثل الاعلى بيكون فى فعل معين حصل وبتمنى انه يبقا موجود فيا التصرف دا او الصفه دى وبالتالى انا مثلى الاعلى افعال اكتر منه اشخاص يعنى مش هيبقا حد معين مثلى الاعلى فى بابا وماما وفى اخويا الكبير وفى زوجى وفى اى حد اعرفه عمل تصرف او فيه صفه انا اتمنى انها تكون فيا

12-ماهي حكمتك بالحياة ؟

القناعه كنز لايفنى

13-ماالذي يحزنك ؟

دمعة طفل او شخص كبير فى السن

14-ماالذي يغيظك ؟

الغباء

15-ماالذي يفرحك ؟

حب الناس ليا

16-افضل شخصيه في رأيك ؟

اكيد الرسول صلى الله عليه وسلم ولكن مننا احنا البشر الشيخ محمد متولى الشعراوى ربنا يرحمه ويسكنه فسيح جناته

17-اى من قراء القرءان تفضل؟

الشيخ عبدالباسط عبدالصمد

18-لو خيروك تكون مشرف أي قسم تختار ؟

قسم الاشعار

19-من هم الأعضاء اللي تود مصادقتهم ؟

بحس ان كل المنتدى اخوات اصلا فمفيش حد معين كله كله اخواتى

20-من هم الأعضاء اللي تتمنى تشوفهم؟

jojoوانوش ربنا يرجعهم بالسلامه ونودى

21-من العضو اللي تحب يضيفك لقائمة الأصدقاء ؟

انا بعتبر كل المنتدى اخواتى وبحترمهم جدا وبحس فيهم بروح التعاون والاخوه الى بجد وبالتالى احنا كلنا متضافين عند بعض اخوات بتجمعنا روح الاخوه

22-رأيك بـ الصداقـه بيـن الجنسيـن؟

هو ممكن رائى قديم شويه او انا تفكيرى قديم بس انا شايفه ان مفيش حاجه اسمها ولد وبنت اصدقاء يعنى لو كمنتدى زى هنا كده وكلنا بنفيد بعض وكلنا بنتعلم مع بعض مفيش مشكله لكن بنت تعتبر ان شاب معين صديقها او العكس فانا شايفه فى الحاله دى ان مفيش حاجه اسمها صداقه بين ولد وبنت كل شخص يصاحب من جنسه مش من قلة الولاد والنبات يعنى هههههه

23-عضو عاجبتك صورته الشخصيه وتوقيعه ؟

توقيع المنوفى والصوره الشخصيه للانصارى بحب انا الصور السيرلزيم دى هههههه

24-عضو نشيط... ؟

المنوفى والاميره نودى

25-عضو مفقود... ؟

jojoوانوش ومحمود واحمد ناجح

26-عضو واثق من نفسه ... ؟

الانصارى ومصطفى


27-عضو داخل مزاجك ... ؟

الاميره نودى

28-عضو تتمنى تلقتي به ... ؟

كل البنوتات الحلوات عقبال مايرجعوا الباقيين بالسلامه يارب وساعتها نعمل خوطه ونحتل المنتدى احتلال دائم ونطرد كل الاعداء ههههههههه

29-عضو مثقف ... ؟

المدير العام طبعا هههههههه

30-عضو نفسك تغير اسمه ... ؟

مفيش

31-عضو نفسك تضربه هههه ... ؟

عايزه اضربك انتى عشان ايدى وجعتنى من الكتابه ههههههههه

32-عضو نفسك تقول له ( برافو عليك ) ... ؟

الاميره نودى عامله مجهود جامد انتى والمنوفى

33- عضو تهديه بيت شعر ايه هو بيت الشعر ؟ ومين العضو ؟

المدير العام .......... أحبـك حُبـيـن حــب الـهـوى... وحـبـاً لأنـــك أهـــل لـذاكــا

34-ماهو رأيك بالحب؟

اجمل مافى الدنيا لو حقيقى وطاهر

35- صــف نفســـك بكلمتيـــن فقـــط..!

متهيالى صعب الانسان يوصف نفسه

36 -مــاهــو الشــئ الذي ندمــت علــي عمـلــــه؟!؟

انى قررت ارد على الاسئله دى ههههههههه

37 -كـلمـــة تمنيـــــت ان تسـتطيـــع سحـبهــــا؟!؟

بطبيعتى قليلة الكلام ولما بتكلم بحاسب على كلامى اوى فمش عارفه مفيش

38 -آخـــر شخـــص تتـــذكــــره قبـــل أن تنـــــام؟!؟

انا عامله زى الى عنده سنتين احط راسى على المخده انام قتيله علطول بلاش حسد ماشى ههههههه

39 -جــريمــة تتمنـــي لـــو تستطيـــع ارتكابهــــا؟!؟

مفيش بس عندى احساس جبار انى عايزه اضربك زهقت من الكتابه هههههههههه

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

من المدير العام

41-شخـــص لطــالما حـــلمـــت بــــه؟!؟

مفيش

42 -دمـعـــه انـذرفــــت رغـمــاً عنـــك؟!؟

منزرفتش لسه دموع غصب عنى لاعاشت ولاكانت الى تيجى غصب عنى دى يابمزاجى يابلاش ههههههههه

43 -مـوقـــف صــدمــك ولــن تنســــاه؟!؟

انا نسياه يبقا اكيد مفيش موقف ههههههههههه

44 -شـخــص تتمنــي الإنتقــام منـــه؟!؟

مفيش حد الحمدلله

45-شــئ او عمــل لا تستطيــع مســامحته؟!؟

مفيش الحمدلله

46-شــئ او شخــص غيــّر مجــري حياتـــك؟!؟

المدير العام

47-حلم لا تستطيـــع تحقيقه؟!؟

الحمدلله كل احلامى متحققه يمكن كانت النيابه ومتحققتش بس مش مهم جايز كانت تيجى عليا بخساره بلاها هههههههههههه

48-كلمة تود سماعها كل يوم؟!؟

ايه الملل دا كل يوم لا مفيش

50 -طالع رحله بريه من تاخذ معك ؟؟

لوفيها اسود ونمور والجو دا هبعت اخواتى فى المنتدى ومش هروح ههههههههههه

51 - غرق المنتدى ومعك قارب مايشيل الا ثلاثه من تاخذ معك ؟

الكدب خيبه هاخد المدير العام والمكانين التانين هسيبهم فاضيين عشان يبقا فى فسحايه ميبقاش المكان ضيق علينا والمنتدى بقا ربنا معاهم هههههههههههه

ياساتر اخيرا خلصت هههههههههههههه

تسلمى ياقمر على الاسئله

الاميره نودى كتب:

هو قصده ان فيه اسئله بتسأل عن الاعضاء
ممكن يجاوب اسم اكتر من مره يعنى
وبعدين انتى ليه ماجوبتيش يا ميمو

دا سؤال بردو يانودى انتى مش شايفه الاسئله سهله وقصيره ازاى

ههههههههههههههههههههههههههههههههههههه
ضحكتيني جدا يا ميمو في معظم اجاباتك
بس حلو الصراحة
هاخد المدير العام و بس يغرق الباقي مش مشكلة
ههههههههههههههههههههههههههههههههههههههههههه
يا جدعان انا قولتلكم من زمان نعمل انقلاب علي ميمو و محمود و نحتل المنتدي رسمي
اهو بتبيع الكل في اول لحظة
ههههههههههههههههههههههههههههههههههههههههههههههههههه

شوية كده يا نودي و هجاوب علي الاسئلة

انا بصراحه نفسي أجاوب بس الأسئلة كتيرة قوي يانودي وبعدين هو محدش هيجاوب

غير البنات ولا إيه

[b]

وانا اوعدك اني هجاوب ان ماكنش النهارده يبقي بإذن الله بكره

[b]

. نبـــدآ بـالآسئلـــة الآن ..

1-اسمك المستعار ؟
المدير العام
2-سبب اختيارك لهذاالاسم ؟
والله انا غيرت اسماء كتيرة فى المنتدى هنا وبعدين استقريت على الاسم ده ومن غير سبب معين يعنى
3-الهوايات ؟
بحب الرسم لكن مش رسام يعنى انا بحبه وبس
4-افضل شهـر بالسنه والسبب ؟
انا بحب شهر رمضان جدا بعيدا على مشقة الصوم اللى فيه فانا بحس كده ان الشهر ده مميز عن باقى السنة
5-حلمك في الحياة؟
ربنا يهدينى ويغرلى ويبعدنى عن الذنوب
6-أجمل سنوات مرت عليك؟
طول عمرى ربنا مفرحنى والحمد لله
7-البرامج المفضلة؟
حاليا مبحبش اتفرج ولا على برنامج لانهم اصبحوا جميعا متملقين لحضرات السادة الثوار .... الاول كنت تلاقى شوية برامج متلمقة الحكومة وشوية معارضة دلوقتى ابدا ابدا ابدا كلهم تقولش اذ فجأة على حين غفلة بقوا كلهم وطنيين وبلادى بلادى بلادى .... الخ
8-شخصيتك ( عصبي ، رومانسي ، ....... )؟
بصراحة مش عارف
9-اجمل بلد زرتها ؟
طبعا مطلعتش بره مصر واجمل مدينة فى مصر الاقصر والاسكندرية
10-ماهو لونك المفضل ؟
مليش لون مفضل بصراحة وطبعا استثنى من الاولوان الالوان البناتى وانا راشق معاكم فى اى لون تانى هههههههههه
11-من هو مثلك الاعلى ؟
طبعا سيدنا محمد هو قدوتنا كلنا ومثل اعلى لجميع المسليمن لكن كمثل اعلى زى ما انتى عاوزة تعرفى يعنى فانا ليا طموحاتى واهدافى اللى تختلف عن غيرى فاميل فى الموضوع ده للى قالتو ميمو يعنى من ده على ده
12-ماهي حكمتك بالحياة ؟
اعمل لاخرتك كأنك تموت غدا واعمل لدنياك كأنك تعيش ابدا
13-ماالذي يحزنك ؟
انا بقعد مع نفسى افكر واقول الناس اللى بتعملوا فى بعض ده ايه لزمته يعنى لما واحد يقتل واحد علشان مشادة كلاميه انا اقول وليه المشادة اصلا يعنى اللى غلطان ده ليه يغلط من الاول وكده فده بيزعلنى خالص اللى بيحصل فى البلد ده مكن غير اى لزمة
14-ماالذي يغيظك ؟
الغباء
15-ماالذي يفرحك ؟
انا بفرح من ابسط حاجة ممكن لو اى حد اعرفه فرح انا افرح من غير ما يصبنى حسنة منه
16-افضل شخصيه في رأيك ؟
صعب السؤال ده
17-اى من قراء القرءان تفضل؟
مشارى العفاسى وخالد الجليل وتوفيق الصائغ
18-لو خيروك تكون مشرف أي قسم تختار ؟
اختار ابقى المدير العام ههههههههههههههههههه
19-من هم الأعضاء اللي تود مصادقتهم ؟
انا بالفعل اغلب اعضاء المنتدى اما اصدقاء بالفعل او تربطنا صلة قرابة فميمو دريم مثلا زوجتى وجوجو بنت اخويا وسعد يونس اخويا ولى اقارب كتيرة اوى بيدخلوا قليل خالص اما بالنسبة للاصدقاء فانا اتعرفت على المنوفى بالفعل من المنتدى واحمد ناجح صاحبى من زمان ورامى كمال اتعرفت عليه من المنتدى يعنى انا بصاحب كل اعضاء المنتدى المحترمين (( وطبعا الرجالة ههههههه - اصل ميمو قاعدة جنبى هههههههههههههه ))
20-من هم الأعضاء اللي تتمنى تشوفهم؟
المنوفى
21-من العضو اللي تحب يضيفك لقائمة الأصدقاء ؟
اى حد شايفنى مقبول بالنسباله ومش شايفنى غلس ولا خنيق
22-رأيك بـ الصداقـه بيـن الجنسيـن؟
صداقة بمعنى صداقة لا تجوز بين الجنسين فيمنفعش واحدة تقول انا مصحابة فلان وبحكيله اسرارى والكلام ده لكن زمالة العمل طبعا لا مانع فى الحدود الوظيفية والمكانية
23-عضو عاجبتك صورته الشخصيه وتوقيعه ؟
الصورة الشخصية spy والتوقيع الثعلب العربى
24-عضو نشيط... ؟
المنوفى طبعا ونودي
25-عضو مفقود... ؟
رامى كمال والثعلب
26-عضو واثق من نفسه ... ؟
رامى كمال
27-عضو داخل مزاجك ... ؟
الثعلب
28-عضو تتمنى تلقتي به ... ؟
المنوفى والثعلب والانصاري
29-عضو مثقف ... ؟
رامى كمال
30-عضو نفسك تغير اسمه ... ؟
علشان مش فاهم الاسم hoba kh
31-عضو نفسك تضربه هههه ... ؟
شلة الانس كلها وكل لبيب بالاشارة يفهم
32-عضو نفسك تقول له ( برافو عليك ) ... ؟
المنوفى
33- عضو تهديه بيت شعر ايه هو بيت الشعر ؟ ومين العضو ؟
يهواك ما عشت القلب فإن أمت ........... يتبع صداي صداك في الأقبر . واهديه لميمو علشان قاعدة جنبى ههههههههه
34-ماهو رأيك بالحب ؟
شئ جميل لو اخلصت فيه وعشته مع الانسان اللى يستاهلوا وفى نطاق شرعي
35- صــف نفســـك بكلمتيـــن فقـــط..!
مع رفش ................. هههههههههههههههههه
36 -مــاهــو الشــئ الذي ندمــت علــي عمـلــــه؟!؟
مفيش
37 -كـلمـــة تمنيـــــت ان تسـتطيـــع سحـبهــــا؟!؟
مش فاكر
38 -آخـــر شخـــص تتـــذكــــره قبـــل أن تنـــــام؟!؟
والله انا اول ما المنبه يقول يلا النوم تلاقينى بحلم
39 -جــريمــة تتمنـــي لـــو تستطيـــع ارتكابهــــا؟!؟
ربنا يبعدنا يا عام الحاج انتى بتاخدى مننا اعتراف ولا ايه ؟؟؟؟؟؟؟؟؟؟؟؟؟؟
40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
من والدى الله يرحمه
41-شخـــص لطــالما حـــلمـــت بــــه؟!؟
انا مبحلمش باشخاص انا بحلم بطيرات ودبابات ههههههههه فلم اجنبى يعنى
42 -دمـعـــه انـذرفــــت رغـمــاً عنـــك؟!؟
صورة لوالدى التقطت له قبل الوفاة بحوالى ساعة وكان فيا بيضحك خلت الدمعة تجرى من عينى غصب عني
43 -مـوقـــف صــدمــك ولــن تنســــاه؟!؟
مش فاكره
44 -شـخــص تتمنــي الإنتقــام منـــه؟!؟
البرادعى ربنا ياخده
45-شــئ او عمــل لا تستطيــع مســامحته؟!؟
مش فاهم
46-شــئ او شخــص غيــّر مجــري حياتـــك؟!؟
ليا واحد قريبى كنت قاعد معاه ايام الكلية وقالى شد حيلك واطلع من الاوائل واكيد اكيد اكيد هتتعينفى النيابة ان شاء الله وفعلا انا خدت بكلامه وكان كلامه ليا بجد دافعة قوية والحمد لله كنت من الاوائل على حقوق القاهرة
47-حلم لا تستطيـــع تحقيقه؟!؟
مفيش حاجة مستحيلة والحلم مش بيتحقق فى يوم وليلة
48-كلمة تود سماعها كل يوم؟!؟
اى حد يدعيلى ياريت يدعيلى كل يوم وميزهقش
50 -طالع رحله بريه من تاخذ معك ؟؟
مفيش غير ميمو طبعا
51 - غرق المنتدى ومعك قارب مايشيل الا ثلاثه من تاخذ معك ؟
لما المنتدى يبقى يغرق هبقى اقولك مين الاتنين التانيين غيرى هههههههه

ياساتر اخيرا خلصت هههههههههههههه

تسلمى ياقمر على الاسئله [/quote]

ياخرابى اقسم بالله انا لحد دلوقتى عماله اضحك من اجاباتك وربنا انتى عثل والله وانا فعلا نفسى اشوفك والله يا قمر
-----------------------------
وبعدين عايزه ترتكبى جريمه وتقتلينى عشان كترت الاسئله الله يسامحك
هههههههههههههههههههههههههه

Hoba kh كتب:

انا بصراحه نفسي أجاوب بس الأسئلة كتيرة قوي يانودي وبعدين هو محدش هيجاوب

غير البنات ولا إيه

[b]

خلاص وانا مستنياكى يا هوبا وقت ما تكتبيهم براحتك بس المهم انك تجاوبى
ومتخافيش الولاد هيجاوبوا برضه لا للعنصريه ده شعارى ههههههههههههههههه

أحمد المنوفى كتب:

انا هجاوب يا هوبا بس هجاوب علي بالليل كده
الصراحة ورايا شوية حاجات كده بعملها ومش فاضي اني اركز في الاسئلة دي خصوصا انها كتير اوي
بس هجاوب بالليل ان شاء الله
ومستنيين اجاباتك يا هوبا

يارب الحاجات اللى وراك تخلص عشان هى من الصبح مخلصتش
وانا مستنيه اجاباتك

ميرسى لأجاباتك يا سياده المدير
والله فرحانه جدا انك نورت الموضوع بعد طول غياب
ربنا ما يجعلك تغيب عننا

1-اسمك المستعار ؟
hoba kh
2-سبب اختيارك لهذاالاسم ؟
هوبا دلع هبه وkh اختصار لاسم بابا بيبدأ بحرف خ
3-الهوايات ؟
الشعر والقراءه
4-افضل شهـر بالسنه والسبب ؟
بعد شهر رمضان شهر 8 لأني اتولدت فيه
5-حلمك في الحياة؟
ربنا يكرمني ويرضي عني دايمآ
6-أجمل سنوات مرت عليك؟
قبل وفاة بابا من 5 سنين
7-البرامج المفضلة؟
كلام من القلب
8-شخصيتك ( عصبي ، رومانسي ، ....... )؟
انا رومانسية بس عصبية شويه
9-اجمل بلد زرتها ؟
انا ماسافرتش بره مصر بس جواها إسكندريه قضيت فيها اجمل 4 سنين من عمري في الكليه
10-ماهو لونك المفضل ؟
التركواز بمووووووت فيه والذهبي
11-من هو مثلك الاعلى ؟
كان بابا ربنا يرحمة ومن بعده أخويا الكبير حبيب قلبي ربنا يحفظة
12-ماهي حكمتك بالحياة ؟
من صبر وتأني نال ماتمني لآن ربنا دايمآ مع الصابرين
13-ماالذي يحزنك ؟
فراق الأحباب
14-ماالذي يغيظك ؟
الخداع والنفاق
15-ماالذي يفرحك ؟
ان ربنا يحبب فيا الناس طبعآ
16-افضل شخصيه في رأيك ؟
الحبيب عليه السلام
17-اى من قراء القرءان تفضل؟
مشاري راشد وأحمد بن علي العجمي
18-لو خيروك تكون مشرف أي قسم تختار ؟
قسم المعلومات العامه مع أحترامي لكل المشرفين
19-من هم الأعضاء اللي تود مصادقتهم ؟
انا أفضل الأخوة
20-من هم الأعضاء اللي تتمنى تشوفهم؟
كل الاعضاء
21-من العضو اللي تحب يضيفك لقائمة الأصدقاء ؟
مش المهم حد يضيفني المهم إني أنال إحترام الجميع
22-رأيك بـ الصداقـه بيـن الجنسيـن؟
انا قديمة شويتين تلاتة لأني مابعترفش بصداقة الجنسين لكن الزمالة والاخوة في حدود العمل او إني أكون في منتدي أفيد وأستفيد من غير أختلاط باحترام ممكن
23-عضو عاجبتك صورته الشخصيه وتوقيعه ؟
بصراحة عاجبني قوي النمر اللي خايلني ونفسي أمسكه ده ههههههههه
24-عضو نشيط... ؟
المنوفي
25-عضو مفقود... ؟
الانصاري
26-عضو واثق من نفسه ... ؟
المدير العام
27-عضو داخل مزاجك ... ؟
نودي طبعآ
28-عضو تتمنى تلقتي به ... ؟
ميمو
29-عضو مثقف ... ؟
المدير العام مع إنه مكنش فاهم إسمي بس أديني وضحته
30-عضو نفسك تغير اسمه ... ؟
مفيش
31-عضو نفسك تضربه هههه ... ؟
نودي ونفسي أعضها كمان عشان إيدي وجعتني
32-عضو نفسك تقول له ( برافو عليك ) ... ؟
كل عضو بيفيدنا في أي حاجه حتي لو نكته دمها خفيف تهون علينا
33- عضو تهديه بيت شعر ايه هو بيت الشعر ؟ ومين العضو ؟
كلكم ........كم أحببت فيكم أخوة .......إن ضعفت بيوم أذاقتني قوة
34-ماهو رأيك بالحب ؟
ربنا ينعم علينا دايمآ بيه بين كل الناس بس المشكله إن الانسان بيعيش نص عمره بيدور عليه ولما ربنا يكرمه بيه بيعيش النص التاني يحاول أنه يحافظ عليه فبيتعب فحياته في الحالتين
35- صــف نفســـك بكلمتيـــن فقـــط..!
ومين يقدر يوصف نفسه
36 -مــاهــو الشــئ الذي ندمــت علــي عمـلــــه؟!؟
أي شئ ممكن يزعل ربنا مني
37 -كـلمـــة تمنيـــــت ان تسـتطيـــع سحـبهــــا؟!؟
مش عارفه
38 -آخـــر شخـــص تتـــذكــــره قبـــل أن تنـــــام؟!؟
بابا لازم أقراله الفاتحة
39 -جــريمــة تتمنـــي لـــو تستطيـــع ارتكابهــــا؟!؟
اللهم احفظنا من أي سوء
40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
تيييييييييييييت إجابه شخصية
41-شخـــص لطــالما حـــلمـــت بــــه؟!؟
تييييييييييييييييت بردوا إجابه شخصيه لا تصلح علي الملأ
42 -دمـعـــه انـذرفــــت رغـمــاً عنـــك؟!؟
كل ماتيجي سيرة............بابا لآنة كان كل حياتي وأحن من نفسي عليا
43 -مـوقـــف صــدمــك ولــن تنســــاه؟!؟
نعمة النسيان جميلة ..والحياة لسه طويلة ..ربنا يدينا ويديكم طولة العمر
44 -شـخــص تتمنــي الإنتقــام منـــه؟!؟
أنا مبحبش أنتقم من حد كل واحد منه لربنا
45-شــئ او عمــل لا تستطيــع مســامحته؟!؟
أنا معرفش ماأسامحش ربنا الكبير العظيم بيسامح وأنا لآشئ يبقي مش هسامح
46-شــئ او شخــص غيــّر مجــري حياتـــك؟!؟
تييييييييييييت إجابة شخصية
47-حلم لا تستطيـــع تحقيقه؟!؟
إني أكون أمين شرطة هههههههههههههه
48-كلمة تود سماعها كل يوم؟!؟
دعوة حلوة من أي حد بيحبني
50 -طالع رحله بريه من تاخذ معك ؟؟
كل حبايبي
51 - غرق المنتدى ومعك قارب مايشيل الا ثلاثه من تاخذ معك ؟
بعد الشر ..ربنا يخليكم كلكم ويحفظكم
ربنا يسامحك يانودي تعبتيني


[b][center]

دا على اساس انك جاوبت واحنا مش واخدين بالنا ولاايه



فين اجاباتك الاجباريه الصريحه ؟؟؟؟؟؟؟؟؟؟؟؟؟؟؟؟؟؟؟؟

واد يا مصطفى انت محسسنى ان انت صاحب الموضوع
وبعدين فين اجاباتك
المنوفى مش هيجاوب دلوقتى
يلا انت جاوب بقى

ربنا يخليكى يا هوبا على الاجابات الجميله والصريحه دى (ولو ان فيه اجابات شخصيه )
وربنا يسامحك برضه زى ميمو عايزين ترتكبوا نفس الجريمه وتضربونى
كتر خيركوا اهىء اهىء اهىء اهىء

الاميره نودى كتب:

. نبـــدآ بـالآسئلـــة الآن ..

1-اسمك المستعار ؟

مصطفى .. اسمى المستعار ..

2-سبب اختيارك لهذاالاسم ؟

هو مش انا اللى اختارته .. وهو طلع عليا كده من وانا صغير ..

3-الهوايات ؟

اعشق الرسم .. وبلعب رفع الاثقال ..

4-افضل شهـر بالسنه والسبب ؟

شهر رمضان .. شهر كريم ومبارك .. ربنا يعود عليكم الايام بخير ..

5-حلمك في الحياة؟

اى حاجة عايز احققها بعتبرها هدف مش حلم .. والحمد لله اهدافى بنجزها علطول ..

6-أجمل سنوات مرت عليك؟

سنوات الجامعة طبعا .. مفيش كلام ..

7-البرامج المفضلة؟

برنامج عيون بيروت .. ههههههههه خطير .

8-شخصيتك ( عصبي ، رومانسي ، ....... )؟

خجول جـــدا ..

9-اجمل بلد زرتها ؟

انا بحب الفيوم .. فيها مناظر جميلة ..

10-ماهو لونك المفضل ؟

بموت فى الاحمر .. والاسود ..

11-من هو مثلك الاعلى ؟

الرسول عليه الصلاة والسلام .. وسيدنا حمزة رضى الله عنه ..

12-ماهي حكمتك بالحياة ؟

من جــــد وجد .. ومن زرع حصـــــــد ..

13-ماالذي يحزنك ؟

لما اشــــــوف حد ضعيف ..

14-ماالذي يغيظك ؟

الغبـــــــاء ..

15-ماالذي يفرحك ؟

نجاحى .. بفضل ربنا عليا ..

16-افضل شخصيه في رأيك ؟

والدتى .. ربنا يخليهالى ..

17-اى من قراء القرءان تفضل؟

المقرئ فارس عــــــــباد ..

18-لو خيروك تكون مشرف أي قسم تختار ؟

افضل اكون عضو ..

19-من هم الأعضاء اللي تود مصادقتهم ؟

كلهم اصدقائى فعلا والحمد لله .. وبدعى ربنا يكرمهم كلهم ويوفقهم ان شاء الله ..

20-من هم الأعضاء اللي تتمنى تشوفهم؟

احمد المنوفى ..

21-من العضو اللي تحب يضيفك لقائمة الأصدقاء ؟

برحب باى عضو يضيفنى فى قائمة الاصدقاء .. كلهم اصدقائى ..

22-رأيك بـ الصداقـه بيـن الجنسيـن؟

متهيألى الموضوع ده يختلف من شخص لاخر .. حسب مفهوم كلمة ( صديق ) عند كل شخص .. وانا عن نفسى معنديش مشكلة ان تكون فى صداقة بين الجنسيين بس تكون فى حدود الادب والاحترام .

23-عضو عاجبتك صورته الشخصيه وتوقيعه ؟

الصورة الرمزية لميمو .. وتوقيع المنوفى ..

24-عضو نشيط... ؟

نودى .. عملت نشاط ملحوظ فى المنتدى .. ويا رب ديما ..

25-عضو مفقود... ؟

احمد الانصارى .. ويا رب يرجع المنتدى تانى بسرعة ..

26-عضو واثق من نفسه ... ؟

فوكس حبيب قلبى ..

27-عضو داخل مزاجك ... ؟

سيادة النائب ..

28-عضو تتمنى تلقتي به ... ؟

كلكم بصراحة .. وهخص بالزكر احمد المنوفى ..

29-عضو مثقف ... ؟

سيادة النائب .. وهبه ..

30-عضو نفسك تغير اسمه ... ؟

مفيش .. هو فى الاول كان اسم هوبا وعرفنا السبب ..

31-عضو نفسك تضربه هههه ... ؟

لالالالا .. مفيش والله .. ربنا يديم المعروف ..

32-عضو نفسك تقول له ( برافو عليك ) ... ؟

ميــــمو .. بجد اختنا الكبيرة .. وربنا يوفقها فى حياتها .. ويحفظها من كل سوء ..

33- عضو تهديه بيت شعر ايه هو بيت الشعر ؟ ومين العضو ؟

عاشر اناسا بالذكاء تميزوا . واختر صديقك من زوى الاخلاق ( وكلكم ينطبق عليكم الشعر ده) .

34-ماهو رأيك بالحب ؟

(فقالت لى أبك سقم تشكو منه طالبا الدواء .. فقلت لها الحب سقم وما السقم الا للاشقياء) وده كان بيت من شعر طويل كتبتو وانا فى ثانوى .. بحكى تجربتى الشخصية فى الحب ..

35- صــف نفســـك بكلمتيـــن فقـــط..!

اكيد مينفعش اوصف نفسى ابدا ..

36 -مــاهــو الشــئ الذي ندمــت علــي عمـلــــه؟!؟

الحمد لله .. حتى لو الشىء اللى عملته جا عليا بضرر او خسارة عمرى ما ندمت على حاجة بفضل الله.. ويا ريت محدش يندم على حاجة عملها لانه مقدر ومكتوب .. وتزكر دائما انك خلقت مخير ولم تخلق مسير .. وجميع اختياراتنها تحتمل الخطا او الصواب ..

37 -كـلمـــة تمنيـــــت ان تسـتطيـــع سحـبهــــا؟!؟

انا بكره ( لو) والحمد لله شلتها من قاموسى من زمان ..

38 -آخـــر شخـــص تتـــذكــــره قبـــل أن تنـــــام؟!؟

(ابو الخــــدود) ههههه محدش يقلق ده يبقا ابن اخويا الصغير عنده سنتين بس خدوده مبالغ فيها شكلها حلو اوى .. بحبه جداااااااا .. امانة عليكم تدعو له ربنا يحفظه ..

39 -جــريمــة تتمنـــي لـــو تستطيـــع ارتكابهــــا؟!؟

لا .. الحمد لله .. معنديش ميول عدوانية .. اللهم عافنا واعف عنا ..

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

حاليا .. لا .. مفيش حد فى دماغى .. ممكن لو من كام سنة كنت جاوبت كويس ..

41-شخـــص لطــالما حـــلمـــت بــــه؟!؟

صديق مخلص ويكون وفى .. والحمد لله لقيته .. ربنا يحفظه ويكرمه ..

42 -دمـعـــه انـذرفــــت رغـمــاً عنـــك؟!؟

لحظة فراق حد عزيز عليا .. ربنا يصلح حاله و بوفقه ..

43 -مـوقـــف صــدمــك ولــن تنســــاه؟!؟

بتخونى بتخونى يا عمو حســـــــــــــــــام هههههه .. لا الحمد لله انا بتصدم كتير .. بس الحمد لله بنسا بسرعة..الايام كفيلة انها تنسى الواحد اى حاجة ..

44 -شـخــص تتمنــي الإنتقــام منـــه؟!؟

اى حد اذانى او بيحاول ياذينى منه لله ..

45-شــئ او عمــل لا تستطيــع مســامحته؟!؟

الندالة .. اكره الندالة جدا .. ومبسامحش عليها ابدا ..

46-شــئ او شخــص غيــّر مجــري حياتـــك؟!؟

لا مفيش .. او معرفش .. بس اى حد كان سبب فى انه يوجهنى للطريق الصح ..او عدولى عن الطريق الخطا .. ربنا يجازيه كل خير .. وربنا اللى بيسبب الاسباب طبعا ..

47-حلم لا تستطيـــع تحقيقه؟!؟

طول ما فى نفس داخل وخارج .. ربنا يشهد عليا هحاول اجتهد على قد مقدر عشان احقق اللى انا عايزه .. وعلى الله فاليتوكل المتوكلون . صدق الله العظيم .

48-كلمة تود سماعها كل يوم؟!؟

اى كلمة تكون من والدتى .. ربنا يباركلى فى عمرها وفى عمر كل امهاتنا المسلمين ..

50 -طالع رحله بريه من تاخذ معك ؟؟

من المنتدى : هعتبرها دعوة مفتوحة للكل .. واللى هيقبل دعوتى اكيد هيسعدنى جدا جدا جدا ..

51 - غرق المنتدى ومعك قارب مايشيل الا ثلاثه من تاخذ معك ؟

هاخد اى تلاتة فى وشى يكونوا اون لاين .. بس بشرط الا تقل عدد المشاركات عن 200 مساهمة .والا تكون من نوعية مشكور او ما شابه .هههههه .

اتمنى تعجبكم الاسئلة ... وسوري على الاطالة ...
انا دلوقتى قريت الموضوع واقسم بالله هرد بصراحه


انت / انتى دلوقتى اقسمتوا انكوا هتردوا بصراحه
يلا بقى عايزه اشوف الاجابات

شكرا يا نؤنؤ على الدعوة دى .. ويسعدنى الرد على موضوعك المميز .. واسف على الاطالة يا جماعة