استطلاع المجلس العسكرى: البرادعى الأول والعوا ثانياً

لاتعليـــــــــــــــــــــــــــــــــــق

mostafa_mostafa كتب:

يا ميدو انت عملت بالظبط زى الصعيدى اللى سمع عن 10 ماتوا فى الحج .. فقال يارب ما يكون فيهم مسلميين .. ليه ماشى بمبدا خالف تعرف .. ردى يا كبيرة ورد يا خليفة ..

ياباشا لغاية دلوقتى باين ان انتوا اللى مخالفين مش انا
انا كلامى كله متبنيه الاحزاب والحركات الليبرالية فى مصر وعايزك تشوف عددهم
وتشوف الناس اللى بتايدهم وساعتها هتعرف ان انتوا اللى مخالفين
نفسى اعرف بقى انتوا بتايدوا مين

اما لو تقصد توفيق عكاشة فعايزنى أيد واحد منافق بتاع حزب وطنى
واهبل وبيشتم الناس عالفاضى فى التلفزيون ياراجل اقسم بالله
ده مكانه مستشفى المجانين من غير هزار بتكلم جد

mostafa_mostafa كتب:

توفيق عكاشة مين .. انت صدقت ولا ايه ؟

انا احسبك ليه فيه
كدة اشطات

السلام عليكم
يا ميوا أدنت بتتعامل مع عقول غير مثقفه (بتوع أيام الثوره أنتوا هتخربوا البلد طبعا هما عرفين نفسيهم وموضيعى أيام الثوره تشهد ب>لك )
ولكن
أختلف معك أن البرادعى هيكسب خليك واقعى
أسثلنى ليه
هقولك
أولا كل الى صوتوا فى الاستفتاء لا يتجاوز 50 الف يعنى رقم ضيف جدات بالنسبه ل 85 مليون شخص وطبعا سبب ده عدم وجود ثقافه للتصويت فى النت

ثانيا لو أنت فاكر أيام الاستفتاء على الدستور أتعمل أستفتاء على النت جروب كلنا خالد وكان نسبه الى بيقولوا لا أكبر بكتير من الى بيقولوا نعم ومع دلك شوفت مين الى كسب

ثالثا أيام الثوره لما كان بيجى الميدان فى الميدان مكنش ليه شعبيه كبيره فيه

وأخيرا الى هيكسب هيكون شخص له توجهات ومرجعيه أسلاميه

يعنى التنافس هيكون بين الاسلامين وهتشوفوا والايان بيننا
وأنا شاركت علشان بس يا ميدوا

وعليكم السلام
ياباشا اهلا بيك ومنورنا بمشاركتك
وانا معاك تقريبا فى كل اللى قولته ان النت ممكن مايكونش معيار وكدة بس انا باصصلها من ناحية الحركات والاحزاب اليبرالية واللى البرادعى وايمن نور ابناء اصليين ليهم وكل الحركات والاحزاب دى تقريبا بيدعموهم واحب اكدتلك ان الليبراليين هما الاكتر فى مصر
احنا فى مصر عندنا تيار عسكرى ودوول الناس اللى عايزين اللى يمسكنا يبقى عسكرى
وتيار دينى وده معروف طبعا
وتيار ليبرالى واللى هو الاغلبية فى مصر واللى هما متبنيين موضوع الدستور اولا
الخوف بقى من كلامك لما قولت الاسلاميين فعلا هما ممكن يزعجوا شوية بس ماعتقدتش انهم هياخدوها وتعالى نحسبها
المسيحيين كلهم مش معاهم ونص المسلمين على الاقل مش معاهم(لانهم فاهمين انهم بتوع مصالح وبس) والنص التانى هينقسم مابين مرشحيهم المختلفين اللى زى العوا وحازم ابو اسماعيل وعبد المنعم ابو الفتوح ولسة مش عارفين مين تانى

عارف المشكلة فى ايه فى الجهل لانه عامل بالظبط زى التزوير لما واحد يروح ومايعرفش ايه الدنيا ومين تبع مين وكام كام هههههه ويروح يدى علشان خطبة سمعها فى الجمعة مش ده برضو يبوظ اى نتيجة زى التزوير بالظبط
احد جيرانا ناس بسيطة ومش متعلمة سالناهم اتديتوا ليه نعم فى الاستفتاء قالوا الشيخ قالنا كدة وعلشان الدين وكدة ليه مافهمتوناش ان نعم دى غلط
ادى ارادة الناااااااااااااااااااااااااااخبين ياخوان يابطييييييييييييييخ

عموما الموضوع بنسبة اكيدة مش ثابت ولا حد يقدر ياكد مين اللى هيفوز ادينا بنتوقع من التقسيمة اللى قدامنا ولو انى التوقع بيغلب عليه الهوا ساعات

وانا مش مستبعد خالص توقعك بالاسلاميين بس اتمنى ان ده مايحصلش
ربنا يستر

ياميدو بلاش تتكلم كده عن الاسلام والمسلمين والدين كله كده كتله واحده اعتقد ان انت مسلم مش ضح بردو فأكيد مش هتردد كلام حد عايز يوقع قيمة الاسلام فى الارض احنا لازم نعلى بعض ببعض الاسلام بيهاجم بطريقه بشعه واحنا بنساعد على دا دلوقتى انا واحده من الناس الى قالوا نعم لاسمعت خطبه ولاشيخ جه قلى لو مقولتيش نعم هينزل عليكى غضب ربنا بلاش الكلام دا لانه بجد مستفز وبلاش تعيد فى كلام ناس ضد ان البلد دى تمشى صح وعايزينها تمشى على مزاجهم لان الكلام دا مينفعش يطلع مننا احنا الله يكرمك عايززى مافى الكنايس قالوا للمسيحين قولوا لا والى كان عايز يقول لا كان بيوحى الناس يقولوا لا ومع ذلك محدش زكر الكلام دا ومحدش قال انه كان بيحصل تقول لا انت حر عايز الدستور اولا انت حر عايز البرادعى وايمن نور دا رائيك وانت حر فيه لكن متدخلش الدين والاسلام فى كلامك ولا تدخل المشايخ فى كلامك وان كان فى شويه بيطلقوا على نفسهم مشايخ وهما ملهمش علاقه بالدين ولا يعرفوا عنه حاجه وكذلك زى مابردو ظاهر قساوسه كل هدفهم يشوهوا الدين ويشوهوا الصوره الاسلاميه وانه دين رعب وان المشايخ كانوا بيوحوا الناس ويقولوهم هتخشوا النار والهبل الى كان بتقال دا عايزين نتكلم فى السياسه اه لكن الدين ياريت نبعد عنه خالص ومنتكلمش بطريقه تشوهوه على لسان ناس متعرفش عنه حاجه ولا ليهم اى علاقه بالمشايخ ولاالدين الهبل الى بحصل دلوقتى قدر يشككنا احنا فى دينا للاسف وخلانا احنا الى نتكلم عنه بطريقه مينفعش نتكلم بيها عنه البلد دى لو حكمها الدين بجد تأكد انك هتبقا مرتاح جدا وعايش حياه كريمه جدا وانا واحده من الناس لو خيرونى بين البرادعى والاخوان لا هنرجح الاخوان على العلم انى لااخوانجيه ولاغيره وبختلف معاهم فى بعض الاراء لكن يجى بقا الايام المنيله الى احنا فيها دى تخلينا احنا ناكل فى بعض ونعتبر الاسلام والاسلاميين كخه ونردد كلام عالم مبتفهمش مع احترامى لرأيك ان كان البرادعى ولا ايمن نور ولا غيره ولاغيره يبقا ربنا يستر علينا بجد وعلى البلد معلش ياميدو ارجو انك متديقش من ردى بس انا بجد شايفه انك بتتكلم بطريقة الاعلام الى بتكلموا بيها دلوقتى ودى حاجه مش مبشره باى خير

مش مضايق طبعا بالعكس حقك انك تقولى اللى شايفاه
بس انا مابرددش كلام انا الخطبة اللى قبل الاستفتاء سامعها بودنى الامام الله يسامحه فى جهله قال للناس كدة نعم للدين والمسيحين عايزين لا وغيره وغيره وخلى اغلبية المنطقة تدى نعم للاسف بكلامه ده
انا مش بقول كلوا قال كدة علشان الشيوخ قليل اللى قالها من نفسه وممكن تكونى انتى منهم بس 90 فى المية من اللى قالوا نعم قالوها علشان الدين

والاسلام ايه اللى دخله دلوقتى هما الاخوان هما الاسلاااااام هههههههههههههههههههههههههههه اللى بيتاجر بالدين هما الاسلام دوول ابعد ناس عنه الاسلام مش صلاه وعبادات وبس الاسلام معاملة وعدم تفضيل المصلحة الشخصية على العامة زيهم
لو الاسلام الاخوان مكنتيش تلاقي الناس مسلمة ولا الاسلام بيزيد لان الاسلام نضييييييييييف اوووووى مش اخوانجى

وانا عارف ان الدين لو حكم البلد هنبقى مرتاحين وانا اساسا بفضل ان القران يبقى الدستور بس ميفش حد من الموجود هيعمل ده الاخوان ............ والسلفيين العن منهم
مصر مافيهاش اسلاميين يمثلوا الاسلام فى الانتخابات احنا بس بنقول عليهم كدة علشان اتعرفوا بانهم تيار اسلامى وهما الابعد عن هذا التيار النضيف

أولا أحب ان أوضح حقيقه لابد من معرفتها
فى الشعوب الغير مثقفه ديمقراطيا مثل الشعوب يكون الخطاب الدينى أو القبلى أو العرقى أو القومى هو الدى يحدد أتجاه الشعوب فى حاله حدوث أنتخابات
أما التيار اللبرالى محدش أصلا يعرف يعنى أيه ليبرايه غير المثقفين
ودليل تانى أن الاحزاب الليبرايه والعلمنيه والشيوعيه وكل من على شاكلتهم ضعاف وليس لهم تواجد خقيقى بين الشعب
هو جمعه الغضب الثانيه هما فقط من أعلنوا نزولها وعدد كان لا يتعدى 30 الف وطبعا نتيجه الاستفتاء الساحقه
واحب أن أقولك أن هيكون فى تحالفات بين بعض المرشحين والاحزاب وهيتم توخيد الصفوف بس ده فى مرحله لاحقه بعد أنتخابات مجلس الشعب
لسه النضوج السياسى فى أوله
وعلى فكره انا قولت قبل الاستفتاء على الدستور أن نعم ولا كلهما خير وكل طرف ليه وجهه نظر قويه ولكن النتيجه هى الى هتجدد قويه التيار الاسلامى وتاثيره فى الناس وانت شوفت تاثيره أدى بغض النظر عن الوسيله المهم النتيجه وهو ده الى هيحصل فى مجلس الشعب وأنتخابات الراسه

اكيد هيبقى فى تحالفات بس مش فى التيارات الاسلامية
وحتى لو حصل الاستفتاء جابوها للناس بطريق عقيدة وكفر ومادة تانية وغيره
لكن فى الانتخابات لو حصل ده والناس اتاثرت يبقى يستاهلوا ويكش تدعك مصر ساعتها مادام هى (شعبها) هو اللى اختار نهايته بايده