النيابة العامة دفعة 2009

ايه ياجماعه محدش رد عليه ليه ارجو الافاده من الاخ الثعلب العربى وكنت عاوز اعرف الى كشفه طبى التعين فى شهر كام ارجو الافاده فى القريب العاجل

يا جماعه اقسم بالله اللى هقوله دا حصل النهارده امبارح كلموا واحد صاحبى الامن العام محافظه الزقازيق قالوله ملف النيابه العامه بتاعك عندنا وعايزينك الامن العام والله الكلام دا حصل قدامى صاحبى قالهم دا الطبى ظهر قالوله ليك ملف النيابه انت وواحد التانى والتحريات مطلوبه بسرعه قالى اروح ولا امناء الشرطه عايزين فلوس وينصبه قالتله روح وشوف ايه الاخبار بيقولى روحت الامن العام اسأل قالوله تحرياتك راحت القسم اللى انت تابع ليه راح القسم لقى الملف بتاعه فعلا وطلبوا منه اوراق وحاجات للتحريات وهوا كان نزله تحريات اصلا معانا من الاول ومش مقدم غير عامه بس فدا معناه ايه يا جماعه حد يفهمنى

yasserahlawy كتب:: يا جماعه اقسم بالله اللى هقوله دا حصل النهارده امبارح كلموا واحد صاحبى الامن العام قالوله ملف النيابه العامه بتاعك عندنا وعايزينك الامن العام والله الكلام دا حصل قدامى صاحبى قالهم دا الطبى ظهر قالوله ليك ملف النيابه انت وواحد التانى والتحريات مطلوبه بسرعه قالى اروح ولا امناء الشرطه عايزين فلوس وينصبه قالتله روح وشوف ايه الاخبار بيقولى روحت الامن العام اسأل قالوله تحرياتك راحت القسم اللى انت تابع ليه راح القسم لقى الملف بتاعه فعلا وطلبوا منه اوراق وحاجات للتحريات وهوا كان نزله تحريات اصلا معانا من الاول ومش مقدم غير عامه بس فدا معناه ايه يا جماعه حد يفهمنى

انا اسف يا جماعه الخبر طلع غلط انا اسف بجد ليكوا يا جماعه والله مأقصد حاجه انا قولت حاجه تدينا امل لكن قدر الله و ما شاء فعل

مش مهم اللى قولتوا ياياسر خليك فى الغريب العدد اللى اتصلوا بيه قليل
مايعديش 480 واحد وفيه كلام فى جروب النيابة العامة دفعة 2009 عالفيس بوك ان هيبقى فيه كشف تانى بعد العيد مع ان الكلام ده صعب بس برضو حكاية العدد القليل ده يشكك

يعنى مفيش اخبار اكيده .... فى كشف بعد العيد ولا

يعنى مفيش اخبار اكيده .... فى كشف بعد العيد ولا

ان شاء الله هتبدأ باقى الاتصالات بالطبى بعد العيد مباشرة

تقبل الله منا ومنكم ، كل عام وانتم بخير وعافية وعزة فى ظل شريعة الإسلام

ده كلام من واحد على صفحة النيابة العامة 2009 عالفيس

اقسم بالله اقسم بالله اقسم بالله وردتلى معلومه هامة جدااااااااااا ومن شخص كبير جداااا فى الدولة ومش حينفع اقول اسمه قالى بالحرف الواحد يوجد كشف اخر به 120 اسم لم يتم الاتصال بهم قلتله حضرتك خلاص الموضوع خلص قالى لو كان خلص كنت قلتلك شوف لك حاجا تانيه قلتله انت بتعشمنى انا الىى قدامى ان الموضوع خلاص والجماعة كشفو طبى عااد عليا تانى نفس الكلام ولكن لم يصرح لى موعد الاتصالات وان من واجبى ان اطمن اخوتنا الىى ربنا مكرمهمش بذلك وان شاء الله خير والله ان مردتش اقول حاجا غير لما لقيت اكتر من عضو بيقول نفس الكلام بس بطرق مختلفة وباذن الله خير

نتمنى ان يكون كلامه صح وادينا هنشوف

كل سنة وانتوا طيبين وعيد سعيد عالجميع

السلام عليكم جميعا
فى ناس كتير بتقول فى كشف بعد العيد طبقا لحسابات المنطق ان العدد الى كشف كان قليل , وفى ناس بترد عليهم بتقول العدد طبيعى جدا وباقى الدرجات المالية هيروح لدفعة المساعدين.

انا شخصيا ولا مصدق دول ولا دول , و اعتبرت ان الموضوع انتهى , صحيح لسة القرار لم يصدر بعد بتعيين الدفعة , ولكن الحمد لله على كل شيىء , وربنا يوفق زمايلنا ويتمملهم بخير , والحمد لله على كل شيىء .

اما بخصوص وقت تعيينهم : فالى كنت اعرفة من مدة ان على 24 سبتمبر سيتم اعلان كل معاون نيابة بالمكان الى هيمسكة وان تأخر الوقت سيكون فى بداية اكتوبر .

ربنا يوفق الجميع , وربنا يعوض الى ملوش نصيب فى النيابة , الخير والصلاح
والحمد لله على كل شيىء

كل سنة وانتم طيبين وعيد سعيد على الجميع

ارجو من جميع من لم ليس لهم نصيب فى النيابة العامة دفعة 2009 عدم الانسياق وراء التظاهرات التى يريدها البعض يوم3 سبتمبر التى تنادى باعادة دفعة2009

يا شباب لقد كنا سويا من بداية المشوار و لابد ان نرضى بقضاء الله , ولا نتظاهر ضد اخواننا , فهذة مشيئة الله , وعلى المؤمن ان يمضى فى قدره .

وبصراحة حركة مش تمام ان حد يروح يتظاهر وهو كان من يومين بيبارك لاصحابة .فارجو ان محدش يروح ويشارك ائتلاف البطاطس مهما كان Very Happy

الثعلب العربى كتب:: ارجو من جميع من لم ليس لهم نصيب فى النيابة العامة دفعة 2009 عدم الانسياق وراء التظاهرات التى يريدها البعض يوم3 سبتمبر التى تنادى باعادة دفعة2009

يا شباب لقد كنا سويا من بداية المشوار و لابد ان نرضى بقضاء الله , ولا نتظاهر ضد اخواننا , فهذة مشيئة الله , وعلى المؤمن ان يمضى فى قدره .

وبصراحة حركة مش تمام ان حد يروح يتظاهر وهو كان من يومين بيبارك لاصحابة .فارجو ان محدش يروح ويشارك ائتلاف البطاطس مهما كان

كل التحية والإجلال والتقدير للمشرف المحترم الثعلب العربى على روحه الطيبة الجميلة ..بجد انت مثال يحتذى بيه وبتطبق مقولة حب لأخيك ما تحبه لنفسك ..صدقنى ربنا هيكرمك ان شاء الله طول مانتا روحك جميلة وبتحب الخير لغيرك ..كل سنة ومعاليك طيب وبخير وبصحة جيدة ..اخوك صبرى

ورد لى الأن أن فيه 5 من أبناء المستشارين القضاء العادى لم يتم الاتصال بهم الأن
و الله أعلم

اولا : كل سنة وانت طيبين

ثانيا : لايوجد كشف طبى ثانيا والكلام عن كدة هو مجرد للتهدئة
والدليل هو
[ندعوك للتسجيل في المنتدى أو التعريف بنفسك لمعاينة هذا الرابط]
ثالثا: انا سمعت فعلا عن المظاهرة التى سوف تتم يوم السيت 3/9 نظر لان الكشف فى عدد من الحاصلين65% وانا اعرف شخصيا واحد منهم
ولكن لن اشارك فى هذه المظاهرة لان المكتوب لى هو هيحصل

والله ظلم انا جايب تقدير جيد جدا بنسبه 82% وياخدو ناس جايبه65% فين الثوره الكوسه لسه قاعده ربنا على الظالم والمفترى هى عيال المستشارين دول بنى اديمن تانين واحنا كلاب ولا ايه حد يرد عليا انا نفسيتى باظت من ام الدوله دى

rambo_007 كتب:: والله ظلم انا جايب تقدير جيد جدا بنسبه 82% وياخدو ناس جايبه65% فين الثوره الكوسه لسه قاعده ربنا على الظالم والمفترى هى عيال المستشارين دول بنى اديمن تانين واحنا كلاب ولا ايه حد يرد عليا انا نفسيتى باظت من ام الدوله دى

ياباشا اللى يغيظك اكتر انهم واخدين ناس دور تانى وياريته مجموع مرتفع لان فيه ناس مجموعها مرتفع وجيدجدا وامتحنت دور تانى لتعنت احد الدكاترة معاها وصاحبى واحد من دوول وده يستحق لكن اللى بقولك عليه ده مجموعه قليل ودور تانى بس اتوسطله قريبه اللى كان فى المخابرات ولو عايزين مساعدة فى الاسامى انا ممكن اقولك فى رسالة خاصة
... من رايي ان راى الثعلب يحترم ويثنى عليه بعدم اللانسياق ورا المظاهرات بس المظاهرة اللى هتحصل او الاعتصام ده مش علشانك انت بس ده علشان الحق والعدل فى الاول والاخر والساكت عن الحق شيطان اخرس اقل حاجة تعملها انها تشترك معاهم لانه ممش بيعملوا جريمة يانااااااااس دوول بيعبروا عن رايهم وبيطالبوا بحقهم هو اللى يطالب بحقه يبقى كفر خصوصا اننا كلنا عارفين ان مفيش اختبارات جدية اتعملت ينفع تبقى حجة لعدم القبول ده حتى التحريات فى ناس اتاخدوا ومكنش نازلهم تحريات او مااتعملش عليهم تحريات من اصله

rambo_007 كتب:: والله ظلم انا جايب تقدير جيد جدا بنسبه 82% وياخدو ناس جايبه65% فين الثوره الكوسه لسه قاعده ربنا على الظالم والمفترى هى عيال المستشارين دول بنى اديمن تانين واحنا كلاب ولا ايه حد يرد عليا انا نفسيتى باظت من ام الدوله دى

قول الحمد لله يا اخي وارضي بنصيبك وباللي مكتوب لك تكن اسعد الناس وربنا مش كاتب لك نصيب فيها فكيف تعترض علي حكم الله سبحانه وتعالي
كل شئ نصيب ومكتوب في الاول وفي الاخر ودي ارزاق وربنا كاتبها للانسان والف مبروك للمرشحين اللي اتصلوا بيهم وربنا يعوض المرشحين اللي لم يتم الاتصال بيهم بالنيابة الادارية وهيئة قضايا الدولةوالحمد لله علي كل حال

وكلامك جميل يا ثعلب والله فعلا العيال بتوع المظاهرات دول ليهم اهدافهم الشخصية واللي عايز دفعة مساعدين واللي من دفعات قديمة واللي فيه الخير هيقدمه ربنا

[b] السلام عليكم و كل سنة و انتم جميعا بخير ، اولا احب اوضح لبعض الناس اللي زعلانه انها متخديتش ، انه معيااااار القبول بالنيابة ليس بالتقدير فقط انما هو حاجه و بسيطة أوي من ضمن حاجات تانية كتيرة.

للعلم ان ابناء المستشارين و خصوصا هذه الدفعة من أعلى التقديرات و بعدين احنا كنا مضايقيين انهم مبياخدوش الأوائل دلوقتي واخدين الأوائل ييجي واحد يقولي بس انا مخدونيش من ضمن اوائل كليتي ، يا حبيبي مش اجبار على مجلس القضا ياخد ال 15 واهد من نفس الكلية!!!!!!!!!!!!! و للعلم في اولاد مستشارين و اقاربهم متاخدوش في سابقة هي الأولى .

لكن احنا اتعودنا انه مادام ما اتقبلناش يبقى اكيد في ابن مستشار اخد مكاني( علمت ان رزقي لن ياخذه غيري فاطمأن قلبي) و ايه يعني يكون جايب 65 % هو مش الاعلان بيقول جيد . طيب الاعلان قال جيد من كام %. و بعدين حضرتك مين عشان تقيم نفسك؟

و يا ترى لو كنت اتقبلت كنت هتوافق انه في نا جايبة اكتر منك و تقول انها احق منك؟؟؟؟

اخواني انا و للعلم ليس لي مصلحه و انا اكبر منكم و متابع و لكن كن صريحا مع نفسك ترتاح و ندعو للجميع بالخير و التوفيق و اسف على الاطالة...

بخصوص الجزء اللى قولته يا moo75
وهو
و ايه يعني يكون جايب 65 % هو مش الاعلان بيقول جيد . طيب الاعلان قال جيد من كام %. و بعدين حضرتك مين عشان تقيم نفسك؟

عايز اردلك عليه واقولك
هى كلية طب ايه شرطها علشان الواحد يدخلها مش تكون حاصل على الثانوية العامة فقط لكن لما الكل بيقدملها وبيلاقوا العدد مش مكفى بياخدوا الاعلى مجموع علشان كدة بتوصل ل 98 فى المية مع ان الشرط الاساسى ثانوية عامة فقط وده لان مفيش اختبارات علشان كدة بيتاخد بالمجموع
نفس الامر فى النيابة مافيهاش اختبارات نهائيا ومش هنضحك على بعض السباعية مالهاش اى 30 لازمة فالمفروض طالما مفيش اختبارات تبقى العملية بالتنسيق اه كل الجيد يقدم ابتداء من 65 لكن نظرا للاعداد يتاخد الاعلى نسبة
لاما الحل التانى يتعمل اختبارات حقيقية زى اختبار سمات عبارة عن اسئلة يتعرف بها شخصية المرشح ودى طريقة عملية جدا او يتعمل اسئلة زى اللى اتسالت فى امتحان فصل المتفوقين فى الثانوى وهى اسئلة بتشوفك هتتصرف ازاى فى بعض المواقف وتتجاوب فى اسرع وقت او اى اختبارات تكون جدية
لكن حضرتك ماتجيش تقول كلام محفوظ وهو السبب فى ان القضاه مفيش عليهم رقيب

اخيرا فى فرق بين ارادة الله ورضاء الله
ربنا اراد ان ناس ماتقبلش لكنه عز وجل لم يرضى بذلك ولا يرضى بمن يسكت عن حقه
لازم نفرق كويس بين كل ده

اللي قصدته انه احنا نضايق لما يقولو النيابة تدخلها 70% لكن محددوش؟؟؟؟؟؟ يبقى الكل متساو و بعدين كليات الأقاليم التقدير ندها بسهوله ، يعني بالعقل كدة واحد صاحبي كان عين شمس جاب اول سنه مقبول للصعوبة و راح نقل اسيوط لظروف و مش هاتصدق جايب جيد جداا ،،،، و هو اللي حكيلنا السهولة الفظيعه

اسيوط سهولة فظييعة ههههههههههههههههههههه انا بقى عندى صاحبى فى عين شمس وقالنا والله ان عين شمس سهلة وايه ياعم اللى ينسمعه عن اسيوط ياباشا تعالى وشوف التقديرات عندنا قد ايه
ثانيا فى الدبلومة نسبة النجاح 10 فى المية السنة دى وتقولى اسيوط سهلة

كل كلية بالنسبة لاى حد صعبة وبيقول على كلية غيرة سلهة, فبلاش نفكر فى مين كليتة اصعب من مين , المستشار ابو المعز قال هاخد نسبة معينة من كل جامعة.

سؤال يا ثعلب : هل ممكن حد ينزله طبي وبالرغم من كده ميتقبلش في القرار الجمهوري حتى لو نجح طبي ؟؟؟ وهل هناك حالات سابقة لذلك ؟؟

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009