الخضيرى: "عبد المجيد" يتمتع بحصانة قضائية ولا يمكن عزله

أكد المستشار محمود الخضيرى، نائب رئيس محكمة النقض الأسبق، أن النائب العام يتمتع بحصانة قضائية ولا يجوز نقله من مكانه، وأضاف أننا كمستشارين كافحنا سابقا لإعطاء النائب العام هذه الحصانة التى ليست ضد الشعب، وإنما ضد السلطة التنفيذية التى كانت تستغل سلطتها سابقا لإرهاب النائب العام بأى شكل من الإشكال، وقال إن تحميل كل المسئولية للنائب العام ظلم كبير.

وأكد أنه لا يجوز نقل النائب العام أو إقالته من منصبه إلا بعد الإحالة للمعاش أو رغبته هو فى ذلك، أما مسالة فصله أو نقله فهى ضد القانون.

وقال الخضيرى فى مداخلة هاتفية لبرنامج 90 دقيقة مع الإعلامى محمود الوروارى إن النائب العام لا يقوم بالتحقيق وحده، ولأن جرائم الكسب غير المشروع تابعة لوزير العدل أيضا، كما أن يقوم بالتحقيق فى واقعة مثل موقعة الجمل مجموعة مستشارين منتدبين من وزارة العدل.
[ندعوك للتسجيل في المنتدى أو التعريف بنفسك لمعاينة هذا الرابط]

ياجماعة فعلا النائب العام ماينفعش حد يشيله
واحنا قصدنا على اى سلطة سواء تشريعية او تنفيذية
لكن الشعب يغير اى حد براحته هو ما الا وكيل عن الشعب اصلا
تقدر تيجى تلغى الوكالة عن وكيلك يقولك مش من حقك

الثورة فوق الدساتير والقوانين ومفيش حاجة اسمها ضد القانون لما الامر يتعلق براى عام والله كلامى ده مش بدعة ده العالم كله ماشى بيه واقروا بقى بلاش انحياز مستفز وخلاص

كل ده بغض النظر عن شخصية النائب العام
سواء انا معاه او ضده
بس بجد الكلام بتاع المستشار الخضيرى ده مايطلعش من واحد قانونى ابدا وفاهم يعنى ايه حدود القانون

عارفين حلها ايه علشان الكل يرتاح يحصل استفتاء عليه
وبعديه طبعا يبقى المنصب ده بالانتخاب
اصلها بالعقل وبالقانون ده اسمه نائب عام يعنى نائب عن المجتمع يعنى المجتمع يقوله بررة يعنى برة جوة يعنى جوة

يامنوفى انت وسيادة النائب
منصب النائب العام ده اصلا بالانتخاب ده نائب عن الشعب ولازم الشعب ينتخبوا
مش قصدى ياسيادة النائب ان وكيل النيابة يتجمع عليه شوية ناس يعزلوه لان الموقف مختلف
النائب العام اللى الناس موافقة عليه(المفروض) هو اللى بيعين الوكلاء وهو اللى يحاسبهم اما الشعب فهو اللى يحاسب النائب العام عن طريق صندوق الانتخاب
ده ا ب قانون ان المنصب ده المفروض انتخاب مش تعيين

وانا ماقولتش انه يتشال علشان اللى فى التحرير دلوقتى
قولت يتعمل عليه استفتاء والشعب كله يقول كلمته ده كلام رسولنا عليكم بالسواد الاعظم مش كلامى

تعريف الثورة اهو
[ندعوك للتسجيل في المنتدى أو التعريف بنفسك لمعاينة هذا الرابط]

وركزوا على اخر جملة
والثورة هي مجموعة من التغيرات الاقتصادية والاجتماعية والثقافية تؤدي إلى تغيير جذري شامل في المجتمع.
جزرى فاهمين يعنى ايه جزرى يعنى لو طالت الثورة تجيب شعب جديد تجيب كمان ههههههههههههههههههههههههههههههههه

ماله يا خويا معني كلامك ان الثورة تجيب اس جديدة في كل مكان وتجيب شعب جديد اصل الشعب من ايام ما قبل الثورة
و بعدين ما كل الموظفين في الدولة موجودين ومتعينين من ايام النظام السابق معني كلامك ان دول كلهم يتشالوا برده
يلا وايه المشكلة ما هيا ثورة
تعزل كل الموظفين من اماكنهم وتغير الشعب وبالمرة بقي تغير مكان البلد تنقلها حته تانية ولا اقولك تاخد مكان بنظام الايجار الجديد

احنا خلاص بقينا شعب اهوج لمواخذه يعنى ماشين بمزاجنا تحت شعار الشرعيه الثوريه وكل حاجه تجوز طالما فيه شرعيه ثوريه وهانعمل زى مبارك نفذ قانون الطوارى فينا 30سنه واحنا هانستعمل الشرعيه الثوريه اى نعم مش 30سنه بس هانستخدمها لحد البلد ماتخرب ونقول المجلس العسكرى هو اللى خربها بس احنا اللى خربناها بيدى لا بيد عمرو يعنى ربنا يستر

هههههههههههههههههههههههه انا بهزر يامنوفى كنت
واللى يتشال هما المناصب القيادية والمؤثرة بس
والنائب العام بصراحة اثبت انه فى وقت القوة قوى وفى وقت الشدة شديد ووقف قدام مبارك وهدده بالاستقالة ههههههههه

سيادة النائب انا عارف انه نائب عن المجتمع والشعب اساسا اصل المجتمع ولما يقول مش عايزه يبقى خلاص لما تسمع ثورة ماتجيش تقول قانون يقف قدامها (الدولة الوحيدة فى العالم اللى ناسها عايزيني يفهموا الثورة على كيفهم)
وانا مادرستش قانون سبتلكوا انتوا دراسته

mody كتب:

احنا خلاص بقينا شعب اهوج لمواخذه يعنى ماشين بمزاجنا تحت شعار الشرعيه الثوريه وكل حاجه تجوز طالما فيه شرعيه ثوريه وهانعمل زى مبارك نفذ قانون الطوارى فينا 30سنه واحنا هانستعمل الشرعيه الثوريه اى نعم مش 30سنه بس هانستخدمها لحد البلد ماتخرب ونقول المجلس العسكرى هو اللى خربها بس احنا اللى خربناها بيدى لا بيد عمرو يعنى ربنا يستر

وداوها بالذى هو الداء يامودى

لما حد بيقتل مش بنعدمه يبقى على كلامك مانستخدمش نفس اسلوبه ونطبطب عليه

نفس النظام لكل واحد فسد او سكت حتى وهو فى موقع مسئولية لازم يتحاكم
او يقال على الاقل

واقروا والنبى الثورات اللى حصلت وشوفوا اللى حصل فيها والدولة بعدها بقت من اعظم الدول ازاى زى الثورة الفرنسية كدة

انا مقولتش كده ياميدو انا بقول بالنسبه للاسلوب فى التعامل هما كانوا بيعاملونا باختراقهم للقوانين مانعملش احنا زيهم لا نحاسبهم بالقانون
هو انا قولت اللى قتل مايتعدمش ولا انت هاتقولنى كلام ماقلتوش ولا هاتحرف معنى كلامى عشان تاخده على هواك ولا ايه بالظبط فى حديث عن النبى بيقول من قتل يقتل ولو بعد حين
بلاش والنبى الاسلوب ده انا مش بتكلم عن العقوبه انا بتكلم عن الطريقه واللهجه السائده الشرعيه الثوريه وعلى فكره الشرعيه الثوريه استخدمت فى ثوره 1952 فى عهد جمال عبد الناصر واثبتت فشلها الذريع والبلد باظت بحجه اعداء الثوره وانت مخالف للشرعيه الثوريه
احنا عندنا قانون هانمشى عليه لو مش عاجبنا نغيره بس هانمشى عليه لحد مايتغير ويوضع قانون جديد
وفى الاخر ياميدو مش عاوزك تزعل من الاسلوب لو عنيف شويه فى الاول والاخر اختلاف الراى لا يفسد فى الود قضيه ودى مناقشه بينا اخوات

هههههههههههههههههههههه خلاص ياباشا عايزنا نغلق الموضوع نغلقه
بس تعقيب اخير انا فاهم انه اتدرج فى كل ده قصدى بقى ان يبقى التدرج اخره المحامى العام
ومنصب النائب ده يبقى بالانتخاب زى مافيه دول عاملة كدة وده هيبقى لمصلحة الكل ومصلحته

ثانيا فيه حاجات هتتهمه فيها ازاى زى سكوته كدة المفروض راجل زى ده كان يحاول يبعت رجالته للسجون على الاقل ويبهدل امن الدولة فضايح مهما حصلهم (المناصب دى حسابها شديد عند ربنا واللى رضى بيها يتوقع انه يتنازل عن حياته فى اى وقت دفاعا عن الحق)
اللى غايظنى بقى ان مثلا لما بعتوا لجنة تشوف السجون الشهر اللى فات ويتاكدو ان جمال مبارك موجود ولا لا خدوها من لجنة الحريات فى نقابة المحامين يعنى المحامين شايفين شغل النيابة وبشوات النيابة قاعدين فى مكاتبهم وولا حد بينزل اى سجن فى ظروف عادية او دلوقتى الا نادرا جدااااااااااااااااااااااا للاسف النيابة بقت مليانة اطفال مانضجتش لغاية دلوقتى

عموما ولا يهمك ياسيادة النائب وانا مش زعلان يا mody مهما خبطنا فى بعض فى اختلاف فى راى واسال المنوفى حتى وولا قصدى اقولك كلام هههههههههه كل قصدى ان اللى قدر يغير دستور يقدر يغير قانون وبعدين انا مش قصدى قلة هما اللى يقيلوا النائب العام انا قصدى السواد الاعظم واللى هما فى راى جانب من الفقه يمثلوا الاجماع ( لان الاجماع عند البعض ممكن يكون بالغالب مش بالتوافق الكلى واستندوا لاحاديث الرسول عليكم بالسواد الاعظم ....الخ وده طبعا درسناه فى الشريعة) والاجماع طبعا بعد القران والسنة يعنى مفيش حاجة اسمها قانون يقف ضد الاجماع

عموما مهما قولنا شكلها كل واحد هيفضل مقتنع برايه ههههههههههه وولا يهمكوا لو عايزين تقفلوا الموضوع براحتكم ومفيش زعل فى نقاش طبعا الخلاف فى الراى لايفسد للود قضية

ههههههههههههههههه ياباشا عارف انه هزار

وطبعا معاك جدا فى اخر كلامك الثورة ماينفعش تشيل اى حد الا لاسباب واطمن البلد مليانة ناس بتحرت وتجيب اسباب وحقائق عن كل واحد

وفى حكاية وكلاء النيابة اه عارف ال 3 اللى راحوا امن الدولة ودوول زى مابقولك من القلة النادرة الكويسة اللى بتشوف شغلها
ان شاء الله ربنا يوفقكم ياسيادة النائب ونشوفكم معلمين اى حد بينتهك اى حق من حقوق الانسان الادب وتقرفوا ظباط السجون فى عيشتهم من كتر مابتروحوا
وربنا يصلح الحال