أستفسار أرجو الرد بسرعة

السلام عليكم ورحمة الله وبركاته : الرجاء من إدارة المنتدى الرد على هذه الأسئلة بسرعة
هل يجوز سحب ملفين لى ولأخى؟
كم رسم سحب الملف؟
هل مطلوب منى أوراق عند سحب الملف ؟
ما الذى يجب أن أفعله بعد تقديم الملف للكلية ؟
عند القبول إن شاء الله كم ستكون رسوم الكلية ؟
ما هى شروط التقديم فيها ؟
علما بأننى خريج حقوق 2011
آسف لإزعاجكم والإطالة متمنيا الرد فى أسرع وقت ممكن
وأخيرا جزاكم الله عنا كل الخير والسلام ختام

السلام عليكم :ومعلش سؤال ثانى
ما هى الأوراق المطلوبة بالضبط لأبأ البدأ فى تجهيزها ؟
والسلام ختام

الرجاء الرد بسرعة

حضرتك لازم كل واحد يروح يسحب ملفة بنفسة لانة سوف يتم تصوريك صورة عسكرية بالكلية الحربية اعتقد ان مفيش اورق مطلوبة لسحب الملف ولكن الاضمن خد معاك شهادة التخرج بجانب البطاقة الشخصية وقصر شعرك وظبط ملابسك انت رايح جيش يعنى انضباط وعشان لو معملتش كدا مش هتدخل من البوابة اصلا وكمان عشان هتتصور صورة عسكرية وهترفق ف الملف ومتخدش معاك الموبايل عشان مش هتدخل من البوابة باى حاجة وهيتم تفتيشك ع البوابة حتى لو كان رايح معاك لواء لازم تتفتش ومش الملف ف حدود 60 تقريبا بالنسبة للسنوات السابقة بالسنة لشروط التقديم لحضرتك ليسانس حقوق 2010 او 2011 بتقدير جيد ومتكنش اخدت اعفاء من الجيش لاسباب مرضية تقدر حضرتك تدخل ف القسم اللى موجود فية الاعلان وتعرف كل حاجة وبالنسبة لباقى التساؤلات سوف تعرف كل ما يخطر ببالك عند سحب الملف لانة بعد متسحب الملف وتتصور هيتجمع بيكم قائد وهيعرفكم كل حاجة ........ اتمنى ان اكون افدتك بالتوفيق

السلام عليكم ورحمة الله :
لا يسعنى الا الدعاء لك بالصحة والخير أنت وجميع أخواننا ،وجزاكم الله عنا كل الخير
ومعلش إن كانت جاتت متأخر بس أن قرأت الرد بسر عة وملحقتش ساعتها أسجل شكرى .
معلش آسف للإزعاج فى أستفسار تانى صغير :
أنا سحبت الملف الحمد لله ومكتوب عبى الملف أنه يتم تسليمه فى 23/11 ونسيت أسأل هناك آخر ميعاد لسحب الملف أمتى يعنى ممكن أقدمه بعد الميعاد اللى مكتوب على الملف ولا لأ وهل فى آثار سلبيه لذلك .
معلش أرجو منكم سرعة الردفى أقصر وقت ممكن لضيق الوقت المتاح لدى .
والسلام ختام

الشكر لله استاذ عبدو كلنا اخوة

بالنسبة لسؤال حضراتك فالميعاد اللى هتسلم فية الملف دا هو ميعاد اول اختبار وهو السمات والطول والوزن فاعتقد انة ميفعش تتاخر عن الميعاد المحدد لك وابقى اطلب من القائد اللى ع البوابة رقم الاستعلامات للرجوع الية فى اى استفسار لانهم هما هيفدك اكتر هو الرقم كان معايا بس مش فاكر راح فين والله وانا تحت امرك فى اى معلومة اكون عارفها بالتوفيق ان شاء الله ونبارك قريب

السلام عليكم ورحمة الله وبركاته :
جزاك الله عنا كل الخير و سامحنى تانى إن كان الرد دائما يأتى متأخرا

معذرة عندى بعض الأستفسارات:
أنا أستلمت أسطوانة مع الملف وعليها معلومات عن مصر كتيير حوالى 200 صفحة هل فعلا سوف يتم أختبارنا فى هذه المعلومات أم لا ؟
وهل لاقدر الله اللى بيسقط فيه لايقبل فى الكلية ؟
وفيها أيضا مضوعات لللغة العربية مطلوب مذاكرتها علشان هنمتحن فيها ، فهل عندك خلفية عن هذه الأسئلة حتى أكون على أستعداد لها إن شاء الله ؟
وأيضا عليها دروس فى مادة الرياضة فهل دى لينا نذاكرها أيضا أم لطلبة ثانوية عامة ؟
وأرجو من سيادتكم رقم الأستعلامات إن كنت وجدته علشان لو فى أستفسار أقدر أتواصل معهم هناك؟
ولو فيه أى ملاحظة أونصيحة بخصوص هذه الأسئلة أو أذاكر ده كله إزاى أو إيه اللى أذاكره بالضبط أنا أكون شاكرا جدا وممنون لكم.
وأخيرا معلش أنا أثقلت عليكم ، والرجاء من لديه إجابات أكيدة بخصوص هذه الأسئلة الرد عليها وجزاكم الله عنا كل الخير
وأخيرا لايبقى منا إلا السلام
والسلام ختام

بس حضرتك امتحان السمات دا عبارة عن حوالى 100 سؤال المفروض تجوب عليهم فى عشر دقائق وبيكون الاجاب اختيارى فذاكر الاسطوانة ممكن الاسئلة تيجى منها هى اسئلة بتكون كلة رياضى وقانونى ومعلومات عامة ف كل حاجة وطبعا اللى مش بينجح ف السمات لاقدر الله خلاص كدا سقط فتوكل على الله ونصيبك هتاخدة باذن الله بالسنبة للرقم الاستعلامات مش لقية والله بس ممكن حضرتك تتطلبة من القائد ع البوابة وربنا يوفقك ان شاء الله

السلام عليكم ورحمة الله:
جزاك الله خيرا على الرد

بس حضرتك أنا الحمد لله أمتحنت سمات ونجحت وبصيت فى الأسطوانة تانى لقيت أننا هنمتحن فى المعلومات دى بعد الرياضى تقريبا
وهنمتحن فى اللغة العربية أيضا .
فحضرتك لم تجاوبنى هل عندك خلفية عن هذه الأسئلة كالأسئلة المطروحة فى النيابة العامة مثلا أم ليس عندك خلفية بها؟

وأيضا عليها مواد رياضة وفيزياء ومكتوب عليها <مواد مؤهلة خاص بالقسم الأدبى > وأنا شاكك أنها تكون لطلبة الثانوية العامة وليس للخريجين والقائد لم يتعرض لهذه النقطة فهل هذا صحيح أم لا ؟ علما بأننى كنت أدبى فى الثانوية العامة

أرجو الرد ممن لديه معلومات أكيدة وجزاكم الله عنا كل الخير
وأخيرا
السلام ختام

معلش نسيت أسألكم مفيش أخبار جديدة نزلت عن مسبقات تانى .
والنيابة العامة ومجلس الدولة هينزل الإعلان امتى تقريبا
والسلام ختام

اولا مبروك احتياز السمات وعقبال باقى الاختبارات ....... الصراحة انا معنديش معلومات عن الاسطوانة دى بس انت لية مسئلتش القائد من حقك تستفسر عن اى حاجة من القائد وان كنت اعتقدانها للثانوية العامة عموما انت اكيد اخدت كتاب معاك ف الملف بص فيه وانت هتعرف كل حاجة

بالنسبة للمسابقة النيابة والمجلس لسة مفيش جديد

بالتوفيق ان شاء الله

السلام عليكم ورحمة الله :أنا سمعت أن فى إعلان نزل لمسابقة فى السلك الدبلوماسى والقنصلى منذ فترة قليلة . هل الكلام ده صحيح أرجو الإفادة وجزاكم الله خيرا والسلام ختام

» استفسار هام أرجو الرد
» استفسار هام أرجو الرد
» الى الزميل :- أجهز الرد على ا أستفسار عن القرض البنكى هل حلال ولا حرام
» ندااااااااااااااااااااااااااااااء هام أرجو الإفادة سريعا
» لو سمحتوا فيدونى بسرعة