قبول دفعات جديدة من الجامعيين بالكلية الحربيه في تخصصات الطب والهندسة والعلوم وإدارة الأعمال والحقوق والعلاج الطبيعي

صدق المشير حسين طنطاوي القائد العام للقوات المسلحة وزير الدفاع والانتاج الحربي علي الاعلان عن قبول دفعة جديدة من خريجي الجامعات بالكلية الحربية دفعة يناير‏(96).‏ من الأطباء والمهندسين والمختلط من كليات العلوم‏(‏كيمياء خاصة ـ كيمياء مزدوجة ـ ميكروبيولوجي حيوية ـ فيزياء ـ جولوجيا ـ بيولوجي ـ طبيعة ـ فلك ـ الحواسب وتكنولوجيا المعلومات‏)‏ والتجارة محاسبة ـ ادارة أعمال ـ علي أن يكون حاصلا علي الماجستير والدكتوراة واللغات‏(‏انجليزي ـ روسي ـ صيني ـ تركي‏)‏ والحقوق والعلاج الطبيعي‏(‏ ذكور ـ اناث‏)‏ واعلام وصحافة وآداب علم نفس وزراعة وتربية رياضية وسياحة وفنادق‏).‏ صرح بذلك اللواء أ‏,‏

ح محمد علي فليفل مدير الكلية الحربية ومدير مكتب تنسيق الكليات والمعاهد العسكرية وأضاف أن الدفعة‏(96)‏ أطباء تشمل تخصصات‏(‏ طب بشري ـ طب أسنان ـ طب بيطري وصيادلة ذكور واناث ورئيسات تمريض والأطباء البشريين والصيادلة ذكور واناث والبيطريين الحاصلين علي الدراسات العليا‏(‏ الماجستير والدكتوراه‏).‏ كما يشترط لدفعة الأطباء أن يكون المتقدم حاصلا علي المؤهل عام‏2009‏ والسنوات السابقة لها وأن يكون قد أمضي فترة الامتياز للأطباء والتمريض العالي وأن يكون المتقدم حاصلا علي تقدير جيد فأعلي بالنسبة للأطباء‏(‏ بشري ـ اسنان‏)‏ وتقدير مقبول فأعلي لباقي التخصصات‏(‏ صيادلة ـ بيطري ـ تمريض عالي اناثا علي ألا تزيد سن المتقدم في أول يناير‏2010‏ بالنسبة للأطباء البيطريين والصيادلة ذكور واناث الحاصلين علي درجة البكالوريوس عن‏(28)‏ سنة والأطباء البيطريين الحاصلين علي درجة البكالوريوس والأطباء البيطريين الحاصلين علي درجة الماجستير والدكتوراه علي‏(30)‏ سنة علما بأنه سيتم فتح باب سحب الملفات للقبول وتقديمها الي المكتب الرئيسي بالكلية الحربية اعتبارا من يوم الأحد الموافق‏11‏ أكتوبر وحتي يوم الخميس الموافق‏5‏ نوفمبر‏2009.
وأوضح امدير الكيلة الحربية ومدير مكتب تنسيق الكليات والمعاهد العسكرية أنه بالنسبة للدفعة 68 مهندسين تضم تخصصات كهرباء قوى ، وحواسب ، واتصالات ، وإلكترونيات ، وميكانيكا قوى وميكانيكا إنتاج ، وميكانيكا سيارات هندسة بحرية "بناء سفن وهندسة طيران مدنى وعمارة، هندسة نسيج ، وهندسة نووية، وهندسة كيمياء دكتوراة.

ويشترط أن يكون المتقدم حاصلا على المؤهل عام 2009م وما قبلها بتقدير مقبول فأعلى على أن لا يزيد السن فى فى أول 2010 عن 26 سنه وبالنسبة لتخصص هندسة كيمياء الحاصلين على الدكتوراه عن 30 سنه.

ويشترط لدفعة 56 مختلط أن يكون المتقدم حاصل على المؤهل عن عام 2009م والسنة السابقة لها فقط بتقدير جيد فأعلى على أن لا يزيد السن فى أول 2010 م عن 26 سنة وأن يكون قد أمضى فترة الامتياز بالنسبة لتخصص العلاج الطبيعي.

أما بالنسبة لتخصص علوم فلك فيسمح بالتقدم للطلبة الحاصلين على المؤهل عام 2009 وما قبلها حتى عام 2006 ، موضحا أنه يشترط لتخصص إدارة الاعمال الحاصلين على الماجستير أو الدكتوراة ألا يزيد السن فى أول 2010 عن 30 سنة.

وأشار فليفل إلى أن مدة الدراسة تتراوح من 6إلى 7 شهور بالكلية الحربية لجميع التخصصات ويمنح الخريج شهادة إتمام الدراسة العسكرية.‏

السلام عليكم
ممكن يا جماعه اعرف شروط الكليه الحربيه لخريجى كليه العلوم
ااهم شروط الوزن والطول المطلوبين
يا ريت خد يرد عليا ضرورى

اهلا بيك يا امير
الطول لايقل عن 165
والوزن حسب طولك
يعني لازم يكون وزنك هو اللي فوق المائه
يعني لو انتا 170 يبقي لازم يكون وزنك 70

مشكور يا احمد على سرعة الرد

الشكر ليك ياباشا

السلام عليكم ورحمة الله وبركاته
كان في سؤال من أنسة قربتي
كانت عايزه تسئل عن التخصصات الجامعية المطلوبة في الكلية الحربية **للإناث**
ويعني ايه المختلط من كليات العلوم‏(‏كيمياء خاصة ـ كيمياء مزدوجة ـ ميكروبيولوجي حيوية ـ فيزياء ـ جولوجيا ـ بيولوجي ـ طبيعة ـ فلك ـ الحواسب وتكنولوجيا المعلومات‏)‏
هل هي أنها تقبل أناث وزكور
وشكرا
أرجو الرد سريعا
سلام

وكنت أنا بسئل عن نفس الموضوع ولكن انا بسئل
هل لو الكلية الحربية بتقبل الحاصلين على دراسات عليا في أي كلية وأي تخصص
ولا لازم تخصص معين
ويا ريت لو تخصص معين تحدده بالظبط
شكرا

اهلا بيك يا احمد
التخصصات المطلوبه للاناث وضحه في الاعلان
والجديد بس انها بتقبل خريجي كلية الطب البشري اناث

((ويعني ايه المختلط من كليات العلوم‏(‏كيمياء خاصة ـ كيمياء مزدوجة ـ ميكروبيولوجي حيوية ـ فيزياء ـ جولوجيا ـ بيولوجي ـ طبيعة ـ فلك ـ الحواسب وتكنولوجيا المعلومات‏))

الاعلان لا يقصد المختلط من كليه العلوم
ولكن ده اسم الدفعه
يعني في دفعه اطباء ودفعه مهندسين ودفعه في ها باقي الكليات فبيطلق عليها مختلط
000000000000000000000000000000000000000000
بالنسبه لدرسات العليا ده بيكون حسب الكليه
يعني لو قرات عند دفعه الطب والهندسه (ويشترط أن يكون المتقدم حاصلا على المؤهل عام 2009م وما قبلها)

اما لدفعه المختلط
(يشترط لدفعة 56 مختلط أن يكون المتقدم حاصل على المؤهل عن عام 2009م والسنة السابقة لها فقط )
ماعدا كلية التجاره فيشترط الحصول علي الماجستير او التكتورة

شكرا يا ناجح
على الرد السريع

لا شكرا علي واجب ياباشا

السلام عليكم ورحمة الله وبركاته
كنت عندي سؤال بخصوص التخصصات الجامعية وهو :
أنه في واحد صحبي قال لي أن واحد قريب له كان خريج معهد من معاهد الحاسب الآلي والمتطورة وعمل بعد التخرج معادلة من جامعة القاهرة وقدم في الأكاديمية الحربية واتقبل
السؤال ؟؟؟؟؟؟؟؟؟؟؟؟؟؟؟؟؟؟
هل ممكن أي تخصص في الحاسب الآلي يقبل في الحربية؟
أو أي كلية بتدرس مقررات في الحاسب الآلي تنفع ولا لأ ؟
الموضوع أن أنا بدرس الحاسب الآلي عندي في الكلية شعبة تكنولوجيا التعليم لأغراض تعيلمية في التربية والتعليم .
بالرغم من أنها مقررات كويسة ومفيدة مثل ( البرمجة والجرافيك والشبكات والتعليم الإلكتروني وتصويرفوتوغرافي ورسومات وخرائط .....إلخ ) بس هي مقرات مش جديدة بس شغالة وماشية .
هل ممكن تقبلني الاكاديمية الحربية بتخصصي ده لغرض ما في التعليم الحاسوبي في المدارس العسكرية زي ما بيخدوا خريجين كلية تربية العادية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بمعنى أخر مش بردو موجود معامل حاسب آلي ووسائط متعددة في المدارس العسكرية زي المدارس العادية ؟
أرجو الرد سريعا
وشكرا

وكنت بسئال عن التخصص اللي موجود في الدفعة مختلط وهو الحواسب ونظم المعلومات
هل هو تخصصص عام لكل الكليات المختلفة التي تدرس الحواسب ونظم المعلومات ولا كلية العلوم فقط ؟
وشكرا

السلام عليكم
أنا بقول مش ضروري الأسئلة اللى أنا سئلتها عن التخصصات وغيره
المهم دلوقتي وده لازم ترد عليا فيه يا ناجح إن شاء الله
علشان اريحك وتريحني
لو تعرف حد شغال في الأكاديمية الحربية أو الضباط المتخصصين بكلية الشرطة " وياريت يكون موثوق فيه " وتسئله سؤال واحد بس يخصني وهو
هل الأكاديمية الحربية أو الشرطة قبلت قبل كده أو ممكن تقبل إن شاء الله في المستقبل القريب تخصص جامعي من كلية التربية النوعية شعبة تكنولوجيا التعليم ؟
ده هو السؤال وياريت متتأخر عليا في الرد
أرجو منك سرعة الرد
وشكرا على كل المجهود الرائع وبالتوفيق

عنيا ياباشا حاضر

تسلملي عنيك يا ناجح باشا
وشكرا وأنا في انتظار علي أحر من الجمر

السلام عليكم ورحمة لله وبركاته
انا بسلم على كل أعضاء المنتدى الكرام وبقولهم كل سنة وانتم طيبين
" واللهم بلغنا رمضان "
يا أحمد باشا انا من كتر انتظاري للرد نسيت السؤال
انا عارف ان انت مش فاضي بس حاول ولك الآجر والثواب عند الله

كان عندي سؤال تاني لواحد قريبي جايب في الثانوية العامة 53 % وجسمه حلو وعنده لياقه وبيظبط وزنه دلوقتي
وكان عايز يقدم في الكلية الحربية أو الجوية بس عنده مشكله كان عامل الزيده هل هي مشكله كبيره ممكن مدخلوش لا قدر الله
وشكرا على كل المجهود
وكنت بسأل هو فين إعلان كلية الشرطة

اهلا بيك ياباشا
انتا فينك من زمان يا ابو حميد
ياباشا خلي قريبك يقدم في الكلية الجوية علشان هوه ملوش حربية
علشان الحربية 60%
وحكاية الزائده ده عادي جداا مفهاش اي مشكلة
وياباشا اعلان كلية الشرطة لسة منزلش
بس خلاص علي نزول يعني يوم او يومين تاني
واول لما ينزل هنقول علي طول يعني
وبالتوفيق ياباشا

ألف شكر ياباشا و معلش كنت مشغول شويه بس انا كنت بتابع الاخبار من وقت للتاني
بمناسبة الكلية الجوية في سؤال عن المراحل بتاعتهاهل هي أصعب من الكليات التانية يعني في الكشف الطبي والضغط والنظر وهكذا ولا عادي
أصل قريبي ده خايف من ان عملية الزيدة اللى عملها تأثر في الكشف الطبي
فياريت توضح لي مراحل الكشف الطبي بتاع الجويه ولك جزيل الشكر
وياريت متنسانيش في سؤالى القديم اللى انت نسيته خالص( التخصصات الجامعية )؟؟؟؟؟؟؟

هي فعلا الكلية الجوية في اصعب وادق كشف طبي علي سائر الكليات العسكرية
لان الطيار لازم يكون له مواصفات خاصه جدااا
وهي مش موجوده في ناس كتير
يعني بصراحة تقدر تقول كده ان من كل 100 واحد بينجح واحد فقط
بس مش معني كده انها مستحيلة بالعكس يعني هوه لو فية مواصفات الطيار مش هيحس باي مصاعب او مشاكل
وانا بقولك الصراحة بدليل ان الكشف الطبي في الكليات العسكرية كلها بيخلص في يوم واحد
اما الكشف الطبي في الكلية الجوية بيقعد 3 ايام
اما عن مراحل الكشف الطبي فهي زي باقي الكليات العسكرية بس ادق بكتير
وياباشا والله في السوال بتاع الجامعين انا سالتلك ناس كتير في الجيش كله قالي اسئلك واللي قالي معرفش
علشان كده احسن حاجه ليك انك تروح مكتب استعلامات الكلية الحربية واسائل
علشان تريح نفسك
وبالتوفيق ياباشا

شكرا يا ناجح على المجهود الرائع
وانا إن شاء الله هتصرف في موضوع الجامعيين وهسأل