ايه الى بتقوله دا انت وهو!!! ايه مشربتوش من نيلها؟؟؟؟؟؟؟؟

بصوا انا مش هقول كلام شعارات بس محتاجه حد يفهمنى الى بيحصل .
مغنيه جايه فى حفله تاخد مليون دولار دا غير الفرقه الى معاها والديكور والحاجات الى هى جايباها فى طيارات خاصه اخدين بالكم طياراااااااااااات خاصه من بلدها دا غير انها معروفه اصلا بحفلاتها ولبسها وعموما كلها على بعضها كده الى لا يتفق مع بلدنا اوبمعنى اصح مع عاداتنا وتقاليدنا او ممكن نقول الى كانت عاداتنا وتقاليدنا نيجى بقا للمهم الى هو ايه؟؟؟؟؟ الحفله حاضرها 5000 شخص وطبعا الحفله مش ببلاش
او تعتقدوا عشان العدد دا كله الحفله مجانى يعنى ؟؟
اكيد لا
الحفله تذاكرها بتتراوح مابين 250ل2000جنيه
طبعا الى هيقرا هيقول ملناش دعوى بدا كله
بس انا بصراحه دمى اتحرق دا بجد مش هزار فافضى بقا الى جوايا دا فى ايه فقلت اكتب اهو اطلع الى جوايا اصلى كده ياهيجيلى حاجه ياهطق
عموما مش موضوعنا نرجع لموضوعنا
شوفوا تمن تذاكر الحفله الى حضرها 5000 شخص فى حين ان الشعب نفسه عايش اسره كامله ب250 جنيه وغير بقا شباب مش لاقى شغل عشان البلد فيها نقص فى الميزانيه اصله يعنى هيقبض مين ولا مين هيجيب منين الله يكون فى العون ومفكرين ولا نعرف عنهم حاجه ولا لينا بيهم سابق معرفه ولاحتى فى حد بيشجع والى عايز يعمل يتكفل بنفسه اصل البلد فقير ه
مفيش هتعمل ايه يعنى؟؟؟؟؟
وشعب بيحصله اى حاجه ويسكت عشان البلد فقيره واحنا اهل البلد دى ولازم نستحمل اصل هنعمل ايه داحنا المفروض نساعد ونقدر الى هى فيه .
بس لما نقعد نتفرج ونلاقى البرامج اذ فجائة كده جايه تغيظنا لا مش البرامج دى البلد بتطلعلنا لسانها وبتقولنا هييييييييييه ضحكت عليكم !!!!!!!!!!!!!.
وتيجى بقا الصحافه تحكى وتتحاكى عن حفلة بيونسى المقامه عندنا فى بلدنا الى اخده فيها مليون دولار!!!!!!!! .
تفتكر ليه الشباب هيطق حاجه غريبه ياترى ليه!!!!
وليه الموظفين اتخنقوا مش من حقهم اصلا!!!
والناس كلها ليه زهقت وصرخت مع ان بردو مش من حقهم اصلا!!!
والاغرب بقا الى جاى يقول انا عايز اسافر فاحنا نبصله مستغربين ازاى تسيبها ازاى تقول كده !!!
ولا الاهالى الى عايشه على اد الاد مش على الاد بس لما تلعن وتشتم نقولهم لا اوعوا تقولوا كده!!!
ولا الناس الى بتبكى وتلطم وتقول حسبى الله ونعم الوكيل مش عارفين ليه الناس دى بتعمل كده!!! .
ازاى يتكلموا كده وازاى يتبطروا كده وازاى يفكروا كده وازاى يزهقوا وازاى يتخنقوا وازاى وازاى وازاى.............
ايه دا همامشربوش من نيلها ؟؟؟؟؟؟؟؟؟؟؟
تفتكروا ان ممكن تكون مشكلتنا اننا شربنا من نيلها ؟؟؟؟؟؟؟
اصل كل دا وبنحبها بننقدها بس بنحبها عايزين نسيبها بس بنحبها زهقنا وطهقنا بس بردو بنحبها اعتقد انها بالنسبه لينا زى الابن لما بيغلط بنزعل منه اوى بنزعق وبنتدايق بس بنحبه وبنخاف عليه ولو حد لمسه نقطع ايديه.
مش صح بردو ولاايه
حد بقا يرد على السؤال دا اصلى خلاص اجابتى تاهت وورقتى ضاعت وقلمى حبره خلص.
ولسه معانا نفس السؤال !!!!!!!!!!
ايه مشربتوش من نيلها ؟؟؟؟؟؟؟؟؟؟؟