الفرق بين البنت والولد فى الميكروباص .....هع هع هع هع هع ......

أولا :- طبعا وانتا بتوقف الميكروباص وياسلام لو مافيش مكان لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك

ثانيا :- طبعا وانتا ...طالع كتير مننا ممكن يخبط راسه في الباب طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا تلاقي اللي ممكن يقوم يضرب السواق انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

ثالثا :- وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل .... ولو قفلت الباب بالجامد بقا لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

رابعا :- طبعا ممكن يجيلك تليفون وانتا قاعد في الميكروباص لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه

خامسا :- لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل طبعا لو انتي بنت القانون بيديكي الحق الكامل انك تقوليله وطي الكاسيت او اطفيه انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

سادسا :- طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟

مش كده ولاايـــــــــــــــــــــه Very Happy

شوفتى مظلوميين دايما طب مرة انا نازل من الميكروباص الكبير دة وراجع من امتحان مش شايف قدامى المهم الميكروباص وقف عشان ينزل واحدة وبعدها بمحطة المفروض انزل نزلنى وهو ماشى فنطيط عكس ما المكروباص ماشى طبعا طبعا وبكل فخر اتجرجرت فى ديل العربية اللى غاظنى ان امه لا اله الا الله كانت واقفه تتحك وبنت وقعت قدامى من كتر الضحك طبعا هدومى متقطعى ووشى اتشلفط ودراعتى

ولا فتحت بؤى زى ال......... على البيت عدل هههههههههههههه

يانهاااااااااااااااااار ههههههههههههههههه

معلش يامحمود بك دا ضريبة الرجوله

الله معكم Very Happy

هههههه حلوة ضريبة الرجولة وضريبة الانسانية ملغية يعنى هههههههههه

يعنى لية منبقاش متسويين حتى فى الضريبة هههههههههههه

عشان تعرفو ان الرجل مظلوم

احنا نتسوى فى اى حاجه الا دى تلاقى الستات تراجعت

وافتكروا اخيرا ان الست ست والراجل

راجل ومفيش حاجه اسمها مساواه ويقولوا كمان مفيش رحمه ياجماعه رفقا بالقوارير

دا على اساس انى مش منهم يعنى ههههههههههههههه

نورتنى يامحمود بك وتعيش وتاخد غيرها Very Happy

دا على اساس انى مش منهم يعنى ههههههههههههههه

انتى ست ستهم يا ميمو بس الحق حق وانتى بتقولى الحق هههههههههه

بس انا معاكم فى حاجات كتير واولها التعليم والعمل وحاجات كتير وابسط مثال لو البنت مثلا مش بتشتغل ولقدر الله اللى اتجوزتو دة يا عالم هيراعى ربنا فيها ولا اية هيبقى وضعها اية دى مش مساواة من الاساس دة حقها بكل تاكيد ونفس الكلام فى حاجات كتير مش جواز وبس لا عموما فى الحياة لازم يبقى ليها كيان

وخيرها فى غيرها كلو يهون عشانكم هههههههه

سادسا :- طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟

مش كده ولاايـــــــــــــــــــــه

هههههههههههههههههههههههههه

أكيد البنات لهم تمييز عننا في كل حاجة اشمعنا دي اللي هنتصدر لهم فيها يعني ؟؟؟؟؟؟؟؟؟؟؟؟؟؟

ما علينا ............

انتوا الأساس برضه

مش عارف الرضا اللي عندي ليكم ده سببه ايه !!!!!!!!!!!!!!!!!!!!!!!!!

شكلي بدأت أخرف و لا ايه ؟؟؟؟؟؟؟؟؟؟

الحقني يا حوده !!!!!!!!!!!!!!!!!!!!

» الفرق بين البنت الدفشة والناعمة
» الفرق بين موبايل الولد وموبايل البنت
» ثقافة الميكروباص
» الفرق بين اوروبا وايطاليا !!!!!!!!! بس اعتقد ان دا الفرق بين اوروبا وحد تانى !!!!!!!
» شفتوا الواد حصله ايه فى الميكروباص!!!!!!!!!