الواسطة ازاى فى الهيئات القضائية

حبيت اكتب الموضوع دا واحذر الجميع من وهم النصب بأسم الواسطة.

طبعا كل خريج جديد او خريجة جديدة بيكون نفسه يتعين فى هيئة قضائية .
والكل من اول يوم بيبحث عن واسطة تساعدة . وفى بيتم تعيينة وفى لا يتم تعيينه بالرغم من انة معاه واسطة او دافع فلوس.

السؤال بقى هو ازاى اكون دافع فلوس او معايا واسطة وميتمش تعيينى ؟؟؟؟؟؟
لذا وجب مناقشة الامر حتى لا تكون عرضة يا اخى ويا اختى من وهم النصابين.
وانا هقسم الوسايط على كذا مثال لعلنا نستفيد جميعا

1_ الواسطة من اهلك ومتكوب اسم الواسطة فى الملف: هذة اقوى انواع الواسطة لان عند التوصية اول سؤال بيتسال للواسطة بتاعتك هو انت تعرف المرشح منين؟ يرد ويقولك قريبى لان انا خاله او عمة وهكذا....

2_ الواسطة صديق للوالد او للعائلة: وساعتها هيقول انا قريبة وصاحب ابوة وطبعا انت فى الحالة دى محتاج ملف قوووى جدا يثبت ان الباشا دا صديق لعائلة المرشح دا يعنى لازم وسطت اجتماعى قوى ومالى محترم.

3_ الواسطة فلوس: واديما بتلاقى محامين هما الى بيقولوا كدا او مستشارين مرتشين واغلبهم بيطلع صلاحية. وبتكون عبارة عن دفع مبلغ 100 او 150او 200 الف جنية علشان الباشا يوصى عليك ويقول دا جارى اوى معرفتى او صديق للعائلة , وطبعا مجلس السباعية مجلس فاهم وبيقارن الملف وبيفرزة جيدا وبيشوف هل يجوز فعلا ان دا يكون معرفه دا .
كما ان الناس الى بتدفع فلوس معظمها بيتعرف و بيطيروا عادى جدا.

والقصة كلها ان فى مثلا واحد بيقولك وبيقول لغيرك انة يقدر يدخل ويعين وبيعمل كشف فيه 10 اسماء ويقبض على الواحد 100 الف يعنى قبض مليون جنية من 10 مرشحين ويقول لمعرفتة دخلنا اى حد وفعلا بيدخل واحد او اثنين وهما يعتبروا اقوى 2 مرشحين من حيث الوسط الاجتماعى والمالى. ويروح الى خد الفوس يعمل مشروع حلو ولا حتى يحطهم فى البنك وبعد سنة يقولك هتاخد فلوسك تانى زى الباشا متقلقش وانت طبعا لو دافع 100 الف هتاخدهم 80 او 70 ويقولك الباقى كان هدايا لا ترجع ويبقى النصاب خد مبالغ وخد فوايد المبالغ الى شغلها.

لذا انصح الجميع بفهم موضوع الواسطة .والتركيز على فهم نقطة هامة وهى

(((لو اجتمع أهل الأرض على أن ينفعوك بشيء ما نفعوك إلا بشيء قد كتبه الله لك، ولو اجتمع أهل السماء والأرض على أن يضروك بشيء لن يضروك بشيء إلا قد كتبه الله عليك)))

ملحوظة: ليس كل مستشار او ذو منصب قادر على التوصية بل لابد ان يكون لة دلال ومعرفة بأعضاء اصحاب القرار سواء المستشارين من السباعية او من داخل الوزارة .

وفى النهاية : يبقى توفيق الله اهم سبب للتعيين , ثم الواسطة و قوة ملفك ووسطك الاجتماعى والمالى والتقدير.
وتحياتى للجميع واتمنى للجميع التوفيق.

شكرا يا محمود باشا علي الموضوع

فعلا بيتم النصب علي الكثير من الشباب باسم الواسطة

ربنا يكرمنا جميعا

و واسطتنا الاولي و الاخيرة و اعتمادنا علي الله عز وجل

فعلا موضوع هام شكرااا

((لو اجتمع أهل الأرض على أن ينفعوك بشيء ما نفعوك إلا بشيء قد كتبه الله لك، ولو اجتمع أهل السماء والأرض على أن يضروك بشيء لن يضروك بشيء إلا قد كتبه الله عليك)))

تحياتى وتقديرى لموضوعك الرائع

كلامك مظبوط مليووووووووووون المية يا باشا وعن تجربة لبعض اصدقائى

● ـ كفى بالله وكيلاً .

هو اولاد المستشارين بمجلس الدوله مابيقبلوش فى النيابه والعكس يعنى اولاد المستشارين بالقضاء مابيقبلوش فى مجلس الدوله عشان يوفروا الاماكن لاولاد كل هيئه قضائيه على حده ولا الكلام ده مالوش اى اساس من الصحه وكل اللى والده مستشار بيتعين فى اى هيئه قضائيه يختارها هو

كلام غير صحيح

هو ايه بالظبط اللى غير صحيح ان نجل المستشار مش بيختار ايه هيئه هو عايزه لو متوافره فيه الشروط ولا انهى بالظبط

موضوع ان كل هيئة اولى بعيالها ده كلام ملوش اساس من الصحة
مثلا ابناء قضايا الدولة اذا انطبقت عليهم شروط العامة بيدخلوها
وابناء الادارية هكذا وابناء المجلس هكذا والعكس ابناء العامة لو عاوزين يدخلوا مجلس بيدخلوه ومفيش اى مشاكل خالص .
بشرط انطباق الشروط الظاهرة والخفية عليه

بصراحه الموضوع في غاية الاهمية مش اي حد تدفعله فلوسك وراء وهم اسمه الواسطه ولو حتي مستشار لان ليس كل مستشار يستطيع ان يزكيك ويوصي عليك عند اللجنة وعلينا جميعا ان نتوكل علي الله واحنا بناخد بالاسباب وبنقدم ولو ربنا مقدر لينا الخير في التعين هنتعين ولو مش خير مش هنتعين وفي كل الاحوال احنا راضيين بالمكتوب لينا ونحمد ربنا