حسبنا الله ونعم الوكيل

هههههههههههههههههه والله ماحد عارفلكوا انتوا مع مين
مع الثورة ولا ضدها ولا مع الشرطة

خليكوا ماشيين مع النغمة بتاعة الناس اللى تعلق وخلاص من غير ماتشوف حاجة
كنتوا هناك انتوا علشان تقولوا كدة
عموما الشرطة تستاهل اللى حصلها لانها نزلت علشان تخلى الناس دى ترجع وماتضغطش على الحكومة فى تعجيل محاكمة الظباط الزبالة بتوع الثورة
اللى مايشوفش من الغربال .........
وتحيا الشرطة خليها ترجع ...... تانى

ماشوفتوش الفيديو بتاع الظابط والعساكر اللى ماسكين سنج وسيوف ونازلين ضرب فى واحد ادخلوا اليوتيوب اتفرجوا ولا انتوا ليكو قرايب فى الشرطة ولا ايه حاجة غريبة ووالله

بص هو فعلا فى ناس استغلت اعتصام اسر الشهداء ورفعوا بوستراتهم وهاجموا الشرطة
الشرطة بقى كان المفروض تهاجمهم هما بس وتسيطر عليهم لكن دى ضربت فى الكل الكويس فى الباطل ده لو ماينمش عن سوء نيتهم فينم عن عدم كفاءتهم ولا بيعرفوا يسيطروا ولا نيلة

اما الفيديو ده فياريت حاجة زى دى تتكلموا عنها برضو مش واخدين اتجاه واحد فى الكلام لصالح الشرطة واتكلم برضو عن اللى بيحصل فى اى كمين مرور والتفتيش المهين كانهم بينقموا اولاد ال ..... وان كانت عايز اولع فى الشرطة فاانا بصراحة عايز اولع فيهم لانى عايز اعادة هيكلة للجهاز كله وده سهل خلال كام شهر بس الجهاز كله يتغير زى ماحصل فى جورجيا بالظبط
عادوا هيكلة الشرطة ونضفوها بطريقة مبهرة واللى ساعدت على ده قوى نائبة وزير الداخلية واحدة ست يعنى كمان
الموضوع سهل جدا بس اللى ماسكينا بيتغابوا

أحمد المنوفى كتب:

الفيديو اللي بتتكلم عليه دا كان في عز الظهر
انا بتكلم عن اللي حصل من الساعة 12 او 1 بالليل للساعة 2 بالليلو كان البث مباشر من التليفزيون و بتشوف اللي بيحصل اكنك موجود هناك بالظبط
بقولك ايه يا ميدو اصحي انت و فوق شوية لان الواضح فعلا انك انت اللي عايز تولع في الشرطة و السلام
دا اللي حصل بيقول للاعمي ان الشرطة في الاول واخده موقف دفاع وبس
ولا سيادتك عايز البلطجية دول لما حاولوا يقتحموا وزارة الداخلية الشرطة تقولهم اهلاا بيكم اتفضلوا اقتحموا !!!!!!!!!!!!!!!!!!!!!!!
اه هيا الشرطة كان واجب عليها تعمل كده فعلا صح هيا غلطانية
وبعدين انا عايزك تفهمني حاجة
ايه اللي يخلي متظاهرين ينزلوا يتظاهروا في الميدان الساعة 1 بالليل ؟؟؟؟؟؟؟؟؟؟؟
و بيتظاهوا اساسا ليه ؟؟؟؟؟؟؟؟؟؟؟؟؟؟؟؟؟؟؟؟؟؟
و ايه علاقة اللي حصل دا بعزل المشير و تكوين مجلس رئاسي مدني و موضوع الدستور اولا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو عندك تفسير حقيقي قوله انما جدل للجدال لأ ... خليك حقاني وقول الحق مش جدل و السلام

والله يامنوفى انا بقيت بحاول اتجنب الرد عشان بجد مستغربه للناس الى بتدافع عن الى بحصل دلوقتى بيدافعوا عن ايه يعنى مثال انهاردا بتفرج على التلفزيون وشوفت برنامج اسمه الميدان ومع الاخوه البلطجيه الى فى الميدان وجايبينهم كمظلومين ومغلوب على امرهم يعنى عشان بس محدش يقول برنامج بيزييف الحقايق والله جايبين واحد شكله بلطجى بلطجى يعنى ومحدش يقولى ازاى عشان اكيد انتوا فاهمين يعنى ايه شكله بلطجى بيقول تعليق انا فضلت اضحك عليه يعنى هم يضحك بجد وهم يبكى بيقولك ايه بقا بيقول للمذيع ياباشا الشرطه كانت بتحدف علينا قنابل ريحتها وحشه شكلها قنابل فاسده ياباشا
دا على اساس انها قنابل تونه منتهية الصلاحيه
مش عارفه بقا يعنى دول بندافع عنهم ليه دول بقا الى فاهمين ومثقفين ماهو احنا فى نظر كل معارض جهله وهما الى صح طيب دول الى فاهمين البلد وعايزين مصلحتها مش فاهمه الناس دى الى جم على التلفزيون الى شكلهم بيقول ياناس انا بلطجى دول الى فاهمين سياسة البلد وبنيجى على العساكر الى محروقين ومرمين فى المستشفيات باعمال الهمجيه الى حصلت دى ازاى مش فاهمه بصراحه
يعنى الاخ ميدو بيدافع عن الى شايف انهم متظاهرين مشوفتش العسكرى الى قلعوه هدومه وفضلوا يضربوا فيه بالمطاوى وشالوه عشان يحطوه فى عربيه مولعه لولا الظابط وشوية عساكر جروا عليه راحوا سابوه وطلعوا يجروا والله جاى على التلفزيون شكله يحزن وبردو بندافع وخلاص مش عارفه احنا عشان مكناش بنقول رأينا بحريه مصدقنا وبنعارض عشان نعارض وخلاص حتى لو من غير حق ولاايه مبقتش فاهمه بصراحه ربنا يلطف بمصر يارب

اولا ياميمو مفيش حاجة اسمها شكله بلطجى لو كل الناس قالتها
واحدة زيك خريجة شريعة وقانون ماتقولهاش ده لو كنتوا خدتوا علم اجرام وعقاب فى الكلية زى ماتاخدها حقوق مفيش حاجة اسمها شكل
( --------------------------------------
--------------------------------------------
----------------------------------------------- )

ثانيا مين قالك انى مختلف ان كان فيه بلطجية فعلا كان فيه ولازم يتحاسبوا فى حدود القانون يعنى بيضربوا يبقى فى حالة دفاع شرعى ويتم التعامل معاهم فى اطار الدفاع الشرعى اللى نص عليه القانون وبكون رد الفعل مناسب ده كلام درسناه طبعا وعارفاه
لكن اللى انا ضده ان اللى اتقبض عليهم واتضربوا اسر الشهداء مش البلطجية دوول سابوا البلطجية ومسكوا فى الاهالى اسمعى الكلام ده من الاسر نفسهم لما بييجوا على قناة التحرير ناس عادية وغلبانة ولا عرفت شكل القسم من جوة حتى شكله ايه وكل اللى عملوه اعتصموا بسلمية والبلطجية استغلوا ده فالشرطة سابت البلطجية ومسكت فيهم هما

وياريت تانى مرة بكررها مايكونش كلامك فى اتجاه واحد
زى مابتدافعى عن الشرطة وانا ضد الافتراء على افراد الشرطة بالذات
تدافعى كمان عن الناس اللى بتتعذب وبتتضرب وتقولى فى فيديو اهو ظابط بيضرب واحد وعساكر معاها سنج وسيوف اشمعنى مش بتتكلمى عن ده
ده لو بيهمك مصر يبقى بلاش انحياز قولى اللى بيحصل هنا وهنا علشان ساعتها حتى لو كنتى غلطانة نتقبل رايك لكن كدة باينة قوى انك منحازة

انا عارفه انك هترد كده على موضوع شكله بلطجى ياميدو بس انا متأكده بردو انك فهمت يعنى ايه شكله بلطجى ولا مش واضح من تعليقه انه ماشاء الله فاهم كل حاجه فى السياسه ازاى معلقتلناش على تعليقه يعنى ؟؟؟؟؟ بس انت بتعارض لمجرد المعارضه اخدت من ردودك على كده مفيش مشكله
اكيد مش قصدى انه مش لابس بدله ولابس قميص وبنطلون والا كان كل الناس بقوا بلطجيه سيبك من دراستك الى انت ماسك فيثها دى اصل شريعه وقانون مش من كوكب تانى يعنى بردو بيدرسوا نفس الى انتوا بتدرسوه وزايد عليه كمان القران والشريعه مش دا موضوعنا انا بتكلم بوجه عام محصلش قبل كده قبلت حد فى الشارع وقولت الواد دا شكله بلطجى مبتحصلش يعنى ولاايه بس عادى انا زى ماقولتلك انا كنت متأكده من ردك دا اما بقا الانحياز فدا الى حصل منك انت لما شوفت اننا اكيد نعرف حد فى الشرطه عشان كده بندافع عنهم وخلاص مع اننا بندافع عشان ناس مطلوب منهم يتضربوا ويسكتوا اتواجدوا فى الشارع يبقوا بيعذبوا الناس ومفتريين متوجودش وريحوا نفسهم من الى بتعمل فيهم بقت الشرطه عامله فراغ امنى ونلعن فيهم طب ايه يعنى عروستى بقا اوعى تعتقد ان حد فينا ضد الثوره ولا مش مع الشهداء الى ماتوا عشان مصر مش ماتوا عشان يسرقوا ولا يحرقوا بالعكس احنا بكلمنا دا بنقول ياناس الى استشهد عشان مصر بجد استشهد عشان البلد تبقا احسن مش عشان نظهر اسوء مافيها ونقول دى ثوره ودا الى لازم يحصل ازاى يعنى باى منطق دا ربنا يحفظ مصر ويلطف بيها وياريت الناس تفهم ان البلد دى محدش هيعلى بيها غيرنا لكن كل شويه كده يبقا ربنا يستر

انا مستنيه الرأى المعارض ياميدو

ههههههههههههه لامعارض ولا حاجة انا هلخصلك كلامى
مصر مش هتبقى احسن غير لما الشرطة تتغير ويتعاد هيكلتها
وبلطجة الشرطة اكتر من البلطجة اللى بتحصل عليها

(----------------------------------------------)

ده كان قصدى
اما التعليق بتاعه فهتلاقى تلات ارباع الشعب زيه كدة مايعرفوش حاجة فى السياسة ماجتش عليه هو انا مش بقول انه مش بلطجى هو ممكن يكون بلطجى بس لما نشوفله دليل مش ناخده بشكله وكلامه

ههههههههههههههههههه
اولا انا ماغلطتش فى النائب العام بالعكس بكلامك انت وميمو انتوا اللى بتغلطوا فيه كدة
انا مش هناقشك على حكاية بالشكل ولا مش بالشكل
انا هقولك علم الاجرام والعقاب بس كدة جادل بقى فى علم واراء فقهاء وعمالقة القانون


اخر حاجة بالنسبة للشرطة الظاهر انتوا نسيتوا الثورة بدات امتى الثورة اسمها 25 يناير وده كان طبعا عيد الشرطة(كان ولن يعود) الثورة ماطلعتش علشان حسنى ياباشا الثورة طلعت علشان الشرطة وبعد كدة قلبت على حسنى علشان بطئه وفساده
طبيعى جدا ان الثورة تقلب جهاز الشرطة كله ده اساس الثورة اللى طلعت علشانه وطلعت فى يومه انت بتدافع ليه ضد الهيكلة عموما الهيكلة معناها ان الكويس اوى بس هو اللى هيفضل ده مزعلك فى ايه والباقى بقى يولع بجاز مالناش دعوة

وانا اقسم بالله لو لقيت نفس غلطان هعترف ومش بعترض للاعتراض اللى بيضحكنى يامنوفى ان كان الكلام ده بتقوله لنفسك وكويس انك مالكش فى الشرطة حد محدش يتشرف بده دلوقتى غير اهالى الناس المحترمة اوى فى الشرطة ودوول عددهم قليل جدا

منوفى نصيحة منى انا بقى
افتكر ان الثورة طلعت 25 يناير وهدفها الشرطة مش حسنى والنظام
ها افتكر ده كويس والا قول وانا هحترم رايك والله ساعتها قول انك ضد الثورة لو كانت كدة ساعتها هسكت ويبقى فهمنا

ونصيحة تانية
بلاش تؤمن بحكاية الشكل دى خالص لان فيه ناس مرموقة فى البلد لو ماكنتش فى وظايفها انت اللى كنت هتقول على شكلهم بلطجية بنفسك محدش بيختار شكله

اوعى تاخد بالشكل لو ربنا كرمك بالنيابة لتبقى مصييييبة

mido aser4 كتب:

منوفى نصيحة منى انا بقى
افتكر ان الثورة طلعت 25 يناير وهدفها الشرطة مش حسنى والنظام
ها افتكر ده كويس والا قول وانا هحترم رايك والله ساعتها قول انك ضد الثورة لو كانت كدة ساعتها هسكت ويبقى فهمنا

يعني يا اعترف واقول ان الثورة طلعت و هدفها الشرطة يا اما ابقي ضد الثورة !!!!!!!!!!
ردي هو كلمة واحده بس ( لا تعليـــــق )

أحمد المنوفى كتب:

mido aser4 كتب:

ونصيحة تانية
بلاش تؤمن بحكاية الشكل دى خالص لان فيه ناس مرموقة فى البلد لو ماكنتش فى وظايفها انت اللى كنت هتقول على شكلهم بلطجية بنفسك محدش بيختار شكله

اوعى تاخد بالشكل لو ربنا كرمك بالنيابة لتبقى مصييييبة

ولا دي كمان انت في النقطة دي مش عارف تستوعب ان فعلا فيه ناس بيبان عليهم انهم بلطجية
طبعا الشكل دا بتاع ربنا اللهم لا اعتراض عليه
عايزك تفهم ان فيه ناس بمجرد ما تبصلهم بيبان عليهم انهم ولاد ناس و محترمين او بيبان عليهم العكس
دا امر مش محتاج جدل اساسا
انا مش عارف بجد انت ازاي مخدش بالك من كده خالص
علي كل سواء انت مقتنع بموضوع الشكل او لا دا مش هيغير من الواقع شئ
و بعدين انا مبقولكش ان اللي شكله وحش يبقي مجرم او بلطجي انا هنا مقصدش بالشكل الوش زي ما انت فهمت و جبت بمثال باحد الرجال المحترمين
انا اقصد الشكل الهيئة بتاعة البني ادم اللي ادامك دا
هيئته بمعني اوضح
مش الهدوم و اللبس برده علي شان متفتكرش ان دا قصدي
مش عارف افهمهالك ازاي
ما علينا افهمها علي مهلك بقي
--------------------------------

اعذرني لعدم الرد علي الجملة الاخيرة فوكيل النيابة مبيعتمدش علي الشكل ( الوجه يعني)

ماشى تمام فهمتك عايز تقول ايه(اسلوب كلامه - تعبير وشه وهو بيتكلم ....الخ)
ولو كدة فاانا معاك
لو كنت وضحت من الاول مكنتش علقت عالحكاية دى

وتمام ياباشا بس انت كدة رديت هههههههههههه والحمد لله ان وكيل النيابة مابيعتمدش عالشكل

كويس حصل اتفاق تقريبا المرة دى

أحمد المنوفى كتب:

mido aser4 كتب:

منوفى نصيحة منى انا بقى
افتكر ان الثورة طلعت 25 يناير وهدفها الشرطة مش حسنى والنظام
ها افتكر ده كويس والا قول وانا هحترم رايك والله ساعتها قول انك ضد الثورة لو كانت كدة ساعتها هسكت ويبقى فهمنا

يعني يا اعترف واقول ان الثورة طلعت و هدفها الشرطة يا اما ابقي ضد الثورة !!!!!!!!!!
ردي هو كلمة واحده بس ( لا تعليـــــق )

هههههههههههههههههههه عموما مش ده قصدى انا بقول ان ده اساس الثورة فمفيش حد يختلف على ده خالص ده واقع حصل يامنوفى مش رايي الثورة طلعت علشان الشرطة فى عيدها وفكرت بقضية خالد سعيد وغيره
ده واقع والله انا مش بقول راى هنا

أحمد المنوفى كتب:

يااااااااااااااااااااااااااااااااااااااااااااااااه
مستحيل
اخيرا يا ميدو اتفقت معايا علي حاجة
دا النهاردة عيد
هههههههههههههههههههههههههههههههههههههههههههههههههههههه
انت كويس يا ابني ؟؟؟؟؟؟؟؟؟؟؟
يعني مبتشتكيش من حاجة ؟؟؟؟؟؟؟؟؟؟؟؟؟؟
اتاكد اصلي من كتر الصدمة مش عارف استوعب انك اخيرا تخليت عن الجدل و اتفقت معايا علي شئ
الحمد لله

ههههههههههههههههههههههههههههههههههههههههههههه

وهو دا المقصود بالظبط ( (اسلوب كلامه - تعبير وشه وهو بيتكلم ....الخ) )
دا اللي انا و ميمو نقصده بالظبط مش الشكل اللي هو الوجه يعني

هههههههههههههههههههههههه لا تصدق ممكن اكون سخن شوية
انا مش بعارض وخلاص اصلى ولا بقصد انى اعارض كمان لانى مش بقول راى انا بقول حاجات واقعية الناس حاسة بيها وملايين قالوا قبلى الحاجات دى واكتر

ويلا عقبال الاتفاق الجاى هههههههههههههههههه

أحمد المنوفى كتب:

بالنسبة لموضوع الشرطة
انا معاك ان الثورة اتعملت علي الشرطة و اتحقق غرضها بان الشرطة انضربت في مقتل زي ما كلنا شفنا
بس حاليا مينفعش ان كل حاجة نرميها علي الشرطة و نقول هيا اللي غلطانة نغمي عينينا ونقول الشرطة هيا اللي غلطانة
اصل المطلوب منها مش انها تطبطب علي اللي بيتهجموا عليها
انت مثلا لو فيه حد بيهاجمك هتسيبه يضربك ولا هتدافع عن نفسك ؟؟؟؟؟؟؟؟؟؟؟؟؟؟؟؟؟
دا اللي اقصده اننا نبقي محايدين مع الشرطة
يا رب تكون فكرتنا وصلتلك علي شان تبقي متفق معانا في دي كمان
هههههههههههههههههههههههههههههههههههههههههههههههههههههههههههههههه
منور النقاش يا ميدو

متفقين ان مش كل حاجة نرميها عالشرطة
بس برضو لازم يكون فى جهاز شرطة فى مصر
ده من الخلاصة نضف وعيد هيكلة ولو حد مس الشرطة بعد كدة الناس هى اللى هتاكله اكل ونقطعه
لكن الناس مش متضامنة خالص معاهم ولا بتدافع عنهم لانهم ماتغيروش تقريبا السنة الناس اقلام الحق
ومهم للكل ولمصر ان كل الاجهزة تنضف
تجربة جورجيا ياريت تقرا عنها وانت هتفهم قصدى باعادة الهيكلة
على فكرة المطلب ده بقى مطلب اغلبية دلوقتى وفيه من القضاه كمان امثال المستشار البسطويسى بيطالب بيه وغيره وغيره

هههههههههههههههههههه اظن اننا متفقين ان الشرطة لازم تشتغل ومحدش يعتدى عليها
بس مختلفين فى الحل وفى ايه هى الشرطة اللى تبقى فى مصر
اصلى طالما انت متمسك بكلامك وان الشرطة لا يعاد هيكلتها هيحصل اللى انت بترفضه اعتداءات على طول عليهم كردود افعال فليه ندوش نفسنا ونضيع بلدنا علشان افراد فيها فاسدة