استفسار هام ارجو الرد سريعاوالاهتمام

بعدالسلام عليكم ورحمة الله :أنا خريج كلية الحقوق دفعة2011 وأنوى إن شاء الله عمل دبلمة فى أسيوط ويوجد 8 أقسام للدبلومة فكنت أريد معلومات كافية عن كل دبلومة حتى أستطيع التقديم فى الدبومة المناسبة لى علما أن باب التقديم فتح وأريد التقديم قبل فوات الأوان علما ايضا بان ميولى وحلمى إنى أبقى إن شاء الله سفير وجزاكم الله عنا خير الجزاء والسلام ختام

اعمل اول دبلومة قانون عام - والتانية مادام عايز تبقى سفير اعملها فى القانون الدولى وربنا يعينك
انا لو رجع بيا الزمن والله ماكنت عملتها فى اسيوط لانهم بيسقطوا 90 فى المية من الدفعة ييجى فى كل سنة علشان الفلوس

السلام عليكم ورحمة الله وبركاته: جزاكم الله عناكل الخير وشكرا على النصيحة بس حضرتك ليه بتقول بيسقطوا فى أسيوط أنت قلقتنى وهل أنت كنت فى أسيوط ولا سمعت الكلام ده من حد .وأخيرا السلام ختام.

وعليكم السلام ولا داعى للشكر انا تحت امرك فى اى حاجة عايز تعرفها .... انا ماسمعتش للاسف ياريتها كانت سمع انا فى دبلومة قانون عام وشيلونى مادة همتحنها الاسبوع الجاى مع انى مقفلها ولو حد راجع من الكتاب هيلاقى كلامى تقريبا زيه ومش انا لوحدى فى اوائل دفعتنا فى الليسانس شايلة برضو الاغلبية شايل مواد علشان يدفع تمنها فى الدور التانى 200 جنيه مفيش خير ييجى 150 واحد اوكتر بحاجة بسيطة اللى ناجح من عدد 1800 واحد وانا شوفت كشوف الناجحين بنفسى
انا مش قصدى اخوفك بس لو تقدر تعملها فى القاهرة اعملها لو مش هتقدر يبقبقى اتوكل على الله وادخل اسيوط واهتم بيها وادعى ربرنا انك ماتتظلمش وتكون من المحظوظين (لان اقسم بالله فيه ناس مش حالة وخدتها عندنا واعرف واحد منهم صاحبى جدا) وبالتوفيق ليك ان شاء الله

حضرتك الدبلوم الاول عام وموادة
دستورى ونظم سياسية
ادارى
جنائى
دولى عام
حقوق انساناو مالية عامة
دبلوم القانون الدولى موادة هى
قانون دولى

قانون دولى خاص

قانون دبلوماسى

قانون دولى وتحكيم دولى

اعتقد ان دول انسب دبلومتين للتحاق بالسلك الدبلوماسى زى ما قال ميدو

ويا ميدو متزعلش نفسك مادة وحدة خير هتتدخل وتنجح ان شاء الله ..... وهى دى سياسة الدراسات العليا زى ما قولتلك قبل كدا فى جميع الجامعات وشيد حيلك يا ريس لان اعتقد ان الدبلومات هيكون ليها افضيلة ف النيابات والذى منه بالتوفيق للجميع ان شاء الله

السلام عليكم ورحمة الله :لاأستطيع أن أقول لكم إلا جزاكم الله كل الخير ولو سمحتم أنا عندى أستفسار معلش هتقل عليكم. ليه صاحب تقديره مقبول وعايز يحضر دبلومة فى أسيوط علشان يعمل ماجيستير هل ينفع يعملها أم لا. والسلام ختام

ومعلش كنت عايز أعرف هل هناك حاجة أسمها الأكاديمية العسكرية ولا لأ وإذا كانت موجودة ماهى شروط التقديم فيها ومتى سيفتح باب التقديم ، وهل هناك مسابقات جديدة نزلت لخريجى حقوق غير آخر مسابقة بتاعت وزارة العدل اللى نشرت بتاريخ 7/9 وجزاكم الله عنا كل الخير. والسلام ختام

ومعلش مرةاخرى فى الأعلان الأخير لوزارة العدل المطلوب بيان تفصيلى للدرجات فى الأربع سنين أم بيان كلى للدرجات وبارك الله فيكم وجزاكم الله عنا كل الخير. والسلام ختام.

والله ياباشا انا معرفش اية ظروف جامعة اسيوط ممكن صاحبك يروح الدراات العليا وهناك هيعرف كل حاجة وان كنت اعتقد انة مش بيشترطو تقدير للالتحاق بالدراسات العليا

اة فعلا فى اكاديمية عسكرية وبتطلب خريجى حقوق قسم ضباط متخصيصين تابع حضرتك الجرائد اليومين دول لانها بتنزل مراتين ف السنة مرة ف شهر عشرة ومرة ف شهر اتين

وشروطها هى نفس شروط الالتحاق بالكلية الحربية من كشف طبى ورياضى وسمات وهيئة ولو نجحت ان شاء الله بتاخد ستة شهور فترة تدريبات وبعد بتبقى ضابظ برتية ملازم اول نائب احكام عسكرية ..... بس معرفش بتشترط جيد ف الليسانس واللى لاء

حضرتك دا اخر اعلان نزل لوزارة العدل لو فى جديد ان شاء الله هتتلقية هنا ف المنتدى تمت الاجابة ع تسئالك الاخيرة ف قسمة اتمنى ان اكون افادت حضرتك بالتوفيق

سيادة النائب كتب:: حضرتك الدبلوم الاول عام وموادة
دستورى ونظم سياسية
ادارى
جنائى
دولى عام
حقوق انساناو مالية عامة
دبلوم القانون الدولى موادة هى
قانون دولى

قانون دولى خاص

قانون دبلوماسى

قانون دولى وتحكيم دولى

اعتقد ان دول انسب دبلومتين للتحاق بالسلك الدبلوماسى زى ما قال ميدو

ويا ميدو متزعلش نفسك مادة وحدة خير هتتدخل وتنجح ان شاء الله ..... وهى دى سياسة الدراسات العليا زى ما قولتلك قبل كدا فى جميع الجامعات وشيد حيلك يا ريس لان اعتقد ان الدبلومات هيكون ليها افضيلة ف النيابات والذى منه بالتوفيق للجميع ان شاء الله

اه والله معاك حق الواحد معرفش سياستهم غير لما جرب بنفسه ... والشدة عالله ادينى بعمل اللى عليا وعارف ان ربنا مش هيضيع مجهودى وربنا يسهل فى موضوع النيابة ده ويستقروا على حاجة بدل مامكى والزند قربوا يتخانقوا مع بعض Very Happy

abdo كتب:: السلام عليكم ورحمة الله :لاأستطيع أن أقول لكم إلا جزاكم الله كل الخير ولو سمحتم أنا عندى أستفسار معلش هتقل عليكم. ليه صاحب تقديره مقبول وعايز يحضر دبلومة فى أسيوط علشان يعمل ماجيستير هل ينفع يعملها أم لا. والسلام ختام

اه ينفع طبعا مفيش اشتراط تقدير عندنا ومقبول كتير قدم السنة اللى فاتت
خليه يلحق قبل اول اكتوبر بس بدل مايمدوش الميعاد

السلام عليكم ورحمة الله وبركاته : كنت سمعت إنى فى مسابقة لخريجى حقوق تبع الطب الشرعى فى وزارة العدل هل الكلام ده صحيح أم لا أرجو إفادتى _ جزاكم الله خيرا والسلام ختام

اة فعلا يا استاذ عبدة بس للاسف الميعاد انتهى بس متزعلش نفسك دول كانو عاوزين 2 بس حقوق واكيد ابن اخت اوابن اخ...... هههههههه

السلام عليكم ورحمة الله : شكرا لردك ولكن نصيحة بسيطة من أخوك الصغير ولو كانت المسابقة لواحد ممكن تكون أنت فقط ضع أملك فى الله سبحانه وتعالى دون غيره ودون الآخذ فى الأعتبار أى أشياء آخرى لعلك تكون أنت الواحد لذا عليك الآخذ بالأسباب وتقدم والنتيجة والتوفيق من عند الله .

والسلام ختام

ونعمة بالله ياباشا بس الوظايف اللى منا لنوعية دى غالبتها بتكون لناس معروفة

وف كمان وظائف الناس بتكون اتعينت فيها اصلا وبعدين ينزلو الاعلان عشان الشكل القانونى يعنى

اتمنى ان الثورة تكون غيرت السلبيات دى اللى كانت موجودة ف عهد النظام البائد بالتوفيق ان شاء الله وشكرا لنصيحة حضرتك

السلام عليكم ورحمة الله :
ومفيش أى اعلان نزل لخريجى حقوق مؤخرا وجزاكم الله عنا كل الخير . والسلام ختام

الشكر لله دائما

للاسف مفيش غير اخر حاجه كان موضوع تعيينات الاوائل وربنا يكتب الخير للجميع

طالما بتستخدم النت يبقي اكسب فلوس بالمره
نفسك تكسب فلوس من النت خش وسجل هنا
http://www.neobux.com/?r=kombrt‎
طريقة سهلة ومضمونة ومربحة

» استفسار ارجو الرد عليه
» استفسار هام أرجو الرد
» استفسار هام أرجو الرد
» ارجو الرد
» سؤااااااااااااال ارجو الرد