اعلان رقم(1)لســـنة(2010)لشغل وظائف خالية بالمحاكم الابتدائية

حصل خير يا جماعه .. خلاص كدا كفايه

كل واحد طلع الكلام اللى عنده .. انا عن نفسي ارتحت نفسيا جداااا لما قولت الكلمتين اللى انا قولتهم دول

ياريت نقفل الكلام فى الموضوع ده


نرجع لمرجوعنا تانى ... ربنا يوفق الجميع يارب
وان شاء الله اسامينا كلها تنزل ويوم السبت ياااااااااااارب

لا حول ولا قوه الا بالله العلى العظيم
والله يا جماعه انا مش عارف اقول ايه على اللى بيحصل دا
غير انى اقول ياريت كلكوا تقولوا اعوذ بالله من الشيطان الرجيم
انا ليا تعليقات كتيره اوى على تفاصيل المشكله دى
لكن مش هعلق وياريت محدش يعلق خالص حتى طرفى المشكله نفسها
وكأن المشكله لم تكن وهى دى السماحه والعفو اللى بين المسلمين
وخلونا فى موضوعنا وان شاء الله ياعم باسم هكلمك لو كدا ننزل يوم السبت محكمه طنطا
نشوف الاسماء مع بعض

هتكلم في المنتدى للصالح العام...
اعذروني ياجماعة لو بدر مني حاجة...ياستاذ كلير لايف انت والاستاذة مايسة والاستاذة هنا والاستاذ رامي وباقى الاعضاء نتمنى ان نشارك مع بعضنا للصالح العام
وانا عن نفسي مش هرد على اي واحد تاني..بالنسبة للأسماء هتنزل امتى..عشان الواحد زهق..خلاص آخر ميعاد السبت ولا لسه..
اتمنى اي احد يجاوبني..بس يكون متأكد ياجماعة...على فكرة هي ظهرت السنة الي فاتت يوم 6/5 يعني زي اليوم..
انا مش عارف ايه سبب التأخير ده...ياجماعة لو فيه معلومة حتى لو بسيطة اي حد يقول عليها...
ويارب اكرمنا بالتعيين

يا استاذgooogle انت بتقول مش هتتكلم فى الموضوع وهتتكلم للصالح العام
وفى نفس الوقت قلت بعض الكلام مينفعش انه يتقال ولا يليق بالمنتدى اللى احنا موجودين فيه دا
وبعدين انت كدا بتغلط فيا انا كمان غير انك غلط فى الاستاذ باسم
لانى انا من طنطا انا كمان واظن ان اهل طنطا والحمد لله معروفين بسمعتهم الطيبه
انا مش عايزك ترد ولا تبرر اى كلام قلته بس ياريت بلاش نغلط فى حد تانى ونتكلم زى ما قلت فى الصالح العام وفى موضوعنا

استغفر الله العظيم من كل ذنب عظيم

السلام عليكم ورحمة الله وبركاته
اعضاء المنتدى الكرام
اذكرنى واياكم بأسم المنتدى
منتدى راجعون الى الله
نحن جميعا راجعون الى الله
قال تعالى (( ثم توفى كل نفس ما كسبت وهم لا يظلمون ))
دستور وقانون منتدانا يقف على المبادئ الاسلامية وبناء عليه اى شئ يخالف التعاليم الاسلامية فهو مخالف لقانون المنتدى
ما حدث من رغبة التبادل للايميلات دون سبب جوهرى على المنتدى هو مخالفة لقانون المنتدى ولكنها ليست بالجسامة التى تجعل الاستاذة هنا تطلب الانسحاب من المنتدى لاعتقادها انها قد تسببت فى مشاكل
تحذيرى بعدم تبادل الايملات هو تحذير عام لكل الاعضاء ولم اكن اقصد به شخص معين وان كنت اقصد ذلك فالتحذير لمن صدر منه المخالفة ولقد اعتذر على ذلك فلا توجد مشاكل
اما بخصوص ما بدر من الاخ جوجل والاخ اجهز من تبادل السباب علنا على المنتدى فان لذلك عقوبة سوف تقدرها الادارة الان ويرجى تقبلها بصدر رحب وللاعضاء الموقع عليهم العقوبة حق تقديم شكوى فى المحكمة
علما بأن تقديم الشكوى فى المحكمة سوف يوقف تنفيذ العقوبة لحين الفصل فى الشكوى
يا اخ جوجل اسلوب حضرتك كان لا يرقى باسم المنتدى
انا لن اقول يرقى بخريج تعليم عالى وخلافه لان التعليم الان لا يرتبط بالاخلاق وليس معنى ذلك انى اعيب فى شخصكم الكريم ولكننى اتحدث فى جزئية خاصة وهى ما صدر منكم فى هذا المنتدى .
ويا اخ اجهز كان يتعين عليك عدم الرد على ذلك لحين ان تفصل الادارة فى الموضوع وكان يتعين عليك تقديم شكوى فى المحكمة .

ملحوظة تم مسح المشاركات الخارجة وتعديل بعض المشاركات الاخرى لاخفاء ما تم
ثانيا اهيب بالاستاذة هنا ان تشارك وكأم شئ لم يحدث علما بأن تلك الاشياء وارد حدوثها جدا فى المنتديات وليس هنا فقط ولكن الذى يفرق منتدى عن منتدى هو حل الموضوع من عدمه
ثالثا :- برجاء من الاخ جوجل عدم المشاركة بأسمه لمدة ثلاثة ايام نهائيا الا تقديم شكوى فى القسم المخصص ويمنع الاخ اجهز من المشاركة لمدة يوم نهائيا الا بخصوص شكوى يقدمها فى القسم المخصص .
عدم مراعاه ذلك سوف يؤدى الى حظر الحساب لمدة قد تزيد عن الاسبوع
الادارة مشكورة لم تقوم بحظر الحساب من اول خطأ واعتقد ان ذلك يحسب لها

يبدأ الحظر من اليوم الموافق 6/5/2010 الساعة 9.30 صباحا

شكرا جدا ليك يا استاذ رامى
انا بصراحة بتصل من الوقت للتانى بس هعمل بصيحة حضرتك وهروح اسال بنفسي
مع ان واحد عندنا جاب جوابات ناس فعلا واستلموها بس طبعا دا بالوسطة
وطلع اسمى مش فيهم
بس هتابع برضة انا بجد نفسيتى يائسة جدا من ساعه ما عرفت ان اسمى مش فيهم
ادعولى والله ربنا يعلم انا محتاجة الوظيفة دى قد اية
شكرا

[b]

بالتوفيق يامايسه ان شاء الله تكونى من المقبولين

مجهود رائع يااستاذ رامى بالتوفيق لحضرتك

وان شاء الله كل الى قدموا يكونوا من المقبولين

والله بجد انا سعيد جدا جدا انى مشترك فى منتدى محترم وجميل زى دا
واللهم اكرمنا جميعا بالتعيين يارب العالمين
يا جماعه قولوا امين باه
انتوا مبتقولوش ليييييييييييه
قولوا امين احسن اللى مش هيقول هزحل منه
ههههههههه

ااااااااااااااااااااااااااااااااااااااامين

الى الاستاذ اجهز
يمكنك الان وضع ما تريد من مشاركات
واسعد ادارة المتدى التزامك بالقانون
راجين من الله ان يعود الوضع الى افضل ما كان عليه بينك وبين الاستاذ جوجل وكأنشئ لم يكن

أكد المستشار ممدوح مرعى، وزير العدل، على حرص الوزارة على دعم المحاكم الابتدائية بمعاونين للقضاة من ذوى المؤهلات المتخصصة، وعلى قدر من الكفاءة التى تساعد على الارتقاء بمستوى العمل بالمحاكم.


وقال وزير العدل فى تصريح له اليوم، الخميس، إنه حرصا من وزارة العدل على تحقيق قواعد الشفافية والمساواة فى تعيين المتقدمين لشغل هذه الوظائف، فقد تقرر عقد اختبارين أحدهما تحريرى ويكون للمتقدمين وفقا لمؤهلاتهم وتخصصاتهم، أما الآخر فهو اختبار عملى لجميع المتقدمين فى مجال الحاسب الآلى واستخداماته، موضحا أن الوزارة حددت يوم الجمعة 14 مايو الجارى لأداء الاختبار التحريرى للمتسابقين.

وكانت وزارة العدل قد سبق لها أن أعلنت عن شغل وظائف باحث ثالث تنمية إدارية بالأقسام المدنية وأقسام المحضرين بالمحاكم، إلى جانب وظائف كتبه ومحضرين للعمل بالمحاكم الابتدائية المختلفة.


المصدر : اليوم السابع

الامتحان التحريري الجمعه الجايه يا جماااااااااااااااااعه

يارب اسامينا كلنا تنزل ياااااااارب

اللهم وفقكم جميعا يا رب العالمين
واود ان اشكر السادة الاتى اسماؤهم على اثراء الموضوع وندعوا من الله بعد انتهاء امر التعيينات على خير بأمر الله الا تنصرفوا عن المنتدى وان تشاركونا فى باقى اسامه باذن المولى تعالى
:
اشكر
خلود هنا اجهز رامى ورامى كمال وكلير لايف ورقة دمعة و مايسة وعمرو وعبد الناصر وسايليا والجوكر

ويارب مكنش نسيت احد
وبالتوفيق ليكم جميعا

المدير العام كتب:

اللهم وفقكم جميعا يا رب العالمين
واود ان اشكر السادة الاتى اسماؤهم على اثراء الموضوع وندعوا من الله بعد انتهاء امر التعيينات على خير بأمر الله الا تنصرفوا عن المنتدى وان تشاركونا فى باقى اسامه باذن المولى تعالى
:
اشكر
خلود هنا اجهز رامى ورامى كمال وكلير لايف ورقة دمعة و مايسة وعمرو وعبد الناصر وسايليا والجوكر

ويارب مكنش نسيت احد
وبالتوفيق ليكم جميعا

لا شكر على واجب .. احنا كلنا زي الاخوات واي حد بيقدر يعمل حاجه بيعملها

ان شاء الله المنتدى دا يبقى وش الخير علينا كلنا

انا عن نفسي لما الموضوع دا يتم على خير ان شاء الله هتلاقينى فى المنتدى 24 ساعه
هتفائل بيه جدااااا .. دا انا ممكن اخد اجازه بدون مرتب علشان افضاله هههههههههه


لا بجد والله يااااارب يكون فاتحة خير علينا كلنا باذن الله

يا جماعة الخبر دة نشر في جريدة الوفد بتاريخ 6-5-2010

قررت وزارة العدل عقد الامتحان التحريري للمتقدمين لمسابقة التعيين في الوظائف الشاغرة بالوزارة‮ ‬يوم الجمعة‮ »‬14‮« ‬مايو الجاري داخل‮ ‬مقار المحاكم الابتدائية علي مستوي الجمهورية‮.‬ أكد المستشار محمد منيع مساعد وزير العدل لشئون المحاكم،‮ ‬انه تقرر اعلان أسماء المستوفين لشروط وأوراق المسابقة رقم‮ »‬1‮« ‬لسنة‮ ‬2010،‮ ‬داخل المحاكم الابتدائية في جميع المحافظات،‮ ‬يوم الأحد الموافق‮ »‬9‮ ‬مايو‮« ‬الجاري،‮ ‬وقال ان‮ »‬21‮« ‬ألف متسابق سيخضعون للامتحان التحريري بمقار المحاكم الابتدائية بالمحافظات،‮ ‬بدلاً‮ ‬من القاهرة،‮ ‬لعدم تحميلهم مشقة السفر‮.‬ وقال مساعد وزير العدل،‮ ‬ان أسئلة الامتحان ستركز علي علوم الحاسب الآلي وكانت وزارة العدل قد أعلنت في‮ ‬يناير الماضي عن حاجتها لشغل‮ »‬470‮« ‬وظيفة في المحاكم الابتدائية،‮ ‬للحاصلين علي ليسانس الحقوق وبكالوريوس المحاسبة والحاسب الآلي والخدمة الاجتماعية وليسانس علم النفس وليسانس اللغة والترجمة لشعبتي الانجليزية والفرنسية،‮ ‬بتقدير جيد‮.‬ كما أعلنت عن حاجتها لشغل‮ »‬460‮« ‬وظيفة للحاصلين علي دبلوم الثانوية التجارية بشعبتي القانون والسكرتارية،‮ ‬بتقدير جيد وألا‮ ‬يزيد عمر المتقدمين للمسابقة من ذوي المؤهلات العليا والمتوسطة علي‮ »‬25‮« ‬عاماً

يارب اسامينا كلنا تنزل يارب
يارب اكرمنا جميعا بالتعيين يارب
اللهم وفقنا لما تحبة وترضاة
يااااااااااااااااااااااااااااااااااااااااااااااااااااااااااااارب

يااااااااااااااااااااااااااااارب يااااااااااااااااااااااارب ياااااااااااااااااااااااااااااااااااارب

أختى .. رقة دمعة ..
وبصراحة يا جماعة انا خايفة من الامتحانات زى متكون امتحانات ثانوية عامة
لاتقلقى إطلاقاً ... فهو إمتحان تحريرى فى غاية السهولة حيث أنه مجرد أسئلة عامه وألغاز وستجدى جميع الممتحنين بجانبك يتناقلون الإجابة والأمر ستشعرى أنه ترفيهى .... وهناك كذلك إمتحان عملى وهو يحتاج معرفة بسيطه بالتعامل مع برامج الأوفيس ... وستجدى أنها أسئلة سهله تحتاج مجرد معرفه لمجرد التعامل .... فلاتقلقى وتوكلى على الله ......



بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم
[/b][/size][/color][/font][/quote]


أشكرك جزيل الشكر استاذ رامى
على ما قدمته لى من كلمات مطمئنه
والله أعجز عن شكر حضرتك
ولكن هذا ليس بغريب عنك
وهذا ما تعودنا عليه منك
فلك خالص شكرى واحترامى
وجزاك الله عنا كل خير ...

المدير العام كتب:

اللهم وفقكم جميعا يا رب العالمين
واود ان اشكر السادة الاتى اسماؤهم على اثراء الموضوع وندعوا من الله بعد انتهاء امر التعيينات على خير بأمر الله الا تنصرفوا عن المنتدى وان تشاركونا فى باقى اسامه باذن المولى تعالى
:
اشكر
خلود هنا اجهز رامى ورامى كمال وكلير لايف ورقة دمعة و مايسة وعمرو وعبد الناصر وسايليا والجوكر

ويارب مكنش نسيت احد
وبالتوفيق ليكم جميعا

الشكر لله وحدة اخى والشكر لكم
على احترامكم لنا وحسن تعاونكم معنا
ومعاملتكم الرائعة معنا
والف مبروك لحضرتك عقد القران
وعقبال الزفاف السعيد

السلام عليكم......

إزيكم ياجماعه.......عاملين إيه........

في أخبار جديده أهه.......الحمد لله........بس أنا مشوشه شويه........

يعني الأسماء لسه مانزلتش.....وبعدين هنمتحن فين يعني ؟؟؟؟؟وإزاي؟؟؟؟؟؟


طبعاً أنا بجد ممتنه جداً ليكم ....علي الكلام الجميل اللي كتبتوه ليه......وكمان رغبتكم في تواجدي.......بجد متشكره جداً يامايسه ويا رقه وكلير وأجهز والأستاذ رامي أكيد والدير العام....ومبسوطه أوي بجد علي مشاعركم دي .....وأحترامكم ......وتواجدي معاكم.....

ويارب يوفق الجميع ويسعد قلبكم.......ويكتبلنا كلنا الوظيفه........يارب يسر لينا الحال.....