حصرى لراجعون ......اعلان رقم 2 لسنة 2011 وظائف خالية بالمحاكم

[ندعوك للتسجيل في المنتدى أو التعريف بنفسك لمعاينة هذا الرابط]

تسلم يا معالي النائب

تسلم ياسيادة النائب جزاك الله كل خير

انا كنت عايزه استفسار عن طريقه الطلب المقدم يتكتب ازاى؟
والشهاده اداء الخدمه العامه لما عملتها عشان النيابه الاداريه طبعا قدمت الاطليه عندهم لكن صورتها فانا هبعت الصوره لكن لو حصل نصيب طبعا هيطلبوا ساعتها الاصل هينفه اعمل واحده تانيه اصل؟
وشكرا جزيلا

الشكر لله احمد بك وربنا يكملهالك ع خير وهنعملك احلى احتفالى بس طبعا ع حسابك هههههههه

شريفتينى يا ميمو الشكر لله

الاستاذة/

sonatote28

دى صيغة طلب

السيد الاستاذ المستشار / مساعد وزير العدل لشئون المحاكم

خالص التحية لحضراتكم وبعد

مقدمة لسيادتكم .............. العنوان ..............................................................

الموضوع

برجاء من سيادتكم التكرم بالموافقة على تعينى بمحكمة اكتبى اسم المحكمة اللى انتى تابعه ليها وذلك بناء ع الاعلان رقم 2 لسنة 2011 والصادر من وزارة العدل

حيث اننى حاصلة على المؤهلات العلمية والثقافية الاتية :

اكتبى جميع المؤهلات اللى انتى حاصلة وجميع بياناتها

ولسيادتكم جزيل الشكر والتقدير والاحترام

مقدمه لسيادتكم /
الاسم/

العنوان تفصيلا/

رقم التليفون /

المطلوب صور المستندات فقط وان شاء الله اما نبارك ع التعين هيطلبو منك اصول الورق وعموما اى ورقة بطلعيها من اى جهة حكومية تقدرى تتطلع بدل منها طبعا

بالتوفيق ان شاء الله

هو ايه موضوع شهاده التجنيد دي مصوغ تعيين يعني الشهاده اللي معانا دي انا متاجلي 3 سنين تنفع ولا انا بعمل حاجه تانيه وكمان بعد اذنك 15 يوم بتوع التقديم يعني اقدم ف خلا ل ال 15 يوم ولا لازم يوصل لعندهم ف خلال ال 15 يوم وشكرا جدا

الشهادة اللى معاك بتاعت التجينيد بتصورة وترفقها بالاوراق هى دى الشهادة وهتلقى مكتوب ع الشهادة يعمل بيها كمسوغ للتيعين

المقصود بميعادة 15 يوم بمعنى ان ليك 15 يوم من تاريخ نشر الاعلان تعبت فيهم الاواق يعنى لو جيت يوم 15 من تاريخ نشر الاعلان وبعت الاورق فانت كدا ارسلتة ف الميعاد القانونى مش مهم يوصلهم امتى المهم انك بعتة خلال 15 يوم ومتنساش تاخد ايصال من البريد بالتوفيق ان شاء الله

شكرا سياده النائب

الشكر لله ياباشا بالتوفيق ان شاء الله

اولاً :- هو كدا في تقديم الحاصلين علي سنتين بعد الثانوية العامة معهد تجاري قسم قانون ولا مش في الاعلان

ثانياً :- في حاجة جديده بردو انهم مش طالبين تقدير صح يعني مش شرط جيد

ثالثاً :- اخيراً في حاجة في الاختبار انه مكتوب للمؤهلات العليا بس مش للدبلوم صح ولا مش صح عشان هما كاتبين في الاعلان (( مع احتياز الاختبار الذي سيعقد في هذا الشأن بالنسبة للمؤهلات العليا

ياريت الرد ومتشكرين مقدماً علي الأجابة وعلي المنتدي الجميل دا

بالتوفيق للجميع انشاء الله

اعتقد ان معهد تجارى قسم قانون هتدخل ضمن المؤهلات المتوسطة وهيكون ليك الاولوية نظر لان مؤهلاك دا مؤهل اعلى من متوسط ولايشترط التقدير وانما هياخدو الاعلى فى المؤهل ثم ف نسبة النجاح

الامتحان هيكون للمؤهلات العليا طبقا لنص الاعلان ولكن حضرتك لازم تتابع الموضوع كويس لان ممكن يعملو امتحان ف تخصصك مش ف الحاسب الالى حسب نص الاعلان

وامتحانات السنوات السابقة كانت امتحان تحريرى عبارة عن ثلاثة اسئلة معلومات عامة وحاسب الى وتخصص وكان فى بردو امتحان عملى ع الحاسب

الشكر لله حضرتك شرفتنا بالتوفيق ان شاءالله

معلش يا جماعة حد يقولى اخر ميعاد لتقديم الاوراق امتى علشان انا مش عارف

السلام عليكم أنا قدمت الورق الحمد لله بالنسبة لمعرفة ميعاد الاختبارات هانعرف ازاي ان في اختبارات

وعليكم السلام ورحمة الله حضرتك الاسماء اللى بيتوافر فيها شروط المسابقة بتزل ف كشف ويتعلق ف المحكمة اللى حضرتك تابع ليها وبيكون مكتوب ف الكشف المكان والوقت اللى هتتمتحن فية فعليك بالسؤال ف مكتب الامين العام او مكتب رئيس المحكمة اللى حضرتك تابع ليها وتابعين معانا وان شاء الله نقدر نفيدك بالتوفيق ان شاء الله

شكرا وجزاك الله كل الخير

الشكر لله بالتوفيق ان شاء الله

السلام عليكم ورحمة الله وبركاته: سيادة النائب هل المطلوب بيان تفصيلى للدرجات فى الأربع سنين أمالشهادة التى بها المجموع الكلى للدرجات. أرجو الأفادة سريعا وجزاكم الله عنا كل الخير و السلام ختام.

وأنا كنت سألت كام سؤال فى قسم الد\رسات العليا وسوف أكون شاكر لك جدا إذا تفضلت بالرد عليه.والسلام ختام

ياباشا المطلوب شهادة بالدرجات والنسبة المئوية بس مش مطلوب بيان تقديرات خاااالص بيان التقديرات دا مش بينطلب غير ف النيابات بس

بالتوفيق ان شاء الله

تمت الاجابة ع تسئالك الاخير ف قسم الدراسات العليا بالتوفيق ان شاء الله ونتمنى ان اكون افدنا حضرتك

سياده النائب يعني تقصد ان الشهاده المؤقته اللي فيها درجات الاربع سنين والتقدير العام بس هي المطلوبه لكن بيان الدرجات بتاع الاربع سنين التفصيلي ده مش مطلوب ياريت الرد السريع لان واحد صاحبي عايز يقدم ومعملش البيان التفصيلي ده وفاكر انه مطلوب ؟؟؟؟

تمام كدا الشهادة المؤقتة اللى فيها مجموع الدرجات والنسبة المئوية بتاعت الاربع سنين

لان هم بياخدو بالتقدير التراكمى

جزاكم الله عنا كل الخير و نأسف على كثرة الطلبات . والسلام ختام

» ظهور نتيجة اعلان رقم 2 لسنة 2011 وظائف خالية بالمحاكم
» اعلان رقم (1) لسنة 2010 الاداره العامه للشهر العقارى والتوثيق
» علان رقم (1) لسنة 2011 لشغل وظائف خالية بالمحاكم الإبتدائية
» اعلان رقم(1)لســـنة(2010)لشغل وظائف خالية بالمحاكم الابتدائية
» اعلان رقم(1)لســـنة(2010)لشغل وظائف خالية بالمحاكم الابتدائية