اعلان رقم(1)لســـنة(2010)لشغل وظائف خالية بالمحاكم الابتدائية

انا سمعت ان الامتحان هيكون في التخصصات
مش اسئلة ذكاء وحاسب الي
بجد المعلومة دي يا جماعة ولا اية
يا رب تكون معلومه غير صحيحة
لاني مش فاكر حاجة خالص في القانون

اللهم اكرمنا جميعا بالتعيين
ياااااااااااااااااااااااااااااااااااااااااارب

كل الاحترام لأعضاء المنتدى....والحمد لله انا اسمي نزل....بس كان فيه حاجة ياجماعة حد يرد عليا..انا معايه دبلومة منكتبتشي خالص ادام اسمي .....اعمل ايه؟...ومعايه دراسات عليا ايضاً منكتبتشي ادام اسمي...ليه

المدير العام كتب:: الف مبروك يا رقة وعقبال التعيين ان شاء الله

الله يبارك فيك
امين يا رب
دعواتك معانا
وقبل ما تباركى انا باركتلك على عقد القران
وقبل ده كله
مبروك عالمنتدى انك تكون المدير
ومبروك عالمنتدى ان الاستاذ رامى يكون فيه
ومبروك علينا كلنا معرفتنا ببعضنا
والله حتى لو ربنا ما كرمنى واتعينت
المنتدى ده لايمكن انساه ابدا
ولا انسى وقتكم جمبنا ايام خوفنا
وحسن تعاونكم معانا
الف شكر لحضرتك
وربنا يبارك فيك وليك وعليك

اجهز كتب:: الف الف الف الف الف مليون تريليون مبروك يا رقة
والله العظيم فرحتلك من قلبي
ايوة كدة يا جماعة فرحونا معاكم
عقبالك يا هنا انتي وكلير ورامي ورامي الكيلاني وعبد الناصر وعمرو وgoogle وباقي الاعضاء

الله على تهنئتك الجميلة
الله يبارك فيك وليك وعليك
يا باسم
ووالله انا كمان فرحتلك جدا
ربنا يخليك على تهنئتك الجميلة جدا دى
وعقبال يا رب لما نباركلك على التعيين
يا رب

gooogle كتب:: كل الاحترام لأعضاء المنتدى....والحمد لله انا اسمي نزل....بس كان فيه حاجة ياجماعة حد يرد عليا..انا معايه دبلومة منكتبتشي خالص ادام اسمي .....اعمل ايه؟...ومعايه دراسات عليا ايضاً منكتبتشي ادام اسمي...ليه

الف مبروك يا جوجل
متعملش حاجة
اللى عليك تعمله
افرح ان اسمك نزل
وبعدين متنساش تشكر ربنا
ويكون افضل انك تصلى ركعتين شكر لله
وبعد كده استعد للامتحان وسيب الباقى على ربنا
بس

اجهز كتب:: انا سمعت ان الامتحان هيكون في التخصصات
مش اسئلة ذكاء وحاسب الي
بجد المعلومة دي يا جماعة ولا اية
يا رب تكون معلومه غير صحيحة
لاني مش فاكر حاجة خالص في القانون

اللهم اكرمنا جميعا بالتعيين
ياااااااااااااااااااااااااااااااااااااااااارب

أكنك مسمعتش حاجة
هههه مش عارفة والله يا باسم
بس ما أظنش يعنى
اصل مثلا هيسألوك انت تخصصك ايه
ويسلموك ورقة فيها اسألة ليك
تخص تخصصك
ما أظنش صراحة
اكيد هتكون الاسئلة موحدة يعنى لكله
وبعدين لو عملوا كده انا عن نفسى نسيت اللى درسته
يا ريت الاستاذ رامى يقولنا الكلام ده حقيقى
واللا زى ما كان السنة اللى فاتت
اسئلة ذكاء

للى من البحيرة
آخر الاخبار

الامتحان هيكون ان شاء الله فى كلية التربية
يوم الجمعة
الساعة 8 صباحا

وبالتوفيق للجميع

السلام عليكم ورحمة الله وبركاته....

اولا:انا لسه مشتركه حالا يعنى عضوة جديدة واحب اشكر الاستاذ/ramy kamal على الاعلان ده معلش متاخرة كتير.

ثانيا:انا خريجة كلية تجارة واشتركت فى المسابقة والحمد لله اسمى نزل فيها.

ثالثا:انا مش عارفه خايفه ليه من الامتحان يعنى لوسمحت يا استاذ /ramy تقولنا الامتحان هيجى اسئله زى ايه كده اصلى مش عارفه اقرا الورق بتاع الoffice ده ولا اعمل ايه ومعلش انا طولت عليكوا.

يارب اكتبلى الفيه الخير يارب

NARO كتب:: السلام عليكم ورحمة الله وبركاته....

اولا:انا لسه مشتركه حالا يعنى عضوة جديدة واحب اشكر الاستاذ/ramy kamal على الاعلان ده معلش متاخرة كتير.

ثانيا:انا خريجة كلية تجارة واشتركت فى المسابقة والحمد لله اسمى نزل فيها.

ثالثا:انا مش عارفه خايفه ليه من الامتحان يعنى لوسمحت يا استاذ /ramy تقولنا الامتحان هيجى اسئله زى ايه كده اصلى مش عارفه اقرا الورق بتاع الoffice ده ولا اعمل ايه ومعلش انا طولت عليكوا.

يارب اكتبلى الفيه الخير يارب

اولا- اهلا وسهلا بيكي في المنتدي
ثانيا- الف مبروك علي نزول اسمك وان شاء الله نبارك ليكي علي التعيين
ثالثا- اية هو الورق بتاع office اللي حضرتك بتتكلمي علية

للاسف يا جماعة
المعلومه اللي انا قلتها بخصوص ان الامتحان هيبقي في التخصص
معلومة صحيحة

اتأكدت منين يا باسم ......؟؟؟؟؟؟؟؟؟

ويعنى ايه هيسالوا فى التخصصات
يعنى انا مثلا خدمة اجتماعية
هيرجعولى المنهج
والله يبقوا جابوه لنفسهم
هيلاقوا بدع هابدعها لهم

وقال وزير العدل فى تصريح له الخميس إنه حرصا من وزارة العدل على تحقيق قواعد الشفافية والمساواة فى تعيين المتقدمين لشغل هذه الوظائف فقد تقرر عقد اختبارين أحدهما تحريرى ويكون للمتقدمين وفقا لمؤهلاتهم وتخصصاتهم ، أما الآخر فهو اختبار عملى لجميع المتقدمين فى مجال الحاسب الآلى واستخداماته .. موضحا أن الوزارة حددت يوم الجمعة 14 مايو الجارى لأداء الإختبار التحريرى للمتسابقين

منقول للامانة
الوزير اللي بيقول كدة يا رقة
مش انا والله هههههههههه

انا قلت لواحد صاحبي بيشتغل في المحكمة
انه يسال بكرة هناك عن موضوع الامتحان دة
يعني هيبقي نظامة اية
وهيبقي في التخصص ولا هيبقي زي السنة اللي فاتت
وانشاء الله اول ما يبلغني باي خاجة هقولك عليها علي طول

اجهز كتب:

NARO كتب:: السلام عليكم ورحمة الله وبركاته....

اولا:انا لسه مشتركه حالا يعنى عضوة جديدة واحب اشكر الاستاذ/ramy kamal على الاعلان ده معلش متاخرة كتير.

ثانيا:انا خريجة كلية تجارة واشتركت فى المسابقة والحمد لله اسمى نزل فيها.

ثالثا:انا مش عارفه خايفه ليه من الامتحان يعنى لوسمحت يا استاذ /ramy تقولنا الامتحان هيجى اسئله زى ايه كده اصلى مش عارفه اقرا الورق بتاع الoffice ده ولا اعمل ايه ومعلش انا طولت عليكوا.

يارب اكتبلى الفيه الخير يارب

اولا- اهلا وسهلا بيكي في المنتدي
ثانيا- الف مبروك علي نزول اسمك وانشاء الله نبارك ليكي علي التعيين
ثالثا- اية هو الورق بتاع office اللي حضرتك بتتكلمي علية

شكرا ليك .انا قصدى برامج الكومبيوتر (Excel/Access/.......) اصلى مش عارفه حد مقدم فى المسابقه دى وبعدين اصحابى كل واحده فيهم كانت فى كليه شكل فياريت لوحد عنده فكرة عن الامتحان ده يقول ياجماعه وشكرا لجميع الاعضاء

السلام عليكم جميعا مشرفين وأعضاء المنتدى الكرام **** دا أولا

ياجماعه فين ادارة المنتدى والمشرفين محدش بيرد علينا ليه الامتحان ده هيكون ازاى ونظامه ازاى ويارؤيت تجيبو لنا نموزج للسنه اللى فاتت حتى علشان نعرف هيبقى ازاى؟

زكاء والا فى المواد بتاعتنا ف كل تخصص وبالنسبة لحقوق نركز ع ايه ؟؟؟

وياريت ياجماعه ضرورى حد ينزل اسماء جامعة الزقازيق ضرورى ياجماعه ****

أتمنى الجدية ف الطلبات دى وشكرا للجميع **[i][i]

طيب
برضه هما اللى جابوه لنفسهم

ربنا يستر

السلام عليكم ورحمه الله وبركاته

الاسامي في شبين الكوم نزلت وانا الحمدلله لقيت اسمي بس ان شاء الله هايعلنو غدا اسم المكان اللي هانمتحن فيه

مبروك لكل اللي اساميهم نزلت ويتممها ع خير وربنا يعوض خير للي اساميهم مش نزلت

انتي خريجة سنة كام يا رقة
شكلك لسة فاكرة المنهج كلة هههههههههههه
انا ليسانس حقوق 2006 ومش فاكر اصلا المواد اللي كانت علية هههههههههههه

ياجماعه انا من الفيوم وظهرت النتيجة امبارح الصبح واسمي والحمد الله طلع من المقبول اورقهم
وتم تحديد الأمتحان بعد اسبوع يوم الجمعه القادم في المحكمة الانا تابع ليها مش زي السنه الفاتت في جامعه عين شمس
وللعلم انا في الفرقة الثالثه حقوق عين شمس

اجهز كتب:: انا قلت لواحد صاحبي بيشتغل في المحكمة
انه يسال بكرة هناك عن موضوع الامتحان دة
يعني هيبقي نظامة اية
وهيبقي في التخصص ولا هيبقي زي السنة اللي فاتت
وانشاء الله اول ما يبلغني باي خاجة هقولك عليها علي طول

ربنا يخليك ويبارك فيك يا باسم
انتوا الامتحان عندكم هيبدا الساعة كام
8 برضه
اصل انا بقوم متاخر والمعاد ده مش مناسب معايا
هما ممكن ياخروه شوية
احسن هروح لهم مش مركزة فى اى سؤال
هما حرين بقه Evil or Very Mad

والله العظيم وحشتنا يا استاذ رامي

بصي يا رقه قومي من النوم براحتك خالص
وروحيلهم علي الساعة 11 او 12 ولو مرضيوش يدخلوكي الامتحان
هما اللي هيخسروا ههههههههههههههههه
والله انتي شكلك هتصحي الفجر وتروحي الامتحان هههههههههه
احنا بقي لازم نبقي موجودين هناك الساعة 7.5

اجهز كتب:: انتي خريجة سنة كام يا رقة
شكلك لسة فاكرة المنهج كلة هههههههههههه
انا ليسانس حقوق 2006 ومش فاكر اصلا المواد اللي كانت علية هههههههههههه

هههههههههههههههههههههههههه
انا
يختى عليا

وانا متخرجة 2007
يعنى قريبة منك
ده انا مش فاكرة انا اتعشيت ايه امبارح
جاى تسالنى عن حاجة مر عليها تلت سنين

على فكرة هو ده الرد اللى هرد بيه على اى سؤال يسالوهولى
مش بقولك هما اللى جابو لنفسهم

affraid

اجهز كتب:: بصي يا رقه قومي من النوم براحتك خالص
وروحيلهم علي الساعة 11 او 12 ولو مرضيوش يدخلوكي الامتحان
هما اللي هيخسروا ههههههههههههههههه
والله انتي شكلك هتصحي الفجر وتروحي الامتحان هههههههههه
احنا بقي لازم نبقي موجودين هناك الساعة 7.5

هههههههههههههههههه
اتريق اتريق
وشكل هو ده اللى هيحصل

ده لو نمت اصلا

فعلا الاستاذ رامى فينه
لعل مانع تواجده معانا خير

أخى الحبيب دنيا زائلة
لو سمحت يا حضرة المدير العام هو انا لو اتعينت فى الوظيفه دى تروح عليا فرصة النيابة الادرايه خاصة ان القرار بيصدر من نفس الوزارة ارجو الرد
نيابة عن أخى الحبيب المدير العام .... ليس هناك علاقة بين الوظفيتين ...

أختى nonalawyer
انا من اسكندرية اروح محكمة اسكندرية الابتدائية الاسماء هناك ولا فى مكان اخر؟ وأسال مين عليها؟
أسماء المتقدمين فى جميع المحاكم تكون عند السيد المستشار رئيس المحكمة ... فبالتالى أسئلى سكرتارية رئيس المحكمة أو ستجدى الأسئلة معلقه داخل المحكمة ...

وانا عندى سؤال دلوقتى انا باذن الله طالعه عمره يوم الخميس الجاى والامتحان انا قريت هنا انه يوم الجمعة ميعاد موحد فهل انا كده راحت عليا السنه دى
ولا ممكن اقدم التقشيره ويراعونى ؟
للأسف هو ميعاد واحد لايتغير ... توكلى على الله والخير سيكون ...

أختى maysa_2
قولى الحمد لله وتوكلى عليه ... لا تعرفى أين الخير مهما بلغتى من قوة التفكير .... الغيب عند الله ... أستغفرى الله وأحمديه ... وإعلمى أن الخير قادم بمشيئته ...
هو الاسماء اللى نزلت دى اللى كانت مقدمة امتى وللاى جهة مقدمة
كانت مقدمه فى المسابقة التى هى أساس الموضوع هذا ... والتى كانت تاريخها 30/1/2010

ان بابا لما كلم المستشار اللى كان بيتابع ورقنا بيقول
ان الاسماء اللى نزلت دى كانت مقدمة من 2009 وان ورقنا انا واختى يعنى لسة في مكتب الوزير ياترى اللى نزل اساميهم كدا برضة كانوا مقديمن السنة اللى فاتت برضة ولا اية ولا بيضحك علينا تانى
للأسف هى بالفعل 2010 وليس 2009 ...

أختى روشا 2008
جزاكى الله كل خير وبارك فيك على المساعدة ووضع الروابط ... أتمنى أن نرى تواجدك الدائم ... بالتوفيق

أختى minoo_106
هل محكمة شمال القاهرة ظهرت الاسماء ولا
ولو ظهرت متعلقة فين لانى روحت مفيش حاجة لقتها
الأسماء موجودة عند غرفة رئيس المحكمة ... أسألى سكرتارية رئيس المحكمة ...

أخى الحبيب mido1989
هو امتحان محكمه المنيا هيكون يوم ايه؟ وتحريري ولا شفوي؟ والاسئله هتكون عباره عن ايه اصلا ؟؟؟؟
الإمتحان لجميع المحافظات يوم الجمعه القادم بمشيئة الله ..وسيكون تحريرى ... والأسئلة عبارة عن أسئلة عامه وألغاز ومعلومات عامة عن الحاسب الآلى ... أما أخى الحبيب أجهز يقول أنها ستكون بالتخصص حسب تصريح السيد الوزير ... وهذا لم يصلنى به علم ... سوى الخبر الذى يحتوى على التصريح ...

أختى may_queen85
هى النتيجه ظهرت ولا ايه ؟ دا أنا سجلت على الموقع ده مخصوص عشان أعرف أشارك وأشوف ايه اللى حصل ، ظهرت أمتى؟ وفين؟ وأروح أسئل بكره على النتيجه وأشوف أسمى طلع ؟ولاهما بيتصلوا؟ وعلى فكره أنا ما أمتحنتش لا تحريرى ولا شفوى ولكن اللى جابولى الأعلان وقدموا لى الطلب قالولى أن نتيجه القبول بتظهر فى شهر 7 عند بدايه السنه الماليه الجديده ، هل الكلام ده صح ولا أشتغاله؟
هذه ليست النتيجة النهائية ... هذا أول إجراء يحدث منذ تقديم الملفات ... وهو إعلان عن الأسماء المقبولة مبدئياً ... وسيتم دخول إمتحانين الأول تحريرى والثانى عملى ... والإمتحان التحريرى موعده الجمعه القادمه بمشيئة الله ... ولكن التعيين النهائى هو فى شهر 7 بإذن الله كما ذكرتى ...

أختى .. رقة دمعة ..
كم يسعدنى كلماتك الطيبه ... فلكى جزيل الشكر والتقدير والإحترام ... وجزاكى الله كل خير ... وبالتوفيق ... ومبروك على قبولك ... وإن شاءالله نرى إسمك من ضمن المعينين نهائياً ... وأشكرك أيضاً على السؤال ... وانا بخير ولله الحمد والمانع خير ... فقط ظروف منعتنى أمس ...

أخى الحبيب gooogle
انا معايه دبلومة منكتبتشي خالص ادام اسمي .....اعمل ايه؟...ومعايه دراسات عليا ايضاً منكتبتشي ادام اسمي...ليه
إما لعدم تقديمك ما يفيد ... وإما لعدم التدقيق أثناء كتابة الأوراق ... وفى كلتا الحالتين لاتوجد مشكلة .... فالإختيار النهائى لايرجع لتلك الكشوف ولكن لكشوف أخرى بحالتك موجوده بالوزارة ...

أخى الحبيب اجهز
انا سمعت ان الامتحان هيكون في التخصصات
مش اسئلة ذكاء وحاسب الي
بجد المعلومة دي يا جماعة ولا اية
يا رب تكون معلومه غير صحيحة
لاني مش فاكر حاجة خالص في القانون
أولاً جزاك الله كل خير وبارك فيك على سؤال والحمد لله أنا بخير ..فقط ظروف منعتنى من الدخول أمس ...
ثانياً بالنسبة لسؤالك ... فما أعمله هو أن التغيير الوحيد الذى طرأ على تلك الدفعه أن الإختبار سيكون فى كل محافطة حسب التابعين لها وليس كما كان فى مدرج كلية حقوق عين شمس .... أما عن الإمتحان ... فهو أسئلة عامه فى الحاسب وكذلك ألغاز ... ولم يصلنى خبر أنه سيكون حسب التخصص .... حتى من أعرفهم بداخل المحاكم لم يصلهم مايجزم بذلك سوى الخبر الذى وضعته محتوياً على تصريح السيد الوزير .... وإن كنت أرى أن ذلك صعب التطبيق ... حيث أن الجميع سيلتقى فى وقت واحد دون تحديد مؤهلات ومن الصعب التفرقة فى الإمتحان ... إلا أننا نضع أمام نصب أعيننا كلا الإحتمالين ... ونتوقع أن يكون حسب التخصص كما ذكرت .... بالتوفيق

أختى NARO
اولا:انا لسه مشتركه حالا يعنى عضوة جديدة واحب اشكر الاستاذ/ramy kamal على الاعلان ده معلش متاخرة كتير.
العفو ... وإن شاءالله نراكى من ضمن المعينين ... وأتمنى أن نرى تواجدك بالمنتدى دائما ...

ثانيا:انا خريجة كلية تجارة واشتركت فى المسابقة والحمد لله اسمى نزل فيها.
مبروك ... وإن شاءالله نبارك يوم التعيين ...

ثالثا:انا مش عارفه خايفه ليه من الامتحان يعنى لوسمحت يا استاذ /ramy تقولنا الامتحان هيجى اسئله زى ايه كده اصلى مش عارفه اقرا الورق بتاع الoffice ده ولا اعمل ايه ومعلش انا طولت عليكوا
بالنسبة للأوفيس فهو يخص الإمتحان العملى ... سيأتى شرحه وقت الإمتحان بمشيئة الله ... أما الآن فهو إمتحان تحريرى ليس له علاقة بالأوفيس ... لذلك لاتقلقى .. الأمر سهل ... توكلى الله وستجدى الخير بإذنه ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

» اعلان رقم(1)لســـنة(2010)لشغل وظائف خالية بالمحاكم الابتدائية
» علان رقم (1) لسنة 2011 لشغل وظائف خالية بالمحاكم الإبتدائية
» حصرى لراجعون ......اعلان رقم 2 لسنة 2011 وظائف خالية بالمحاكم
» ظهور نتيجة اعلان رقم 2 لسنة 2011 وظائف خالية بالمحاكم
» ظهور نتيجة اعلان رقم 2 لسنة 2011 وظائف خالية بالمحاكم