منتدى راجعون الى الله
من اشعار صلاح جاهين 5e6e128532

انرت منتدانا زائرنا الغالى اذا اردت التسجيل فمرحبا بك
منتدى راجعون الى الله
من اشعار صلاح جاهين 5e6e128532

انرت منتدانا زائرنا الغالى اذا اردت التسجيل فمرحبا بك
منتدى راجعون الى الله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى راجعون الى الله


 
الرئيسيةأحدث الصورالتسجيلدخولالتسجيل
النيابة العامة والنيابة الادارية ومجلس الدولة وهيئة قضايا الدولة موضوعات متجددة تجدها بمصداقية فقط على منتدى راجعون الى الله ....
تابعوا معانا يوميات حنفى وحمديه والناس الموئعتيه فقط وحصريا بقسم القصص والمواعظ بمنتدانا منتدى راجعون الى الله
بمناسبة اقتراب شهر رمضان الكريم اعاده الله علينا وعليكم باليمن والخير والبركات ندعوكم لزيارة قسم (رياض الجنه الرمضانى )بمنتدانا لمتابعة كل ماهو مفيد وجديد فى الشهر الكريم
عايز تتابع وتعرف كل حاجه عن علماء بتحبهم ومفكرين وشيوخ اجلاء بتتمنى تكون زيهم تابع معانا فى منتدانا بقسم المفكرين والعلماء وسوف تجد كل ماتتمنى ان تعرفه عن مشايخنا وعلمائنا ومفكرينا
عندك موهبة الكتابه ؟؟؟عايز تقول رأيك ونفسك تبقا صحفى والكل يقرا مقالاتك ؟؟؟؟نورنا فى جريدة منتدانا منتدى راجعون الى الله (مقالات الاعضاء وبس)

 

 من اشعار صلاح جاهين

اذهب الى الأسفل 
2 مشترك
كاتب الموضوعرسالة
saso soudi
مشرفة قسم
مشرفة قسم
saso soudi


الساغة الأن :
الاقامة : الهرم
الجنس : انثى
عدد المساهمات : 1237
نقاط : 1694
تاريخ التسجيل : 01/12/2009

من اشعار صلاح جاهين Empty
مُساهمةموضوع: من اشعار صلاح جاهين   من اشعار صلاح جاهين Empty9th أبريل 2010, 4:39 pm

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت .. قارب نجاة

قالوا مفيش
غير بس هو الحب قارب نجاه
عجبي !!!

***
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد

عجبي !!!

مرات أفوق و يحل عني غبايا

و أفتكر إني فهمت كل الخبايا

و افتح شفايفي عشان أقول الدرر

ما قولش غير حبة غزل في الصبايا

و عجبي.
..
يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!


أنا قلبي كان شخشيخة أصبح جرس

جلجلت بيه صحيوا الخدم والحرس

انا المهرج , خفتوا ليه, قمتوا ليه

لا في ايدي سيف ولا تحت مني فرس

وعجبي



ولدي نصحتك لما صوتي اتنبح
..
ما تخافش من جني ولا من شبح ..

وان هب فيك عفريت قتيل اساله ..

ما دافعش ليه عن نفسه يوم ما اندبح ..

وعجبي



يأسك وصبرك بين ايديك وانت حر

تيأس ما تيأس الحياة راح تمر

أنا دقت من دة ومن دة وعجبي لقيت

الصبر مر وبرضه اليأس مر

عجبي



علي بــعد ملـــيون مــيل من أرضنا

من الفــراغ الــكوني بصــيت أنـا

لا شفت فرق ما بين جبال و بحور

ولا شفت فرق ما بين عذاب أو هنا

عجبي




أنا كل يوم أسمع .. فلان عذبوه

أسرح ف بغداد والجزاير واتوه

ما أعجبش م اللي يطيق بجسمه العذاب

وأعجب من اللي يطيق يعذب أخوه

عجبي!!


أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!


انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!


يا عندليب ماتخافش من غنوتك

قول شكوتك و احكي عن بلوتك

الغنوة مش هتموتك إنما

كتم الغنا هو اللي هيموتك

!عجبي

**************************************
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي

*****************************************

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

**********************************

أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي

********************************

لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي

**********************************

جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي

*************************************

يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي

**********************************


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

***********************************



أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس

!عجبي

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي



إيش تطلبي يا نفس فوق كل ده

حظك بيضحك وانتي متنكدة

ردت قالت لي النفس: قول للبَشَر

ما يبصوليش بعيون حزينة كده

!عجبي




بحر الحياه مليان بغرقى الحياه

صَرَخت خش الموج في حلقي ملاه

قارب نجاه!...صَرَخت قالوا مفيش

غير بس هو الحب قارب نجاه

!عجبي


إنشد يا قلبي غنوتك للجمال

وارقص في صدري من اليمين للشمال

ماهوش بعيد تفضل لبكره سعيد

ده كل يوم فيه ألف ألف احتمال
!عجبي



زحام وأبواق سيارات مزعجة

إللي يطول له رصيف...يبقى نجا

لو كنت جنبي يا حبيبي أنا

مش كنت أشوف إن الحياة مبهجه؟

!عجبي


إيديا في جيوبي وقلبي طِرب

سارح في غربة بس مش مِغترِب

وحدي لكين وَنسان وماشي كده

وبابتعد...ما اعرفش...أو باقترِب
!عجبي



فتحت شباكي لشمس الصباح

ما دخلش منه غير عويل الرياح

وفتحت قلبي عشان أبوح بالألم

ما خرجش منه غير محبة وسماح

!عجبي




أنا الذي عمري اشتياق في اشتياق

وقطر داخل في محطة فراق

قصدت نبع السم وشربت سم

من كتر شوقي وعشمي في الترياق

!عجبي
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

من اشعار صلاح جاهين Empty
مُساهمةموضوع: رد: من اشعار صلاح جاهين   من اشعار صلاح جاهين Empty9th أبريل 2010, 8:07 pm

الله عليكى ياعسل
جامده مووووووووووووت
تسلمى
الرجوع الى أعلى الصفحة اذهب الى الأسفل
saso soudi
مشرفة قسم
مشرفة قسم
saso soudi


الساغة الأن :
الاقامة : الهرم
الجنس : انثى
عدد المساهمات : 1237
نقاط : 1694
تاريخ التسجيل : 01/12/2009

من اشعار صلاح جاهين Empty
مُساهمةموضوع: رد: من اشعار صلاح جاهين   من اشعار صلاح جاهين Empty10th أبريل 2010, 4:29 pm

نورتينى يا احلى ميموووو
الرجوع الى أعلى الصفحة اذهب الى الأسفل
 
من اشعار صلاح جاهين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى راجعون الى الله :: منتدى المواهب الشعرية والقصصية :: قسم اشعار كبار الشعراء :: قسم الشاعر الكبير صلاح جاهين-
انتقل الى:  
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية reddit      

قم بحفض و مشاطرة الرابط راجعون الى الله على موقع حفض الصفحات

قم بحفض و مشاطرة الرابط منتدى راجعون الى الله على موقع حفض الصفحات