هيئة قضايا الدولة دفعة 2009

موضوع: رد 2nd أغسطس 2010, 4:18 pm

بيان بالدرجات صورة وليس اصل مفيش اصول سوى الفيش الجنائى وشهادة معتمدة من جهة عمل الوالد وايضا بالنسبة للعاملين بالحكومة لازم تكون اصل اوصورة مختومة طبق الاصل

أخى الحبيب خالد كامل
سوال هي تحريات الهيئه بتنزل بعد سنه فعلا ولا زي النيابه العامه بعد حوالي 5 او 6 شهور
تعتبر مثل النيابة الإدارية ... حيث أن النيابة العامه أسرع هيئة فى التعيين ويساويها فى هذا الأمر مجلس الدوله ... أما الهيئة والنيابة الإدارية لهم نظام مختلف .....

أختى elham salah
هوا الموضوع المثبت دا ييجى ازاى فى النيابة الادارية
ستجديه مع المواضيع المثبته والتى منها هذا الموضوع الذى تشاركين فيه ... ورابط الموضوع كما تفضل أخى الحبيب black_cres هو
[ندعوك للتسجيل في المنتدى أو التعريف بنفسك لمعاينة هذا الرابط]

أخى الحبيب minoo_106
هل الكشط عادى بكليكتر
غير مستحب ....

انا كتبت خال بدل من عمات هل استخدم الكشط
كما تفضل أخى الحبيب المدير العام بالتوضيح أنه يمكنك تعديل عنوان صفحة العمات وتجعلها أخوال وتقوم بتعديل عنوان صفحة الأخوال وتجعلها العمات .... أى تعكس الأمر ...

أختى nossa
ياجماعه هما فعلا عايزيين صحيفه الحاله الجنائيه للوالد
بالفعل مطلوب كما هو موضح فى الأوراق المطلوبه بالملف ....

ياجماعه هوبيان الدرجات اصل ولا صوره
كما أوضحت من قبل أن الهيئة تطلب صور فقط وليس أصول ....

أخى الحبيب Markinoo
يا جماعة اللي سحب الملف يقولنا محتوياتو ايه
المحتويات مكتوبه فى أول صفحة بالملف .... يمكنك مراجعة المحتويات بعد الشراء والتأكد من المحتوى ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

عندى إستفســار صغير ؛ بالنسبه لورقه ـ طلب التعيين فى وظيفه مندوب مساعد ؛ هل يلزم كتابه إسم المستشار / رئيس الهيئه ، وما هو الإسم الرباعى لرئيس هيئه قضايا الدوله ؟ ... وشــــكـــــراً ؛

كما علمنا من سيادتكم ان نزول التحريات للنيابه العامه تعنى ان نسبه تعيينك 80% ان شاء الله ,
والنيابه الاداريه 30% ان شاء الله , فمن وجهه نظر سيادتك . كم تكون نسبه نجاحى بالتعيين فى هيئه قضايا الدوله , اذا تم نزول تحريات لى بأمر الله ؟ وشكرا وبالله التوفيق

شباب دفعة 2007 تم استلامها العمل اليوم (( طبقا لصديق فيها اتعين فى الهئية)).

سؤال لرامى باشا : فى واحد هنا فى بلدى دخل هيئة قضايا الدولة وابوة لسة محكوم علية من شهرين فى قضية شيك اصلا , وكمان عمة محكوم علية فى قضية سلاح بدون ترخيص .

المهم الشخص دا ازاى اتعين وهل فعلا الكوسة جامدة كدا فى الهئية والتحريات دى ملهاش لزمة ولا اية

على فكرة انا بتكلم بجد والله وواثق من كل كلمة حتى فى ناس سالت الشخص دا ورد وقال ((( ........ التخين فى البلد )))) والمعنى اكيد واضح

انت بتقول بقاله شهرين يا باشا يعنى بعد التحريات

المدير العام كتب:: انت بتقول بقاله شهرين يا باشا يعنى بعد التحريات

ايوة بس معنى كدا ان التحريات دى تمتاز بالقصور , واهو الراجل داخل وابوة عندة قضية جامدة .

اية التاثير فيها يعنى غير كدا ربنا كاتبلو كدا الناس معترضه لية يعنى ربنا ما اكرموش بالعامة ولا الادارية ولا المجلس والناس مستخسرة فية الهيئة يا جدعااااااااااااان ربنا اللى موزعها علينا ياريت ياثعلب انا قريت كلامك من البح لو الناس دى بتكلم معاك ابعد عنهم عشان دى ناس حاقدة وخلاااااااااااااص دا راى ومتزعلش من كلامى بس الناس لازم تعرف ان دا نصيب

انا اقصد عشان متزعلش يا ثعلب انا كنت حاد فى رأى اللى اقصدة ان دا ربنا كاتبهالو فهيدخلها فعلا ............. عن التخين بس ... ان شاء الله ابوة علية قضية اداب يا سيدى بس نصيبة كدا ادعى بقى ان ربنا يناولهالك بكل خير يارب غير كدا دا لو لقدر الله وربنا اراد وكشف سرة دا بعد ما دخل متتخيلش هو موقفة اصعب مننا ازاى على الاقل منظرة مابين زمايلو ربنا مايورينا ادعى انت بس ربنا يكرمنا كلنا ونتعين ان شاء الله

محمود بك كتب:: انا اقصد عشان متزعلش يا ثعلب انا كنت حاد فى رأى اللى اقصدة ان دا ربنا كاتبهالو فهيدخلها فعلا ............. عن التخين بس ... ان شاء الله ابوة علية قضية اداب يا سيدى بس نصيبة كدا ادعى بقى ان ربنا يناولهالك بكل خير يارب غير كدا دا لو لقدر الله وربنا اراد وكشف سرة دا بعد ما دخل متتخيلش هو موقفة اصعب مننا ازاى على الاقل منظرة مابين زمايلو ربنا مايورينا ادعى انت بس ربنا يكرمنا كلنا ونتعين ان شاء الله

انا مش زعلان يا محمود بك وانا فاهم رايك كويس وربنا يوفقة ويوفق الجميع . انا بس الى اقصدة ان ازاى تكون هئية قضائية ويكون ابوة علية قضية يعنى انا بس مستغرب فقط .اما الشخص دا فربنا يوفقة ويهدية وانت لو شوفت طريقة كلامة بجد هتستغرب جدا ازاى دا اتعين اصلا .وفى ناس فى البلد خدوا ماجستيرات وعيسلتهم اقوى بكتير ومدخلوش فانا بس مستغرب

يغنى اية يا جماعة شهادة من جهه عمل الوالد اصل وصورة مختومة

هى مش الشهادة من جهه العمل وخلاص

لو سمحتو يا جماعة سؤال هو ممكن جامعة الاسكندرية

تقدم من اول يوم للتقديم ال هو يوم الاحد 8-8 -2010

مع جامعة القاهرة وعين شمس وحلوان ولا كل جامعة فى يوم معين.

يا جماعة انا حزين جدا لان فاتنى التقديم وكاناخر يوم امبارح وانا لسة عارف انهاردة بسبب انى كل يوم كنت ببص على المشاركة الرئيسية للموضوع بلاقيها هية هية لو فى حل ممكن اعمل ياريت حد يقولى وبلو مفيش يقولى مفيش بس ياريت رد

هو امتى مواعيد تقديم جامعة عين شمس

تقديم عين شمس من8/8 حتى 14/8 .

عاوز اعرف ليه موضوع النيابه العامه واقف ومفيش جديد فى المنتدى عن الموضوع ده ولا حتى عارف يسأل على حاجه تخص النيابه العامعه

ياريت ياستاذ رامى توضح بالنسبه لبيان الدرجات ينفع صوره ولا لازم اصل

أستاذ رامي والأستاذ المدير العام بصراحة إنتو ناس متعاونين جدا وخدومين بشكل غير عادي ودا بقى اللي شجعني اني استفسر من حضراتكم كام إستفسار وأتمنى إني ألاقي الإجابة

1- في بعض أقاربي لا أعرف تاريخ ميلادهم كامل يعني أعرف السنة اللي إتولدو فيها بس ومعرفش التاريخ كامل أكتب إيه .

2- زوجة إبن خالي لا أعرف غير إسمها الأول ولا اعرف باقيه وهما عايشين بالخارج ومش عارف اكتب اسمها بس هينفع ولا مكتبوش خالص

3- مكتوب في الملف من بره رقم الملف ( دا هجيبو منين ) ؟

4- في طلب التعيين اسم المستشار رئيس الهيئةهكتبو ولا هسيبو فاضي ولو هيتكتب هو إسمو إيه ؟

5- يوجد لدي بعض الأقارب المتوفيين هكتب أنهم متوفيين أم لا ولو هكتب متوفي مثلاً هكتبها في أي خانة ؟

وأنا آآآآآسف جدا على التطويل بس أنا والله محتاس جدا ومش عارف أعمل إيه والوقت قرب وأنا لسه مكتبتش كلمة في الملف

فأرجو من الأستاذ رامي أو الأستاذ المدير العام إنهم يساعدوني وأقدر أكمل الملف

جعله الله في ميزان حسناتكم

وشكراً

ممكن افيدك فى الحاجات دى اللى بتسأل عنها بما انى قدمت فى الحاجت دى لحد ما يرد عليك الاستاذ رامى ويارب اعرف افيدك
1-بالنسبه لتواريخ الميلاد فعلى قدر المستطاع تحاول تجيبها ولو معرفتش تكتب السنه او حتى تسيبه خالص
2-زوجه ابن خالك لازم تجيب اسمها كامل عشان التحريات بس لو مش عارف دلوقتى تقدر تكتب الاسم اللى تعرفه ولما تنزلك التحريات يكون ربنا حلها ساعتها
3-قصدك رقم الاستماره ده هتلاقيه على استماره تسجيل بياناتك اللى بتكتب فيها الاقارب
4-اعتقد تسيبه فاضى وعلى العموم اسم المستشار رئيس الهيئه/محمد عبد العظيم الشيخ ده لو حبيت تكتبه
5-اعتقد تكتب انهم متوفيين فى خانه العمل مثلآ
ويارب اكون فيدتك واستنى الاستاذ رامى لما يرجع وهو يفيدك اكتر والله المستعان

والاستاذ اللى بيسأل عن بيان الدرجات فالهيئه بتطلب صوره منه وليس اصلآ وكذلك الشهاده المؤقته صوره وليس اصلآ

- في بعض أقاربي لا أعرف تاريخ ميلادهم كامل يعني أعرف السنة اللي إتولدو فيها بس ومعرفش التاريخ كامل أكتب إيه .

عن نفسى كان عندى فس المشكلة واغلب اقاربى بنسبة 90% منهم كتبتهم بالتقريب لكن هيبقى فيه مشكلة لو حصل تشابه ففى الحالة دى فقط لازم تجيب تاريخ الميلاد الحقيقى لتثبت التشابه لكن حاليا اكتب اى تاريخ بالتقريب حتى

2- زوجة إبن خالي لا أعرف غير إسمها الأول ولا اعرف باقيه وهما عايشين بالخارج ومش عارف اكتب اسمها بس هينفع ولا مكتبوش خالص

قصادك حاجة من اتنين اما تكتب انه غير متزوج وتريح دماغك واما ان تحصل على اسمها ثلاثى لكن غير كده اكيد مليون فى المية ظابط التحريات هيطلب الاستعلام عن باقى اسمها

3- مكتوب في الملف من بره رقم الملف ( دا هجيبو منين ) ؟

ملكش دعوة بالرقم ده الموظف اللى بيملاه من عنده ده بيان مش مكلوب منك انت تملاه

4- في طلب التعيين اسم المستشار رئيس الهيئةهكتبو ولا هسيبو فاضي ولو هيتكتب هو إسمو إيه ؟

اولا انت اللى بتكتب الطلب ده وبتوجهه الى السيد المستشار الدكتور رئيس هيئة قضاية الدولة ومتسميش شخصية بعينها لانه هيخرج معاش قبل ما تتعين فالعبرة بالمنصب وليس بشخص جالسه

5- يوجد لدي بعض الأقارب المتوفيين هكتب أنهم متوفيين أم لا ولو هكتب متوفي مثلاً هكتبها في أي خانة ؟

طبعا بتكتب متوفى وانا عن نفسى كنت بكتبها فى خانة الحالة الاجتماعية ول لم يكن هناك تلك الخانة كنت بتكبها فى محل الاقامة

الف ألف شكر للأستاذ أحمد سليم على المتابعة والرد

وطبعاً الأستاذ المدير العام اللي عودنا دايماً أنو يكون موجود وجاهز بالرد والمعلومات

الف شكر ليكو يا جماعة والف شكر للأستاذ رامي وياريت بلدنا يبقى فيها منكو كتير والله حالنا هيتغير وهنكون احسن من كدا بكتيييييير.

وربنا يوفقا كلنا ويكرمنا بالتعييين

آمين يا رب العالمين

أخى الحبيب لا يــأس مع الحــيــاه
هل يلزم كتابه إسم المستشار / رئيس الهيئه ، وما هو الإسم الرباعى لرئيس هيئه قضايا الدوله ؟
غير مطلوب كتابة إسم رئيس الهيئة ....

أخى الحبيب عبد الناصر
كم تكون نسبه نجاحى بالتعيين فى هيئه قضايا الدوله , اذا تم نزول تحريات لى بأمر الله ؟
بمشيئة الله تكون أنجزت نصف الطريق ... 50% ....

أخى الحبيب الثعلب العربى
المهم الشخص دا ازاى اتعين وهل فعلا الكوسة جامدة كدا فى الهئية والتحريات دى ملهاش لزمة ولا اية
بعيداً عن فكرة النصيب والأرزاق ... وبعيداً عن فكرة أن التحريات قبل القضيه أو بعدها ... كثيراً ما ذكرت كلمه إذا كنت علمت معناها ما كنت سألت السؤال لأن الإجابة بكل تأكيد ستكون لديك وقتها ... فقد قلت من قبل أن أى شيئ يمكن إنهائه ....

أختى ماما
يغنى اية يا جماعة شهادة من جهه عمل الوالد اصل وصورة مختومة
هى مش الشهادة من جهه العمل وخلاص
نعم تلك الشهادة ثم يتم تصويرها وختمها ... أى بالمعنى الدارج يمكن إعتبارها صورة طبق الأصل ...

لو سمحتو يا جماعة سؤال هو ممكن جامعة الاسكندرية
تقدم من اول يوم للتقديم ال هو يوم الاحد 8-8 -2010
لكل مجموعة جامعات لها عدة أيام للتقديم ويجب الإلتزام بهم ...

أخى الحبيب احمد ممدوح
لو فى حل ممكن اعمل ياريت حد يقولى
للأسف كان أخر يوم للتقديم هو يوم الخميس الماضى ... قدر الله وماشاء فعل ...

أخى الحبيب minoo_106
هو امتى مواعيد تقديم جامعة عين شمس
كما ذكر أخى الحبيب أحمد حسن ... من يوم 8/8 إلى يوم 14/8 ...

أخى الحبيب احمد سليم
عاوز اعرف ليه موضوع النيابه العامه واقف ومفيش جديد فى المنتدى عن الموضوع ده ولا حتى عارف يسأل على حاجه تخص النيابه العامعه
أمر طبيعى جدا ... فتلك المرحلة ما هى إلا مرحلة تحريات ... فلاجديد إلا بعد إنتهاء تلك الفترة ...

أخى الحبيب محمد السيد مصطفى
ياريت ياستاذ رامى توضح بالنسبه لبيان الدرجات ينفع صوره ولا لازم اصل
جميع أوراق التقديم فى الهيئة صور فقط وليس أصول ...

أخى الحبيب Markinoo
نحن تحت أمرك فى أى شيئ ... وأسأل كما تشاء فنحن فى الخدمة ... كما أفادك أخى الحبيب احمد حسن جزاه الله خيراً وبارك فيه ... بالتوفيق....

1- في بعض أقاربي لا أعرف تاريخ ميلادهم كامل يعني أعرف السنة اللي إتولدو فيها بس ومعرفش التاريخ كامل أكتب إيه
حاول على قدر المستطاع معرفة التاريخ كاملاً ... فإذا لم تستطع فيمكنك كتابة السنه فقط... ولكن فى كلا الأحوال يجب كتابة التاريخ الصحيح للإبتعاد عن تشابه الأسماء ...

2- زوجة إبن خالي لا أعرف غير إسمها الأول ولا اعرف باقيه وهما عايشين بالخارج ومش عارف اكتب اسمها بس هينفع ولا مكتبوش خالص
عليك كتابة الإسم كاملاً ولايمكن بأى حال من الأحوال قبول الأسم الأول فقط وستجد نفس المشكلة تقابلك فى نزول التحريات ... ولا أستطيع إخبارك بعدم كتابة إسمها ....

3- مكتوب في الملف من بره رقم الملف ( دا هجيبو منين ) ؟
لاتكتب شيئاً ...

4- في طلب التعيين اسم المستشار رئيس الهيئةهكتبو ولا هسيبو فاضي ولو هيتكتب هو إسمو إيه ؟
لاتكتب شيئاً ... ماهو إلا تنسيق صفحة وليس فراغ للكتابة ...

5- يوجد لدي بعض الأقارب المتوفيين هكتب أنهم متوفيين أم لا ولو هكتب متوفي مثلاً هكتبها في أي خانة ؟
نعم عليك كتابة المتوفين ... وبجانب إسمه فى أى مكان فارغ أكتب (متوفى) ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

طيب يا جماعة انا من اسكندرية ورايح بكرة أقدم الملف إن شاء الله بعدما مليته والحمد لله وبفضل الله وبفضل مساعدة حضراتكم ليا .
دلوقتي مش أنا اللي سحبت الملف دا واحد صاحبي وبعتهولي في السوبر جيت
أنا دلوقتي عايز اعرف أروح إزاي المكان اللي هقدم فيه يعني عايز حد يوصفهولي
انا هنزل رمسيس اعمل إيه بعد كدا ؟؟؟؟؟

وشكراً

الى markinoo
لو نزلت رمسيس اركب اى حاجه راحه التحرير وانزل عند مجمع التحرير او اركب المترو من رمسيس من محطه مبارك او عرابى وانزل محطه السادات هتلاقى المجمع امامك مباشره تطلع الدور العاشر وتسلم الملف

» مواعيد تقديم ملفات هيئة قضايا الدولة دفعة 2009
» هيئة قضايا الدولة دفعة 2008
» اعلان هيئة قضايا الدولة 2009
» أسئلة هيئة قضايا الدولة
» رئيس هيئة قضايا الدولة يؤدي اليمين أمام الرئيس