هيئة قضايا الدولة دفعة 2009

بالنسبه لبيان الدرجات وشهاده التخرج مطلوبين صوره ضوئيه ولا صوره تستخرج من الشئون ومختومه

المطلوب صوره ضوئيه وليست صوره مختومه

محدش يعرف اختبارات الهيئه بتبقى امتى

أستاذ أحمد سليم
دايما مظبطني كدا
ربنا يخليك ليا يا رب

كل سنة وانتم طيبين وبخير

رمــــــــــــــــضان كريـــــــــــــــــــــــم

وربنا يوفقنا جميعا...
دلوقتي في حاجه,أنا لسه معملتش الفيش ,مش تقصير مني,ومعادي من يوم 21 ل يوم 24 أغسطس
فهل ينفع زي ما كان في النيابه لو الفيش أتأخر ياخده مني الوصل وكده؟ولا لأه؟
كمان حاجه بالنسبه لخانه تاريخ الحصول على المؤهل بتاع الأقارب,انا معنديش فكره عن ايه حاجه في ممكن أسيبه فاضي؟؟
أستفسار كمان بقى Smile

في خانه الدبلومه أنا كتبت أني حصلت عليها هل لازم أجيب ورقه تثبت كده من الكليه؟
والورقه دي بتبقى صوره من الشهاده ولا شهاده مؤقته زي شهاده الليسانس؟
Embarassed

شهاده لخدمه العامه بتاعه البنات..هل مطلوب صوره منها ؟ cheers

السلام عليكم
لوسمحت انا تقدمت بطلب للتعين بهيئة قضايا الدولة من سنه تقريبا بوظيفة باحث ثالث وكنت عايز اعرف فيه تعينات قريب في الهيئة ولا لسه
وشكراً

الى markinoo
يا عمى دى حاجه بسيطه وربنا يوفق الجميع كل سنه وانت طيب وكل اعضاء المنتدى طيبين

هل موضوع تقديم الملف فيه زحمه وبياخد وقت برضه ولا تسليم على الواقف وامشى علطول؟

الى ايهاب
التسليم على السريع وبتمشى على طول مفيش زحمه والموظف بيراجع معاك الورق وبتمضى فى الصفحه وبيديك ورقه يقولك احضر بيها يوم كذا عشان تعرف يوم مقابلتك فماتقلقشى مش هتتعطل يا جميل

كل سنه وحضراتكم طيبين
رمضــــــــــــــــــــــــــــــــــــــان كريــــــــــــــــــــــــــــــــــــم

هو التقديم ياجماعة كان امتى وده لدفعة 2009 ولا ايه ارجو الرد

التسليم منظم ومفيش زاحمة

شكرا للأستاذ احمد سليم علي الرد
وكل عام وانتم بخير

طيب تمام
الف شكر يا رجاله
طيب تنصحونى ابقى هناك من الساعه كام علشان انجز فى السريع كده؟؟

الى ايهاب
يا عمى روح براحتك مفيش زاحمه وكل جامعه وليها موظف بيستلم الورق ولو حبيت تروح بدرى يبقى توصل هناك على 9.5 مثلآ بس تلحق تروح قبل 12 عشان بعد كده بتلاقى الاصانصير مش شغال بيقولوا اخرنا 12 بس فيه طبعى اصانصيرات تانيه شغال بس مش فى اول المجمع

الى هيه
تقصدى ايه بالتقديم اعلان الهيئه نزل من يوم 27/7 تقريبآ والسحب كان لحد يوم 8تقريبآ وتقديم الملفات بدأ يوم 10 وده للقاهره وعين شمس وكام جامعه كمان

الى مونى سعد
دى حاجه بسيطه يا مونى.............وانت بالصحه والسلامه

kholoud كتب:: رمــــــــــــــــضان كريـــــــــــــــــــــــم

وربنا يوفقنا جميعا...
دلوقتي في حاجه,أنا لسه معملتش الفيش ,مش تقصير مني,ومعادي من يوم 21 ل يوم 24 أغسطس
فهل ينفع زي ما كان في النيابه لو الفيش أتأخر ياخده مني الوصل وكده؟ولا لأه؟
كمان حاجه بالنسبه لخانه تاريخ الحصول على المؤهل بتاع الأقارب,انا معنديش فكره عن ايه حاجه في ممكن أسيبه فاضي؟؟
أستفسار كمان بقى
في خانه الدبلومه أنا كتبت أني حصلت عليها هل لازم أجيب ورقه تثبت كده من الكليه؟
والورقه دي بتبقى صوره من الشهاده ولا شهاده مؤقته زي شهاده الليسانس؟

شهاده لخدمه العامه بتاعه البنات..هل مطلوب صوره منها ؟

لسة فاضلك 10 ايام على بدأ التقديم تقدرى تعملى الفيش دلوقتى فى الادلة الجنائية فى محافظتك وهيطلع بعد 6 ايام او تعملية فى طنطا ويطلع فى نفس اليوم لو ليك ظابط هناك او يومين لو ملكيش حد. وتقدرى تعملية من القاهرة فى يوم واحد.
مجلس الكلية انعقد خلاص والشهادات كلها يومين وتقدرى تخديها عادى ولو فى عطلة انتى تقدرى تجيبى افادة من الكلية انك ناجحة فى دبلومة .ومش فارقة صورة من اصل بس تقريبا صورة لان الهئية شغالة صور اصلا .

اما بالنسبة لقصة تاريخ المؤهل فالملف مطلوب فقط للأخوال والخالات والعمات والاعمام وسهل عليكى تتصلى بيهم وتقوليلهم انتوا اتخرجتوا امتى .

يا جماعه هى الاسئله الى فى المنتدى هى دى الى انتوا هاتذاكروها والاسئلة من السؤالى التانى حتى السؤال 30 مش موجودين هيئة قضايا الدولة دفعة 2009 - صفحة 8 Icon_biggrin

هاتذكروا منين

الى spy
بس انت ذاكرهم بس وهما كويسين وبعدين الاسئله بتتكرر المهم انك وانت بتجاوب تجاوب بكل ثقه وماتترديتشى

استاذ رامى رمضان كريم وكل سنه وحضرتك طيب وربنا يجازيك عنى وعن باقى الاعضاء خير لانك بجد بتتعب جدا عشان تمد الاعضاء بالمعلومات الاكيده
ثانيا : حضرتك انا شغال معلم مساعد مواد قانونيه بالتربيه والتعليم فهل مطلوب منى اجيب موافقة الشغل على تقديمة فى الهيئه ولا اعمل ايه بالظبط وانا سألت قلولى الموافقه بتكون من وكيل الوزاره صح الكلام ده ولا اكتب طلب لمدير المدرسه ويمضيلى هوه بالموافقه ويختمهولى ختم المدرسه والشعار ان وجد يا ترى كده ينفع ولا همه مش بيدققوا على الحاجات دى

أرجو من حضرتك يا استاذ / رامى كمال... أو أى من الاخوة القائمين على هذا المنتدى
أن تبلغونى عن مواعيد تقديم النيابة العامة دفعة 2010 وكذلك النيابة الادارية وهيئة قضايا الدولة
ومجلس الدولة والاكاديمية الحربية 2010...
ولو امكن ان ترسل الرد على الاميل ده تم حذف الايمل بمعرفة الادارة
ولـــــــــــــــــكم منى جزيل الشكـــــــــــــــــــــــــر.... Very Happy

الى حسام الدين
لازم تجيب موافقه الشغل طبعآ عشان تقدم ويقبلوا منك الورق وده امر مفيهوش كلام
اما بقى شكل الموافقه بيبقى منين فده تسأل عليه فى المدرسه او الوزاره بس فى الغالب الموافقه بتبقى من الوزاره نفسها.............واستنى برده الاستاذ رامى وهوه يفيدك اكتر والله الموفق

الى a_wahba420
بالنسبه لمواعيد تقديمات الهيئات القضائيه دفعه 2010 فالغالب انه
1.النيابه العامه بتبقى فى شهر واحد
2.النيابه الادراريه بتبقى فى شهر تلاته
3.هيئه القضايا بتبقى فى شهر 7
4.مجلس الدوله فشهر 3 او 4
5.الاكاديميه الحربيه تقريبآ بتطلب بعد ما تخلص الجامعه تروح تسأل لانها تقريبآ بتطلب بدرى شويه
وانت فى الشهور دى لازم تبقى متابع الاعلانات اللى فى الجرايد والاكيد ان اول ما ينزل الاعلات هتلاقيه على المنتدى مفيش كلام............واستنى الاستاذ رامى وهوه يفيدك اكتر

» مواعيد تقديم ملفات هيئة قضايا الدولة دفعة 2009
» هيئة قضايا الدولة دفعة 2008
» اعلان هيئة قضايا الدولة 2009
» أسئلة هيئة قضايا الدولة
» رئيس هيئة قضايا الدولة يؤدي اليمين أمام الرئيس