النيابة العامة دفعة 2009

طيب ممعلش سوال مكرر منى بس مهم بالنسبه لى
بالنسبه للتحريات
حضرتك قولتلى عيش حياتك وسافر وروح وتعالى واخرج عادى بس ابعد عن المشاكل
يعنى انا عندى حضور الماتشات فى الاستاد ادمان عندى
هل ابطل الموضوع ده ولا عادى واعيش حياتى
يا ريت تستحملنى بس فى السؤال ده
والف شكر على الاستجابه المستمره يا استاذ محمود
احنا اخواتك برضه

يا باشا المنتدى هنا لخدمة اعضاؤه
مفيش اى مشكلة فى حضور المتشات ولا حتى الصلاة فى الجامع
ايه يا جماعة المسألة
مالها الصلاة فى الجامع بالتعيين فى النيابة يعنى
وطبعا حضور الماتشات عادى جدا ما هو حستى مبارك وجمال مبارك وعلاء مبارك والناس كلها بتحضر متشان يعنى مش شئ يقلل منك يعنى عادى جدااااااااا

7- اقرار من المتقدم بموقفه من التجنيد - او صوره الاعفاء منهه

انا واخد اعفاء مؤقت اضع (الاصل) ام (الصوره) ؟؟؟؟؟

وصوره سند الملكيه او بطاقه الحيازه الزراعيه ........ ينفع اضع الاصل وخلاص ؟

عدد (

صور فوتغرافيه ....... لازم تبقى الخلفيه بيضاء ؟؟؟؟؟

ومكتوب فى رقم 15-استمرتى نموذج الفحص الطبى تحرر بياناتها وتوضع على كل منهما صوره فوتوغرافيه .......
اعمل كده ولا اسيبهم فاضييييين ؟؟؟؟؟؟

والف شكر على المجهود العظيم

عدد 8 صور فوتغرافيه ....... لازم تبقى الخلفيه بيضاء ؟؟؟؟؟

ومكتوب فى رقم 15-استمرتى نموذج الفحص الطبى تحرر بياناتها وتوضع على كل منهما صوره فوتوغرافيه .......
اعمل كده ولا اسيبهم فاضييييين ؟؟؟؟؟؟

والف شكر على المجهود العظيم

الوا حط صورة الاغفاااااااااااااء
صووووووووووورة فقط مش الاصل
وكذلك بطاقة الحيازة صوووووووورة بس مش الاصل حرام عليك هتحط الاصل لييييييييه

عدد 8 صور فوتغرافيه ....... لازم تبقى الخلفيه بيضاء ؟؟؟؟؟

ومكتوب فى رقم 15-استمرتى نموذج الفحص الطبى تحرر بياناتها وتوضع على كل منهما صوره فوتوغرافيه .......
اعمل كده ولا اسيبهم فاضييييين ؟؟؟؟؟؟

والف شكر على المجهود العظيم

محمود يونس كتب:: يا باشا المنتدى هنا لخدمة اعضاؤه
مفيش اى مشكلة فى حضور المتشات ولا حتى الصلاة فى الجامع
ايه يا جماعة المسألة
مالها الصلاة فى الجامع بالتعيين فى النيابة يعنى
وطبعا حضور الماتشات عادى جدا ما هو حستى مبارك وجمال مبارك وعلاء مبارك والناس كلها بتحضر متشان يعنى مش شئ يقلل منك يعنى عادى جدااااااااا

ااصل انا عضو فى رابطه ممكن يكون مغضوب عليها احيانا من الامن
لما بتحصل مشاكل فى الماتشات بيتحطوا تحت الانظار
غير ان طبيعه الرابطه تقتضى حضور اجتماعات فى كافيهات وكده
اصل فى ناس بتحذرنى ان ممكن حاجات هايفه اوى تاثر عليا فى التحريات
وهو حضرتك خضت اختبارات النيابه ولا لا؟؟
وكانت دفعه كام ووفقت ولا محصلش نصيب؟؟

يص يا باشا
التحريات بتجيلك على القسم اللى انت ساكن فى دائرته وطالما انت حسن السير والسلوك فى المنطقة اللى انت ساكن فيها يبقى مفيش مشكلة يعنى اهم حاجة الناس لما حد يسألهم عنك يقولوا عليك لا ده واد طيب وابن حلال وملوش فى المشاكل خالص
لكن مسألة الامن بيبقى عيونه عليكم ده لغرض امن عام مش اكتر يعنى انتم مش خطر على الامن العام لا طبعا ده تدبير احترازى مش اكتر ودى مش الحاجة اللى تدى توصية بعدم القبول
وعلى كل وعلى سبيل الاحتياط يا سيدى خف شوية من المواضيع دى مش هتخسر حاجة
اما بالنسبة ليا
ايوة انا خضت موضوع التحريات دى الحمد لله
وفى نفس الوقت محصلش نصيب فى التعيين بأى جهة حتى الان
انا من العشرة الاوائل على حقوق القاهرة دفعة 2007 وحاصل على ماجستير فى القانون من جامعة القاهرة ايضا
يارب اكون افدت حضرتك

prosecutor كتب:: عدد 8 صور فوتغرافيه ....... لازم تبقى الخلفيه بيضاء ؟؟؟؟؟

ومكتوب فى رقم 15-استمرتى نموذج الفحص الطبى تحرر بياناتها وتوضع على كل منهما صوره فوتوغرافيه .......
اعمل كده ولا اسيبهم فاضييييين ؟؟؟؟؟؟

والف شكر على المجهود العظيم

مش لازم خلفية بيضة انت مش مسافر الخارج هههههههه مع ان السفر برة اسهل ههه
المهم
الاخ رامى كمال قال فى النيابة العامة لازم تحرر بيانتها وبما اننى مش فاكر والله بالظبط يبقى هو كلامه اصح وبالتالى حرر بيانتها
الصور مش تدبسها هما اللى هيدبسوها

أخى الحبيب abo gouda
بخصوص أسألتك ... أكتب كل بيانات عائلتك ولاتغفل أحد .... التحريات ستكشف الجميع ... فالواسطة إذا كانت موجودة فبإذن الله يتم قبول التحريات كما هى ... فلا تقلق ...

أخى الحبيب prosecutor

اقتباس :

وهذه الاوراق اصول ام صور ؟

قدم الصور فقط

اقتباس :

والطلب المقدم للنائب العام المرفق مع الملف اضع عليه صوره ام لا؟

لا لا لا .... الطلب المقدم للنائب العام ليس عليه صور .... لاتوضع عليه صور ..... أملأه فقط لاغير .... أكمل البيانات فقط ....

اقتباس :

وهل يجب ان املأ الملف بخط يدى ام اى احد يملأه لى؟

أملأ الملف بنفسك حتى تكون على دراية تامه بما يحويه لكى تستطيع الإجابة ومدركاً لما يسأله مستشار التفتيش القضائى فى المقابلة القريبه

اقتباس :

وطبعا الورقتين بتوع الفحص الطبى اتركهم فاضيين ؟؟

أملأ البيانات الأساسية فقط وضع الصورتين ..

اقتباس :

انا واخد اعفاء مؤقت اضع (الاصل) ام (الصوره) ؟؟؟؟؟

الصورة

اقتباس :

وصوره سند الملكيه او بطاقه الحيازه الزراعيه ........ ينفع اضع الاصل وخلاص ؟

كيف تضع الأصل ؟؟ ..... الصورة فقط أخى ...

اقتباس :

عدد 8 صور فوتغرافيه ....... لازم تبقى الخلفيه بيضاء ؟؟؟؟؟

لم يتطلب من ضمن الشروط أن تكون الخلفية بيضاء .... لكن هناك أراء ترجح بأن الصورة يجب أن تكون رسمية بعض الشيئ فتكون الخلفية بيضاء ...

اقتباس :

ومكتوب فى رقم 15-استمرتى نموذج الفحص الطبى تحرر بياناتها وتوضع على كل منهما صوره فوتوغرافيه .......
اعمل كده ولا اسيبهم فاضييييين ؟؟؟؟؟؟

أملأ البيانات الأساسية وضع على كل ورقة صورة فقط ...

أخى الحبيب ايهاب

اقتباس :

فى بيانات فى الملف خاصه بدورات الكمبيوتر
هل لها تاثر فى التعيين؟؟

ليس لها تأثير

اقتباس :

هل يقصد اللغات اللى درستها طول مراحل الدراسه؟؟

لا ... أنما يقصد هو إجادتك للغة معينة بشكل عام ... وليس ما تم دراسته ...

اقتباس :

وبرضه ايه تاثير الدراسات العليا اللى موجوده برضه ضمن بيانات الملف

ليس لها تأثير

اقتباس :

هل اكتبهم ضمن اللعات اللى اعرفهم ولا المقصود الاجاده التامه فى الكتابه والنطق والفهم؟؟

لا تكتبهم .... فقط الذى تعرفه فعلاً .... وليس لازماً أن تكون مجيد لها إجادة تامة فى الكتابة والنطق والفهم .... حيث أنك تكتب فى الملف اللغة ودرجة إجادتك بها ...

اقتباس :

هل ابطل الموضوع ده ولا عادى واعيش حياتى

لا أدرى من قال أن تحريات النيابة ستتحكم فى المتقدم بهذا الشكل .... أشعر فى ردود بعض الأعضاء وأسئلتهم أن المتقدم أصبح جانى ويتم التحرى عنه ومراقبته .... لايوجد تلك الأمور .... الحياة طبيعية جدا جدا جدا ........

بسم الله ما شاء الله اجابات اكثر من ممتازه

ولكن هناك اختلاف بين هناك اجابه للاستاذ محمود يونس قال لى لا اضع اى صوره على الفحص الطبى هما اللى هيدبسوا كل حاجه والاخ رامى كمال يقول ان اضع الصورتين على نموذجى الفحص الطبى

والصراحه الملف لايبن ان اضع صور على اى شىء المكتوب ان اضع 8 صور فوتوغرافيه مرفقه مع الملف فقط

فماذا افعل

يا باشا لا تضارب ولا شى الاخ رامى قال الاصح
وانا قولت اللى اعرفه
وسواء عملت كده او عملت كده مش هتخسر حاجة
يعنى لو مدبستش هما هناك هيدبسوا
ولو دبست هما هناك هيشيلوا الدبوس

وطبعا الاخ رامى عامل شغل جااااامد ربنا يوفقك يارب

محمود يونس كتب:: يص يا باشا
التحريات بتجيلك على القسم اللى انت ساكن فى دائرته وطالما انت حسن السير والسلوك فى المنطقة اللى انت ساكن فيها يبقى مفيش مشكلة يعنى اهم حاجة الناس لما حد يسألهم عنك يقولوا عليك لا ده واد طيب وابن حلال وملوش فى المشاكل خالص
لكن مسألة الامن بيبقى عيونه عليكم ده لغرض امن عام مش اكتر يعنى انتم مش خطر على الامن العام لا طبعا ده تدبير احترازى مش اكتر ودى مش الحاجة اللى تدى توصية بعدم القبول
وعلى كل وعلى سبيل الاحتياط يا سيدى خف شوية من المواضيع دى مش هتخسر حاجة
اما بالنسبة ليا
ايوة انا خضت موضوع التحريات دى الحمد لله
وفى نفس الوقت محصلش نصيب فى التعيين بأى جهة حتى الان
انا من العشرة الاوائل على حقوق القاهرة دفعة 2007 وحاصل على ماجستير فى القانون من جامعة القاهرة ايضا
يارب اكون افدت حضرتك

بسم الله ما شاء الله
بس شئ ميطمنش ان تقديرك جيد جدا وعامل دراسات عليا ومع ذلك تخطوك فى التعيين فى مجلس الدوله او النيابه العامه

الف شكر يا استاذ رامى
معلش بقى مفيش خبره فالوواحد هيبقى فريسه للافتاءات
كلها وساوس انا عارف بس كنت عايز اتاكد واطمن بس علشان مش عايز حاجه هايفه تخلينى اندم بعد كده

السلام عليكم جميعا انا عضو جديدوسعيد جدا بمعرفتكم وبعد
انا عندى استفسار هو ضرورى شهادة الحيازه الزراعيه حتى ولو معندناش اراضى زراعيه ؟ وهل يجوز برده ان مجبش شهاده بمايفيد مرتب الوالد علما بان انا معى شهاده انه بالمعاش ولكن ليس فيها قيمة المعاش ؟ومعلهش ممكن من سيادتكم التكرم بتوضيح الاوراق الضروريه التى يجب احضارها فى الملف وايه الاوراق التى اغفل عنها الواحد متاثرش بشىء ؟

أخى الحبيبprosecutor
لايوجد تضارب أبداً كما أخبرك أخى محمود .... فهناك أربع هيئات قضائية ... كل منها له أسلوبه فى التعامل مع المتقدمين .... قد يكون الأخ محمود تابع تقديم الهيئات جميعا فترى معلوماته تدل على ذلك ... أنما ترانى أتحدث فقط من ناحية التقديم بالنيابة العامة فترى معلوماتى تدل على ذلك ... فهو فى النهاية أختلاف أسلوب لا أكثر ....

اقتباس :

والصراحه الملف لايبن ان اضع صور على اى شىء المكتوب ان اضع 8 صور فوتوغرافيه مرفقه مع الملف فقط

لااااا يا أخى العزيز ..... أنتبه جيدا من المطلوب .... مطلوب 8 صور شخصية .... وهناك طلب أخر مستقل وهو صورة على كل ورقة كشف طبى ..... أى أنك بذلك تحتاج 10 صور .... 8 مستقلين و 2 على كل ورقة كشف .... أنتبه من المطلوب ...

أخى الحبيب اسلام شاكر

اقتباس :

انا عندى استفسار هو ضرورى شهادة الحيازه الزراعيه حتى ولو معندناش اراضى زراعيه ؟

وكيف ستأتى بالحيازة بدون أن يكون عندكم أرض زراعية ؟؟؟؟ ....يا أخى الحيازة تمتلكونا عندما يكون عندكم أرض زراعية وبدونها ليس لديكم تلك الشهادة ....

اقتباس :

وهل يجوز برده ان مجبش شهاده بمايفيد مرتب الوالد علما بان انا معى شهاده انه بالمعاش ولكن ليس فيها قيمة المعاش ؟

لابد من إحضارها ... ويجب أن يكون مكتوب قيمة المعاش .... لذلك قم بإحضار ورقة بقيمة المعاش من الجهة التى يقبض منها والدك معاشه ... أى أنه إذا كان يقبض معاشه من بنك يأتى بورقة بقيمة المعاش منه ....

اقتباس :

؟ومعلهش ممكن من سيادتكم التكرم بتوضيح الاوراق الضروريه التى يجب احضارها فى الملف وايه الاوراق التى اغفل عنها الواحد متاثرش بشىء ؟

كل الأوراق مطلوبة ولابد من إحضارها سوى الحيازة ومايثبت الأملاك فقط .. فهو حسب توافر الأملاك من عدمه ... أما الباقى مطلوب ....

استاذ رامى كمال نتيجه لخبرتك كام واحد فالدفعه بيدخل ويكون مش ابن مستشار وهل لازم من كل محافظه عدد معين ( وجود تناسب يعنى )

ولا ممكن يكون نصف المتعينين من القاهره مثلا ؟ هل هناك شروط لذلك؟

أخى الحبيب prosecutor
قبول المتقدمين لا يأتى من إختيار المحافظات .... إنما من أختيار الجامعات .... فلكل جامعة لابد وأن يتم تعيين نسبة معينة من خريجين تلك الجامعة .... نسبة من جامعة القاهرة , نسبة من جامعة الأسكندرية , نسبة من جامعة طنطا ..وهكذا .... فأستطيع أن أقول لك أنك لاتنافس جميع المتقدمين للنيابة ... أنما أنت تنافس خريجين جامعتك حتى يتم الإختيار منكم والتعيين ........ وعلى كل حال لانغفل أيضاً أنه يجب أن يكون هناك توزيع على المحافظات حتى لاتسيطر محافظة معينة على المقبولين ....
وليس كما ذكرت أخى وهو ما أشعره فى حديثك أن غير أبناء المستشارين عددهم قليل .... أنما عددهم لابأس به .... فمن قال لك أن حتى أبناء المستشارين كلهم يتم تعيينهم ... فهناك من يتم تخطيه وأخذ غيره الذى قد يكون من غير أبناء المستشارين .... فالأختيار حسب تلك النقطه ليست بهذا الشكل اليائس .....

بالتوفيق

الله ينور عليك يا اخ رامى شغل جامد جد ا ربنا يفتح عليك
حبيبت بس اوضح نقطة بسيطة كده
بالنسبة للى والده بالمعاش
بتروح لادارة المعاشات اللى والدك تابع ليها ملكش دعوة بالبنك خالص
والادارة دى بتعتمد على جهة عمل والدك السابقة يعنى لو كان حكومة ليهم ادارة معاشات العاملين بالحكومة ولو كان قطاع عام فيه ادارة معاشات العاملين بالقطاع العام وهكذا القطاع الخاص المهم بعد ما تعرف انت تبع انهى ادارة بتروح ليهم على الحاسب الالى وبتقولهم انا عاوز برنت معاش او بيان معاش بقيمة المعاش
بيدهولك وانت واقف ورسم الموضوع ده جنيه واحد فقط وبيتختم ختم نسر كمان
بس لازم والدك اللى يروح يجبهولك
خليه يبقى يجيب اربعة نسخ
ويوجه كل نسخة لكل هيئة
يعنى يحيب نسخة ويكتب موجهة الى النيابة العامة وهكذا الى النيابة الادارية وباقى الهيئات

اشكراا جدا جدا يا باشا
كنت عايز اعرف فى اقارب مش عارف اوصل ليهم واعرف جهه الميلاد الخاصه بيهم اكتب المحافظه ؟
وبالنسبه لتواريخ الالتحاق بالمدارس ماذا اكتب ؟

بالنسبة لمكان الميلاد اكتب المحافظة كفاية لو متعرفش الباقى
اما بالنسبة لتواريخ الالتحاق بالمدارس فماذا تقصد بذلك
هل تقصد المدارس التى التحقت بها ات من المرحلة الابنتدائية او الاعدادية او الثانوية ام ماذا تقصد بالظبط

تسلم أخى الحبيب محمود على التوضيح

أخى الحبيب abo gouda

كنت عايز اعرف فى اقارب مش عارف اوصل ليهم واعرف جهه الميلاد الخاصه بيهم اكتب المحافظه ؟

توصل لهم على قدر المستطاع ... وحاول جاهداً أن تأتى بالبيانات المطلوبه حتى لاتضطر فى مقابلة التفتيش أن يطلب منك المستشار تلك البيانات حالاً وأنت فى المقابلة ..... أما بخصوص جهة الميلاد فهى ليس بالأمر المعقد حتى يقف عندها فى مقابلة التفتيش لكن حاول أن تأتى بالمدينة أفضل وهذا فى مصلحتك لكى لايخرج فى التحريات أى أسم مشابه فى نفس المحافظة عليه قضايا .... أما لو كتبت المدينة ووجدوا الإسم الأخر من مدينة أخرى يتم إبعاد الشبهه نوعاً ما ......

وبالنسبه لتواريخ الالتحاق بالمدارس ماذا اكتب ؟

أما عن التواريخ فى المراحل الدراسية فأنت تكتب تاريخ إلتحاقك فى المرحلة المعينة إلى تاريخ إنتهائك منها ..........

مثلا فى المرحلة الإبتدائية أنت دخلت المدرسة وعندك 6 سنوات ..... وعلى إعتبار أن تاريخ ميلادك عام 1988 ... إذاً دخلت الإبتدائية عام 1994 .... وبما أن المرحلة الإبتدائية كانت 5 سنوات .... إذاً أنت أستمريت فى الإبتدائى حتى عام 1999 هذا إذا نجحت كل سنة ولم ترسب ..... وكذلك من المعلوم أن الدراسة تبدأ فى 15/9 أو 20/9 وتنتهى فى 15/5 أو 30/5 .... لذلك أنت بدأت الإبتدائى فى أولى أبتدائى بتاريخ 15/9/1994 وأنتهيت فى خمسة إبتدائى فى تاريخ 15/5/1999 ..... فتكتب فى البيان المطلوب بالمرحلة الإبتدائية أنك درست من 15/9/1994 : 15/5/1999 ..... والإعدادى نفس الشيئ .... لأنه ثلاث سنوات سيكون من 20/9/1999 : 30/5/2002 هذا إذا لم ترسب أى عام ...... وهكذا فى الثانوية ..... إلخ

بالتوفيق

هل يشترط قيد عائلى دلوقتى ولا لا؟

أخى الحبيب الثعلب العربى

1_ هل يشترط قيد عائلى دلوقتى ولا لا؟
غير مطلوب قيد عائلى نهائياً .... لا حالياً ولا بعد ذلك .......

بالتوفيق

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010