النيابة الادارية دفعة 2010

السلام عليكم ياجماعة انا عملت الموضوع ده علشان كل اللى هيقدم فى النيابة الادارية دفعة 2010 يدخل ويكتب اى معلومة يعرفها ونفيد بعض ومبدئيا انا خريجة حقوق القاهرة 2010 وسمعت عن موضوع دبلومة القضاء التأديبى كشرط للتعيين وعاوزة اعرف مدى صحة الكلام ده ونتاكد منه منين هل مثلا من مقر النيابة الادارية ولا من الجامعة وياترى ميعاد التقديم امتى ياريت المدير العام يرد عليا واتمنى مشاركة الجميع وشكرا ليكم[

السلام عليكم
تحياتى لكل خريجى دفعة 2010

بالنسبة للأعلان فلسة منزلش وهينزل على فترة بين منتصف شهر يناير الى بداية شهر مارس وينزل الاعلان فى جريدة الجمهورية وجريدة الاهرام , وانصح بمتابعة الاهرام نظرا لاهتمامها بمثل هذة الاعلانات.

اما بالنسبة لموضوع الدبلومة الجديدة فحتى الان لم تتضح روئية المستشار تيمور ولا احد يعلم ماذا يريد فالبعض يقول انها ستكون شرط للتعيين والبعض الاخر يؤكد انها سترجع كافة المرشح فقط والبعض يساوى بينها وبين اى دبلوم اخر.

يعنى مش لازم نعمل اى دبلومة ولا لازم علشان ترجح كفتنا وابتدى اتابع الاهرام من امتى

smsmaya كتب:: يعنى مش لازم نعمل اى دبلومة ولا لازم علشان ترجح كفتنا وابتدى اتابع الاهرام من امتى

الدبلوم مهم جدا وبيكون لة الاولية فى التصفية.
يعنى المتابعة من يناير من منتصف يناير.
اهم شىء حاولى تخلصى ورقكك بدرى وطلعى شهادات تخرج من الكلية و يكون عندك صور شخصية كتيييير و تعملى ورقة الخدمة العامة وياريت قيد عائلى للوالد لان احتمال يتم طلبة.

يعنى ايه قيد عائلى انا والدى متوفى اصلا

smsmaya كتب:: يعنى ايه قيد عائلى انا والدى متوفى اصلا

هما فى دفعة 2009 مطلبوش قيد عائلى لكن احتمال فى دفعة2010 يطلع
فنصيحة اخوية : عليكى انك تطلعية من دلوقتى علشان بياخد وقت ولو الاعلان مطلبوش يبقى انتى مخسرتيش حاجة اما لو طلبة فهيكون وقتة ضيق معاكى جدا.

القيد العائلى عبارة عن ان اسرة والدك هى مين وبيكون عن طريق حضرتك تروحى او حد من اخواتك الى السجل المدنى الى انتوا تابعين لية وياخد معاة صور بطائق الوالد والوالدة والاخوات وصورة من عقد زواج الوالد والوالدة.بعد دفع الرسوم والانتظار 10 ايام بيطلع القيد العائلى وفية اسم حضرتك واخواتك ووالدتك وعدد زوجات الوالد واولادة (((( على اساس انة متزوج اكثر من زوجة)))).

وبالنسبة ليكى فانتى عليكى تجيبى صورة شهادة وفاة الوالد بدل من صورة بطاقتة ويمكن الموظف ياخد صورة البطاقة وخلاص.

معلش انا اسالتى كتيره بس بجد انا مش عارفه القيد العائلى ده وكمان والدى كانت متزوج من واحدة تانيه وطلقها قبل مايتجوز ماما وليا اخوات منها واحنا كنا عايشين فى مكان واتنقلنا مكان تانى خالص اروح انهى واحد فيهم

smsmaya كتب:: معلش انا اسالتى كتيره بس بجد انا مش عارفه القيد العائلى ده وكمان والدى كانت متزوج من واحدة تانيه وطلقها قبل مايتجوز ماما وليا اخوات منها واحنا كنا عايشين فى مكان واتنقلنا مكان تانى خالص اروح انهى واحد فيهم

ولا يهمك يا اختى كلنا هنا اخوة.
روحى للسجل الى فية بطاقتك او الى انتى مقيمة فية دلوقتى عادى جدااااااا لان الشغل كلة على الكمبيوتر وبيجيب مصر كلها.
بصى حاولى تمشى امورك مع موظف هناك او لو ليكى معرفة بظابط يبقى عز الطلب

بس علشان اكون صريح حتى الان فى دفعة 2009 لم يتم طلبة , ولكن محتمل يطلبوة فى دفعة2010 وعلى فكرة فى دفعة2009 طلبوة للنيابة العسكرية و كل دفعتى طلعوة احتياطى فأنصح انك تطلعية من دلوقتى

اقتباس :: بس علشان اكون صريح حتى الان فى دفعة 2009 لم يتم طلبة , ولكن محتمل يطلبوة فى دفعة2010 وعلى فكرة فى دفعة2009 طلبوة للنيابة العسكرية و كل دفعتى طلعوة احتياطى فأنصح انك تطلعية من دلوقتى

القيد العائلي بيكون مؤقت بمده محددة تقريبا 3 شهور يعني ممكن انه يطلع وتنتهي مدة صلاحيته لذا الافضل ان حضرتك تسألي هو بيطلع في خلال كام وعلى حسب المدة لما الاعلان ينزل تقدري تستخرجيه

mo7amed™ كتب:

اقتباس :: بس علشان اكون صريح حتى الان فى دفعة 2009 لم يتم طلبة , ولكن محتمل يطلبوة فى دفعة2010 وعلى فكرة فى دفعة2009 طلبوة للنيابة العسكرية و كل دفعتى طلعوة احتياطى فأنصح انك تطلعية من دلوقتى

القيد العائلي بيكون مؤقت بمده محددة تقريبا 3 شهور يعني ممكن انه يطلع وتنتهي مدة صلاحيته لذا الافضل ان حضرتك تسألي هو بيطلع في خلال كام وعلى حسب المدة لما الاعلان ينزل تقدري تستخرجيه

اصل المشلكة ان لو انطلب قيد عائلى فى الاعلان هى هتتعب اوى على ما تطلعة خصوصا لا قدر الله ان كان هناك خطا فى اسم من اسماء الاخوات مثلا وهتخش تصحيح وتقعد اسبوع للتصحيح فكدا بهدلة.

فالافضل انها تطلعة دلوقتى ولو مدتة انتهت تقدر تطلع واحد تانى بكل سهولة عن طريق انها تاخد القيد العائلى وتروح بية للسجل وتقول عايزة واحد زى دا وبيطلع وهى واقفة وانا عملت كدا اكتر من مرة

السلام عليكم ورحمة الله
انشاء الله يوم الاحد القادم سوف يتم التوقيع على دبلومة القضاء التاديبى بين النيابة الادارية وجامعة القاهرة واتوقع بعد ذلك سوف يتم التقديم عليها باذن الله

انا متشكره اوى ليكم وبالنسبة للدبلومة دى لو اخدناها السنة دى هتغنى عن دبلومة العلوم الاداريه او القانون العام
ولا ايه وهل ممكن تبدأ دراستها من السنة دى

طبعا لو كان فى نصيب يبقى انشاء الله الدبلومة الجديدة تغنى عن علوم ادارية وقانون عام واكيد هيبقى الدراسة من السنة دى انشاء الكريم بس لوحد من الاعضاء من القاهرة ياريت يسال فى الجامعة على اجراءات التقديم عليها ولة جزيل الشكر

ممكن اعرف الاسئله حتنزل امتى
ويااريت تكون بدرى شويه علشان نلحق نراجعها

انا هسال فى الجامعه وارد عليكم

بالنسبة لتقديم النيابة الادارية دفعة 2010
هل يشترط اخذ الدبلومة؟؟؟؟
ومتى تكون؟؟؟
مع العلم ان الاعلان فى فبراير 2011؟؟؟
ارجو الرد سريعاااااا

والله حتى الان مفيش رؤية واضحة فى الموضوع دجه بس الاحوط لو الدبلومة دى فتحت ياريت تقدم فيها وبسرعة

اين يوجد مقرها؟؟؟

هل يوجد دراسات عليا فى الاسكندرية؟؟؟

مقر ايه بالظبط؟؟؟؟؟؟؟؟؟؟؟

ونعم بالتأكيد يوجد دراسات عليا فى الاسكندرية

الدراسات العليا مكانها فين و اية نظامها علشان انا باذن الله هقدم ف النيابة و عرفت منكم ان جايز يشترط الحصول ع الدبلومة انا خريجة حقوق 2010 و جزاك الله خيرا

يعنى ان شاء الله اخر كلام لودبلومة القضاء التاديبى نزلت نقدم فيها وبلاش علوم اداريه او قانون عام؟

ممكن اسأل بنسبالى انا قدمت فعلا فى النيابة دفعة 2009 ونزلى تحريات بالنسبة لدبلومة القضاء التأديبى هيكون شرط اخدها ولا لا لو نزلت علما بأنى معايا دبلومة العلوم الادارية ؟؟؟
ارجوا الرد

الزميله silent dodo انا جامعه الاسكندريه 2009 وبالنسبه للدراسات العليا انتي بتروحي المبني الاداري اللي في الكليه او تسالي في شءون الخريجيين في الدور الاول وهما يدلوكي علي قسم الدرسات العليا وهيا ليها معادين في السنه واحده في الاوقات دي بس تقريبا دي ابتدت لانها بتبقي شهر 9 والتانيه بتبقي شهر 3 او 4 المهم هناك هتعرفي كل التفاصيل والمصاريف وبالتوفيق

رانيا كتب:: ممكن اسأل بنسبالى انا قدمت فعلا فى النيابة دفعة 2009 ونزلى تحريات بالنسبة لدبلومة القضاء التأديبى هيكون شرط اخدها ولا لا لو نزلت علما بأنى معايا دبلومة العلوم الادارية ؟؟؟
ارجوا الرد

حتى الان هى ليست بشرط واى دبلوم يفيد .وننتظر اعلان 2010 حتى نرى انها شرط ام مجرد انها تزود المرشح من ناحية الافضلية
كما ان متوقع ان هذة الدبلومة تكون دبلوم تطبيقى او مهنى يعنى لمدة اسبوع او 5 ايام وليس دبلوم اكاديمى لمدة عام

» النيابة الادارية دفعة 2009
» النيابة الادارية دفعة 2009
» اعلان النيابة الادارية دفعتى 2010 و2011
» حمل مشروع قانون النيابة الادارية الجديد 2010 لمحاكمة الوزراء والمحافظين والشرطة
» المستشار تيمور رئيس النيابة الادارية(((بيعض الايادى)))