النيابة العامة دفعة 2009

يا باشا انا بقولك النيابة العامة فقط
ان شاء الله لو انت من الاوائل وتحرياتك سليمة وجاوبت فى اللجنة السباعة هيجيلك مجلس الدولة اللى هو افضل من النيابة العامة بكتير
تفائل كده وقول يارب
البلد بتاعتنا كده

هو فعلا يباشا ان لو واخد دبلومه دا ممكن يعزز موقفى فالتقديم
ولو ممكن اجيب شهاد انى باخد دبلوه
طب مش ممكن اقدم على دبلومه واجيب شهاده تثبت انى شغال فدبلوه وبعد كده ممتحنش فيها واكون عملت كده بس لمجرد تعزيز موقفى الكلام دا مش ينفع

هوا مش تقديم النيابة منفصل عن مجلس الدولة؟
و انا سمعت ان مجلس الدولة على الأقل تقدير جيد جدا هل الكلام ده صح

prosecutor كتب:

هو فعلا يباشا ان لو واخد دبلومه دا ممكن يعزز موقفى فالتقديم
ولو ممكن اجيب شهاد انى باخد دبلوه
طب مش ممكن اقدم على دبلومه واجيب شهاده تثبت انى شغال فدبلوه وبعد كده ممتحنش فيها واكون عملت كده بس لمجرد تعزيز موقفى الكلام دا مش ينفع

انا مش فاهم حضرتك تقصد ايه بس على العموم انا هجاوب اللى انا فاهمه
بص يا باشا فيه تقدينات بدأت بدرى جدا وبناء عليه محدش لحق ياخد دبلومة فعلشان كده بيقدموا انهم بيعملوا دبلومة ودى بتثبت ان المتقدم عنده النية فى مواصلة التعليم والا فلما دفع الف جنيه فى الدبلومة يعنى
لكن ان يكون معاك دبلومة فده احسن طبعا بس بردوا الكلام ده فى المجلس والادارية وكده لكن فى النيابة العامة دى ليها معايرها الخاصة زى ما قولتلك قبل كده

mohamedx2009 كتب:

هوا مش تقديم النيابة منفصل عن مجلس الدولة؟
و انا سمعت ان مجلس الدولة على الأقل تقدير جيد جدا هل الكلام ده صح

طبعا تقديم النيابة العامة منفصل عن مجلس الدولة
لكن اشتراط الجيد جحدا فى مجلس الدولة ده مش على طول
لا
ده بيبقى فيه دفعة اصلية بتشترط جيد جدا وبعدين دفعة تكميلية بتشترط جيد على الاقل
ما عدا دفعة 2007 فهما خدوهم مع بعض

بالتوفيق ليك ان شاء الله

يعنى باختصار الدبلومه ملهاش لازمه بالنسبه للنيابه العامه فقط ؟

ايوة النيابة العامة فقط لان بصراحة النيابة العامة كل تعييناتها تجاوزات
بصراحة ربنا
وانا عمرى ما شوفت واحد فى النيابة العامة اتعين من غير واسطة
لكن فى هيئلت تانية شوفت كتير اتعينوا من غير واسطة

معاد تقديم النيابة امتي يا باشا انا بكلمك يوم الاحد الموافق8 نوفمبر 2009 وشكرا يا باشا علي المواضيع الجامدة دي

انا اعتقد انها فشهر يناير ميعاد سحب الملفات هيكون من اول يناير حتى اخر يناير واستاذ محمود يونس ممكن يفيدنا اكتر لو يعرف

ايوة يا باشا ان شاء الله فى منتصف يناير بعد ظهور نتيجة 2008
اول ما الاعلان هينزل هنقزلكم على طوووول وانتم اكيد هتعرفوا بردوا
ربنا يوفقكم

ا امتى يباشا ميعاد سحب الملفات لدفعه 2009
سحب الملفات فقط وليس التقديم انا سمعت انها خلال ايام صح يباشا ولا غلط؟
وسؤال كمان
انا سمعت ان من ضمن الاوراق المطلوبه يكون شهاده الكليه بتاع الوالد او الولد صح الكلام دا وهل يغنى اى شىء عن الشهاده مثل ورقه من جهه العمل مثلا؟

أخى prosecutor ... بالنسبة لميعاد سحب الملفات ... فمازالت دفعة 2008 لم تنتهى وتنتظر حاليا الكشف الطبى ... بعدها سينزل إعلان دفعة 2009 لسحب الملفات وتقديمها فى مواعيد سيتم تحديدها لاحقاً ... وعند نزول الإعلان بكل تأكيد ستعلم من خلال الجريدة أو من هذا المنتدى .... وللعلم هناك خبر بأن تم بالفعل الإنتهاء من طبع ملفات دفعة 2009 ولم يتبقى سوى الإعلان الذى هو متوقف على إنتهاء دفعة 2008 التى مازالت تنتظر الكشف الطبى ... وعلى العموم قريباً سينتهى الأمر وتجد الإعلان أمامك خلال نهاية هذا الشهر أو بداية الشهر القادم بإذن الله ..

أما عن الأوراق المطلوبة هل هى شهادة الوالد أم ورقة من جهة العمل .... فيكفى ورقة من جهة العمل ... وشهادة الوالد غير مطلوبة ... حيث أن الأوراق المطلوبة هى :
1- شهادة التخرج المؤقته مبينا بها مجموع الدرجات .
2- شهادة بتقديرات سنوات الدراسة.
3- شهادة الميلاد أو مستخرج رسمى منها .
4- صحيفة الحالة الجنائية للمتقدم .
5- صحيفة الحالة الجنائية لوالد المتقدم وفى حالة سفره أو وفاته يقدم ما يثبت ذلك.
6- إقرار من المتقدم بموقفه من التجنيد او صورة شهادة الاعفاء منه.
7- موافقة جهة العمل بالنسبة للعاملين فى الجهات الحكومية .
8- صورة البطاقة الشخصية للمتقدم .
9- صورة البطاقه العائلية لوالد المتقدم.
10- صورة سند الملكية أو بطاقة الحيازة الزراعية اذا كان للمتقدم او لاسرته ارض زراعية.
11- عدد 8 صور فو تو غرافيه حديثة للمتقدم.
12- شهادة معتمده من جهة عمال الوالد موضحا بها وظيفته الحالية والراتب الشهرى والمؤهل الدراسى المعين به والمؤهل الحالى ان وجد.
الملف ويطلب من الموظف المختص قبل الموعد المحدد لتقديم الاوراق وذلك نظير سداد مبلغ قدره 50 جنيها بخزينة مكتب التعينات.

كلام رامى صح طبعا
بالنسبة لميعاد سحب الملفات فيها بعد دفعة 2008 مباشرة وده غالبا فى منتصف يناير

بالنسبة لشهادة الوالداى شئ يقوم مكانها يمشى

مسااء الخير كان لية استفسار بالنسبة لتقديمات الاوراق للنيابة العامة انا والدي مسافر بالخارج هل يجوز التقديم . ولو يجوز التقديم اجيب ورق يثبت انة مسافر بالخارج ازاااي (ياعني اوراق زي اية ). دي لوازم الفيش والتشبية للوالد اوك. وموقفي اية بالنسبة ( لشهادة معتمدة من جهة عمال الوالد ) واني اعلمتك انة مسافر الي الخارج . ياريت الرد علي هزا الاستفساااار ضاروري ..... هذا الاستفسار يوم 10 /12 /2009

بيقوم مقان الفيش حاجة اسمها شهادة تحركات من الجوازات

ازيك يا استاذ محمود
دلوفت انا شفت الاوراق المطلوبه للتعيين
حوالى 12 طلب
هل الشهر المهله لتقديم الاوراق كافى؟؟
ومن اى جهه يسحب الملف؟
وفى اى جهه يتم ايداعه؟؟
وكان فيه صديق قالى انه بعد التقديم بيتم وضع المتقدم تحت رقابه
يعرفوا مثلا الامكان اللى بيروحها
ونصحنى ابتعد نهائيا عن جلسات الكافيهات وحضور المباريات فى الاستاد<اصلى غاوى الموضوع ده جدا جدا<
هل كلامه صحيخ؟؟
وايه نوعيه الاسئله اللى بيتسالها المتقدم
هل هناك منههج معين او كتب معينه لا تخرج عنها هذه الاسئله او هناك موضوعات معينه لا تخرج عنها الاسئله
وايه نوع الاختبارات الطبيه؟
انا تقديرى جيد بنسبه 70%
الوالد مهندس زراعى بدرجه مدير عام
والوالده فى الجامعه بدرجه مدير عام ايضا
ايه هى فرصى فى التعيين فى اى جهه قضائيه؟؟
واسف جدا على الاطاله
فى 15-12-2009

السلام عليكم
اولا شكرا بجد علي ان روح التعاون واضحه هنا وسعه الصدر ايضا
ثانيا انا بصراحه هكلمكم كاخوه ليا ومن غير كسوف انا قريت في الردود ان موضوع ان الاهل يكونو تعليمهم مؤهل عالي وانا للاسف اهلي مش مكملين تعليمهم ومش عارف هل حاجه زي دي تاثر ولا لا فيلريت الافاده و الحاجه التانيه اللي عايز استفسر عنها هي شهاده التحركات من الجوازات دي انا اللي بعملها لان والدي يعمل بالخليج واسف علي الاطاله و اكم جزيل الشكر

الاستاذ ايهاب
شرفنا مرورك
مهلة كويسة جدا يا باشا وعلى فكرة انت لو جامعة القاهرة يبقى مش شهر ولا حاجة بيكون بكتيره اوى عشرة ايام المهم هتلحق ان شاء الله بس انت ابدأ اعمل شهادة التحركات دلوقتى علشان ممكن يقوللك عاوزين توكيل ( بيرخموا يعنى ) يكون الوالد بعتلك التوكيل المهم هتلحق ان شاء الله.
يا باشا المراقبة لا تتم الا بعد التعيين ومش بتكون مراقبة شخصية يعنى واحد ماشى ورك والفيلم ده
المراقبة بتكون عن طريق التليفون والكلام ده اول مرة حد يقوله على المنتديات بس الكلام ده حقيقى والله العظيم من مصدر ثقة يعنى بعد التقدين عيش حياتك عادى جدا اهم حاجة ابعد عن المشاكل وخلاص.
الاسئلة ياباشا احنا جامعنها وحاطنها هنا فى المنتدى وهيا ى الاسئلة اللى بتتكرر فيما عدا مجلس الدولة فهو بيركز على مواضيع وليس اسئلة

النسبة المئوية ليست معيار فى النيابة العامة نهائيا .

اعلى نسبة للتعين لحضرتك هى النيابة العامة يعنى لا قدر الله لو العامة مجتش يبقى باقى الهيئات محتاج توصية جامدة جدا الا اذا ربنا وفقك جامد جدا جدا جدا فى مقابلة المجلس

استاذ خالد كامل
اسعدنا مرورك
اولا بالنسبة للنيابة العامة صدقنى يا باشا تعليم الواليدن معيار اساسى فيها للاسف
بالنسبة لشهادة التحركات انا اعرف ناس جابوها من غير توكيل من الوالد لكن قانونا لازم توكيل
يعنى خلى باباك يبعتلك توكيل قضايا وانت تجيب الشهادة دى عادى جدا فى نفس اليوم


يارب اكون افدتكم ان شاء الله

ربنا يوفقكم جميعا
وعظيم والله يا محمود باشا

الف شكر يا استاذ محمود على الاجابه
بس سؤال اخير
بالنسبه لدورات الكمبيوتر وكورسات الانجليش هل ليها اى اهميه او تاثير فى التعيين؟؟

سؤال كمان معلش انا زهقتك
دلوقت انا باسحب الاوراق من اى جهه
وبيتم ايداع اوراق التقديم فى اى جهه
وهل وانا بقدم الورق باحدد الجهه اللى عايز اروحها
ولا هو طلب عام وعلى حسب تفديرى وظروفى الاجتماعيه بيتم ترشيحى لجهه معينه
واللجنه السباعيه دى بتبقى فى اى مرحله؟؟
وايه اللى هيعملوه مع المتقدم
انا على فكره حقووق الزقازيق

بص يا باشا بالنسبة للكمبيوتر والللغة دول غير معترف بيهم بالمرة باستثناء اللغة بس لو انت خريج حقوق انجليزى هيبقى العين عليك غير كده فانت حقوق عربى هتتعامل زى حقوق عربى

بالنسبة بقى للورق
هتسحيه اول ما اعلان دفعتك يبدأ وياريت تعرفنا انت دفعة كام يا باشا ان شاء الله
وهتسحبه من دار القضاء العالى اللى موجودة فى الاسعاف عند ميدان رمسيس بالقاهرة

وهتقدمه فى مواعيد هما هيحددوها فى وقتها وهيبقى فيه كشف بكده ساعتها
انت ممكن تقدم فى اربعة هيئات قضائية وهما النيابة العامة ومجلس الدولة والنيابة الادارية وهيئة قضايا الدولة

كل هيئة من دول ليهم التقديم الخاص بيهم
كل هيئة ليها اعلان
كل هيئة ليها تقديمات وملفات خاصة بيهم
يعنى مفيش حاجة اسمها رغبات دى خالص انساها

بالنسبة للجنة السباعية
اى متقدم بيسحب الاوراق علشان يقدم فى اى جهو قضائية لازم يتحددله ميعاد للعرض على لجنة القبول وهى ما يطلق عليها الللجنة السباعية

اخيرا يا باشا
المنتدى ده معمول لخدمة اعضاؤه يعنى لو اى سؤال عندك عاوز تسأل عنه انت ما عليك غير تسأل من غير معلش وانا اسف
يا باشا احنا كلنا هنا لخدمة بعضنا
نورتنا يا باشا