النيابة العامة دفعة 2009

ربنا يوفقكم جميعا

أخى الحبيب عبد الناصر
هو من الممكن يا استاذ/ رامى اعرف عدد المتقدمين للنيابه العامه دفعه 2009
خمسة آلاف وكسور ...

وسؤال اخر الاتصال بالتليفون الارضى ولا بالمحمول
بالمحمول ... وإذا لم يستطيعوا الوصول إليك عن طريقه يتم الإتصال بالأرضى ..

أخى الحبيب aly2020
لو سمحت هوه الاتصال بيكون من رقم number privetولا من رقم عادي اصل الرقمين الي انا كاتبهم في الملف في رقم خاص اتصل عليهم بس انا مردتش كنت نايم هل انا بشتغل نفسي ولا ايه
من رقم عادى

أخى الحبيب الناظر
لوسمعت انا عايز اعرف المعاد الاتصال اوارسال التلغراف مع العلم انافى جامعة اسيوط
الإتصال من وقت الساعة 10 صباحاً إلى الساعة 5 مساءاً

أخى الحبيب خالد كامل
استاذ رامي افهم من المواعيد اللي مكتوبه واللي هي اخرها 7/4 لجامعه القاهره ان جامعه اسكندريه مش هتكون الا بعد الميعاد ده ولا ممكن يتحدد ميعاد لجامعه الاسكندريه وسط الايام المكتوبه وشكرااااااااااا
يتم الإنتهاء من مقابلات جامعة القاهرة أولاً ليتم البدء بجامعة الأسكندرية

أخى الحبيب ايهاب
يعنى هييتم الاتصال بكل مرشح على تليفونه الخاص ويتم ابلاغه بميعاد السباعيه بتاعته؟؟
نعم ... ولكن هذا من المفترض ... فقد يتم التراخى وإبلاغ عدد كبير وليس الجميع ويطلبوا منهم إخبار باقى المتقدمين من نفس الجامعه .. فعليك وقتها أن تذهب إلى دار القضاء العالى للإطلاع على الكشوف لمعرفة ميعاد مقابلتك بالضبط ..

والكشوف اللى متعلقه دلوقت لجامعه القاهره مثلا
متضمنه اسامى المرشحين قى مجموعات وكل مجموعه لها معاد مختلف؟؟
بالضبط .. فالأمر كما كان فى كشوف النيابة الإدارية ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

يعنى انا جامعه الزقازيق
والتفتيش القضئى بتاعها كان يوم 11-2
المفروض اروح دار القضاء يوم كام اسال؟؟؟؟

يعنى اروح بعد 7-4 اسال فى دار القضاء

أخى الحبيب ايهاب
يعنى انا جامعه الزقازيق
والتفتيش القضئى بتاعها كان يوم 11-2
المفروض اروح دار القضاء يوم كام اسال؟؟؟؟
ليس لك ميعاد محدد من الآن أستطيع أن أخبرك به .... ولكنك ستعلم بالميعاد عن طريق الإتصال بك .... أو عندما تعلم ببدء الإتصال بجامعتك تذهب إلى دار القضاء العالى للإطلاع على الكشوف .... فمازال قبلك جامعات الأسكندرية وعين شمس وأسيوط والمنصورة وبنى سويف ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

يعنى مش قبل 7-4 بنهايه مقابلات جامعه القاهره

أخى الحبيب ايهاب
يعنى مش قبل 7-4 بنهايه مقابلات جامعه القاهره
عند علمك بانه تم الإتصال بأحد المتقدمين بجامعة الزقازيق أذهب حتى ولو كان غداً ... فالأمر لا يتعلق بجامعة القاهرة ولكن يتعلق ببدء الإتصال بجامعة الزقازيق ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

استاذ رامى ممكن اعرف الى يتخلف عن ميعاد الامتحان يحصل اية لانى مريض جدا ومش عارف امشى مع العلم انى مش من القاهرة يعنى ممكن اقدم شهادة مرضية ولا خلاص كدة وشكرا وجزاك الله خير عنا

انا اقصد انه فى جميع الاحوال مقابلات الزقازيق مش هتبقى الا بعد مقابلات القاهره واسيوط واسكندريه وبنى سويف؟؟
لسه فيه وقت يعنى؟؟

انا اتصلوا بيه وعايز اعرف المشهد اللى بيحصل بظبط يعنى من اول ما اروح لغاية ما امشى وكمان ان معرفتش اجاوب على الاسئلة اية اللى هيحصل
وشكرا

بتقدم بالشكر للاستاذ رامى على المجهود الغير عادى الى بيعمله
وبطلب منه طلب .هو المقابله هتكون فى نفس مكان الى كانت فيه مقابله التفتيش القضائى ولا فين بالظبط

احمد ممدوح كتب:: استاذ رامى ممكن اعرف الى يتخلف عن ميعاد الامتحان يحصل اية لانى مريض جدا ومش عارف امشى مع العلم انى مش من القاهرة يعنى ممكن اقدم شهادة مرضية ولا خلاص كدة وشكرا وجزاك الله خير عنا

ياريت حد يرد على استفسارى لو عارف للاهمية

أخى الحبيب احمد ممدوح
استاذ رامى ممكن اعرف الى يتخلف عن ميعاد الامتحان يحصل اية لانى مريض جدا ومش عارف امشى مع العلم انى مش من القاهرة يعنى ممكن اقدم شهادة مرضية ولا خلاص كدة وشكرا وجزاك الله خير عنا
هناك يوم للتخلفات يمكنك الحضور فيه .... وبإمكانك معرفته من خلال دار القضاء العالى تلك الأيام ....

أخى الحبيب ايهاب
انا اقصد انه فى جميع الاحوال مقابلات الزقازيق مش هتبقى الا بعد مقابلات القاهره واسيوط واسكندريه وبنى سويف؟؟
لسه فيه وقت يعنى؟؟
نعم بالفعل ...

أخى الحبيب V I B
انا اتصلوا بيه وعايز اعرف المشهد اللى بيحصل بظبط يعنى من اول ما اروح لغاية ما امشى وكمان ان معرفتش اجاوب على الاسئلة اية اللى هيحصل

ستجد ذلك على هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]

أخى الحبيب dashmala
بتقدم بالشكر للاستاذ رامى على المجهود الغير عادى الى بيعمله
وبطلب منه طلب .هو المقابله هتكون فى نفس مكان الى كانت فيه مقابله التفتيش القضائى ولا فين بالظبط
نعم ... هو فى نفس المبنى ... دار القضاء العالى ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

الف شكر لردك وياريت لو حد يعرف يوم التخلفات لجامعة القاهرة امتى يفيدنى

الساده زملائى اعضاء المنتدى المحترمين

انا جامعة القاهره وياريت لو سمحت ان يتسع صدركم لكى اسرد ما حدث لى حينما توجهة الى دار القضاء العالى لمعرفة ميعاد مقابلتى

توجهة الى دار القضاء فى تمام الساعة 11 صباحا ودخات المحكمة من الباب الر ئيسى وسألت على مكتب تعينات اعضاء النيابه قالو لي انزل تحت ويا جماعة المكتب ده الى سحبنا منه الملفات وسلمنهاها نزلت تحت طبعا كنت تايه سألت تانى عن المكتب لحد ماوصلت
دخلت قولتلهم انى انا جامعة القاهره وعاوز اعرف ميعاد مقابلتى فيه موظف جالس على جهاز كمبيوتر قال لى هات البطاقه سلمتهاله وقال لى انى ميعادى يوم 7/4 الساعه 9 ص الدور الثانى المجلس الاعلى وقالى رقمك كذااااااا وفيه كشف معاه خاص بيوم سبعه ومضيت امام اسمى تم علمى بيعاد المقابله بتاريخ كذااااااااااا
وبعدين سالته انتاو هتتصلو باليوم التانى والثالث لجامعة القاهره امتى قال لى كدا خلاص مش هنتصل بيك
فيا جماعه كل الى عا وز اقوله ان مفيش كشوف متعلقه فى المحكمه انتا بتروح المكتب وبيتاكد من شخصيتك وبقولك على الميعاد وتوقع بتمام علمك
اطمئنوا جميعا كل هيعرف بالميعاد فى اوانه وبيتم الاتصال بكل جامه تبعا للبعضها زى مااشار العضو المحترم رامى كمال تقريبا بنفس الترتيب الى كان فى مقابلات التفتيش وان شاء الله خير وبكره اصحابى عنده مقابله واول معرف منهم ماتم هيتم ايلغكم به لتعم الفائده للجميع شكرااااااااااا لكم جميعا وبالتوفيق ان شاء الله

أخى الحبيب احمد ممدوح
الف شكر لردك وياريت لو حد يعرف يوم التخلفات لجامعة القاهرة امتى يفيدنى
لايوجد يوم تخلفات لجامعة القاهرة وإنما يوم التخلفات لجميع المتقدمين ... ويمكنك معرفته من دار القضاء العالى ...

أخى الحبيب تيمور
ما ذكرته صحيح ..... ولكن ... من المفترض وجود كشوف بأسماء المقابلة ... وإذا كانت غير موجودة فهو نظام مستحدث .... أما عن الإمضاء بعلم المعرفة ..... فهو إجراء يتم للإقرار بمعرفتك للميعاد ... وغالباً ما يتم الإمضاء بالمعرفة يوم المقابلة قبل دخولك اللجنه .... فليس من المعقول أن يتم الإتصال بشخص وعلم بميعاده ثم يسافر مخصوص للإمضاء ..... فهو إجراء تم الإعتياد عليه أنه فى يوم دخولك اللجنه .... ولكن بالطبع يمكنك الإمضاء بالمعرفه قبل المقابلة مثل ما فعلت أنت بأن تذهب بنفسك للمعرفة .... إلا أن هذا لمن ذهب بنفسه ولم ينتظر الإتصال أو لم يتصلوا به ... بحيث يذهب بنفسه لمعرفة الميعاد ثم يوقع بعلمه بالميعاد ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

الله عليك يا استاذ رامى بجد مش عارف من غيرك كنت عملت اية بس هوة الى بيتخلف موقفة بيختلف عن الى بيحضر فى مقابلتة بالنسبة للقبول ولا لا؟ وكمان لازم يزكر معاد التخلف وسببة ؟ ...... وكمان تقريبا يعنى هيكون المعاد بتاع التخلفات دة متاخر اوى شهر 6 مثلا لما كل الجامعات تخلص؟؟

احمد ممدوح كتب:: الله عليك يا استاذ رامى بجد مش عارف من غيرك كنت عملت اية بس هوة الى بيتخلف موقفة بيختلف عن الى بيحضر فى مقابلتة بالنسبة للقبول ولا لا؟ وكمان لازم يذكر سبب التخلف ؟ ...... وكمان تقريبا يعنى هيكون المعاد بتاع التخلفات دة متاخر اوى شهر 6 مثلا لما كل الجامعات تخلص؟؟

يا جماعة المقابلة النهاردة كانت سهلة جدا الحمد لله بس أنا حصلى شئ غريب أول ما وقفت أمام المجلس خوفت و ارتبكت بحكم الهيبة و دة كان باين عليا بس جاوبت صح الحمد لله حتى رئيس المجلس قاطعنى قبل ما أكمل إجابتى و قالى شكرا فهل دة فيه قلق و مشكلة و لا عادى

معنى كلام الاخ تيمور ان اى حد ممكن يروح دار القضاء ولو بكره يقدم بطاقته ويعرف معاد مقابلته حتى ولو مكنش من جامعه القاهره؟؟
ياريت توضيح فى النقطه دى

بسم الله الرجمن الرحيم

امس كان اول يوم فى مقابلات السباعيه وفيه اسئله عرفتها من ناس اصحابى معظمهم اجمع على ان المقابلة كانت سهله وميسره اهم حاجه فيها التوكل على الله والثقه بالنفس وعدم التذبذب فى الاجابه وتكون بشكل واضح وصوت عالى فيه ثقه وهناك من قالى لي بانه كان خائف
والاسئله هى كالتالى :
1[center][right]_متى يتعين على المحكمه ان تاخذ براى المفتى
2_من له حق الادعاء امام الحاكم الجنائيه
3-الامر بالا وجه لاقامة الدعوى
4-متى يستطيع القاضى وقف تنفيذ العقوبه
5-ماهى انواع الحبس
6-متى يتعين على المحكمه الحكم بالادانه
7-ماهو الركن الشرعى للجريمه
8-الفرق بين القتل االخطا والقتل العمد
9-متى تحكم المحكمه بالبراءه
10-تعريف الترصد
11-متى يتعين حضور محامى مع المتهم
12-تعريف الجنايه
13-تعريف القتل العمد
14-الفرق بين السرقه والنصب والتبديد
15-تعريف الشروع
16تعريف الاصابه الخطا
17-عقوبة الشروع فى السرقه
18-تعريف السرقه
19-اسباب انقضاء الدعوى الجنائيه

هذا ماذكرته كل الى قدرت اعرفه ولو فيه جديد هبلغكم به على طول شكراااااااااا وبالتوفيق لى ولكم

الف شكر

ممكن الاستاذ slamo2010 اللى مقابلته كانت امبارح يعرفنا ايه الى حصل من وقت وصوله دار القضاء حتى نهايه المقابله؟

أخى الحبيب احمد ممدوح
بس هوة الى بيتخلف موقفة بيختلف عن الى بيحضر فى مقابلتة بالنسبة للقبول ولا لا؟ وكمان لازم يزكر معاد التخلف وسببة ؟ ...... وكمان تقريبا يعنى هيكون المعاد بتاع التخلفات دة متاخر اوى شهر 6 مثلا لما كل الجامعات تخلص؟؟
لايختلف موقف المتخلف عن ميعاد المقابلة عن الأخرين .... ومن المفترض إثبات سبب التخلف وهو أن تقدم شهادة صحية من الدكتور المعالج .... إلا أنه أحيانا ما يتم التغاضى عن البحث فى سبب التخلف .... وسيكون يوم التخلفات أخر يوم للمقابلات بعد إنتهاء جميع الجامعات ..... وعليك الذهاب لدار القضاء العالى فى أقرب وقت لمعرفة متى ستنتهى أيام المقابلات وتعرف ميعاد التخلفات ...

أخى الحبيب slamo2010
يا جماعة المقابلة النهاردة كانت سهلة جدا الحمد لله بس أنا حصلى شئ غريب أول ما وقفت أمام المجلس خوفت و ارتبكت بحكم الهيبة و دة كان باين عليا بس جاوبت صح الحمد لله حتى رئيس المجلس قاطعنى قبل ما أكمل إجابتى و قالى شكرا فهل دة فيه قلق و مشكلة و لا عادى
هذا أمر طبيعى جدا جدا ..... فلايوجد أى متقدم يستطيع إستكمال إجابته ..... فهو نظام متعارف عليه .... فالإجابة ليست معياراً إطلاقاً .... لذلك هو لاينتظر الإجابة منك .... فيقاطعك ويطلب من التالى الإجابة ... وهكذا ... فلاتقلق وتوكل على الله ....

أخى الحبيب ايهاب
معنى كلام الاخ تيمور ان اى حد ممكن يروح دار القضاء ولو بكره يقدم بطاقته ويعرف معاد مقابلته حتى ولو مكنش من جامعه القاهره؟؟
ياريت توضيح فى النقطه دى
هذا بكل تأكيد .... وقد ذكرت ذلك فى مشاركتى الأخيره ... بأنه يمكنك الذهاب من الآن للتوقيع جانب أسمك بعلم معرفة ميعاد المقابلة إلا أن الغالبية يفضل التوقيع بالمعرفة يوم المقابلة حتى لايسافر مخصوص .... أما إذا لم يتصلوا به فيذهب لمعرفة الميعاد بنفسه ويوقع بالمرة ....

أخى الحبيب تيمور
جزاك الله كل خير على المساعدة وإضافة الأسئلة التى تم طرحها .... ثمت إضافة الأسئلة فى موضوع الأسئلة التى تم طرحها .... بارك الله فيك ... ويتم الأمر على خير إن شاءالله .... بالتوفيق

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

الف شكر استاذ رامى طمنتنى وربنا يشفى جميع مرضانا

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010