النيابة العامة دفعة 2009

بسم الله الرحمن الرحيم

هل من الممكن يا أ/ رامى

جمع الاسئلة كلهاالتى سؤالت فى مقابلات الادارية ووضعها

فى رابط مختص ومنفرد بالاجابة المختصرة

وايضا جمع الاسئلة للعامة ايضا

وما سبب عدم وجود اسئلة جديدة فى مقابلات الادارية والعامة

الدال على الخير كفاعله اتمنى من الاعضاء المشاركة

فى طرح الاسئلة التى تمت فى المقابلات وذلك لعموم

الافادة ******

واسئل المولى عز وجل ان ينعم علينا جميعا بالخير

إمضاء فتى النيل

أخى الحبيب خالد كامل
ياستاذ رامي لو في جمله معينه تقال في حاله لاقدر الله الواحد تعذرت عليه الاجابه
يعني يقول ايه بالظبط وبلغه مهذبه ضروري الله يخليك
لاتوجد مشكلة إطلاقاً ... فقط ... (أعتذر لا أتذكر الإجابة) ... وتوكل على الله

أخى الحبيب احمد ممدوح
استاذ رامى انا حايف جدا من موضوع التخلفات وناس قالتلى ان المتخلفين عن المعاد مبيتبصش فى ملفاتهم ولا بيتقبلو ولازم تروج فى معادك مع العلم انى عندى انزلاق غدروفى فى الضهر والدكتور مانعنى من الوقوف اسبوعين اعمل اية
كلام خاطئ .... لا يوجد فرق ..

أخى الحبيب gouda201
اخى العزيز رامى كمال ارجو لاهميه هل يوجد موقع راسمى للنيابة العامه للرجوع الية عند الضرورة ارجو الافادة مشكورا
للأسف ليس لها موقع ...

أخى الحبيب فتى النيل
هل من الممكن يا أ/ رامى
جمع الاسئلة كلهاالتى سؤالت فى مقابلات الادارية ووضعها
فى رابط مختص ومنفرد بالاجابة المختصرة
وايضا جمع الاسئلة للعامة ايضا

هناك موضوع بالفعل لأسئلة المقابلات ... يرجى الإطلاع عليه ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

متى يحكم القاضى بعقوبة الحبس مع الشغل وجوبيا السوال دة بتكرر كتير
ممكن الاجابة عنة

اذا كان الحبس تزيد مدته عن سنة فيكون الشغل وجوبيا

انا عملت مقابلة اللجنة السباعية يوم 22 مارس ان شاء الله لو فيه نصيب استنى التحريات امتى؟ارجو سرعة الرد علشان انا مسافر الساعة 5

يا جماعة انا من جامعة اسيوط وحتى الان محدش اتصل بيا
فلو حد من جامعة اسيوط اتصلو بية يقولى علشان انا قلقان
ومستنى منك رد يا أ / رامى
مع خالص تحياتى

انا جامعه اسيوط..... لم يتم الاتصال باى احد* لا تقلق* الاتصال بيكون قبل المقابله ب10 ايام او 7 ايام على الاقل وعلى العموم اناعرفت ميعاد اللجنه بتاعتى وهو يوم 24 /4 وبالتوفبق للجميع,,,,,,,, ان شاء الله

يا جماعه بالنسبه للسؤال اللى بيقول .. متى تكون المصادره وجوبيه؟ الاجابه اللى موجوده حاسس اللى هى مش كامله لذلك انا فضلت الاجابه ده(((((((
يجوز للقاضي إذا حكم بعقوبة لجناية أو جنحة أن يحكم بمصادرة الأشياء المضبوطة التي تحصلت من الجريمة وكذلك الأسلحة والآلات المضبوطة التي استعملت أو التي من شأنها أن تستعمل فيها وهذا كله بدون إخلال بحقوق الغير الحسن النية . وإذا كانت الأشياء المذكورة من التي يعد صنعها أو استعمالها أو حيازتها أو بيعها أو عرضها للبيع جريمة في ذاته وجب الحكم بالمصادرة في جميع الأحوال ولو لم تكن تلك الأشياء ملكا للمتهم )))))))) هذا وبالله التوفيق

هل ارقام الكشوف الى فى دار القضاء العالى هى نفسها ارقامنا على الملف او الوصل ؟

يعنى لو هما نسوا يتصلوا بيا .فهل ليا طريقة اوصل بيها لميعاد المقابلة ؟

وما فائدة رقم الملف الخاص بى؟ وما فائدة رقم الوصل ؟

فى بداية كلامى احب انى اوجه الشكر والتقدير لجميع أعضاء المنتدى
اأنا متابعة المنتدى من زمان بس دى اول مرة اضيف رد لأن فعلا تأكدت انه منتدى عظيم ومتعاون وربنا يبارك لكل الأعضاء اللى فيه وربنا يعلم انى بدعى فى كل صلاتى ان ربنا يوفقكوا جميعا ان شاء الله وهسأل سؤال صغير لمن يعلم (هى التحريات بتنزل امتى؟ او تقريبا المدة اللى بتكون بين اللجنة السباعية وبين التحريات بتبقى اد ايه)

السلام عليكم أنا مقدم في النيابة بس عندي سؤال
عندي إبن عم جدي لزم كان محتجز سياسي لمدة 3سنين الكلام ده
من 15 سنة ولكن هو بره دلوقتي
ومابقوش يسألوا عنه خالص دلوقتي هل من الممكن أن يؤثر علي في التقديم

بص يا استاذ محمد طالما انه ليس من الاسماء الموجودة فى ملفك او اللى المفروض تبقى موجودة فى ملفك لفا خوف مطلقااااااااااا

وبالنسبة للاستاذ انوش فان التحريات الخاصة بالنيابة العامة لا تتأخر فهى زمانها فى مديرية الامن الخاصة بكم اما هذا الاسبوع او الاسبوع القادم بكثيره لان النتيجة تستغرق عام واحد على عكس باقى الهيئات التى تصل الى ثلاثة سنوات

تم إضافة أسئلة تمت طرحها فى المقابلات الحالية بموضوع - الأسئلة التى تم طرحها فى مقابلات 2009 -

---------------

أخى الحبيب بيمن سامح
يا جماعة انا من جامعة اسيوط وحتى الان محدش اتصل بيا
فلو حد من جامعة اسيوط اتصلو بية يقولى علشان انا قلقان
ومستنى منك رد يا أ / رامى
لا تقلق ... لم يتم الإتصال بجامعة أسيوط حتى الآن ... فهى من جامعات المجموعة المتأخرة ....

أخى الحبيب عبد الناصر
السؤال الذى تم سؤاله وأجابت عليه الأخت روتانا يخص الحكم بالحبس مع الشغل وجوبيا ... وليس المصادرة ... إلا أنه جزاك الله خيرا على السعى للإفادة ...

أخى الحبيب الثعلب العربى
هل ارقام الكشوف الى فى دار القضاء العالى هى نفسها ارقامنا على الملف او الوصل ؟
يعنى لو هما نسوا يتصلوا بيا .فهل ليا طريقة اوصل بيها لميعاد المقابلة ؟
وما فائدة رقم الملف الخاص بى؟ وما فائدة رقم الوصل ؟
ليس لأى منهم أى فائدة إطلاقاً .... ولاتستطيع من خلالهم الوصول لتاريخ المقابلة ...

أختى أنوش
هى التحريات بتنزل امتى؟ او تقريبا المدة اللى بتكون بين اللجنة السباعية وبين التحريات بتبقى اد ايه
نزول التحريات يعتمد على الإنتهاء من مقابلات الجامعة .... بعد الإنتهاء منها يتم نزول التحريات لم أجتاز المقابلة منهم ... وهى خلال الأسابيع القليلة التالى لإنتهاء مقابلات تلك الجامعة ...

أخى الحبيب محمد برجيس
عندي إبن عم جدي لزم كان محتجز سياسي لمدة 3سنين الكلام ده
إبن عم جدك علاقته بك بعيده كل البعد .... فهو لايقرب للدرجة الرابعة بأى صلة ... لاتقلق ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

استاذ رامى حضرتك بتقول ان التحريات بتنزل للجامعات بعد ماتخلص طيب التخلفات اية نظامهم لانهم ممتحنوش مع جامعتهم ويتاريت لو فى معاد للتخلفات حد يجيبهولنا ويارب يوفق الجميع

ممكن اعرف يا استاذ رامى ازهر اسيوط مع جامعة اسيوط يوم 14 لان ازهر القاهرة امتحن مع جامعة القاهرة ارجوك الرد

معلش سؤال تانى هل ممكن يسالونا من اسئلة النيابة الادارية فى اللجنة السباعية

أخى الحبيب احمد ممدوح
استاذ رامى حضرتك بتقول ان التحريات بتنزل للجامعات بعد ماتخلص طيب التخلفات اية نظامهم لانهم ممتحنوش مع جامعتهم
لاتوجد مشكلة إطلاقاً فى ذلك ... حيث يتم إرسال ملفاتهم للتحرى بعد الإنتهاء من مقابلاتهم ... فالوقت ليس معياراً .... فهناك تحريات سارية من الآن حتى الكشف الطبى ..... فهناك فى العام الماضى دفعة 2008 كان يوجد مجموعة حاصلين على تقديرات تقل عن جيد بدرجات قليلة ... قاموا برفع قضية وتم زيادة الدرجات فأصبح تقديرهم جيد .... وهذا الأمر أخذ وقتا طويلاً .... حتى أنتهم لم يقوموا بعمل السباعية مع الجامعات .... ومع ذلك قبل الكشف الطبى بفترة قاموا بعمل مقابلة السباعية ونزول تحرياتهم لهم فى مدة قصيرة .... لذلك أقول لك .... لا تقف كثيراً فى أمور ترهق تفكيراً خاصة فى النيابة العامه .... فهى لاتسير على معيار واحد إطلاقاً ... فبها كل شيئ جائز ويمكن حدوثه ....

أخى الحبيب محمود السيد
ممكن اعرف يا استاذ رامى ازهر اسيوط مع جامعة اسيوط يوم 14 لان ازهر القاهرة امتحن مع جامعة القاهرة ارجوك الرد
ليس شرطاً .... فلا توجد علاقة من قريب أو بعيد بين الأزهر وباقى الجامعات .... فقط عليك معرفة تاريخ المقابلة من دار القضاء العالى إذا علمت أنه تم الإتصال بالمتقدمين من جامعتك ... أو حتى لو لم تعلم بأنه تم الإتصال فيمكنك السؤال فى دار القضاء فى أى وقت عن ميعاد مقابلتك ...

معلش سؤال تانى هل ممكن يسالونا من اسئلة النيابة الادارية فى اللجنة السباعية
لا إطلاقاً ..... وللعلم .... هناك موضوع أسمه (الأسئلة التى تم طرحها فى مقابلات دفعة 2009 ) .... وستجد فى الموضوع أسئلة النيابة العامه والتى لم تخرج أسئلة السباعية عنها إن شاءالله ... عليك فقط معرفتها ولا تحمل هم شيئ أخر .... لكن بعد التوكل على الله ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

ياجماعه هى بنى سويف ملهاش معاد ولا اية Very Happy

السلام عليكم مشرفي و اعضاء المنتدي الكرام
احب ادخل في موضوع اللجنه السباعيه ومقابلتها بدون مقدمات استحلفكم بالله لا داعي لاي قلق ولا يشغل بالكم اي شي وتوكلو علي الله انا روحت مقابلتي كانت يوم 31\3 جامعه الاسكندريه روحت ومضيت اسمي وانتظرت لحد دوري ودخلت وكل الخطوات اللي انتو عرفنها ولا داعي لتكرارها مره اخري اهم حاجه هناك ثقتك بنفسك وتركيزك لما تيجي تتكلم وعلي فكره انتا مش هتاخد قدام المجلس اكتر من 10 ثواني وهيقولك شكرا لان ال 200 ابتدو من الساعه 11:30 وخلصنا الساعه 12:30 فلك ان تتخيل السرعه ساعه ل 200 واحد وصوتك يكون واضح واهم حاجه يا جماعه المظهر يعني تسرح شعرك كويس والبدله تكون مكويه و تنام كويس وبالتوفيق بالنسبه للاسئله اللي اتسالت هي هي الاسئله اللي اضافوها اخوتنا من جامعه القاهره واحب اضيف اليها
1 ماهو الحدث
2 هل يجوز التصالح في العاهه المستديمه
وتوكلو علي الله كل الاسءله اللي هناك هي هي اللي موجوده هنا في المنتدي وعموما الاسئله سهله جدا وليست تعجزيه وبالتوفيق ان شاء الله لكل الجامعات المقبله واسف للاطاله وشكرا

جزاك الله كل خير يا استاذ خالد كامل وربنا يوفق الجميع

يا جماعه بالنسبه لبعد الدخول هل يسمح لنا بالجلوس ... علشان انا سمعت احنا بنجلس امامهم ؟ طالما الامر لا يستغرق ثوانى لماذا نجلس ؟ انا اسف سؤال مش مهم لكن حب استطلاع ..... وشكرا

يا استاذ *رامى* انا قصدى الاجابه الموجوده فى اسئله النيابه العامه (اللجنه السباعيه)بخصوص متى تكون المصادره وجوبيه؟ ,,,,,,, انا اقدر اعدل على الاخت *روتانا *....... وشكرا وبالله التوفيق&&&&&

أخى الحبيب عمرو حمزاوى
ياجماعه هى بنى سويف ملهاش معاد ولا اية
هى من مجموعة النصف الثانى .... صبرا ... ولاتقلق ... على العموم مجموعة النصف الأول هى كما جائت فى هذا الكشف :

أخى الحبيب عبد الناصر
يا جماعه بالنسبه لبعد الدخول هل يسمح لنا بالجلوس ... علشان انا سمعت احنا بنجلس امامهم ؟ طالما الامر لا يستغرق ثوانى لماذا نجلس ؟ انا اسف سؤال مش مهم لكن حب استطلاع
بالفعل الأمر يأخذ ثوانى ... إلا أن أمر الجلوس هو أمر شكلى ... فيتم أيضا فى قوانى معدودة ...

أخى الحبيب كلمة حق
إذا كانت لديك أى شكوى تريد تقديمها فلديك قسم مخصص للشكاوى ... وليس الحل فى أن تكتب إستغاثة أكثر من مرة فى أكثر من موضوع ...... وإن كنت أتوقف عند شكوتك بأن بعض الأعضاء يسيئوا معاملتك ... فيكف ذلك وأنت مازلت عضو جديد تاريخ تسجيلك 4/4/2010 ... والساعة 9 مساءا كان أسمك موجوداً كأخر مسجل (آخر عُضو مُسجل هو كلمة حق فمرحباً به.) .... لذلك ننتظر موضوع الشكوى فى القسم المخصص له وهو قسم الشكاوى ... وقد قام الأخ سعد يونس بعمل موضوع مخصوص هناك لذلك ... بالتوفيق

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

الف شكر استاذ رامى على الجدول وعلى مساعدتك لينا واذا سمعت حاجة عن التخلفات ياريت تقولنا

استاذ رامى مكتوب فى الجدول اسيوط عايز اعرف ازهر اسيوط تابع لاسيوط ولا هيكون لية جدول تانى لان من الواضح اتهم بياخدوا المحافظة كلها

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010