النيابة العامة دفعة 2009

ايه اخبار التحريات بتاعت جامعة عين شمس لسه ولا ايه؟

رامى باشا عندى استفسار انا فى المقابلة قومت وقفت وجاوبت على طول من غير ما اقرا السؤال دة معناه اية ؟؟؟؟؟؟ مع العلم ان اللى حصل حصل وبارك الله فيك ارجو الافادة

- هو أحنا بنقعد زى النيابة الإدارية و لا بنجاوب و أحنا واقفين؟
بتدخل تقعد الاول وبعدين لما بيجى دورك بتقوم على الترابيزة تبص للمستشارين بكل ثقة وتجاوب وبعدين تحط الورقتين اللى انتاخترتهم وانت داخل مكانهم وتمشى على طول دون انتظار

- هل الأسئلة هى هى ألى بتتسئل كل يوم و لو هى هى ياريت الأخوة الأفاضل تجبلنا الأسئلة القديمة بتاعت الأيام الماضية؟
ايوة الاسئلة هى هى والاسئلة بالفعل موجودة فى موضوع مستقل على المنتدى هنا

- هل لازم أروح ببدلة بنى أو بييج أو أى لون و لا لازم أسمر أو كوحلى ؟
الغوامق رسمية اكثر لكن ليس هناك مانع من ان تكون متميزا بلون بدلة مختلف للفت النظر
ولكن الافضل الغوامق


- معلش سؤال خاص بالإدارية ( هل التحريات كلها بتنزل مع بعضعا يعنى الجيد مع الجيد جدا و لا الجيد فى مرحلة متأخرة؟)

التحريات ملهاش دعوى بالتقدير

ياريت يامدير تجاوب استفسارى

السلام عليكم ورحمة الله وبركاتة
ممكن يا سيادة المدير العام ويا أستاذ رامى تجوبولى الاسئلة دى
1- الفرق بين السرقه والتبديد؟
2- الفرق بين النصب والتبديد؟
3- متى تكون المصادره وجوبية؟
4- متى تكون المصادره جوازيه؟
ويارب مكنشى مزعج ومتقل عليكم

يا أخوانى مفيش أخبار عن تحريات جامعة القاهرة يعنى لسة محدش أتصل بيكوا
وبعدين أنا كان عندى سؤال هى التحريات بتاخد وقت طويل ولا أيه
يعنى لو الواحد نزله تحريات ممكن يتصلوا بيه امتى مثلا علشان يخبروه بالتحريات
أرجو الافاده من فضلكم

محمود بك كتب:

رامى باشا عندى استفسار انا فى المقابلة قومت وقفت وجاوبت على طول من غير ما اقرا السؤال دة معناه اية ؟؟؟؟؟؟ مع العلم ان اللى حصل حصل وبارك الله فيك ارجو الافادة

اخى الفاضل اعتقد ان مفيش اى مشكلة فى موقفك فأصلا سواء جاوبت ولا مجاوبتش دا مش معيار قوى للتعين , فأهدى ولا تدع للأوهام طريق اليك. وبعدين لو انت حسيت انك كنت قليل الذوق مع المستشارين فاكيد كان حد منهم نده عليك وغسلك فى الكلام , فاهدى كدا وكبر دماغك ومحصلش حاجة اصلا طالما محدش منهم علق عليك او قالك حاجة. وانتظر الاجابة من رامى باشا وان شاء الله هتكون ان مفيش اى مشكلة وانك تكبر دماغك , يلا بقى خش ادعى ان ينزلك تحريات وخش صلى كدا و قول يارب

dashmala كتب:

السلام عليكم ورحمة الله وبركاتة
ممكن يا سيادة المدير العام ويا أستاذ رامى تجوبولى الاسئلة دى
1- الفرق بين السرقه والتبديد؟
2- الفرق بين النصب والتبديد؟
3- متى تكون المصادره وجوبية؟
4- متى تكون المصادره جوازيه؟
ويارب مكنشى مزعج ومتقل عليكم

الاجابة ودى موجودة اصلا فى ردود اخونا رامى لانة اتسأل فيها كتير هى :

- متى تكون المصادرة جوازية ؟
تكون المصادرة جوازية عندما تكون الأشياء التي إستخدمت في ارتكاب الجريمة أو من شانها أن تستعمل في ارتكابها وكذلك الأشياء المتحصله من الجريمة لا تشكل حيازتها جريمة في حد ذاتها فيتم مصادرتها بحكم كعقوبة تكميلية وليست من التدابير العينية .

- متى تكون المصادرة وجوبية ؟
هو إجراء يقتضيه النظام العام متى وقعت على أشياء تعد حيازتها جريمة في ذاتها أو على أشياء ضارة أو خطرة أو حرمت حيازتها بصفة مطلقة أو نسبية للحائز لها وتكون للمصادرة في هذه الحالة صفة عينية لا شخصية ومن ثم لا يهم شخص المالك فهي تقع على الشيء ذاته .

ماهو الفرق بين السرقة والنصب والتبديد ؟ ، ما هو الفرق بين السرقه والتبديد؟ ، عرف جريمة السرقه؟ ، ماهو التبديد؟ما هو الفرق بين النصب و التبديد؟عقوبات

تعريف السرقة: اختلاس منقول مملوك للغير بنية تملكة نص المادة كل من اختلس مالا منقولا مملوكا للغير فهو سارق .

تعريف النصب : هو استعمال طرق احتيالية من شانها إيهام الناس بوجود مشروع كاذب أو واقعة مزورة آو إحداث الأمل بحصول ربح وهمي أو تسديد المبلغ الذي أخذ بطريق الاحتيال آو إيهامهم بوجود سند دين غير صحيح أو سند مخالصة مزور وإما بالتصرف في مال ثابت آو منقول ليس ملكا له ولا له حق التصرف فيه وإما باتخاذ اسم كاذب آو صفه غير صحيحة للاستيلاء علي نقود او عروض او سندات دين او سندات مخالصة او أي متاع منقول وكان ذلك بالاحتيال لسلب كل ثروة الغير او بعضها

و تخنلف جريمة السرقة عن النصب في ان المجنى عليه يسلم ماله الي الجانى وهوقانع راضى الا انه سلم المال نتيجه غش وخداع ويترتب علي ذلك ان جريمة النصب لا تقع بالاكراه علي خلاف جريمة السرقة .

تعريف التبديد : هو احد صور السلوك الاجرامى المكون للركن المادى لجريمة خيانة الامانة و هو التصرف فى الشئ على نحو لا يصدر الا عن مالك الشئ سؤاء كان التصرف قانونى (البيع- الهبة) او تصرف مادى (كاستهلاك الشئ). كتاب الوسيط لد / احمد فتحى سرور

أنوش كتب:

يا أخوانى مفيش أخبار عن تحريات جامعة القاهرة يعنى لسة محدش أتصل بيكوا
وبعدين أنا كان عندى سؤال هى التحريات بتاخد وقت طويل ولا أيه
يعنى لو الواحد نزله تحريات ممكن يتصلوا بيه امتى مثلا علشان يخبروه بالتحريات
أرجو الافاده من فضلكم

لا اعلم ولكن فى طريقة سهلة اوى علشان انت تعرف التحريات
روح اسال فى قسم الحاسب الالى فى مديرية الامن. او تروح امن الدولة وتلاغى اى حد هناك ظابط او امين شرطة وتفهم منة نزل ولا مش نزل وكدا.

الى اعرفة ان التحريات لو نزلت لحد من المحافظة بتاعتك يبقى تحسب 14 يوم ودول النطاق الى ممكن تنزلك فيهم التحريات.وعلى فكرة الاتصال بيكون فى اى وقت , انا اتصلو بيا الساعة 12.30 بالليل واصحابى اتصلوا بيهم 1 صباحا و 1.30 صباحا وكدا

يا أستاذ (الثعلب العربى) أول سؤالين انا بسالهم موجودين فى (أسئلة النيابه العامة التى تمت طرحها فى دفعة 2009) والاجابة بتاعتهم مش موجوده وانت مجوبتش عليها والكلام كله على اول سؤالين
وعلى العموم طبعا الف شكر ليك لردك عليا ولك من كل تقدير وإحترام

والله يارامى باشا وحشنا جدا ياريت تطل علينا كل فترة بس متغبش

والى اخى الحبيب الثعلب العربى شكرا جدا على ردك الجميل بارك الله فيم

ههههههههه كل يوم مش كفاية احنا عايزينك على طووووووول هههههههه

الدراسات العليا في جامعه طنطا اول يوم في امتحاناتها 23 \ 5
واول يوم في مقابلات اللجنه السباعيه 23 \ 5

بصراحه محتارين ياريت النصيحه يا استاذ رامي

الاصابة الخطأ اية هيا و هل يجوز اخذ شهاده طفل اقل من 14 سنة ؟عقوبة الشريك ؟انواع الحبس؟ ؟ وهما بيشوفونا ولا زى ماحصل ف النيابة الادارية ؟

معظم اسئلة المقابلة النهارده
ماهى العقوبات التبعية
السرقة والنصب والتبديد تعريفات
ماهى عقوبة المخالفة--------انا اخترت السؤال ده ههههه
ماهو الطفل
ماهي مدة انقضاء الدعوي فى الجنايات ، الجنح ، المخالفات
متى تحكم المحكمة الجنائية بالبراءة
مــاهـى حالات التلبس
ما هى عقوبة الشريك
تعريف الضرب المفضى الى موت
ما هى الاجراءات التى تقطع مدة التقادم
اختصاصات محكمة الجنايات

أخى الثعلب العربى كتب:
الى اعرفة ان التحريات لو نزلت لحد من المحافظة بتاعتك يبقى تحسب 14 يوم ودول النطاق الى ممكن تنزلك فيهم التحريات.وعلى فكرة الاتصال بيكون فى اى وقت , انا اتصلو بيا الساعة 12.30 بالليل واصحابى اتصلوا بيهم 1 صباحا و 1.30 صباحا وكدا

أفهم من كلام حضرتك ان هما فعلا اتصلوا بيك لكى يخبروك بالتحريات ولا أيه بالظبط

ياجماعة اتمنى الرد السريع والمفيد-انا ميعاد مقابلتى بالنيابة العامة بكرة الثلاثاء لجامعة بنى سويف وانا اكتشفت النهاردة ان فى شخص لة وضعة فى العائلة يستطيع خدمتى بشكل كبير والفضل لله الا ان ميعادى غدا وانا كلمتة النهاردة وقالى مكلمتنيش من قبلها لية وقالى مستحيل انة يلحق يتصرف من النهاردة لحد بكرة فعايز اسال حضراتكم هو فية يوم اخر استطيع انى اذهب فية بحيث انى اكون عملات اتصالاتى وانا سمعت ان فى يوم اسمة يوم التخلفات للناس اللى حصلها ظروف فعايز اسال اليوم دة موجود فعلا وامتى وهل ينفع اروح فى اليوم دة وفى شروط معينة لكى اكون فى هذا اليوم وفرصة القبول فية عاملة ازاى-ارجو الاجابة بسرعة وان تكون اجابة موثوق منها لانكم عارفين حجم المجازفة هيكون عامل ازاى وشكرا

الف شكر يارامى بية على اجابتك بس انا لسة مفهمتش هو فية يوم تخلفات ولية شروط معينة للذهاب فية وفرصة القبول فية عاملة ازاى وهيكون امتى بغض النظر الان عن حجم الواسطة واحب اسال ممكن يخدمنى ازاى بعد المقابلة ولنفترض انة لم يتم قبولى لاقدر الله -ارجو الاجابة على كل سؤال من اسئلتى وشكرا