اعلان رقم(1)لســـنة(2010)لشغل وظائف خالية بالمحاكم الابتدائية

لو سمحت هى مفيش نتيجة للمعاه اصل الوزير صرح ان خريجى كليات الحقوق والآداب قسم علم نفس واجتماع والتجارة والحاسب الآلى وذلك تمهيدا لاستلامهم العمل.يعنى كدة مفيش معاهدولا اية ارجو الافادة ضرورى وربنايوفقنا جميعاويكرمنا بالتعين
اللهم ما امين

الاعلان ظهر في اليوم السابع
مش المفروض يظهر في الاهرام
وبعدين سيادة الوزير نسي خدمة اجتماعية يذكرهم في الاعلان ولا احنا مش قد المقام
يلا
ع العموم ربنا يوفق الجميع

في كل الاحوال
ياجماعة
اللهم لك الحمد والشكر

بس بالله عليكم يا جماعة سواء اللى ربنا وفقه او محصلش نصيب تدخل تقول ايه اللى حصل
وبالتوفيق لللجميع

انا جيت يا جماعة
النت وصل الحمد لله
لا وظابط ساعته يجى مع نزول الاسماء
الف شكر لحضرتك يا استاذ رامى
والف شكر للجميع ولكل من تعاون
بالنسبة ليا
اولا ما ذكروش خدمة اجتماعية
ثانيا مكتوب

جميع التعيينات بأن تكون من خلال المسابقات ووفقا للضوابط التى يحددها إعلان المسابقة وضرورة الحصول على تقدير جيد واجتياز الاختبارات المقررة.

مش هو اختبار واحد برضه واللا احنا انضحك علينا وكان فى غيره ومفيش حد عرف

عموما اوعدك يا المدير العام واوعدكم انى هادخل ابلغكم باللى انا وصلتله
بس ادعولنا

هو أكيد نزلت
يعنى حد راح وشاف بنفسه ياجماعة عندهم فى المحكمة
أصل انا بردوه مش مصدق الخبر ده الصراحة

ظهرت

أستغفرك ربى وأتوب إليك

أنا النهاردة ذهبت لمحكمة شمال القاهرة الأبتدائية مافيش حاجة ظهرت سألت المدير الإدارى قالى أول ماتيجى من الوزارة عن طريق الفاكس هنعلقها مش عارف بقى أيه النظام كده
وهل الأسماء نزلت فى جريدة الأهرام
ياريت لو حد من الأعضاء راح محكمة شمال ولقى الأسماء أتعلقت يحاول ينقل الأسماء
شكراً

يعنى ماحدش لسه عارف هى اتعلقت ولا ايه يااااااااااااااااااااااااااااارب

لســــــــــــ الفاكس موصلش لمحاكم الاقاليم ـــــــــــــــــــــه
بالتوفيق للجميع

الخبر ده منشور كمان فى موقع أخبار مصر
[ندعوك للتسجيل في المنتدى أو التعريف بنفسك لمعاينة هذا الرابط]
استر يا رب
يعنى شكله أكيد يا جماعة

ياجماعة انا اتصلت بمحاكمة المنصورة قالت لسة ما ظهرتش اية الحكاية ياجماعة

متتصليش يا مهيتاب لانه من المؤكد انهم هيقولوا كده حتى لو ظهرت
مفيش حد حيديكى عقاد نافع
يكون افضل لو حد راح شافها بنفسه
لان يوم ما اسامى القبول نزلت اتصلت بالمحكمة قالولى لسه
وهى كانت وقتها متعلقة
روحى بنفسك احسن

يا جماعة وكمان محكمة دمنهور لسه ما فيهاش اى حاجة
وما اتعلقتش فيها الاسامى

ده بقه معناه ايه
وهتتعلق امته ؟؟؟؟؟؟؟؟؟؟؟؟؟؟؟؟؟؟؟؟؟
طالما الخبر منشور على اخبار مصر وعلى اليوم السابع
حاجة تجنن
عموما اى جديد هابلغكم بيه
للعلم اخويا هو اللى بلغنى مش موظفين المحكمة
يعنى مصدر موثوق منه

يا شباب اهدو شوية ان شاء الله خير وسوف نباركلم جمعيا

الاعلان بيقول هتظهر انهاردة انهاردة لسة ما خلصش بس يا شباب الاسماء هتروح فى فاكس على المحكمة مكتب الامين العام واول ما توصلة هيامر بتعلقها ودة هيكون ان شاء الله غالبا بعد الظهر وممكن تتعلق فى اى وقت يعنى ممكن تتعلق باليل فاصبروا شوية ان شاء الله خير

بالفعل النتيجة ظهرت هانا في محكمة الفيوم
وتم قبول 7 من حملة الدكتوراه والماجستير
و3 من كلية التجارة
و10 من الحقوق
الحمد لم يظهر اسمي ولكن له الحمد والشكر
وتم التنبيه ان المعينين سيتم تعينهم بداية من 30/6

شكرا ليكى يااخت رقة دمعة طب متعرفيش خدو معاهد ولا لا

في الفيوم لا ماخدوش معاهد وشكلها كدا في كل المحاكم

الشكر لله يا مهيتاب
بس والله معرفش حاجة عن المعاهد
لعلمك انا معهد خدمة اجتماعية
وقلقانة جدا

انا هاتصل باخويا تانى وهاخليه يستنه شوية لما نشوف هتتعلق امته

بس يا سيادة النائب لو اتعلقت بالليل
هى المحاكم بتفضل فاتحة لبليل
واللا مش المفروض بتقفل الساعة 3 او اربعةو
واللا ايه ؟؟؟؟؟؟؟؟
يا استاذ رامى احضرنا

ياجماعة
هما بيضحكوا علينا ولا ايه
انا روحت محكمة جنوب القاهرة وقالولي انهم ميعرفوش حاجة عن هذا الاعلان وان مفيش حاجة جتلهم
وروحت بعد كدة الوزارة برضو نفس الشئ قلتلهم ع الاعلان وانه نزل في الجرنان قالوا منعرفش حاجة عن الاعلان ده وان مفيش حاجة نزلت
وبعدين مش المفروض ينزل الاعلان في جريدة رسمية زي الاهرام زي منزل قبل كدة
هما بيلعبوا بينا ولا ايه

وبعدين الاعلان ده ليه مذكرش خريجين الخدمة الاجتماعية
هما نسوا اننا كنا معاهم وامتحنا

اهدوا شوية يا شباب مش كدا النتيجة لم تظهر فى جميع المحاكم حتى الان وكم قولت انها هتظهر انهاردة ان شاء الله ولكن بتخلف عن وصول الفاكس من محكمة لاخرة يعنى ممكن تكون ظهرت فى الفيوم ومظهرتش فى دمنهور او اسكندرية وليس بشرط انهم مخدوش معاهد فى الفيوم انهم ميخدوش فى محافظات اخرى ان شاء الله خير

وزى ما قولتلك ياختى الفاضلة ممكن تتعلق فى اى وقت بعد الظهر ولو اتعلق باليل من حقك تتدخل المحكمة وتشوفى اسمك عادى جدا والمحكمة شغالة صباحى جلسات ونيابة وايضا شغالة مسائى لحد الساعة العاشرة نيابة فقط

بالتوفيق ان شاء الله

ثايناً الكلام الانا هقوله دا من أحد المستشارين الكبار جداً في وزارة العدل

المسابقة دي لم تتدخل فيها الوساطة تماماً
لان الوزير اخبر المستشارين ان اي مستشار عايز يعين حد قريبه بيروح الوزارة نفسها وبيقدم طلب ليه او احد قائم بأستقبال هذه الطلبات من المشتشارين والقضاه فقط لان المسابقة دي فرصة للناس المش معاها وساطة او بالمعني القانوني تفضيل او تاشيرة من احد القضاه او المسشتارين

واي حد هيخش المسابقة دي بمجهوده ليس اكثر ولا اقل
عشان الناس الهتقول وقالت ان في وساطة دي معلومه ليكم

فينك يا أ/ رامي
او اي حد من الادارة
ياريت تردوا عليا
وعرفونا راسنا من رجلينا

طيب معني انهم لم يذكروا خدمة اجتماعية في الاعلان انهم مش عايزين حد منهم
ولا ايه
عشان منعدش نلف
وجرنان الاخبار والاهرام بتاع النهاردة وامبارح مفهوش اي حاجة ودي جرايد قومية ومنزلش فيها حاجة
ياجماعة حد راح ولقاها ظهرت في اي محكمة
انا قالولي في الوزارة ومحكمة جنوب القاهرة انهم ميعرفوش حاجة عن الاعلان ده

» اعلان رقم(1)لســـنة(2010)لشغل وظائف خالية بالمحاكم الابتدائية
» علان رقم (1) لسنة 2011 لشغل وظائف خالية بالمحاكم الإبتدائية
» حصرى لراجعون ......اعلان رقم 2 لسنة 2011 وظائف خالية بالمحاكم
» ظهور نتيجة اعلان رقم 2 لسنة 2011 وظائف خالية بالمحاكم
» ظهور نتيجة اعلان رقم 2 لسنة 2011 وظائف خالية بالمحاكم