النيابة الادارية دفعة 2009

استاذ رامى ممكن الاجابه على هذا السؤال لو تكرمت ؟
هل تعتبر الصوريه فى العقود تزويرا ؟ وهل كل شاهد يحلف اليمين؟
مع خالص شكرى على هذا الجهد المتفانى فى خدمة الاعضاء
جعل الله ذلك فى ميزان حسناتك يوم القيامه اللهم أمين

الى سيادة المدير العام تحياتى بخالص الشكر والتقدير وان شاء الله تعالى يدمها عليك نعمة ويحفظها من الزوال اللهم امين

الأخوه فتى النيل - سيادة النائب ... تم حذف بعض الردود الخارجة عن الموضوع ... منعاً من أن يأخذ الأمر منحى أخر .... أرجوا عدم الخروج عن غاية الموضوع ....

-----------

أخى الحبيب سيادة النائب
يا ريت يا رامى بية تقولى اية اللى بيتم بالظبط فى مقابلة الادارية هل مثل العامة ام تختلف عنها ؟ من طريقة الاسئلة ؟ وكم سول بتسألة ؟ والمدة اللى بتسغرقها فى المقابله ؟ وغيرة
كما تفضل أخى الحبيب فارس بالإجابة أنه يتم تجميع كل عشرة مع بعضهم ... ثم يدخلوا اللجنه ويجلسوا على الكراسى ... يتم بدأ طرح الأسئلة على أول متقدم ... إذا أجاب يتم سؤال التالى له ... وهناك نوع من أنواع النقاش فى الإجابة ... حيث أن اللجنه كلها ستكون أسئلتها تدور حول نفس الموضوع ... ثم يتم الإنتهاء من طرح الأسئلة .. وتخرجوا ... والأمر يأخذ دقائق .. ومن الممكن أن يتم سؤالك أكثر من سؤال ...

أخى الحبيب فارس
جزاك الله كل خير على تواجدك ومشاركتك الأولى والتى تحتوى على مايفيد الكثير ... بارك الله فيك .. أتمنى أن نرى تواجدك الدائم ... بالتوفيق ...

أخى الحبيب فتى النيل
جزاك الله كل خير على كلماتك الطيبه التى ذكرتها فى حقى ... ولكن الأعضاء حقاً يستاهلوا أكثر من ذلك بكثير ... وبارك فيك ... وبمشيئة الله نبارك لك على التعيين ... بالتوفيق ..

أخى الحبيب حسام الدين
هل تعتبر الصوريه فى العقود تزويرا ؟
الصورية لا تعتبر تزويراً سواء كانت صورية مطلقة أو نسبية إلا إذا ترتب على تلك الصورية مساس بحق مقرر للغير مثل أن يكتب أب لابنته عقداً ببيع أملاك له مع أنها لم تدفع الثمن وهو بذلك يقصد حرمان أخيه من الميراث لأنه لم ينجب ابناً...

وهل كل شاهد يحلف اليمين؟
نعم لابد من حلف اليمين قبل الإدلاء بالشهاده ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

انا جامعه بنى سويف وكان معاد مقبلتى 3/5 ولسة منزليش تحريات ؟؟

كم أسعدنى خبر أن سيادتك من أحد أعضاء هيئة النيابة الإدارية
وربنا يحققك لك أكثر مما تتمناه
وجزاك الله خير على كل ماقدمته لنا وربنا يجعله فى ميزان حسناتك

الى ( المدير العام ) ,, كم اسعدنى اهتمامك
واسف لأنى لا استطيع استعمال الرسائل الخاصه (مش عارف ليه )

ولكن (ما تم فهمه من حضرتك هو المطلوب بالفعل )
وهى فقط (مشاركه واحده التى تم عليها ارسال التقرير ) فى موضوع النيابه العامه

وشكرا

حوار مع المستشار سميرالبدوي رئيس هيئه النيابه الاداريه في المصري اليوم

في اول الحوار قالت الجريده

رسائل قصيرة أوضحها المستشار سمير البدوى رئيس هيئة النيابة الإدارية- المنتظر استمراره فى رئاسة الهيئة عامين آخرين- فى تصريحات خاصة لـ«المصرى اليوم».

مامدي صحه هزا الخبر (المنتظر استمراره فى رئاسة الهيئة عامين آخرين)

هذا هو الخبر المزمع اخباركم به
والخبر ده حلو من وجهتين
الوجهة الاولى ان تعيين البنات لن يحد فى نسبة ميعنى كما هو مزمع فى عهد المستشار تيمور
الوجهة التانية ان شاء الله تعالى اللى ليه نصيب فى العتيين فان المستشار البدوى هيعينوا حنب البيت بعكس المستشار تيمور اللى كان هيلغى حتى توطن البنات .

والموضوع ده مش للمستشار البدوى فقط ده لكل رؤساء الهبئات القضائية حيث ان هناك مشروع بمد السن للمعاش سنتين اخرتين .

اعتقادرى فى هذا الموضوع ان هذا المشروع لن يمرر

الله يبشرك يالخييييييييييييييير يا سياده النائب المدير المترم على الاخبار الجامده جدا دي
واللي ادتني امل بعد الثقه فى ربنا طبعا

خبر حلو اوى اوى
بارك الله فيك ويعطيك العافيه

اتمنــــــــــى انهم ما يدخدوش بنـــــــــــات خالص فى النيابات بس اكيد دة مش هيحصل واكيد هيفضلوا كتمين على نفسنا

حسبــــــــــــــــنا الله ونعم الوكـــــــــــــــــــــيل

أخى الحبيب عمرو حمزاوى
انا جامعه بنى سويف وكان معاد مقبلتى 3/5 ولسة منزليش تحريات ؟؟
إنتظرها بمشيئة الله من الآن وحتى النصف الثانى من شهر يونيو .... وسنبارك لك على نزول التحريات ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

ليه كده بس يا سيادة النائب
حب لاخيكط كما تحب لنفسك

اين اجابه طلبى (يا سياده المدير العام )

يا سيادتة المدير انا بحب طبعا لاخيك ما تحب لنفسك بس هما هم كدا بيخدو مكانا فى التعين شوف كم واحدة هتعين هتاخد مكان كم واحد ومتقوليش كل واحد بيخد نصيبة هم لو مش معانا فى رجالة هتنزل مكانهم

عموما انا مكنتش معارض فى تعينهم بس انا سمعت انهم هيخدوا من الاناث نسبة كبيرة جدا اكتر يعنى النسبة لو عشرة فى المية جميل اوى عشرين مفيش مشكلة بس انا سمت انها بتصلت الى ستين فى المية دة مش حرام

خلي بالك يا سيادة البائب ان الشباب الرجالة مفتوح لهم النيابة العامة و مجلس الدولة للذكور فقط
فلا توجد مشكلة ان يكون للاناث نسبة حتي ولو كانت كبيرة في النيابة الادارية أو حتي في هيئة قضايا الدولة

تسلم يا سيادة المدير العام علي هذا الخبر الجميل بس هو الخبر ده بقي أكيد
أنا كنت سمعته من فترة طويلة بس معرفش اذا كانوا قرروها فعلا ولا لسه مجرد كلام

ياسيادة النائب الموضوع مش موضوع راجل وبنت واسمحلى اقولك حقيقة كل شئ نصــــــــــــــــــــــــــــــــــــــــــيب
بارك الله فيك ياسيادة المدير على الاخبار الحلوة دى ويارب تيمور دة مايمسكش خالص عشان تواجدو مش مريحنى معرفش لية

الى الاخ بروسيكتور
طلب معاليك تم تنفيذه من الامس
الى سيادة النائب
يا باشا انا معاك ان نسبة التعيين للبنات فى اخر دفعة دى فاقت السبعين فى المية وهو ما اثار حفيظة المستشارين والمستشارات على السواء لانه معروف فى الوسط ان اداء وكيل النيابة يفوق بمراحل اداء وكيلة النيابة وهذا ليس عن عيب فيهم لا بل لظروف تخصهم من رعاية بيت وخلافه
لكن تقيدها فى نسبة معينة يبقى حرام لانها سوف تستوعب ابناء المستشارينن بالعافية
ثم تعتبر هى الهيئة الوحيدة اللى بتاخد بنات لان هيئة قضايا الدولة لا تفضل البنات وتعيين البنات فيها ينحصر فى عشر بنات او خمسة عشر تقريبا فى الدفعة كلها .
الى الاخ احمد المنوفى
كل دى ما زالت تكهنات يا باشا لكن الموضوع فى الهيئات القضائية واخد محمل الجد لدرجة دفعت الكثير الى تأكيد الخبر

وانتظروا المزيد من الاخبار الحصرية

اسف جدا يا بهوات ان مش هعلق انهاردة على اى كلام اطلاقا بس كل اللى عاوز اقولة انكم تدعولى ان اجتاز مقابلة الادارية بكرة ان شاء الله بنجاح لانى انا لسة مرجعتش حاجة خالص لانى لحد امبارح الساعة الوحدة صباحا كنت مقرر انى مش هحضر المقابلة ولكن اردارة الله انا اغير قرارى هذا واحضر بكرة المقابلة بمشيئة الله تعالى وسوف اخبركم غدا بما تم معى نرجوا الدعاء وبالتوفيق ليكم جميع

سلام الله عليكم جميعا

ادعو الله سبحانه وتعالى ان يوفق الجميع الى ما يرجونه من الله وان يوفقهم الى فعل الخير فيه .

*** سؤال ؟ ا / رامى لو تكرمت بخصوص دفعـــة 2008

لدى من الاصدقاء من يسئل عن دفعة 2008 وما اخر ما حدث بها مع العلم انهم اجروا بالفعل التحريات

ممكن معرفه تطورات الموضوع ككل الى حين وقتنا هذا

الاخوه الاعضاء السلام عليكم
عندي استفسار بسيط هل عند نزول تحريات الاداريه لجامعه معينه مثل الاسكندريه هل يكون الاتصال بالمتقدمين لاخبارهم بنزول التحريات في وقت واحد ام من الجائز ان يتم الاتصال علي فترات مثلا يتصلو بمجموعه وبعد فتره مجموعه اخري وشكرا

اعتذر للجميــــــــــــع لان الموضوع لم يكن فى محله
سلام الله عليكم جميعا

ادعو الله سبحانه وتعالى ان يوفق الجميع الى ما يرجونه من الله وان يوفقهم الى فعل الخير فيه .

*** سؤال ؟ ا / رامى لو تكرمت بخصوص دفعـــة 2008

لدى من الاصدقاء من يسئل عن دفعة 2008 وما اخر ما حدث بها مع العلم انهم اجروا بالفعل التحريات

ممكن معرفه تطورات الموضوع ككل الى حين وقتنا هذا

اكرر إعــتــــــــذارى

السلام عليكم
لو ممكن حد يرد عليا اناجامعة اسكندرية وزعلانه جدا لانى لحد دلوقتى مفيش تحريات نزلت ليا مع انها نزلت من اسبوعين ممكن اعرف هى خلاص كده بانيبة لاسكندرية ولا لسه فى امل ممكن تنزلى ؟

أخى الحبيب فتى النيل
سؤال ؟ ا / رامى لو تكرمت بخصوص دفعـــة 2008
لدى من الاصدقاء من يسئل عن دفعة 2008 وما اخر ما حدث بها مع العلم انهم اجروا بالفعل التحريات
تمت الإجابة على تساؤلك فى الموضوع الخاص بدفعة 2008 ...

أخى الحبيب خالد كامل
هل عند نزول تحريات الاداريه لجامعه معينه مثل الاسكندريه هل يكون الاتصال بالمتقدمين لاخبارهم بنزول التحريات في وقت واحد ام من الجائز ان يتم الاتصال علي فترات
حسب عدد ملفات التحرى ... فإذا كانت كبيره يتم الإتصال على مجموعات ... وهو الحال فى جامعة مثل جامعة الأسكندرية ... أما إذا كانت ملفات قليله فالأمر لايستعدى التقسيم على مجموعات ...

أختى nonalawyer
لو ممكن حد يرد عليا اناجامعة اسكندرية وزعلانه جدا لانى لحد دلوقتى مفيش تحريات نزلت ليا مع انها نزلت من اسبوعين ممكن اعرف هى خلاص كده بانيبة لاسكندرية ولا لسه فى امل ممكن تنزلى ؟
ضعى ثقتك فى الله ولاتفقدى الأمل ... يمكنك السؤال فى مكتب التحريات أو الحاسب الآلى بمديرية الأمن التابعة لها لمعرفة نزول تحريات لكى من عدمه....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

رامى بية لو سمحت ممكن اسماء اعضاء لجان المقابلة للنيابة الادارية مع خالص تحياتى بالشكر والتقدير

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية