النيابة الادارية دفعة 2009

أخى الحبيب prosecutor
فكيف اعمل قيد عائلى وهل هو بالفعل ضروروى لهم ولا ممكن بيكون عايز يريح نفسه ؟
بالفعل ضرورى فى حالة تشابه الأسماء كما أوضح أخى الحبيب black_cres ... ويتم عمله من السجل المدنى بتقديم صور البطاقة الشخصية لأبناء الجدود ... وللمتوفى يتم تقديم شهادة الوفاة ....

أخى الحبيب نسائم الرحمة
ممكن اعرف المستشار فتحى عبد الوهاب ماسك منصب ايه دلوقتى فى النيابه الاداريه ؟
يفيدك فى ذلك أخى الحبيب المدير العام ....

أختى nsoma
هل موضوع ان امن الدولة يدخل فى تحرياتى عليه مشكلة وممكن بذلك الموضوع لم ينجح
أمن الدوله جهة تحرى أساسيه ولابد وأن يتحروا عنك وعن عائلتك ...

اقصد ان امن الدولة فيه تشابه اسماء فى احد من اقاربى وكل شوية يستدعوه هناك وبعدين يقولوله خلاص شكرا فما معنى هذا؟
إذا كان تشابه أسماء فلاتوجد مشكلة إطلاقاً ... وإستدعائه أمر روتينى للتأكد ... أما إذا كان هو بالفعل عليه مشاكل سياسياً فسيتم كتابة ذلك فى التقرير ...

هل عندما تظهر لديكم اى معلومات جديدة تخص النيابة الادارية هتبلغوا المشتركين كلهم من تلقاء نفسكم ام من اللازم ان نستفسرنحن عن كل شى
أى جديد يتم طرحه عند العلم بمشيئة الله ... وكذلك نجيب على الإستفسارات فنحن تحت أمر الجميع ... بالتوفيق ....

كمان انا عاوزة اقدم فى هيئة قضاء الدولة ممكن تبلغونى هو التقديم هيفتح متى ام انكم لا تعرفون معلومات الا على النيابة الادارية
لكل هيئة موضوع مستقل فى قسم الخريجين ... يمكنك المتابعة والسؤال فى الموضوع المخصص ....

أخى الحبيب علاء الدين
وانا مش عارف ايه الفه دى هو ده صح التعارف عليه وله انا عندى مشكله وله ايه بالظبط
هذا مايحدث بالفعل ... فمكتب الأمن يتدخل فى كل كبيره وصغيره أثناء سير التحرى ... ودوره لايقتصر على مجرد إرسال الملفات وإستقبالها ... وإنما هو الذى يدير التحريات أثناء سيرها من حيث تلقى التقارير من أمن الدوله لكى يتم إستكمال التحرى فى البحث الجنائى .... فلاتقلق ...

أختى موني سعد
انا نزلتلي تحريات من16\5 ولحد دلوقتي مفيش تحريات قسم جتلي
هناك إحتمالين ... الأول أن تحريات القسم لم تبدأ حتى الأن ... وهذا أمر طبيعى فمازال الوقت مبكر على إنتهاء التحريات ومن الممكن نزول تحريات القسم هذا الشهر أو الشهر القادم ... الإحتمال الثانى أنه لاتوجد مشاكل فى ملفك أو على أحد من أقاربك ولاداعلى لإستدعائك فبالتالى يتم كتابة التقرير وإرساله لمكتب الأمن دون علمك ... ولكنى أرجح الإحتمال الأول ...

كنت عاوزه اعرف القسم بيتحري الاول وبعدين يكلمني ولا ايه
نعم يتحرى أولاً لكى يتم إستدعائك وعرض التشابهات عليكى ...

وهل الكلام اللي قالوا الاخ علاء الدين ده صحيح ولا بيختلف من محافظه للتانيه
بالفعل كما ذكرت هذا ما يحدث ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

يا أستاذ المدير العام ممكن توضح المعلومة دى
ممكن اعرف المستشار فتحى عبد الوهاب ماسك منصب ايه دلوقتى فى النيابه الاداريه ؟
يفيدك فى ذلك أخى الحبيب المدير العام ....

اخى رامى انا كان نزلى تحريات امن دولة وكان معايا 4 اخرين من بلدى.

نزلت تحريات القسم لثلاث منهم فقط وانا وواحد صحبى منزلناش .
دا من اية ؟ ودا معناة اية ؟ وهل يجوز ان لا ينزل تحريات قسم بالرغم من نزول تحريات امن دولة ؟؟؟؟؟؟

انا سالت فى القسم وقالوا اسمى واسم صحبى دا مش موجودين ومش عارف اتصرف ازاى

اقتباس :: انا سالت فى القسم وقالوا اسمى واسم صحبى دا مش موجودين ومش عارف اتصرف ازاى

حضرتك من المؤكد ان نزول تحريات أمن الدولة لحضرتك معناه ان في الطريق اليك تحريات الامن العام اللي هي القسم ان اجلا او عاجلاً
كمان القسم مش بيقوم بالتحري من نفسه او بناء على اللي نزله تحريات امن دولة وانما بناء على امر صادر من المديرية وقد يتأخر لاي سبب كان
فا حضرتك متقلقش

وربنا يكرمنا جميعا بالتعيين
اللهم ياذا الجلال والاكرام يامجيب السائلين اكرمني وزملائي بالتعين

استاذ رامى
هى تحريات الاداريه بتنتهى امتى

أخى الحبيب نسائم الرحمة
ممكن اعرف المستشار فتحى عبد الوهاب ماسك منصب ايه دلوقتى فى النيابه الاداريه ؟

المستشار فتحى عبد الوهاب ماسك حاليا وكيل مكتب فنى ثالث القاهرة

أخى الحبيب الثعلب العربى
دا من اية ؟ ودا معناة اية ؟
لايعنى شيئاً سوى تأخر من مديرية الأمن فى مراسلة الأمن العام للتحرى عن باقى المتقدمين ... ولا قلق فى ذلك ... فليس شرطاً أو قاعدة أن يتم سير التحريات للجميع فى طريق واحد .. فكان من الممكن أن تبدأ تحريات القسم لواحد فقط والباقى ينتظر .... فلا شيئ فى ذلك ...

وهل يجوز ان لا ينزل تحريات قسم بالرغم من نزول تحريات امن دولة ؟؟؟؟؟؟
لايمكن إطلاقاً ... لايجوز بأى شكل من الأشكال أن تتوقف التحريات فى منتصف الطريق ... فلابد أن تستكمل سيرها مهما ظهرت مشاكل على المتقدم أو أفراد عائلته أو لأى سبب أخر ... فجهات التحرى ما هى إلا وسيلة تقوم بالتحرى بناء على طلب الهيئة دون أن يكون لهم أى سلطة تقديرية فى ذلك ... فقط مهمتهم التحرى وكتابة تقرير ....

أخى الحبيب mahmoud kamal
هى تحريات الاداريه بتنتهى امتى
إذا كنت تتحدث عن نهاية نزول التحريات فهى فى شهر أغسطس ... أما عن فترة التحريات بشكل عام فليس لها وقت محدد للإنتهاء ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

اخيرا نزلى تحريات قسم مع انى عامل امن الدولة من شهر 4 الى فات .

المهم الى حصل معايا

اتصل على التليفون الارضى نقيب من القسم وقالى عايز الواد .
راح ولدى قعد معاة فى القسم و سال والدى فى اسماء اخوالى واسماء اخواتى وبس. وطلب من شهادة كلية ليا و قيد عائلى لة وللجدين بتوعى وافادة ارض زراعية.

فى نفس الوقت كان فية 2 مخبرين جم البيت عندى وقعدوا معايا شربوا الساقع و قبضوا 300جنية و كتبوا كل اقاربى الى فى الكراسة الى قدمتها .
وبعدها كتبوا ورقة انى حسن السير والسلوك ومحمود السيرة .

فى نفس الوقت برضوا (( كلة فى نفس الوقت هههههههه))))) اتصل الظابط بخالتى وقعد يسالها عنى وعن العيلة واولاد العيلة وبنات العيلة .
وبعد ما قفل مع خالتى اتصل بأن خالى وسالوا نفس الكلام برضوا .

دا الى حصل معايا وباقى الورق الى هو القيد العائلى وكدا هروح اقدمة بكرة .

اتمنى انى اكون افادتكم بحاجة

بجد شكرا لرامى باشا على مجهواتة وطمانتة وفعلا يا غالى الظابط قالى انها تأخرت عن زميلى بس دا عادى وكدا

تسلم بجد يا رامى باشا وربنا يكرمك انت انسان محترم بجد واخ فاضل واتمنى معرفتك معرفة شخصية

مبرةك يا ثعلب
وانا حصلى زيك قده وانا بقدم
وعقبالك ان شاء الله وتيجى تحت ايدى وتكون معاون صغنطوط واتنطط عليك بقى فى المكتب واخليك تعمل شاى هههههههههههه

أخى الحبيب نسائم الرحمة
ممكن اعرف المستشار فتحى عبد الوهاب ماسك منصب ايه دلوقتى فى النيابه الاداريه ؟

المستشار فتحى عبد الوهاب ماسك حاليا وكيل مكتب فنى ثالث القاهرة

مبروك يا ثعلب
بس على فكرة انت مش متأخر ولا حاجة جامعة المنصورة بنسبة تزيد عن الــ 90% من طلابها ماكانوش عملوا مقابلة القسم غير مؤخرا يعني خلال الاسبوع الاخير دا
مبروك مرة تانية ياباشا

اقتباس :: وعقبالك ان شاء الله وتيجى تحت ايدى وتكون معاون صغنطوط واتنطط عليك بقى فى المكتب واخليك تعمل شاى هههههههههههه

هههههههههه

-------------اللهم ياذا الجلال والاكرام يا مجيب السائلين اكرمني وزملائي بالتعيين

اخى الثعلب انت جامعة ايه وتقديرك ايه ومقابلة امن الدوله كانت امتى ؟؟؟

أخى الحبيب الثعلب العربى
العفو .. وجزاك الله كل خير ... وألف مبروك على نزول التحريات ... وعقبال ما نبارك لك على التعيين ..... والكرم الأكبر لو كنت تحت يد أخى الحبيب المدير العام مثل ما بيقول ... فسيكون بذلك لديك وظيفة محترمه ورئيس فى قمة الإحترام ... بالتوفيق ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

السلام عليكم ..
عندى استفسار ارجو الرد عليه
التحريات كم نعلم جميعا مقسمه الى ( امن دوله _ القسم التابه له , *الامن العام , البحث الجنائى* ) عند انتهاء هذه التحريات كلها..... من المسئول عن ارسأل نتيجه التحريات ......... هل يكون لكل جهه ارسال النتيجه بمفردهاام يكون لجهه عليا ارسال النتائج مجمعه الى هيئه النيابه الاداريه ...
استفسار بسيط اخر ...
هل عند عمل التحريات لو وجدوا خطأ ما او حكم على قريب لى او اى شى يضر بى .. هل لابد (لابد ) ان يتم الاتصال بى ام لا .... اى طالما لم الاتصال بى الى الان هل معنى ذلك الحريات كويسه ... ام عند سيادتكم راى اخر. اســـــف عـــلى الاطـــالـــه
وشكرا وبالله التوفيق

المدير العام كتب:: مبرةك يا ثعلب
وانا حصلى زيك قده وانا بقدم
وعقبالك ان شاء الله وتيجى تحت ايدى وتكون معاون صغنطوط واتنطط عليك بقى فى المكتب واخليك تعمل شاى هههههههههههه

الله يبارك فيك , يا ريت يا ريس وانا احط فية ملح انجليزى وعيش هههههههه

[quote="black_cres"]مبروك يا ثعلب
بس على فكرة انت مش متأخر ولا حاجة جامعة المنصورة بنسبة تزيد عن الــ 90% من طلابها ماكانوش عملوا مقابلة القسم غير مؤخرا يعني خلال الاسبوع الاخير دا
مبروك مرة تانية ياباشا
[quote]

انا كنت قلقان جدا والحمد لله رامى باشا كان مطمنى , القلق كان علشان فى ناس كتير من اصحابى نزلهم و كلنا كنا فى امن الدولة فى نفس اليوم و هما نزلهم قسم قبلى بحوالى 10 ايام .
والحمد لله نزلى والله يبارك فيك يا ريس

حسام الدين كتب:: اخى الثعلب انت جامعة ايه وتقديرك ايه ومقابلة امن الدوله كانت امتى ؟؟؟

انا جامعة المنصورة بس من محافظة كفر الشيخ.
تقديرى 67.08 شعبة انجليزى .
امن الدولة كان فى نهاية شهر 4 ودى مقابلة الاولى
المقابلة التانية فى اول شهر 5

(( احنا المحافظة الوحيدة الى ليها مقابلتين امن دولة و لازم الظابط يلعب فى الموبيل هههههههههه)).
ولسة القسم نازل فى اول الاسبوع دا .

ramy kamal كتب:: أخى الحبيب الثعلب العربى
العفو .. وجزاك الله كل خير ... وألف مبروك على نزول التحريات ... وعقبال ما نبارك لك على التعيين ..... والكرم الأكبر لو كنت تحت يد أخى الحبيب المدير العام مثل ما بيقول ... فسيكون بذلك لديك وظيفة محترمه ورئيس فى قمة الإحترام ... بالتوفيق ....
بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

ربنا يخليك يا باشا وربنا يوفق الجميع وانت بجد شخصية محترمة اوى وعزيزة جدا .
منا بقول لو هكون تحت ايدة لازم اعملة احلى كباية شاى بالملح الانجليزى ههههههههه

زي ماقولتلي يا استاذ رامي فعلا اتصل بيا واحد من البحث الجنائي ولما روحت هناك طلبوا مني قيد عائلي ومايثبت الذمه الماليه لوالدي ولوالدتي وبيان بمرتباتهم وبعدين وانا هناك اتصل بيا امين من قسم الشرطه وقالي عاوز نفس اللي طلبوه في البحث الجنائي وكمان اسم جدتي من الاب والام انا مش عارفه طلبوه ليه مع انه مكنش مطلوب في الملف وتحريات الاقسم بتخدلها اد ايه علشان تخلص معلش تعبينك معانا

الستاذ رامى كمال هل انتهت بالفعل جميع التحريات بالنسبة للادارية

ارجو الافادة ولكم كل الشكر

سلام الله عليكم جميعا ورحمته وبركاته

اولا :: اسف جدا على انقطاعى عنكم فى هذة الفترة السابقة

ثانيا :: نشكرك الاستاذ رامى على مجهوداته الرائعة فى عموم الافادة للجميع

وكذلك كل من يساهم فى وضع معلومة تفيد العامة افادكم الله ويسر امركم جميعا

ثالثا :: الى وقتنا هذا لم يتم الاتصال بى بخصوص النيابة الادارية ولا يوجد لى

اسم فى المديرية فطبعا الامر قد انتها بالنسبة لى

ولكن الحمد لله رب العالمين والحمد لله على ما قدره الله لنا وللجميع

رابعا :: من خالص قلبى ادعوا لكل من اكرمه المولى بمجي اسمه فى الادارية

ومن تمت له التحريات سال الله سبحانه وتعالى ان يكمل سيرتهم بكل نجاح وان

يتمها لهم باذن الله بالتعين اللهم امين

واقول لهم جميعا اعملوا فسيرى الله عملكم ورسوله والمؤمنون

وفقكم الله ورعاكم وسدد خطاكم ونعم الموالى ونعم النصير

الســـلام عـــليـــكــم .........
ايــــن الجـــمـــيـــع
وشكرا وبالله التوفيق

رامى باشا الحمد لله خلصت تحريات القسم و رئيس المباحث طمنى وقالى كلة تمام, وكمان اتصاحبت على الناس الى فى القسم كلهم وظبطهم و قدرت انى اقرأ التقرير السرى كمان بتاعى وكلة تمام الحمد لله.
وعرفت ان تقرير بتاعى سافر المديرية تانى وفى واحد زميلى كان مخلص تحرياتة قبلى ورئيس القلم الجنائى فى المديرية اتصل بزميلى دا وراجع معاة الملف وكدا.

فهل هذا طبيعى ولا لا؟ خصوصا ان زميلى دا كان لة واحد قريبة علية قضية بناء على ارض زراعية وراح عمل معارضة وكدا ؟ فهل دا اجراء طبيعى ام زميىل فى موقف محرج ؟ وهل انا (( سليم الحمد لله))) هيتصلوا بيا برضوا ولا دا كان اجراء لزميلى فقط؟؟؟؟؟ مع ان امين الشرطة قالة ان المعارضة دى حلوة فى صالحة

وسؤال اخير: لو كل احد علية حكم عمل معارضة امال التصفية هتكون بناء على اية؟ ويعنى اية معارضة اصلا؟

أخى الحبيب عبد الناصر
من المسئول عن ارسأل نتيجه التحريات
كل جهه تقوم بإرسال التقرير إلى مديرية الأمن والتى تقوم بدورها بالإطلاع على تلك التقرير ثم كتابة التقرير النهائى وإعطاء الرأى بالقبول أو الرفض ثم تقوم بإرساله إلى مكتب الأمن ...

هل عند عمل التحريات لو وجدوا خطأ ما او حكم على قريب لى او اى شى يضر بى .. هل لابد (لابد ) ان يتم الاتصال بى ام لا
نعم لابد من الإتصال بك ... لكى تقول كلمتك من حيث أنه تشابه أو هو بالفعل ... وطالما لم يتصلوا فلا تقلق ...

أختى موني سعد
انا مش عارفه طلبوه ليه مع انه مكنش مطلوب في الملف
هذا فى مصلحتك ... حيث يوجد تشابه أسماء ... وبمعرفتهم لهذا الإسم سيقلل نتيجة التشابه ...

وتحريات الاقسم بتخدلها اد ايه علشان تخلص
ليس لها مدة محددة للإنتهاء ... فهى تسير حتى يتم الإنتهاء من الملف ...

أختى ماما
هل انتهت بالفعل جميع التحريات بالنسبة للادارية
مازال الوقت مبكر على إنتهاء التحريات ...

أخى الحبيب فتى النيل
الى وقتنا هذا لم يتم الاتصال بى بخصوص النيابة الادارية ولا يوجد لى
اسم فى المديرية فطبعا الامر قد انتها بالنسبة لى
الأمر لم ينتهى وإنتظر حتى نهاية الشهر القادم ...

أخى الحبيب الثعلب العربى
فهل دا اجراء طبيعى ام زميىل فى موقف محرج ؟
إجراء طبيعى ولكن لايتم مع الجميع ... ووجود قضية على خاله ليست سبباً فى ذلك أو لها تأثير ...

وهل انا (( سليم الحمد لله))) هيتصلوا بيا برضوا ولا دا كان اجراء لزميلى فقط؟؟؟؟؟
لايتم ذلك مع الجميع ... فهو إجراء ليس بقاعدة ....

لو كل احد علية حكم عمل معارضة امال التصفية هتكون بناء على اية؟
على القضايا المخله بالشرف والأمانه ... والقضايا التى تؤثر من خلال سلطتهم التقديرية....

ويعنى اية معارضة اصلا؟
إذا وجد شخص أن عليه حكم صدر فى غيابه أو دون معرفته بذلك .. يقوم بعمل معارضه لنظر القضية من جديد فى حضوره لكى يستطيع الدفاع عن نفسه ... فهو شكل مصغر من الإستئناف ... ولكن المعارضه تكون فى الأحكام التى تصدر دون معرفة المتهم وفى غيابه ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

يا جماعة يا ريت لو حد يعرف اسماء اعضاء لجنة النيابة
الادارية ينزلهم على المنتدى وشكرا

(اللهم رحمتك ارجو فلا تكلنى الى نفسى طرفة عين )

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية