النيابة العامة دفعة 2009

متى سيتم الانتهاء من نزول التحريات وهل لمحافظة كفر الشيخ نصيب فى نزول تحريات ام انهم سيكتفوا بمن نزل لة الان فقط؟؟؟؟؟

غريبة شويتين خصوصا ان دور التفتيش انتهى ........ طيب مسألتوش عموما كلو خير لا تقلق وربنا ييسرلك

زي ما محمود بك قال ان الموضوع غريب شوية لان المعروف ان التحريات بتكون مع الاجهزة الامنية ولما تخلص يبدأ دور التفتيش لانه بيجهز تقرير بيتم عرضه على اللجنة
اما ان مكتب النائب العام يتصل بيك خصوصا ان مرحلة التحريات لسة شغالة فا دا شئ غريب
على العموم روح المقابلة يا باشا وباذن الله خير وياريت تبقى تطمنا

don_mano الى الاخ

الموقف ده عادة بيحصل لمابيكون فيه اما اغفال بيانات عن هذا الشخص
واما ان يكون هناك تشابه او قضايا على هذا الشخص
وهذا الاجراء معهود فى النيابة العاممة فقط فى حالة ما اذا كان المرشح ضمن الحاصلين على درجة عالية فى اللجنة السياعية

بس انا عديت فى تحريات الادارية وسالت ناس موثوق فيهم فى الأمن العام قالوا انتا تقريرك بتاع الادارية زى الفل وبعدين كان التشابه عشان انا كنت كاتب اسماء خطاء و قمت بتصحيحها ولكن مش نفس الاسماء يعنى كانت الاسماء الفردين من الاساس مكتوبة فى الملف خطاء وناقصة و اتاكت من التحريات سليمة ده كان وقت الأدارية وعفوا للأطاله وهل هذا بيحدث بعد التحريات ام بعد التحريات اى قبل ارسال الملف ام بعد ارسال الملف الأمن العام وهل حدثت هذه الواقعة مع احد غيرى من قبل ولماذا

ما هو يا باشا الخطأ فى كتابة اسم يعادل اغفال الاسم لذلك سوف تذهب مرة اخرى لتعديل الاسم وسوف يسألوك عن سبب ذلك
والكلام ده بيكون بعد التحريات لانك لم يتحرى عنك فى العامة وانما كان تقرير مكتب الامن فى الوزارة فلما مكتب الامن فى الوزارةى لقى فيه اختلاف فى البيانات بين الملفين اخبروا التفتيش الذى قام باستدعائك

انا برضو برجح كلام سيادتك مليووووووووون فى المية متقلقش ان شاء الله خير ويطلع الموضوع كدا ويعتبروها حسن النية

أسف على عدم المشاركة لأن عندى أمتحانات شفوى سلامى لكل أعضاء المنتدى الكرام ودعواتكم لى بالنجاح .
يا سيادة المدير العام هل من الممكن أن الواحد ينزل له تحريات عامة ولا يعرف بها
لأن أ / أشرف محمد البنا
على ما أظن لم يعرف بنزول التحريات إلا عندما أتصلوا به من مكتب الناائب العام وتأكد ذلك بعد أتصال مكتب التفتيش القضائى به ؛
وبناء عليه هل يمكن أن يقوم مكتب الأمن بأرسال نفس التقرير المكتوب فى الإدارية وعدم أرسال الملف مرة أخرى للتحرى عنه فى المديرية ، و أن كان الأمر كذلك فلماذا بعض الأشخاص تم نزول تحريات إدارية وعامة ولم يكتفى مكتب الأمن بالتحريات السابقة مثل ( أ / محمود بك ) .
وذلك يؤكد أيضاً ما قيل لى من جانب مدير مكتب الأمن بالوزارة عندما ذهبت له لأطمئن على التحريات .
وشكراً
 

يا احمد ربنا يوفقك فى الامتحانات بس احب اؤكد كلام استاذ رامى لانى فعلا مكنتش هعرف بالتحريات الا لما استجد امر جديد فى تحرياتى لولا كدا مكنتش عرفت فبقترح عليك تروح تسال فى القسم ودة اسهل طريقة ربنا يكرمك ويكرمنا جميعا بالتعين

شكراً لسيادتك يا أ / محمود
بالنسبة للقسم أنا أصلاً إلى الأن لم يتم الأتصال بى من قبل القسم لتحريات النيابة الإدارية على الرغم من نزول تحريات أمن دولة من يوم 7/4/2010 .
أنا بالطبع روحت سألت فى المديرية وعرفت أنه لم يوجد لى ملف وسألت بالنسبة لأمن الدولة بالنسبة للقسم التابع لى وكان الرد أنه لو فى ملف للنيابة العامة هيتصلوا بى .
اللى أنا عايز هل من الممكن أن يقوم مكتب الأمن بأرسال التقرير الخاص بالإدارية للنيابة العامة مثل ما حدث مع أ / محمد أشرف أم لابد من التحرى من جديد .

جامعة المنصوره ياساده نزلها تحريات عامه ولا ليه

محافظة الدقهايه

جامعة المنصوره ياساده نزلها تحريات عامه ولا ليه

محافظة الدقهايه

خير خير خير
ان شاء الله
انا النهارده كنت فى قسم مصر الجديدة علشان اسال عن التحريات الخاصة بالنيابة العامة مفيش غير 6 ملفات فقط وصلوا القسم والى عايز يعرف ملفه فين ممكن يروح يسال فى قطاع التفتيش بالماظة؟؟؟؟؟
القطاع التفتيش ده ياجماعة هو الى بتروحله كل الملفات محافظة القاهرة وبيبدا التوزيع على الاقسام حسب عناوين المرشحين؟
ياريت ياجماعة تدعولى علشان انا مخنوق اوى علشان سقط فى الدبلومة القانون الخاص؟
وكمان موضوع التحريات ده قلقنى اوى؟
ادعولى بالله عليكم ربنا يكرمنى وينزلى تحريات النيابة العامة ويكرمنى بالتعيين فيها

مبروك يا محمود بيه التحريات عقبال التعين ان شاء الله وعقبال باقى المنتدى ان شاء الله

أخــى العزيز /أحمد بدر ، اولاً شكــراً على معلوماتك ثانيا اقول لك (( لا تحــزن )) ــ فلا تعتقد ان نهايه العالم فى عدم التوفيق فى هذه المرحله الدراسيه ، (قُلْ لَنْ يُصِيبَنَا إِلاَّ مَا كَتَبَ اللهُ لَنَا هُوَ مَوْلاَنَا وَعَلَى اللهِ فَلْيَتَوَكَّل المُؤْمِنُونَ) وإن شاء الله ما زال الامل موجود خصوصاً ان هناك فرصه اخرى فى اكتوبر ، فهذا نصيبك ، وهذا قدرك ، وربنا هيكرمك وتنجح فيها إن شاء الله ، وكذلك إن شاء الله تنزلك تحريات ثم تتعين وهذا كله بأمر الله ، واهم شئ قرب من ربنا وادعى له ، وخلى علاقتك به قويه ، فإذا كان الله معك فمن عليك ؟! ، خصوصاإ اننا داخلين على ايام مفترجه ، ايام نفحات (( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ )) ــــ واقول لك ت لاتحزن ، فإ ذا كان الامس قد ضاع فبين يديك اليم ،،، وإذا كان اليوم سوف يجمع اوراقه ويرحل ، فلديك الغد ،،، لا تحزن على الامس فهو لن يعود ،، ولا تأسف على اليوم فهو راحل ،، واحلم بشمس مضيئه فى غد جميل _____ والسلام عليكم ورحمه الله وبركاته
ــلهزيمة تبدا دائما من الداخل فاذا ما شعر الانسان من داخله
بها يسيطر عليه هذا الشعور وينهزم ــ

يا جماعة حد يطمنى حد اتصل به التفتيش القضائى وقالة فى مقابلة معاك يوم كذا

أ / محمد أشرف
بعد أذن حضرتك هو سيادتك لم تعلم بنزول تحريات النيابة العامة إلا من خلال الأتصال من قبل مكتب النائب العام وكذلك مكتب التفتيش القضائى أم تم أخبار سيادتك من جهات التحرى المعتادة أمن الدولة والأمن العام

ام اعلم بنزول التحريات للعامة الا من الاتصالين ومش عارف هذا معناة نزول التحريات ام لا ولو نزول تحريات لماذا لم يتصل بيا القسم وامن الدولة كما حدث فى الادارية

أ / محمد أشرف
معنى أنه تم الأتصال بك أى أرسلوا ملفك للتحرى عنك وهذا فى حد ذاته خير .
ومدام أسماء المشتبه فيهم أخطأت فى كتابة أسمائهم بحسن نية فلاداعى للقلق ويمكن ده دليل عشان تعرف أن التحريات مستمرة بالنسبة للنيابة العامة .
وربنا يوفقك أن شاء الله يوم الأثنين وتطمن وتطمنا معاك .

اخى الحبيب : رامى كمال

انا جامعه بنى سوبف , محافظه المنيا
وقد تم ارسال التحريات لعدد كبير لأبناء المحافظه , وهم ايضا من نفس جامعتى بنى سويف
بالفعل عدد كبير قد يتجاوز 80 ملف على 3 مراحل ....
وفى مديريه ألامن يقولون لى انه سوف يتم استقبال ملفات اخرى ... وأنا بدأت اقلق وخاصه من هذا العدد الكبير .... هل من الممكن ان تكون انتهت التحريات لهذه المحافظه بسبب هذا العدد ؟؟؟

وقد سألت فى المديريه كذا مره ... (هل الملفات بتنزل عشوائيا ) قالو لى اه
وبتنزل( حسب البيانات ) ومره تانى (قالى بتنزل لأستكمال البيانات )
انا بصراحه مش فاهم الجمله دى

.......................

انا عايز استفسر حيث ان زوج بنت عمى صدر ضدة حكم بالحبس فى قضية نفقة ومازال الان فى مرحلة استئناف الحكم ولم يفصل فية بعد وهم الان اصبحوا مطلقين وقد حصلت على صورة من وثيقة الطلاق فهل ممكن تقديمها اثناء التحريات الجنائية حتى يتم استبعاد التحرى عنة لانه اصبح خارج العائلة على الرغم من انة مقيد بالملف على انهم متزوجين فى حين كتابة الملف فى وقتها فهل وثيقة الطلاق قد تفيدنى فى استبعادة من التحرى الجنائى وهل مثل هذا الحكم بالحبس الغير نهائى فى قضية النفقة قد يشكل خطورة لى - اما الاستفسار الثانى فهو عن انى قد قمت بمقابلة امن الدولة عند نزول تحرياتها لى وهذا منذ اكثر من ثلاتة اسابيع ومن حينها لم يتم نزول تحريات الامن العام لى فاخشى ان يكون التحرى قد تم بدون علمى ام ان هذا التاخير طبيعى بين فترة تحرى امن الدولة وفترة تحرى الامن العام-ارجو التوضيح

يا جماعة انا بطمنكم انا رحت دار القضاء النهاردة و لسة راجع من التفتيش القضائى وهذا هو الى حصل بالضبط (انا والدى قالى روح انهاردة اسألهم اجيب اى مستندات معايا بكرة للمقابلة ولا لا فذهبت الى دار القضاء الدور الثانى التفتيش القضائى وسألت الساعى قولتلو انا فى واحد كلمن امبارح وقالى انتا عندك مقابلة يوم الاثنين الساعة 10 اى غدا وكنت عايز اعرف اجيب اى مستندات معايا بكرة ولا اية فقالى انزل اسأل فى البدروم فى غرفة التعينات نزلت اسأل فى غرفة التعينات اتصلو بواحد اسمو استاذ احمد عباس وسألوا انتوا كالمتوا حد امبارح فردت عليا وقالتلى اطلع فوق فى دور التفتيش و اسأل على استاذ احمد عباس وطلعت وسألت علية وطلع فى غرفة الكمبيوتر وكانت ثانى غرفة على اليمين فى ممر التفتيش القضائى دخلتلو قلتلو الى حصل قالى لحظه واحدة وطلع الملف بتاعى وكان معاة ملف اخر هما الأتنين محطوطين فى ورقة و مكتوب عليها استيفا وعند فتح الورقة وجد فوق الملفين ورقة من شكلها تدل انها جواب مكتوب بالكمبيوتر وبص فى الورق ده ثم فتح الملف بتاعى وقالى احنا عيزين اسماء الفردين دول بالكامل وطلعوا نفس الأسمين التى كنت اعطيطهم الشخص الذى كان اتصل بيا من اسبوع وقالى انا من مكتب النائب العام وعايز اسماء الشخصين دول فقول للاستاذ احمد عباس دة فى حد اتصل بيا وقالى احنا عايزين اسماء الناس دول قالى معلش احنا عايزينهم تانى فقولتلو اجيبهم معايا بكرة فى المقابلة قالى لو تعرف تجبهم دلوقتى وتوفر عليك المشوار بكرة هتهم فخرجت كن الغرفة واتصلت بوالدى وقولتلو اليحصل قالى قولوا هجبهم بكرة عشان اجى معاك واتكلم معاه وعند عودتى له مرة ثانية (وجته قاعد على الكمبيوتر ومعاةتليفون على موبايله فحاولت اقراء ايه مكتوب على الورقة الى كانت فوق الملفين فقرات بادج مصلحة الامن العام تحتها قسم الحاسب الألى وكان الكلام دة على اليمين ثم فى نصف السطر (ايماء الى علم سيادتكم بخصوص التحرى عن 878 مرشح لشغل وظيفة معاون نيابة )
1-بخصوص التحرى عن المرشح محمد اشرف محمد كمال تعزر الكشف عن ثم تم ذكر الفردين المراد استكمال بيناتهم
2 - كان هناك اسم اخ
ولاكن انا متاكد ان فى ملفات اخرى للأستيفا لان كانت هذه الورقة عليها تاريخ 13-6-2010
وكانت هناك حوالى ثلاث اوراق اخرى كل ورقة على مجموعة ملفات وكل ورقة فيها حولى من5ال6 اسماء وكان عليهم تواريخ اخرى
ولاكن كول ورقة والله والله واقسم بالله كان مكتوب فى العنوان بتاعها(ايماء الى علم سيادتكم بخصوص التحرى عن 878 مرشح لشغل وظيفة معاون نيابة ) و للأسف هذا كل ما توصلت اليه لان الراجل خد باله وقالى اتفضل استريح ومقدرتش اشوف اى اسماء ولم اتمكن من حتى قراءه الورقة التى كان اسمى فيها

يعنى يا / محمد أشرف
كده نقدر نطمن أن ممكن الواحد عدم نزول تحريات مره أخرى وأستيفاء التحريات من النيابة الإدارية ، كما تم معك .
ومن الممكن أيضاً اللى عايز يعرف أذا كان نزله تحريات أم لا يذهب إلى ذلك الأستاذ(أحمد عباس)
بالتوفيق أن شاء الله يا أ / محمد أشرف وبأذن الله نبارك لسيادتك على التعيين .

أحمد حسن كتب:

يعنى يا / محمد أشرف
كده نقدر نطمن أن ممكن الواحد عدم نزول تحريات مره أخرى وأستيفاء التحريات من النيابة الإدارية ، كما تم معك .
ومن الممكن أيضاً اللى عايز يعرف أذا كان نزله تحريات أم لا يذهب إلى ذلك الأستاذ(أحمد عباس)
بالتوفيق أن شاء الله يا أ / محمد أشرف وبأذن الله نبارك لسيادتك على التعيين .

يا باشا مش هايؤلك حاجة لانوا لما شافنى بابوص على الورقة قلبها وقالى اتفضل استريح على الكرسى

المدير العام كتب:

don_mano الى الاخ

الموقف ده عادة بيحصل لمابيكون فيه اما اغفال بيانات عن هذا الشخص
واما ان يكون هناك تشابه او قضايا على هذا الشخص
وهذا الاجراء معهود فى النيابة العاممة فقط فى حالة ما اذا كان المرشح ضمن الحاصلين على درجة عالية فى اللجنة السياعية

بعد ازن حضرتك يعني ايه (فى حالة ما اذا كان المرشح ضمن الحاصلين على درجة عالية فى اللجنة السياعية)ممكن حضرتك توضح الجمله دي