النيابة العامة دفعة 2009

محمد المراغى كتب:: بس يا استاذ الثعلب العربى واحد كان مقدم فى شرطة وكان لايعلم بتحرياته اصلا فما بالك بتحريات النيابة العامة اللى هى احسن من الشرطة بميه مرة ولابد ان تتم فى سريه تامة اصل الواحد لما بيعرف بنزول التحريات اكيد بيصلح من سلوكه اذا كان عايشها بمزاجة طبعا فهما بيبقوا عايزين يعرفوا الواحد على طبيعته وبيروح فين وبيصاحب مين اصل كرسي النيابة ده مش سهل الوصول اليه بالساهل كده
وشكرا على المناقشة يا استاذ الثعلب العربى وياريت تقولى انت منين او جامعة ايه وتبع مديرية ايه وسلامى للجميع

والله كلامك صح بس فى الواقع مش بيحصل . يعنى هل يعقل انك فى نظر الظابط تكون افضل لو مقضيها بنات او سجائر او ما شابة افضل من الصلاة. تصدق بالله انا الراجل العقيد بتاع امن الدولة سالنى وقالى بتصلى لية ومستغرب من انى بصلى مع انة كان مسلم ومفروض ينكسف على دمة .و تحريات القسم هنا سالوا على اسم الجامع الى بصلى فية الجمعة وخرجت مرة من الجامع لقتهم قاعدين على الهوا ساعة الصلاة. اما مسالة الطبيعة وكدا فميفرقش معاهم كل الكلام دا , الى يفرق انك تكون من وسط اجتماعى كويس و ميسور الحال والبيت عندك مؤهلات عليا.فلوس ابوك بقى جات من حلال ولا من حرام دا مش يفرق عندهم , فسبها لله الصح شىء والواقع شىء اخر و فى الاخر ملكش غير ربنا تدعيلة وقول يارب اصلح حال الكون .
انا الى متشكر يا اخى على الحوار ومستمتع بية جدا مع حضرتك .
انا جامعة المنصورة , ولكن من محافظة كفر الشيخ واتبع مديرية امن كفر الشيخ.

مانا برضو نفس السؤال ده اتسال لى بس قالى بينى وبينك كده انت بتحب مين من الشيوخ وبتصلى الصلوات كلها فى الجامع ولا فى البيت وكلام من هذا القبيل بس برضو هناك تحريات سرية يا استاذى

اخى محمد المراغى كلامى منطقى
ولكن ليس واقعى ( لأن الكل بيعلم بنزول التحريات له وقد تكون هناك مقابلات وغيره , وياتى امين الشرطه للمنزل وياخذ صوره من الوثيقه الى غير ذلك

مفيش حد نزلتله تحريات لاول مرة ولم يعلم بها ودى معلومة اكيدة مليون فى المائى
الا اذا كان والده رتبة فى الداحلية فقط لانهم بيهملوا جمايل لبعض فيخلصوا لبعض التحريات دون ازهاج
اما الباقى فبيعلم بنزول التحريات
وده ملخص القول
والله تعالى اعلى واعلم

يارب اكرمنا بنزول التحريات والتعيين ان كان هذا فية خيرنا ورضاك ........... يارب

يارب اكرمني واكرم كل الاخوه بنزول التحريات والتعيين اللهم امين

الحمد لله رب العالمين
اللهم لك الحمد كما ينبغى لجلال وجهك وعظيم سلطانك
اللهم بلغنى ليلة القدر وافتح ابواب السما لدعواتنا
اللهم اكرمنى انا وزملائى لما فيه الخير والصلاح
اللــــــهم امـــــــين

اعتقد ان التكاتف فى هذا المنتدى شىء جميل جدا

وبناء على ذلك ارجو من الاخوة جميعا الدعاء بان يكرمنا ربنا جميعا ويوفقنا الى ما يحب ويرضى .

ولعلها تكون ساعة استجابة للدعاء فى هذا الشهر الكريم

(يارب اكرمنا جميعا بنزول التحريات والتعيين ووفقنا الى ما تحبة وترضاة ........امين يارب العالمين )

يارب اكرمني واكرم كل الاخوه بنزول التحريات والتعيين اللهم امين

يا جماعه انا ما نزليش تحريات نيابه عامه وخلاص اقتنعت ان الموضوع انتهى بالنسبه للنيابه العامه
فبلاش احلم بحاجه مش هتحصل وكمان مش بفكر اسأل فى مكتب الامن لان لو نزلت تحريات كانوا اكيد هيتصلوا
خلينا نفكر فى حاجه تانيه بلاش نتعب نفسنا وياريت محدش يزعل منى لان دى الحقيقه
وكل سنه وحضراتكم طيبين

يا استاذ احمد سليم قول يارب ولا تيأس لعل الله يعوضك عن ذلك خير وبعدين لسه التحريات ما خلصتش وانا سمعت ان التحريات بتفضل لحد شهر اكتوبر
وسلامى الى الجميع والاستاذ رامى اللى مش باين لعل المانع خيرا

يا محمد بيه المراغى
طبعآ كلنا بنقول يارب عشان ملناش غيره وانا ما كتبتش كلامى عشان حد يزعل او اخلى حد ييأس انما هوه مجرد احساس وقولت تشاركونى فيه بالرفض او بالقبول
وربنا يكرمنا جميعآ ويوفقنا فى حياتنا وكل سنه وحضرتك طيب

يا جماعة انا سمعت من منتدى اخر انه مش اي حد بينزله امن قومي حتى لو نزلتله تحريات المباحث، هل دي معلومه صحو اكيده و لا فيها غلط؟ ارجو الرد ، انت فين يا استاذ رامي ؟؟؟؟؟؟؟؟؟

الى moo
لا الاكيد ان اى حد يبنزله تحريات نيابه عامه بينزله تحريات امن قومى مفيش كلام

احمد سليم كتب:: الى moo
لا الاكيد ان اى حد يبنزله تحريات نيابه عامه بينزله تحريات امن قومى مفيش كلام

متشكر يا احمد بيه ربنا يطمنك و يكرمنا جميعا

[
[/quote]
متشكر يا احمد بيه ربنا يطمنك و يكرمنا جميعا[/quote]
لا شكر على واجب يا جميل.....بالتوفيق دايمآ

اولا انا ببلغ سلامى لجميع اعضاء المنتدى المحترمين وثانيا انا مستغرب لغياب الاستاذ رامى لكل هذة الفترة وعايز اعرف اذا كانت التحريات انتهت ولا لسه يا جماعة علشان الواحد احتار بجد واحد يقول لسه لغايت اكتوبر وواحد يقول انتهت فياريت لو احد يعرف معلومة اكيد 100% يبلغنا بيها يا جماعة

رامى بيه
كل سنه و حضرتك طيب
هل من الممكن نزول اسماء لبعض التقدمين فى القسم و تاخر اسماء اخرى؟
و لحد امتى بالضبط اللى منزلوش تحريات يفقد الامل؟
ولو حد فى الداخليه قال ان اسم حد موجود والتحريات سليمه وانتهت امتى تكون فى القسم مع العلم ان الكلام ده اول شهر 8 ولم تاتى التحريات القسم حتى الان ولو يتم الاتصال بى؟
و شكرا جزيلا

ياجماعة انا عايز استفسر عن وضع معين حصلى لانى فى تحريات المباحث طلع فية قضية اعتداء بالضرب لاثنين من ولاد عمى عام 2005 ولكنها اتحفظت نتيجة التصالح وزوج بنت خالى كان علية قضية غش تجارى مع اخرين عام 1996 ولكنها انتهت بالحكم بالبراءة لة فعايز اسال هل مثل هذة الاتهامات مؤثرة بالنسبة لى رغم انها اتحفظت بالتصالح واخرى انتهت بحكم البراءة ولم يصدر اى حكم بالادانة فى ايا منها وهل اذا كانت لاتؤثر هل بيتم كتابت هذة الاتهامات لمجرد انها اتهامات حتى وان انتهت بالبراءة او التصالح فى التقرير النهائى الذى يرسل الى مجلس القضاء-ارجو اجابة ناتجة عن تاكد وليس مجرد ابداء الراى وكل عام وانت بخير

moo كتب:: يا جماعة انا سمعت من منتدى اخر انه مش اي حد بينزله امن قومي حتى لو نزلتله تحريات المباحث، هل دي معلومه صحو اكيده و لا فيها غلط؟ ارجو الرد ، انت فين يا استاذ رامي ؟؟؟؟؟؟؟؟؟

تقريبا الامن القومى لازم ينزل للجميع ولكن ان كان فى اهلك ذو الرتب الكبيرة فى الداخلية فمن الممكن ان يتم عملة جمايل ومينزلش.
انا نزلى تحريات عامة وحتى الان لم ينزل لى امن قومى .

محمد المراغى كتب:: اولا انا ببلغ سلامى لجميع اعضاء المنتدى المحترمين وثانيا انا مستغرب لغياب الاستاذ رامى لكل هذة الفترة وعايز اعرف اذا كانت التحريات انتهت ولا لسه يا جماعة علشان الواحد احتار بجد واحد يقول لسه لغايت اكتوبر وواحد يقول انتهت فياريت لو احد يعرف معلومة اكيد 100% يبلغنا بيها يا جماعة

اخونا رامى عندة مشكلة فى الأنترنت وكلها يومين ويرجع تانى .
لسة فى امل والتحريات بتنزل حتى الان فلا تقلق وخلى املك فى ربنا كبير , ولا تنسى اننا فى شهر رمضان و العمل فية دائما تكاسل فلا تقلق .

abo gouda كتب:: رامى بيه
كل سنه و حضرتك طيب
هل من الممكن نزول اسماء لبعض التقدمين فى القسم و تاخر اسماء اخرى؟
و لحد امتى بالضبط اللى منزلوش تحريات يفقد الامل؟
ولو حد فى الداخليه قال ان اسم حد موجود والتحريات سليمه وانتهت امتى تكون فى القسم مع العلم ان الكلام ده اول شهر 8 ولم تاتى التحريات القسم حتى الان ولو يتم الاتصال بى؟
و شكرا جزيلا

الى اعرفة يا اخى ان : يجوز ان يتم تأخير بعض الاسماء فى القسم وهذا حدث فى مركزى .
لغاية شهر 10 اما ان كان والدك ظابط شرطة فممكن ينزلك ومحدش يتصل بيك وتفاجاة بالطبى.
تحريتا القسم على مهلها اوووووووى و الاجراءات تمشى ببطىء جدا ومتنساش اننا فى رمضان والعمل بيكون هادى جدا .

ahmed_abdoo كتب:: ياجماعة انا عايز استفسر عن وضع معين حصلى لانى فى تحريات المباحث طلع فية قضية اعتداء بالضرب لاثنين من ولاد عمى عام 2005 ولكنها اتحفظت نتيجة التصالح وزوج بنت خالى كان علية قضية غش تجارى مع اخرين عام 1996 ولكنها انتهت بالحكم بالبراءة لة فعايز اسال هل مثل هذة الاتهامات مؤثرة بالنسبة لى رغم انها اتحفظت بالتصالح واخرى انتهت بحكم البراءة ولم يصدر اى حكم بالادانة فى ايا منها وهل اذا كانت لاتؤثر هل بيتم كتابت هذة الاتهامات لمجرد انها اتهامات حتى وان انتهت بالبراءة او التصالح فى التقرير النهائى الذى يرسل الى مجلس القضاء-ارجو اجابة ناتجة عن تاكد وليس مجرد ابداء الراى وكل عام وانت بخير

وضعك سليم يا اخى ولا تقلق , القضية الاولى تم التصالح فيها , والثانية برائة واى شخص معرض انة يدخل قضية والحكم بالبرائة يعنى مفيش قضية ولا اى تأثير عليك.

تحريات القسم تذهب الى مديرية الامن الى انت تابع لها وهم يكتوب التقرير النهائى فيك ولا يكتبوا مذل هذة القضايا . اهم شىء تتابع المديرية لان القسم دا ملوش لزمة اصلا

شكرا جزيلا يا استاذ الثعلب العربى

طيب يا جماعة انا عاوز اعرف موضوع التصفية بيبدا امتى بالظبط

واللى احنا ملاحظينه ان الامور فى الدفعة دى ماشية بسرعة

هل ده مؤشر ان النتيجة هتبان بدرى عن كل سنة؟؟؟

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009