مجلس الدولة دفعة 2008و2009

أنا مش فاهم ليه التهريج دا فمجلس الدوله
والله العظيم انا عشان استلم الملف قعدت لغايه الساعه 6 بالليل

الله اعلم بقى فالتسليم هيحصل أيه , بس واضح برضه انه هيبقى تهريج وبهدله, اشمعنى مجلس الدوله

يعنى يوم غبى تانى؟
يا ريت كل واحد راح يقول حصل ايه بالظبط معاه علشان الواحد يعرف اذا كان يطبق لو الموضوع سهل ولا ينام قبل السفر

الناس الراحت وسلمت الملفات هل يمكن اسلم الملف بتاعى وملف زميل لى مجند ولايمكنة الحضور

انا سلمت الملف النهاردة اسوء تنظيم وقاعدنا للساعة 2 ومفيش ترتيب

ماما كتب:: الناس الراحت وسلمت الملفات هل يمكن اسلم الملف بتاعى وملف زميل لى مجند ولايمكنة الحضور

اه ينفع تسلم المف بتاع زميلك المجند بس ما تنساش تجيب جواب موجه من المجلس عشان يرضوا فى الجيش ينزلوه اجازه ساعت المقابلات او حتى يختملك الوصل اللى معاك

حد استلم ايصال تسليم الملف؟؟؟

ايهاب كتب:: يعنى يوم غبى تانى؟
يا ريت كل واحد راح يقول حصل ايه بالظبط معاه علشان الواحد يعرف اذا كان يطبق لو الموضوع سهل ولا ينام قبل السفر

كل اللى اقدر اقولهولك ان الحلم سيـــــــــــــــــــد الاخلاق
انا روحت الساعه 9 وسلمت الملف بس ما اخدتش الوصل الا الساعه 2
يعنى من الاخر مفيش تنظيم خالص زباله ع الاخر والاحسن تعمل حسابك انك ممكن تتأخر هناك يعنى تروح بدرى عشان تسلم ملفك بدرى وتقعد تستنى الفرج
انا مش بعقدك بس ده اللى حصل معايا انهارده
المجلس مووووووووووووووووز ع الاخر

spy كتب:: حد استلم ايصال تسليم الملف؟؟؟

ايوا اخدنا ايصال تسليم الملف انهارده جامعه عين شمس وفى الغالب اللى فوق 70% بيبقى يوم 23 /10 واللى تحت 70% بيبقى يوم 24/10

ياجماعه انصح بالذهاب مبكرا بحيث تكون هناك الساعه 9 بالضبط انا روحت اليوم بالضبط 20دقيقه وكنت مخلص كل حاجه وواخد الوصل . هم بيبدائه باللغه الانجليزيه وبعديها دفعه 2009 عربى وبعديها دفعه 2008 وربنا يوفقا جميعا ان شاء الله

طب هانتاكد امتى ان الامتحان بتعنا يوم 23 ولا 24

spy كتب:: طب هانتاكد امتى ان الامتحان بتعنا يوم 23 ولا 24

مهو بيبقى متحددلك فى الوصل يومك كام بالظبط انا قصدى ان اللى فوق ال70% جامعه عين شمس بيبقى يوم 23 بس انت ما تقلقشى هوه هيديك الوصل وهتلاقى مكتوب فيه الميعاد المحدد بتاعك

prosecutor كتب:: أنا مش فاهم ليه التهريج دا فمجلس الدوله
والله العظيم انا عشان استلم الملف قعدت لغايه الساعه 6 بالليل

الله اعلم بقى فالتسليم هيحصل أيه , بس واضح برضه انه هيبقى تهريج وبهدله, اشمعنى مجلس الدوله

ههههههههههههههه..........انت بتقول فيه ده يوم رخم ومفيش تنظيم وهيصه وممكن تبقى رايح الاخر واسمك يتنده الاول وممكن تبقى رايح بدرى واسمك يتنده متأخر
حاجات ما يعلم بيها الا ربنا...........ربنا معاك

ياجماعة انا جامعة عين شمس
بس حصلى ظرف النهارده ومقدرتش
اروح اسلم الملف ايه الحل ياجماعة

ahmedbadr كتب:: ياجماعة انا جامعة عين شمس
بس حصلى ظرف النهارده ومقدرتش
اروح اسلم الملف ايه الحل ياجماعة

استاذ احمد
اكيد حضرتك تروح تسلم ملفك فى يوم 2/9 اللى هوه يوم التخلفات وربنا يوفقك

هما لية السنة دى حطين جامعة اسكندرية مع يم التخلفات

ماما كتب:: هما لية السنة دى حطين جامعة اسكندرية مع يم التخلفات

حاجه غريبه برده على طول جامعه اسكندريه كانت بتبقى فى الاول بعد عين شمس والقاهره

يا جماعه أنا ميعاد سحب الملف فاتني لظروف عندي
هل من الممكن اني أسحب ملف وخصوصا ان ميعاد تسليم ملف الجامعة بتاعتي يوم 30
أرجو الافاده
وجزاكم الله خيرا

استاذ الفرعون العاشق للاسف طالما فات ميعاد سحب الملف يبقي خلاص انتهي الموضوع يحزني والله اني اقولك كده بس للاسف دي الحقيقه وحاليا هما بيستلمو ملفات الجامعات معلش قدر الله وماشاء فعل

الفرعون_العاشق كتب:: يا جماعه أنا ميعاد سحب الملف فاتني لظروف عندي
هل من الممكن اني أسحب ملف وخصوصا ان ميعاد تسليم ملف الجامعة بتاعتي يوم 30
أرجو الافاده
وجزاكم الله خيرا

للاسف كما قال لك الاستاذ خالد كامل مش هتقدر تسحب ملف لحضرتك عشان هما قفلوا ميعاد السحب وخلاص كده موضوع سحب الملفات انتهى
فحضرتك ماتزعلشى ده قدرك وقدر الله وماشاء فعل فلا تحزن خيرها فى غيرها وربنا يوفقك فى حاجه تانيه ان شاء الله

نرجو من الاخوه الاعضاء اللي سلمو ملفاتهم يوضحو هل اخدو منهم سندات الاملاك وافادات حساب البنك والاراضي زي النيابه كده ولا اكتفو فقط بما هو مطلوب من ورق وان عقود الاملاك وغيره مش مطلوب وشكرا

خالد كامل كتب:: نرجو من الاخوه الاعضاء اللي سلمو ملفاتهم يوضحو هل اخدو منهم سندات الاملاك وافادات حساب البنك والاراضي زي النيابه كده ولا اكتفو فقط بما هو مطلوب من ورق وان عقود الاملاك وغيره مش مطلوب وشكرا

لو قدمتهم مش هيرجعوهملك ولو ما قدمتهمشى مش هيطلبوهم منكم
يعنى من الاخر هما مش مطلوبين ومش هيطلبوهم منك عشان انا قدمتهم مع الملف ومارجعوش ليا وكان معايا صاحبى قدم الملف بس ما قدمهمشى فراح يديخم للموظف قالوا خليهم معاك ملهومشى لزمه

السلام عليكم وكل عام وانتم بخير انا ان شاء الله مسافر يوم 1|9 اسلم ملف مجلس الدوله وملف هيئة قضايا الدوله ممكن حد ينصحنى اسلم اى ملف الاول وكمان اضع مستندات الملكيه فى ملف مجلس الدولة وله لا وكمان للاسف وانا بكتب فى وثيقة مجلس الدوله غلط فبفكر اصور وثيقه فضيه واحتها مكان الوثيقه الباظت وله اعالج المشكله بالكوليكتور وله اعمل اهبالظبط ارجوالافاده من الاخوه الاعضاء وشكرا0

علاء الدين كتب:: السلام عليكم وكل عام وانتم بخير انا ان شاء الله مسافر يوم 1|9 اسلم ملف مجلس الدوله وملف هيئة قضايا الدوله ممكن حد ينصحنى اسلم اى ملف الاول وكمان اضع مستندات الملكيه فى ملف مجلس الدولة وله لا وكمان للاسف وانا بكتب فى وثيقة مجلس الدوله غلط فبفكر اصور وثيقه فضيه واحتها مكان الوثيقه الباظت وله اعالج المشكله بالكوليكتور وله اعمل اهبالظبط ارجوالافاده من الاخوه الاعضاء وشكرا0

وعليكم السلام استاذ علاء............وحضرتك بصجه وسلامه
الاكيد ان حضرتك تسلم ملف الهيئه الاول وبعدين تيجى على المجلس تسلم ملف المجلس عشان تسليم ملف الهيئه مش بياخد وقت فانت تسلمه وتيجى على المجلس تسلم الملف وتستنى لما يتراجع وينادوا على اسمك وتاخد الوصل وترجع بالسلامه ان شاء الله
بالنسبه لمستندات الملكيه ملهاش لزمه بس لو عاوز تحطها براحتك
اما موضوع الوثيقه دى فانت لخبط فى ايه بالظبط مش عارف بس الاكيد انك لازم تحط الوثيقه الاصليه
انما اسلم حل عشان تبقى ضامن كل حاجه ان شاء الله انك تحط الوثيقه اللى حضرتك لخبط فيها وتصور وثيقه تانيه وتملاها وتاخد الاتنين وانت رايح المجلس واشرح للموظف هناك الموقف وهوه اللى هيفيدك اكتر.........وبالتوفيق دايمآ

احمد سليم شكرا ياباشا علي الرد وبالنسبه كده يبقي بلاش كركبه ورق عالفاضي طالما ملوهش لزمه ولو فعلا كانو محتاجينه كانو وضحه كده مبروك ياباشا التسليم والحمد لله انها عدت علي خير وعقبال المقابله والتعيين باذن الله
كنت عايز اسئلك في خانه بتاعت سكن المرشح مشترك ولا لا و عدد افراد الاسره يقصدو بايه كده؟؟ يعني انا ساكن لوحدي ولا ساكن مع اسرتي ولا يقصدو ان في اسره تانيه مقيمه معايا في السكن ؟؟؟؟؟؟؟
لانهم كاتبين عدد افراد اسره الشريك ياريت توضحلي سوء الفهم ده وتقولي انتا كتبت ايه وشكرا

خالد كامل كتب:: احمد سليم شكرا ياباشا علي الرد وبالنسبه كده يبقي بلاش كركبه ورق عالفاضي طالما ملوهش لزمه ولو فعلا كانو محتاجينه كانو وضحه كده مبروك ياباشا التسليم والحمد لله انها عدت علي خير وعقبال المقابله والتعيين باذن الله
كنت عايز اسئلك في خانه بتاعت سكن المرشح مشترك ولا لا و عدد افراد الاسره يقصدو بايه كده؟؟ يعني انا ساكن لوحدي ولا ساكن مع اسرتي ولا يقصدو ان في اسره تانيه مقيمه معايا في السكن ؟؟؟؟؟؟؟
لانهم كاتبين عدد افراد اسره الشريك ياريت توضحلي سوء الفهم ده وتقولي انتا كتبت ايه وشكرا

تسلم يا خالد بيه ربنا يكرمنا جميعآ
بالنسبه للاملاك زى ما انا وضحتلك كده يعنى من الاخر ملوش لازمه عاوز تاخده معاك خده
يقصد بيه هل انت واسرتك عايشين فى السكن لوحدكم ولا معاكم حد تانى شريك عمك مثلآ او اسره تانيه معاكم
انا كتبت ان السكن ليس مشترك............. عشان انا عايش انا واسرتى فقط فى السكن وفى خانه عدد افراد اسره الشريك كتبت لا يوجد بس كده
وبالتوفيق دايمآ يا خالد بيه.......... رحله سعيده للقاهره

» مجلس الدولة دفعة 2009 ( جيد )
» مجلس الدولة دفعة -2008-2009
» اسئلة مجلس الدولة دفعة 2008 و2009
» إعلان مجلس الدولة رقم (1) لسنة 2012 دفعة 2011
» إعلان مجلس الدولة رقم (1) لسنة 2012 دفعة 2011