مجلس الدولة دفعة 2008و2009

أخى الحبيب عاشق الجنه
نرجوا من الساده الاعضاء ان يوضحوا الاصول والصور ف الاوراق بتاعت مجلس الدولة
تفضل مشكوراً أخى الحبيب لا يــأس مع الحــيــاه بتوضيح ذلك ... وعلى كل حال ستعلم بالضبط ما المطلوب من حيث الصور والأصول عند شرائك الملف ....

أخى الحبيب ايهاب
ممكن اعرف اروح مجلس الدوله ازاى
كما أوضح أخى الحبيب المدير العام أن محطة المترو هى محطة الأوبرا ... وكذلك يمكنك نزول محطة الدقى وتتجه نحو مستشفى 6 أكتوبر ....

أخى الحبيب prosecutor
- بيان درجات السنوات الاربع او الخمس فى كليه الشريعه والقانون
هل معنى ذلك ان فكليات الحقوق ليس مطلوب ؟
كلمة (فى كلية الشريعة والقانون) عائدة على كلمة (او الخمس) ... وليست عائده على المطلوب بشكل عام ... فالشهادة مطلوبه من الجميع ....

وأذا كان مطلوب ؟ هل يجوز ان اضع صوره منه ؟ حيث لايوجد مع اصل , وسوف اجد صعوبه فى أستخراجه .....
لابد من أصل ...

وما مدى صحه شهاده السير والسلوك ؟؟
غير مطلوبه ...

1- هل ممكن ان يسلم لى احد الملف ام يجب ان اسلمه بنفسى ؟
لايلزم التواجد الشخصى ...

2- لازم اسلم فى يوم جامعتى ولا أى يوم عادى ؟
فى الجامعة المخصص طبقاً للمواعيد المحدده بالمجلس ...

3- هل بالفعل انه لايجوز ان اضع فى بيان الدرجات (صوره ) بدلا من الاصل ؟
مطلوب أصل وليس صوره ....

أختى ماما
ياريت يا جماعة عنوان المكان الخاص بسحب الملفات بالتفصيل.
كما ذكرت لأخى الحبيب ايهاب أنه عليكى نزول محطة الدقى وتتجهى نحو مستشفى 6 أكتوبر ..

وكمان جدول مواعيد تقديم الملفات للجامعات المختلفة
سيتم معرفة ذلك فى المجلس .....

أخى الحبيب حسام الدين
ممكن جدول مواعيد تسليم الملفات فى المجلس وبالاخص ازهر اسيوط امتى بالظبط ؟؟؟
سيتم معرفة ذلك فى المجلس .....

أخى الحبيب shmys
ياريت يا جماعة حد يأكدلى الكلام ده لو حصل مع حد منكم
كلام صحيح ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

هو انا المفروض هاروح علشان احجز؟؟؟
يعنى مش هستلم الملف علطول زى العامه والاداريه؟؟

كما علمنا من سيادتكم ان نزول التحريات للنيابه العامه تعنى ان نسبه تعيينك 80% ان شاء الله ,
والنيابه الاداريه 30% ان شاء الله , فمن وجهه نظر سيادتك . كم تكون نسبه نجاحى بالتعيين فى مجلس الدوله , اذا تم نزول تحريات لى بأمر الله ؟ وشكرا وبالله التوفيق

ايوة كلامك مظبوط يا ايهاب هتروح تحجز وبعدها بكام يوم هتروح تسحب لية اللع اعلم بس دة اللى حصل

بسم الله والحمدلله رب العالمين

على من يرغب التوجة الى مجلس الدولة

عليك النزول فى محطة مترو الدقى اتجاة الجيزة

وتخرج من باب المترو متوجة الى ش الموسيقار على ـــــــ

وبهذا الشارع تكون مستشفى 6 أكتوبر وفى نهايته

يكون ميدان المساحة بالدقى وعندما تصل الى الميدان

وانت تقف فى نهاية الشارع تدخل فى شارع على زاوية 45

وفى نهاية هذا الشارع ستجد الطريق المتقاطع وتقوم

بالمرور وعندها ستكون امام المبنى الخاص لمجلس الدولة

***

اما عن موضوع الحجز فهو صحيح تحجز وتعرف ميعاد السحب

ورقم المسلسل الخاص بالسحب ومعادك وتذهب مرة اخرى لدفع المبلغ مع استلام الملف

وهذا لاينطبق على اخر يوم بحيث انه سيكون الحجز والسحب

معا فى اخر يوم

مع خالص تحياتى لكم جميعا بالتوفيق

وتحية خاصة عطرة بالمسك والريحان :::::

::: الى ا / رامى بيه كمال

انا عايز حد يفكرني اذا سمحتم بس بميعاد استلام الملفات للي قدم يوم 3

هما شغالين يوم السبت عادى ولا اجازه؟
يعنى اروح اسحب الملف يوم السبت عادى؟؟

السلام عليكم
عندي استفسارات هامه يتوقف عليها لتقديم من عدمه
اولا جدول مواعيد التقديم لكل جامعه وخاصه جامعه الاسكندريه ياريت لو حد من الاخوه الاعضاء لو الجدول موجود او عارفه ينزلو هنا في الموضوع
ثانيا انا والدي شغال في الخارج وكنت عايز اعرف شهاده مفردات المرتب دي وبيان الوظيفه شهادتين منفصلتين ولا زي النيابه العامه كده شهاده فيها كل مايتعلق بالوظيفه من حيث نوعها والمرتب الشهري ومكان العمل والي اخره وارجوكم الصيغه بتاعتها لاني معرفش صيغتها ايه ووالدي طالب مني الصيغه ضروري
بالنسبه للموقف من التجنيد بيطلب صوره شهاده التاجيل اللي استلمنها من التجنيد ولا لازم اعمل ورقه(الي من يهمه الامر)
اسف اخيرا الفيش يكتب فيه موجه للتقديمات مجلس الدوله ولا حاجه تانيه
اسف جدا علي الاطاله لكن الواحد بجد ميعرفش غير الناس الممتازه اللي موجوده هنا وهنا المصدر الوحيد لاستفساراتي وشكرا وجزاكم الله كل خير

ايهاب كتب:: هو انا المفروض هاروح علشان احجز؟؟؟
يعنى مش هستلم الملف علطول زى العامه والاداريه؟؟

اة لازم
بس انا اديت صورت بطاقتى لواحد صحبى وكتبتلة البيانات فيها وهو قدم عادى و الراجل قالة لو انا مجتش انت هتدفع فلوس الملف هههههههه

محمود عبده كتب:: انا عايز حد يفكرني اذا سمحتم بس بميعاد استلام الملفات للي قدم يوم 3

تقريبا الاحد

عبد الناصر كتب:: كما علمنا من سيادتكم ان نزول التحريات للنيابه العامه تعنى ان نسبه تعيينك 80% ان شاء الله ,
والنيابه الاداريه 30% ان شاء الله , فمن وجهه نظر سيادتك . كم تكون نسبه نجاحى بالتعيين فى مجلس الدوله , اذا تم نزول تحريات لى بأمر الله ؟ وشكرا وبالله التوفيق

تقريبا زى العامة كدا 80%

ايهاب كتب:: هما شغالين يوم السبت عادى ولا اجازه؟
يعنى اروح اسحب الملف يوم السبت عادى؟؟

اة شغالين عادى حتى الراجل ابو بدلة الى واقف قال فى الميك ان الناس الى هتاخد ملفها يوم 6 فى الشهر ييجوا يوم السبت لان الجمعة اجازة طبعا

استاذ خالد كامل
انا لسة مشفتش الملف ويارب حد يكون جابة ويجاوب على اسئلتك بس مسالة الفيش دى انت لازم تكتب مجلس الدولة او تعينات مجلس الدولة لان الفيش بيصدر الى الجة الى انت كاتبها.

هو مكان سحب الملف غير المكان اللى هقدم فيه الملف ولا نفس المكان؟؟
ولو روحا يوم السبت احجز هاستلمه امتى تقريبا

يا جماعه انا عندى الملف من زمان عشان نعرف ناس هناك بصوا هو الملف اربع ملفات تسجيل بيانات وورقه فيها الطلبات وورقه فيها طلب ل الامين العام لمجلس الدوله وورقه لرئيس مباحث امن الدوله

1-طلب تعيين مدموغ باسم السيد النائب رئيس مجلس الدوله والامين العام الة موجود فى الملف
2-شهادة تخرج الؤقته
3-شهادة بتقديرات سنوات الدراسه الاربعه
4-صحيفة الحالة الجنائيه للمتقدم ووالده
5-صوره من شهادة الجيش
6-صوره من بطاقة الرقم القومى للمتقدم ووالده
7-12 صوره حديثه للمتقدم
8-شهادة ميلاد المتقدم
9-كتابة الاربع استمارات الموجوده بالملف بخط واضح
10-يجب على المتقدم ترتيب الاوراق حسب الارقام المبينه بعالية ولا يقبل الملف دون ذلك

بس فى حاجة غريبه فى الملف مفيش اماكن تكتب فيها اولا العام والخالان ولا بناتهم هما مش عايزنهم ولا ايه

ايهاب كتب:: هو مكان سحب الملف غير المكان اللى هقدم فيه الملف ولا نفس المكان؟؟
ولو روحا يوم السبت احجز هاستلمه امتى تقريبا

تقريبا نفس المكان او فى نفس المبنى اكيد .

تقريبا تستلمة بعد 4 ايام من تاريخ حجزك للملف بصورة البطاقة والبيانات

طيب انا لما اوصل الاوبرا اروح فين؟؟
يعنى المسافه قريبه من الاوبرا لمجلس الدوله ولا اخد تاكسى؟؟

أ / رامى
بعد أذن حضرتك فى واحد صاحبى علي زوج خالته قضية رشوة ولما قدم فى الحربية لم يقبل لذلك السبب وبالطبع لم يقدم فى العامة ولا فى الإدارية .
رأى سيادتك يقدم فى المجلس أم لا .
وشكراً .

يا جماعة ممكن ابعت مع حد صورة بطاقتى ويحجز لى الملف وانا اروح استلمة؟

معلش سؤال تانى
لما اوصل مجلس الدوله اروح فين؟؟
على البدروم زى العامه ولا اسال فين؟؟

أ / أحمد ممدوح
ممكن أى حد يروح يحجز الملف بصورة البطاقة بس أكتب عليها البيانات الجامعة والدفعة والتقدير والنسبة وتاريخ الميلاد .
وبالتوفيق أن شاء الله .

أ / إيهاب
لما توصل المجلس تطلع الدور الرابع هتلاقى فيه قاعة المؤتمرات تدخل وتجلس حتى يقوموا بالمناداة على الجامعات لحد ما تسمع جامعتك ودفعة التخرج تقوم وتسلم صورة البطاقة مكتوب عليها البيانات وتعرف الرقم كام اللى هيتكتب على صورة البطاقة .
وبالتوفيق أن شاء الله .

شكوى

يجماعه انا من خلال المنتدى المحترم دا ,,, انا بشتكى مجلس الدوله . والله العظيم حرام اللى حصل فينا دا يوم 5-8

انا دفعه 2009 بنى سويف .. وكان ميعادى يوم 5-8 وشافرت فنفس اليوم ووصلت انا واصحايى الساعه 9 .. تفاجأنا ان ميعاد التسليم الساعه واحده ونص

معلش الصبر
صبرنا .. بدأ التسليم الساعه واحده ونص ؟ الرجل المحترم معرفش مستشار ولا لأ قال هنبدأ بدفعه 2008
قولنا معلش الصبر
خلص 2008 الساعه 3.5
وبدأ فى 2009 قولنا هانت , وم قادرين نمشى لو حد اتندى اسمه ومش موجود كان ضاع عليه , دا نظامهم غريب
خلص جامعه القاهره وعين شمس

وبعد كدا المفاجأه الساعه 4.5 قال باقى الجامعات ييجوا السبت او الحد
ينهاااااااااااااااار ابيض ..... ازاى دا احنا جايين من سبعه الصبح حرااااااااااااااام والله حرااااااااام

الراجل استوعب وضع الناس وقال طيب ( بس اسهروا معانا شويه )
سهرنا

والله العظيم اقسم بالله ( استلمنا الملفات الساعه 7 ونص )
دا مش يبقى حرام
10 ساعاااااااااااااااااااااااااااااات 10 ساعااااااااااااااااااااااااااات مجلس الدوله
والله العظيم كان من اصعب ايام حياتى , اصعب من يوم التجنيد

السؤال اللى بيطرح نفسه ؟ ليه ؟
لماذا؟
ليه النظام الغريب دا فتسليم المفااااااات ؟ ليه الهرجله وعدم المظام دا ؟
لييييه ؟
ليه ميبقاش استلام اللفات كباقى الهيئاااااااااااااااااات ؟

ربنا يسترها على الباقى واللى ميعادهم السبت والحد

وشكراااا

» مجلس الدولة دفعة 2009 ( جيد )
» مجلس الدولة دفعة -2008-2009
» اسئلة مجلس الدولة دفعة 2008 و2009
» إعلان مجلس الدولة رقم (1) لسنة 2012 دفعة 2011
» إعلان مجلس الدولة رقم (1) لسنة 2012 دفعة 2011