النيابة الادارية

ياجماعه مفيش دبلومه اسمها كده فى جامعه القاهرة انا كنت هناك من كام يوم لانى قدمت على دبلومه العلوم الاداريه ومفيش اى حاجه اسمها القضاء التأديبى ياريت بالله عليكم تتأكدوا من الموضوع ده لانه تعبنى بجد وكمان انا عملت كارنيه العلوم الاداريه واشتريت كتبها ومش مستعد انى ارجع واغير الدبلومه ده لو موجوده اصلا وانا متاكد جدا من الكلام اللى بقوله انه لحد دلوقتى مفيش حاجه اسمها دبلومه القضاء التأديبى فى جامعة القاهرة
وبعدين استاذ محمود ليا سؤال هو حضرتك كان كام تقديرك بالظبط لانى انا تقديرى والحمد لله 67.5% وان شاء الله مجلس الدوله هيفتح يوم 18_12 ف مش عارف سمعت كلام كتير انه النسبه بتفرق جدا فى مجلس الدوله وانهم بياخدوا اوائل الدفعات واللى نسيبتهم عاليه طبعا انا عارف انه كله بيد الله سبحانه وتعالى وانا مقتنع بده جدا والله ومؤمن بيه من زماااااااااان كمان بس انا بتكلم على الاخذ بالاسباب وانا الحمد لله بذاكر فى مواد دبلومتى بالاضافه الى انى بذاكر اسئلة مجلس الدوله وبسعى يعنى عموما وكمان الراجل اللى هو ان شاء الله هيساعدنى فى موضوعى بعد ربنا سبحانه وتعالى كلمته وهو معارضتش انى اقدم فى مجلس الدولة وهو راجل فى النيابه وكده وطبعا هو مجرد سبب مش اكتر لو ليا نصيب فيها طبعا لكن الامر كله بيد الله سبحانه وتعالى ف انا بصراحة كلام الناس ده خلانى اشد حيلى اكتر وخدته ك دافع انى ان شاء الله اذاكر اكتر واشد حيلى وبصراحه انا حابب مجلس الدوله جدا يمكن اكتر من العامة خصوصا لما سمعت انه الوسايط فيه اقل من العامه وانهم عايزين واحد فاهم فعلا مش ناس بتدخل وخلاص وانا بطبعى بحب كده بحب اتعب واسعى علشان احس انى استاهل المركز ده
وانا بحاول بكذا طريقه انى اوسع معلوماتى فى القانون خصوصا فى مجال القانون الادارى
فهمنى يا استاذ محمود
ياريت تقولى رأيك ايه بالظبط
وبعدين سؤال هو حضرتك وكيل نيابه عامه ولا ادارية
وسؤال تانى هو ممكن يكون رئيس نيابه عامة ليه معرفه بحد فى مجلس الدوله ولالا
وفى النهاية كل حاجة نصيب
لو ليا نصيب فيها هاخدها غصب عن اى حد لان ملك الملوك سبحانه وتعالى اراد ذلك
ولو مش مكتوبالى لو عملت ايه مش هاخدها
معلش طولت عليك بس انا حبيت افضفض شوية عن اللى جوايا واوصلك شعورى وتفكيرى صح
بارك الله فيكم جميعا
شكررررررررررررررا

وبالمناسبه يا محمود بك انا اسمى محمود برضه وفرق بين وبين حضرتك فى تاريخ الميلاد 3 ايام فقط لانى مواليد 23_7_86 يعنى ان شاء الله فأل كويس
وانا ضفت حضرتك على الايميل على الياهو لو مفيش مانع لانى عايز اتكلم مع حضرتك اكتر
شكرررررررررررررررا

السلام عليكم ورحمة الله وبركاته
اللهم اكرمك بالتعيين ان شاء الله
ثانيا انا كان نسبتى بالتحديد 78 % والنسبة دى فى دفعتى كانت مخليانى التاسع على الكلية .
والحمد لله بردوا كنت حاصل على الماجستير فى العوم الجنائية والقانون العام
ثالثا فعلا يا باشا كل حاجة بالاسباب واتكل على الله وقدم فى مجلس الدولة وان شاء الله يجيلك
رابعا فى مجلس الدولة انات عارف واحد كانت نسبته 73 ووالده يعمل سائق تاكسى وربنا كرمه بالتعيين وطبعا من غير واسطة لمجرد انه كان معاه الماجستير واجاب اجابة نموزجية فى اللجنة السباعية فى مجلس الدولة .
خامسا انا نيابة ادارية
سادسا بالطبع رئيس نيابة عامة او حتى ادارية يكطون وثق الصلة ببهص السادة بمجلس الدولة سواء اكانوا اصدقاء دفعة او معارف شخصية او قرابة عائلية

السلام عليكم انا كان ليا استفسار انا حصلت على دبلوم القانون الخاص كنت عاوزة اعرف اقدم الشهاده ازاى فى النيابة الادارية انا دفعه 2008

ياجماعة انا سالت فى جامعه القاهرة وقالولى ان الدبلومة دى بتاعت القضاء التاديبى هتكون من سنة 2011 وانا بقى مش عارفه استنى لحد 2011 واخدها ولا دلوقتى اقدم علوم اداريه لانى بصراحة مش هقدر اذاكر 2 دبلومة فبعد اذنك يااستاذ محمود تفيدنى بالاجابة وشكرا على مجهودك معانا

smsmaya كتب:

ياجماعة انا سالت فى جامعه القاهرة وقالولى ان الدبلومة دى بتاعت القضاء التاديبى هتكون من سنة 2011 وانا بقى مش عارفه استنى لحد 2011 واخدها ولا دلوقتى اقدم علوم اداريه لانى بصراحة مش هقدر اذاكر 2 دبلومة فبعد اذنك يااستاذ محمود تفيدنى بالاجابة وشكرا على مجهودك معانا

اسمحيلي ارد عليكي
انا من رأيي انك متضيعيش وقت ابدأي الاول بالعلوم الاداريه وبعد كده ابقى خدي التانيه لما تفتح بأذن الله

سبحان الله كتب:

السلام عليكم انا كان ليا استفسار انا حصلت على دبلوم القانون الخاص كنت عاوزة اعرف اقدم الشهاده ازاى فى النيابة الادارية انا دفعه 2008

اسمحيلي ارد عليكي لحد لكا استاذ محمود يدخل

روحي المكان اللي امتحنتي فيه مش اللي قدمتي فيه الورق اطلعي مكان الامتتحان الدور السابع وقوليلهم انك عايزه تحطي الشهاده فى ملفك بس كده هتروحي الامانه في نفس الدور هياخد بطاقتك وتدخلي تحطيها بس كده
كله مش هياخد دقيقتين
انا كمان وديت شهادتي الاسبوع اللي فات بس انا 2009

باخد اصل الشهاده ولا صورة؟؟؟؟؟؟

بالنسبة للتقديم ف النيلبة الادارية لدفعة 2010
امتى يكون الحصول على الدبلومة
مع العلم بان اعلانها ف فبراير 2011
ف ازاى هنلحق؟؟؟؟؟؟؟
ارجو الرد...شكرا

الى الاخت سمسماية انصحك تاخدى عام السنة دى لسبب ان شاء الله لو نجحتى فى العام وقدمتى فى قضاء التأديب ونجحتى فيها يبقى انتى كده حصلتى على الماجستير افضل ما تحصلى السنادى على علوم ادارية والسنة الجاية على قضاء التأديب بعد كده تضطرى تاخدى قانون عام علشان يعادل نماجستير
والى الاخت سبحان الله
جوجو قالتلك اللى المفروض تعمليه وانتى بتاخدى معاكى الاصل والصورة هما بيطلعوا على الاصل وبياخدوا صورة منها فقط

جزاك الله خيرااااااااااااا

المدير العام كتب:

الى الاخت سمسماية انصحك تاخدى عام السنة دى لسبب ان شاء الله لو نجحتى فى العام وقدمتى فى قضاء التأديب ونجحتى فيها يبقى انتى كده حصلتى على الماجستير افضل ما تحصلى السنادى على علوم ادارية والسنة الجاية على قضاء التأديب بعد كده تضطرى تاخدى قانون عام علشان يعادل نماجستير
والى الاخت سبحان الله
جوجو قالتلك اللى المفروض تعمليه وانتى بتاخدى معاكى الاصل والصورة هما بيطلعوا على الاصل وبياخدوا صورة منها فقط

فعلا ده الرأي الصائب
وربنا يوفقكم يا رب

انا دلوقتى قدمت فى دبلومه الخاص فى جامعه عين شمس والحمد لله ماشيه كويس فيها فلو بأذن الله خدتها من جامعه عين شمس ..وخدت الدبلومه التانيه من جامعه القاهره اللى هيا بتاعت النيابه الاداريه ... كده يبقى خدت الماجستير والا لاء؟؟؟

طيب يااستاذ محمود ينفع اخد دبلومة العام من جامعه تانيه يعنى طنطا او بنها اصلها فى القاهرة صعبة اوووووى وفيها د رافت فودة صعب بجد ولا شهادة الدبلومة اخسن تكون من جامعة كبيرة زى القاهرة او عين شمس

بالنسبه الى ranaانا سمعت انك بتدخى ماجستير مفيش مشاكل بس بيبقى طالع باسم المجلس الاعلى للجامعات وانتى ممكن تتاكدى احسن من قسم الدراسات العليا فى الكليه

اما smsmaya انا مغرفش هى فى القاهره نظامها ايه بس اللى اعرفه انها فى عين شمس سهله جدا
وانصحك تخديها من جامعات القاهره لانها ليها اسمها عندك اولا عين شمس وبعديها القاهره

RANA كتب:

انا دلوقتى قدمت فى دبلومه الخاص فى جامعه عين شمس والحمد لله ماشيه كويس فيها فلو بأذن الله خدتها من جامعه عين شمس ..وخدت الدبلومه التانيه من جامعه القاهره اللى هيا بتاعت النيابه الاداريه ... كده يبقى خدت الماجستير والا لاء؟؟؟

ايوة يبقى اخدتى الماجستر ويتن لعتنادع نت جانعة القاهرة لانك عتكةنى اهدتى الدبلومة التانيى منها

smsmaya كتب:

طيب يااستاذ محمود ينفع اخد دبلومة العام من جامعه تانيه يعنى طنطا او بنها اصلها فى القاهرة صعبة اوووووى وفيها د رافت فودة صعب بجد ولا شهادة الدبلومة اخسن تكون من جامعة كبيرة زى القاهرة او عين شمس

يتفع تاخدى دبلوم العام من جامعة تانيى عادى جدااااااااااااااا

عندى مشكلة:-
الجامعة هتطلع شهادة تخرجى فى يناير 2011
وانا دفعة 2010
معنى هذا ان انا هكون دفعة2011 ولا يجوز لى التقديم فى النيابة الادارية او هيئة قضايا الدولة؟؟؟؟؟؟؟؟؟

ممكن التوضيح
يعنى حضرتك دور اكتوبر ولا ايه بالظبط

انا جامعة اجنبية معتمدة وخلصت امتحانات فى شهر 8/2010
لاكن الشهادة هتطلع بتاريخ يناير 2011
هل يجوز لى التقديم الان مع دفعة2010؟؟؟؟؟

بسم الله الرحمن الرحيم
اولا انا سعيده جدا بانضمامي لهذا المنتدي وارجو من الله ان يوفقنا جميعا
ولي سؤال وارجو الرد انا دفعة 2010 واعلان النيابة العامة ومجلس الدولة نزلوا والنيابة الادارية لسه مفيش اي اخبار عن نزول الاعلان بتاع النيابة الادارية ؟ واحضر ورقي من دلوقت ولا ايه

خلود عرابي كتب:

بسم الله الرحمن الرحيم
اولا انا سعيده جدا بانضمامي لهذا المنتدي وارجو من الله ان يوفقنا جميعا
ولي سؤال وارجو الرد انا دفعة 2010 واعلان النيابة العامة ومجلس الدولة نزلوا والنيابة الادارية لسه مفيش اي اخبار عن نزول الاعلان بتاع النيابة الادارية ؟ واحضر ورقي من دلوقت ولا ايه

اهلا بيكى يا خلود عرابى معانا فى المنتدى , ربنا يوفقكك ويكرمك بالتعيين بأذن الله. الادارية هتفتح فى الفترة من نهاية شهر يناير وطوال شهر فبراير ومنتصف مارس. فأنتظرى الميعاد فى هذا الوقت .
انصحك انك تبدأى تعملى الورق بتاعك من دلوقتى علشان تمسكى وقتك بدرى وربنا معاكى

انا بشكرك جدا علي الرد عليا والاهتمام بسؤالي وان شاء الله هبدا في تجهيز ورقي من دلوقت وربنا معانا يارب وربنا يجزيكم خير الجزاء