النيابة العامة دفعة 2009

انا ايضا بضم صوتي مع الاخوه الاعضاء وبقول للاسف المنتدي مستواه وادائه بيضعف كل يوم لان مفيش مشرفين او اي حد بينزل اخبار جديده بصراحه من ساعه مااستاذ رامي غاب والوضع ده موجود وانا اعتقد ان هو ترك الاشراف في المنتدي او في مشاكل بينه و بين القائمين علي المنتدي ومحدش عايز يقول كده وده مجرد اعتقاد وامل انه ميكونش صح وشكرا

رجـــــــاء ــــ نريد مزيداً من التفاعل ، فين الاخبار يا سياده الاعضاء ؟؟ أيــن الأستاذ المدير العام ،والاستاذ رامـــــى ؟؟!!!!(( وكأن الموضوع قد إنتهى ، والناس إتعينت ))....
{أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّىَ يُحْيِـي هَـَذِهِ اللّهُ بَعْدَ مَوْتِهَا فَأَمَاتَهُ اللّهُ مِئَةَ عَامٍ ثُمَّ بَعَثَهُ قَالَ كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ قَالَ بَل لَّبِثْتَ مِئَةَ عَامٍ فَانظُرْ إِلَى طَعَامِكَ وَشَرَابِكَ لَمْ يَتَسَنَّهْ وَانظُرْ إِلَى حِمَارِكَ وَلِنَجْعَلَكَ آيَةً لِّلنَّاسِ وَانظُرْ إِلَى العِظَامِ كَيْفَ نُنشِزُهَا ثُمَّ نَكْسُوهَا لَحْمًا فَلَمَّا تَبَيَّنَ لَهُ قَالَ أَعْلَمُ أَنَّ اللّهَ عَلَى كُلِّ شَيْءٍ قَدِيرٌ}

لا يــأس مع الحــيــاه كتب:

هو المنتدى نايــــم كده ليــــــه ؛ ايــــــــــــــــــــه يا جماعه ، هو خلاص ، مفيش اخبار جديده بالنسبه للتحريات ، هل إنتهت ام ما زالت هناك ملفات ستنزل ، وبعدين هو الاستاذ رامى فين من زمــــــــــــــــان ، والاستاذ المدير العام والساده الاعضاء ،،،
لدى سؤال ــــ إذ كانت التحريات قد إنتهت ، هل من الممكن ان تنزل خلال الشهر القادم ؟
ونرجو من الساده المشرفين والمدير العام والاعضــــاء متابعه الاخبار وموافتنا بأخر الاخبـــــــــــار

عمر ما فى منتدى هيقوم بشخص او بشخصين يعنى انا اتمنى ان اى حد عنده معلومة يقولها
وانا عن نفسى طالما مفيش معلومات اكيدة فمش بقول حاجة وطالما مفيش جديد مش هتلاقوا مشاركات
ولا انتم تفضلوا ان اى حد يدخل يقول اشعة ويسبكم محتارين فى مدى صدقها

هذا من جانب
ومن جانب اخر فنظرا لكونى عريس جديد ولسى متزوج بقالى اسبوعين بالاضافة الى الدورة التدريبية التى قررها لنا المستشار تيمور فوزى فليس لدى اى وقت للاسف الشديد للجلوس على النت
وعقبالكم جميعا ان شاء الله فى التعيين

خالد كامل كتب:

انا ايضا بضم صوتي مع الاخوه الاعضاء وبقول للاسف المنتدي مستواه وادائه بيضعف كل يوم لان مفيش مشرفين او اي حد بينزل اخبار جديده بصراحه من ساعه مااستاذ رامي غاب والوضع ده موجود وانا اعتقد ان هو ترك الاشراف في المنتدي او في مشاكل بينه و بين القائمين علي المنتدي ومحدش عايز يقول كده وده مجرد اعتقاد وامل انه ميكونش صح وشكرا

استاذ رامى لم يترك الاشراف فى المنتدى ولا يوجد بيه وبين احد القائمين على المنتدى اى مشاكل نهائيا وهو شخص فاضل نقدره
وسوف اتصل به ان شاء الله تعالى للسؤال عليه وسوف اوفيكم بأى اخبار جديد
وان شاء الله من الان الى بدايات شهر يناير لا يوجد اى اخبار جديدة

لا يــأس مع الحــيــاه كتب:

رجـــــــاء ــــ نريد مزيداً من التفاعل ، فين الاخبار يا سياده الاعضاء ؟؟ أيــن الأستاذ المدير العام ،والاستاذ رامـــــى ؟؟!!!!(( وكأن الموضوع قد إنتهى ، والناس إتعينت ))....
{أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّىَ يُحْيِـي هَـَذِهِ اللّهُ بَعْدَ مَوْتِهَا فَأَمَاتَهُ اللّهُ مِئَةَ عَامٍ ثُمَّ بَعَثَهُ قَالَ كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ قَالَ بَل لَّبِثْتَ مِئَةَ عَامٍ فَانظُرْ إِلَى طَعَامِكَ وَشَرَابِكَ لَمْ يَتَسَنَّهْ وَانظُرْ إِلَى حِمَارِكَ وَلِنَجْعَلَكَ آيَةً لِّلنَّاسِ وَانظُرْ إِلَى العِظَامِ كَيْفَ نُنشِزُهَا ثُمَّ نَكْسُوهَا لَحْمًا فَلَمَّا تَبَيَّنَ لَهُ قَالَ أَعْلَمُ أَنَّ اللّهَ عَلَى كُلِّ شَيْءٍ قَدِيرٌ}

ظروف الزواج والدورة التدريبة المقررة لللمعاونين بالنيابة الادارية اشغلتنى عن التواجد
اعتذر .

ألف مبروك للمدير العام وبالتوفيق أن شاء الله فى الدورة التدريبية .

يا ريت لو أى حد عندة معلومة عن ميعاد أرسل التحريات لدار القضاء أو ميعاد أجتماع التصفية يقول

انا عرفت ان 700 واحد تحرياتهم خلصت وهى فى مكتب الامن دلوقتى

المعلومه دى من مكتب الامن الى فى وزارة العدل

السلام عليكم احب بدايتا ان اوجة الشكر لكافة القائمين على المنتدى وخاصة المدير العام والاستاذ رامى الغائب على المنتدى من فترة طويلة لعل المانع خير ان شاء الله[/u]وسؤالى هو هل التحريات انتهت انتهاء تام اى لايوجد ملفات اخرى سترسل للمديريات المحافظات ام ان هناك ملفات اخرى سترسل واسف على الاطالة

شباب
بالنسبة للأعضاء الى بتسأل عن التحريات
التحريات فى المجمل خلصت خلاص وخلاص مرحلة التصفية قربت جدا.

فى بعض الناس بينزلها تحريات الايام دى او الايام القادمة بس بيكونوا عدد قليل جدا وبيكونوا بشوات اووووووى وعلهيم مشاكل وقضايا ودا حصل فى دفعة 2007 واتعين ناس جايبين 64.5% بسبب القصة دى ولو معاك واسطة جامدة اوى ليها تأثير جامد اكيد تقدر تنزلك تحريات عادى جدا.بس علشان تبقى صادق مع نفسك وتجيب من الاخر كدا لو مفيش حد من اهلك فى القضاء او ليك معارف تقيلة اوى فى السلك القضائى يبقى نسبة نزول تحرياتك تبقى 1 فى المليار.
وبرضوا مش شرط ان كل ولاد المستشارين تنزلهم تحريات لان فى مستشارين عاملين مشاكل كتير ومكروهين فى القضاء (((( فبيتم منع نزول تحريات لابنائهم))).

ويمكن اخى العضو يكون نزلك واتاخدت التحريات من الادرية و انت محستش بالامن القومى علشان انت من الاقاليم او حد من اقاربك باشا تقيل فى الداخلية.

اما بالنسبة للفعالية فى المنتدى قلت لان مفيش اخبار جديدة ولانتهاء التحريات للشريحة الكبرى((( ولكن الواسطة قادرة على كل شيىء))).

وبالنسبة للقواضى او المشاكل فلا يؤثر على المرشح غير القضايا المخلة بالشرف والامانة واحيانا لو معاك واسطة تقدر تظبطت وقشطة.

don_mano كتب:

اقتباس :

اة هيقدم عادى .
بالنسبة للمادة هيكون ليها تاثير قوى فى التصفية .
وهيكون ليها تأثير طفيف فى نزول التحريات فى السباعية اللهم الا كان جايب تقدير جيد محترم يعنى 75 % مثلا .
ولكن فى امور تانية مهمة فى الادارية زى الوسط الاجتماعى و المالى .

اما فى النيابة العامة فالمادة لن تؤثر اطلاقا فى نزول التحريات. ولكن ممكن تؤثر فى التصفية.

الرد دا كان في موضوع النيابة الادارية
يا ترى هل له أيضا تأثير في النيابة العامة
ولو له تأثير ايه شكل التأثير دا يعني بيترتب عليه الاستبعاد ولا لأ؟؟؟

فى العامة لا يؤثر فى نزول التحريات لان السباعية مش بتاخد بالها من اوراقكك كلها الى بياخد بالة هو مستشار التفتيش علشان وبيعمل فيك تقرير بكل نقاط الضعف والقوة فى ملفك بس لا تؤثر فى نزول التحريات لان فى معايير كثيرة للنزول اما فى مرحلة التصفية فكل شىء يوثر ولكن تاثيرات طفيفة ولو معاك واسطة او حد من اقاربك مستشار يبقى الحياة قشطة وعادى.

الف ميروك للمدير العام وبالرفاء والبنين

لو سمحتوا هل التحريات تم الانتهاء من نزولهايعني ما عدش فيه اي دفعات جديدة من التحريات؟؟

spy كتب:

انا عرفت ان 700 واحد تحرياتهم خلصت وهى فى مكتب الامن دلوقتى

انت متاكد يا باشا من الخبرده ولا
هل فى ملفات هتنزل تانى ولا

انا متاكد ان ان فيه 700واحد خلصت تحرياتهم واتبعتت لمكتب الامن لكن معرفش ان فيه نزول تحريات جديده ولا لا

black_cres كتب:

لو سمحتوا هل التحريات تم الانتهاء من نزولهايعني ما عدش فيه اي دفعات جديدة من التحريات؟؟

التحريات خلصت فى المجمل يا اخى وتم الانتهاء منها وارسالها لمكتب الامن.
ولكن حتى اخر يوم قبل الطبى ممكن اسمك ينزل لو معاك واسطة جامدة اوى اوى اوى فهتنزل بالامر ودا بيحصل قليل بس بيحصل خصوصا لولاد البشوات الى عندهم مشاكل

اقتباس :

ودا بيحصل قليل بس بيحصل خصوصا لولاد البشوات الى عندهم مشاكل

ايه المقصود باللي عندهم مشاكل
ماهما لو عندهم مشاكل أمنية يبقى التحريات هتعوق تعيينهم؟؟؟
ولو هتقولي الواسطة الجامدة طيب ما الواسطة دي تخليهم ما ينزلش ليهم تحريات ويتعينوا على طول مادام فيه مشاكل!!!
مش فاهم المقصود بحكاية المشاكل دي؟؟؟؟؟

black_cres كتب:

اقتباس :

ودا بيحصل قليل بس بيحصل خصوصا لولاد البشوات الى عندهم مشاكل

ايه المقصود باللي عندهم مشاكل
ماهما لو عندهم مشاكل أمنية يبقى التحريات هتعوق تعيينهم؟؟؟
ولو هتقولي الواسطة الجامدة طيب ما الواسطة دي تخليهم ما ينزلش ليهم تحريات ويتعينوا على طول مادام فيه مشاكل!!!
مش فاهم المقصود بحكاية المشاكل دي؟؟؟؟؟

يعنى يا اخى اقرأ المقالة دى وانت هتفهم قصدى كويس.


مجلس القضاء يُعيّن ١٧ معاون نيابة رغم استبعادهم بسبب التحريات و٤ حاصلين على «مقبول»
كتب طارق أمين ٢٠/ ١/ ٢٠٠٩
ممدوح مرعى
علمت «المصرى اليوم» أن مجلس القضاء الأعلى وافق على قبول أربعة خريجين جدد فى وظيفة معاون نيابة عامة فى الدفعة الأخيرة «٢٠٠٧»، وهى الدفعة التى صدر قرار جمهورى يوم الخميس الماضى بتعيين ٤٤٠ خريجاً فيها.

وحصلت الجريدة على نسخة من بيانات نتيجة الليسانس لهؤلاء الطلاب، تفيد بحصولهم على تقدير عام «مقبول»، وذلك بالمخالفة لقانون السلطة القضائية وقوانين الهيئات القضائية الأخرى، التى تلزم حصول من يعين فى وظيفة معاون نيابة عامة أو ما يعادلها فى باقى الهيئات القضائية على تقدير تراكمى جيد، وتحتفظ «المصرى اليوم» بالأسماء الكاملة لهؤلاء الطلاب، وتنشر فقط الأحرف الأولى وهى «أ.ف.ع.م، س.ع.أ.ع، م.م.ع.م، م.م.م.ع».

كما أكدت مصادر قضائية مطلعة أنه تم تعيين ١٧ خريجاً آخرين فى وظيفة معاون نيابة بذات الدفعة، كان مجلس القضاء قد استبعدهم من التعيين لوجود مشاكل فى التحريات الأمنية والجنائية الخاصة بهم، ثم وافق على تعيينهم فى الدفعة الأخيرة.

من ناحية أخرى، التقى ٩ مستشارين بمجلس الدولة المستشار نبيل ميرهم، رئيس مجلس الدولة، للاحتجاج على عدم تعيين أبنائهم المتفوقين فى دفعة النيابة العامة. وقالت مصادر قضائية إن المستشارين أبدوا ضيقهم لـ«ميرهم» من «تجاهل» مجلس القضاء تعيين أبنائهم، مؤكدين أن استبعادهم تم دون أسباب موضوعية، رغم حصولهم على تقديرات «جيد» و«جيد جداً»، وبعضهم حاصل على تقديره مع مرتبة الشرف،

بالإضافة إلى استيفائهم جميع الشروط القانونية، سواء التحريات الأمنية والجنائية، أو السمعة الطيبة، أو المستوى الاجتماعى اللائق.وأرجع هؤلاء المستشارون السبب وراء استبعاد أبنائهم إلى «سوء العلاقة» مؤخراً بين مجلس القضاء ومجلس الدولة ـ على حد قولهم ـ نتيجة الأحكام التى أصدرها الأخير، وجاءت على ما يبدو ضد رغبة قيادات مجلس القضاء ومحكمة النقض.

كما أشارت مصادر أخرى إلى أنه تم استبعاد أبناء ثمانية مستشارين من نواب رئيس هيئة النيابة الإدارية ونواب رئيس هيئة قضايا الدولة، دون أسباب واضحة، على الرغم من تظلمهم إلى جميع الجهات المعنية حتى رئيس الجمهورية. وعلق المستشار محمد عيد سالم، الأمين العام لمجلس القضاء، بقوله: «كل واحد عارف عيبه ولماذا لم يقبل ابنه».
والمقال دا منقول من
[ندعوك للتسجيل في المنتدى أو التعريف بنفسك لمعاينة هذا الرابط]

انا سمعت خبر ان كل التحريات خالصت ال 878 وهاتبقى فى مكتب الامن يوم الاربعاء القادم دى معلومه انا متاكد منها وسمعت كمان ان الكشف الطبى هايكون فى اخر شهر 11 ودى معلومه مش متاكد منها اوى

spy كتب:

انا سمعت خبر ان كل التحريات خالصت ال 878 وهاتبقى فى مكتب الامن يوم الاربعاء القادم دى معلومه انا متاكد منها وسمعت كمان ان الكشف الطبى هايكون فى اخر شهر 11 ودى معلومه مش متاكد منها اوى

بالنسبة لمعلومة التحريات فأعتقد انها صحيحة خصوصا اننا بقينا فى شهر 10 خلاص.

اما الطبى فأعتقد اانة هيكون فى 12 زى كل سنة خصوصا ان المجلس الجديد لسة متعين امبارح وهياخدوا فترة على التصفية وكدا.

المجلس القديم الى عملنا معاة السباعية كان

1_المستشار عادل عبد الحميد رئيس محكمة النقض
2_ المستشار سري صيام : نائب اول محكمة النقض
3_ المستشار كمال نافع : نائب ثاني محكمة النقض
4_ المستشار عبد المجيد محمود النائب العام
5_رئيس محكمة استئناف القاهرة( المستشار انتصار نسيم)
6_ رئيس محكمة استئناف الاسكندرية ( المستشار ابو بكر الهلالي.
7_ و رئيس محكمة استئناف طنطا ( المستشار اسماعيل حمدي) ،

اما المجلس الجديد هو

1- المستشار الدكتور سري محمود صيام رئيس محكمة النقض
2- المستشار عبد المجيد محمود عبد المجيد النائب العام
3- المستشار كمال محمد محمد نافع
4-المستشار احمد محمود احمد مكي
5-المستشار السيد عبد العزيز عمر رئيس محمكمة استئناف القاهرة
6-المستشار كمال عبد الباقي الخولي رئيس محكمة استئناف الاسكندرية
7-المستشار جمال الدين المهدي رئيس محكمة استئناف طنطا


يعنى فى 2 فقط من المستشارين الى كانوا معانا فى السباعية فاضلين والباقى خرج من السلطة.

الى كلم ن كان يهمه السؤال على الاستاذ رامى كمال
فلقد اتصلت به الوم ووعدنى بالدخول واعتذر عن عدم الدخول لكثرة مشاغله العملية فقط
ولا يوجد خلافات بينه وبين احد اعضاء المنتدى
جزاكم الله خيرا