النيابة العامة دفعة 2009

ههههههههههههههههههههههههه

انت طلعت زملكاوي يا ثعلب ؟؟؟؟؟؟؟؟؟؟؟؟؟؟

رغم اني ماليش في الكورة علي قد كده بس بجد انا بشجع اي فريق يكون ابوتريكة فيه

ههههههههههههه

المهم دا مش موضوعنا يا باشا

فيه خبر عندي بس انا مش عارف افسره كويس

الخبر هو :

ابن عمتي خريج دفعة 2009 معانا

النهاردة بعد صلاة الجمعة جاله تليفون من امن الدولة و بيقولوله احنا عايزينك تيجي لينا في امن الدولة بكرة الساعة 11 صباحا لأن فيه تحريات نيابة عامة جاتله

خلي بالك من الكلمة دي ( تحريات نيابة عامة )

لقيته بيكلمني و بيقولي

فانا عن نفسي اللي اعرفه ان التحريات بتاعة العامة خلصت من زمان

فممكن علي حسب اعتقادي تكون دي حاجة من اتنين

رقم 1 - دا التحري السريع اللي بينزل للمرشح قبل الطبي بفترة 48 ساعة

أو :

رقم 2 - انه مكانش نزله تحريات نيابة عامة قبل كده و ان فيه حد اتكلمله و بناءا علي الكلام دا نزله التحريات دلوقتي

ياا ريت يا استاذ ثعلب باشا تفيدني برايك و يا ريت اي حد من الاعضاء الكرام يفيدني براية في الكلام دا

أحمد الأنصارى كتب:: الاستاذ الثعلب العربى من فضلك الاهلى هياخد الدورى....رغم ان ده مش موضوعنا ...وان شاء الله ربنا هيكرمنا بالتعيين ....وانت صدمتنى لانك زملكاوى

ربنا يكرمنا جميعا . اما بالنسبة للصدمة فلية بس يا باشا هو حضرتك متعرفش ان النائب العام عبد المجيد محمود زملكاوى اصيل , وان معظم اعضاء المجلس زملكاوية وعلى طول فى نادى الزمالك, وان اعضاء مجلس الدولة معظمهم زملكاوى مثلا المستشار جلال ابراهيم رئيس نادى الزمالك وهو من مستشارى مجلس الدولة.

يا اخى معظم القضاء زملكاوى و لو ليك حد عندة عضوية فى نادى الزمالك اسالة وهيقولك المستشارين هناك كتير جدااااااااااااااااااااااااااااااااااااااااااااااااااااااااااااااااا.

وتحية ليك واتمنى انك بأذن الله تفكر بعد التعيين فى انك تحول زملكاوى.
تحية ليك يا spy وربنا هيكرمك اخر كرم.

خلونا بقى فى موضوعنا علشان منخرجش عن الموضوع بس خدوا بالكم معظم القضاء زملكاوى Very Happy

اة زملكاوى يا منوفى وهفضل زملكاوى وانت هتشجع الزمالك Laughing

بالنسبة لابن عمتك دا معناة

1_ اما مكنش نزلة وجاب واسطة جامدة جامدة جامدة نزلتلة ودا احتمال صعب .
2_ ان فى تحرى سريع حصل علية ووجدوا حاجة لة او لاحد اقاربة فى امن الدولة او تشابه اسماء فكلموة علشان يفهموا منة وحولوا الامر لامن الدولة.

ونفهم من كدا ان لو قريبك طلع تشابه وبرائة يبقى نزلة طبى. ونفهم ان الطبى كدا ممكن يكون بعد 48 او24 ساعة من الان وان بكرة السبت مفيش طبى.

يا منوفى امالنا كلها عليك دلوقتى انك بكرة الساعة 12 كدا تقولنا حصل اية مع ابن عمتك لان على ضوء كلامك هيتحدد حاجات كتير

هههههههههههههههه ....طيب ايه معنى التحريات دى ياخوالنا .....وعلى فكرة المجلس بيروح ويجى غيره...ودلوقتى بس عرفت ليه المجلس كان خنيقة الست سنوات اللى فاتو....عشان الاهلى كان معلم عليهم ......واسف مرة تانية ع الخروج من الموضوع

الثعلب العربى كتب:: اة زملكاوى يا منوفى وهفضل زملكاوى وانت هتشجع الزمالك

بالنسبة لابن عمتك دا معناة

1_ اما مكنش نزلة وجاب واسطة جامدة جامدة جامدة نزلتلة ودا احتمال صعب .
2_ ان فى تحرى سريع حصل علية ووجدوا حاجة لة او لاحد اقاربة فى امن الدولة او تشابه اسماء فكلموة علشان يفهموا منة وحولوا الامر لامن الدولة.

ونفهم من كدا ان لو قريبك طلع تشابه وبرائة يبقى نزلة طبى. ونفهم ان الطبى كدا ممكن يكون بعد 48 او24 ساعة من الان وان بكرة السبت مفيش طبى.

مش موضوعنا الزمالك دلوقتي

خلينا في موضوعنا :

انت بتقول

2_ ان فى تحرى سريع حصل علية ووجدوا حاجة لة او لاحد اقاربة فى امن الدولة او تشابه اسماء فكلموة علشان يفهموا منة وحولوا الامر لامن الدولة.

الاحتمال دا صعب ان يكون هناك تشابه اسماء لانه و ببساطة نفس البيانات اللي عنده مكتوبه عندي اللهم الا بعض البيانات القليلة الغير مشتركة بيننا

و بالنسبة للتحريات الحمد لله تحرياتنا سليمة ولا يوجد علينا غبار في موضوع التحريات

فنيجي للحتمال الاول اللي هو :

1_ اما مكنش نزلة وجاب واسطة جامدة جامدة جامدة نزلتلة ودا احتمال صعب .

انت بتقولي انه احتمال صعب

و لكن هذا هو اقرب احتمال من الممكن ان يكون واقعيا و هو ما اتوقعة بصفة شخصية

عموما بكرة باذن الله هعرف منه ايه اللي هيتم و هبلغكم بيه و باذن الله هيكون خير

بس بنسبة كبيرة مفيش طبي بكرة

الاستاذ احمد المنوفى هو ابن عمتك اساسا منزلتلوش تحريات زمان ...بمعنى ان دى اول مرة يتصلو بيه فى امن الدولة...اصل لو نزلتله تحريات قبل كدة يبقى دا تحرى سريع ولا ايه

استاذ احمد المنوفى انا باسأل حضرتك ....مش بقول ان الكلام دا حصل ...هو انت او ابن عمتك متعرفوش اذا كان نزلتله تحريات قبل كدة ولا لأ.يعنى هل دى اول مرة يتصلو بيه فيها؟

هو كان نزله تحريات نيابة ادارية و بلما تحريات النيابة العامة نزلت محدش كلمنا تاني بس انا عرفت من مصدر تاني ان تحرياتي بتاعة العامة نزلت و اتأكدت انها نزلتلي

انما ابن عمتي فهو نفسه مش عارف اذا كانت تحريات النيابة العامة نزلتله ولا لأ

بس تحريات النيابة الادارية نزلتله و خلصت من زمان

عموما بكرة باذن الله كل شئ هيبان

اإلي الأخ الأنصاري لو سمحت أرجوك دا مش وقت هزار أو لعب بالأعصاب و أحب أبلغ الأعضاء أنه مفيش حاجة أسمها تحريات سريعة أساسا لو و صلت تحريات لاي شخص في الوقت الحالي تبقي التحريات دي تحريات شكاوي مقدمة ضد المرشح و الامن بيتحقق من صحتها

يا جماعة انا عرفت من ابن مستشار مسئول داخل اروقة دار القضاء العالي ان الدفعة هتتأخر لآمتي الله أعلم إلي أول الأسبوع الجاي أو اللي بعده المهم انه من دلوقتي ليوم 10/1 الكل ينتظر في اي وقت لان ميعاد الطبي لازم يكون مفاجئ و غير متوقع و انا اعرف واحد صاحبي عرف ترتيبه في القرار

الاخ mady الكلام اللى انت بتقوله مقبول فى بعضه ........ومرفوض تماما فى بعضه الاخر وكلامك دا ممكن يسببلنا توتر يعنى ايه عرف ترتيبه فى القرار ياريت كل واحد يقول كلام يعقل اويسكت تماما وبلاش استخفاف بعقول الاعضاء

مساء الفل
انا عندي احساس قوي ان شاء الله هيكلمونا في خلال يومين
---------
وبالنسبه لموضوع الزمالك - انا حصلي موقف يوم مقابله التفتيش
يومها المستشار في وسط الكلام لقيته بيقولي انت اهلاوي ولا زملكاوي
قلتله الحمد لله زملكاوي طبعا
قالي انت برنس وانت كبرت في نظري اوي ومش اي حد يبقي زملكاوي
والله العظيم الموقف ده حصل معايا
----------

ويارب اكرمنا كلنا بالطبي والتعيين

انا بقول صعب يا منوفى لان الدفعة انتهت وكدا يبقى جايب واسطة جامدة اوى من فوق زى مثلا مساعد وزير عدل وانت ابن عمته واكيد عارف وسايطة مثلا وكمان خلاص دا الدفعة خلصت يعنى لازم وساطة واسطة تقيلة جدا.

وممكن تشابه فى الاسماء الى مش مشتركة بينكوا.
على العموم بكرة طمنا باذن الله وان شاء الله خير.

الاخ mady يوجد تحرى اسمة التحرى السريع السرى ودا بيكون قبل الطبى ب24 ساعة او 48 ساعة . وان حدث وجود مشاكل على احد المرشحين يتم عمل ملاحظات وتقرير لمجلس السباعية ويمكن التأكد ايضا من الملاحظة عن طريق امن الدولة والامن القومى .

برجاء يا شباب الهدوء فى التعامل لان الاعصاب كلها اكيد وحشة للجميع وياريت نستحمل بعض ونتعامل بهدوء ومتنسوش ان اى حد مننا لو تفوه بكلمة دلوقتى وربنا اكرمة بالتعيين هيندم ويقول لنفسة انا بقيت معاون دلوقتى ومن شهرين كنت بتكلم وحش زى كذا وكذا.
نهدى ونقول يارب ونهدى اعصابنا افضل

bahebahaa كتب:: مساء الفل
انا عندي احساس قوي ان شاء الله هيكلمونا في خلال يومين
---------
وبالنسبه لموضوع الزمالك - انا حصلي موقف يوم مقابله التفتيش
يومها المستشار في وسط الكلام لقيته بيقولي انت اهلاوي ولا زملكاوي
قلتله الحمد لله زملكاوي طبعا
قالي انت برنس وانت كبرت في نظري اوي ومش اي حد يبقي زملكاوي
والله العظيم الموقف ده حصل معايا
----------

ويارب اكرمنا كلنا بالطبي والتعيين

يارب احساسك يطلع فى محلة.
اهو الراجل دا شاهد على صدق كلامى .يا بشوات معظم بشوات مصر ومعظم القضاء اعضاء فى نادى الزمالك اصلا وعلى طول هناك واى حد لع عضوية فى نادى الزمالك روح وشوفهم هناك. Very Happy

انا عندى احساس ان التحريات الى نزالت ل ابن عن الاستاذ المنوفى تحريات مجلس دوله بس الراجل غلط وهو بيبلغه على العموم بكره نعرف المعلومه الاكيده من الاستاذ منوفى وعلى فكره انا عضو فى النادى الزمالك

الاستاذ مادى هو صحبك ده جامعة ايه وتقديره كام وابوه مستشار ولا لا وكان ترتيبه كام لو سماحت

يازملكاويه ويا اهلاويه ختوا ايه من الكوره الا وجع القلب وتضييع الوقت اهم اللى بيلعبوا الكوره شوية سورى فى اللفظ عيال كانوا معظمهم فشله اخرهم دبلومات و بيسببوا فتنه طائفيه بينكم على اشياء لو نظرنا لها بمنظور اوسع نجدها كلها تفاهات

برجاء عدم الخروج عن الموضوع

أخويا لم تنزل له تحريات العامة لأن الواسطة قالت لنا احنا خلصناها من المكتب ::::::: هل الكلام دا ممكن يحصل (((هو نزله تحريات الأدارية)))

الاستاذ mroor.greenحصلت مع واحد صاحبى واتخلصت من المكتب وكان نازله ادارية بس الفرق انه اتبعتله امن قومى وهو دا اللى بيفرق بين الادارية والعامة

الاستاذ احمدالمنوفى .....ايه الاخبار ياباشا ...احنا منتظرين

mady كتب:: يا جماعة انا عرفت من ابن مستشار مسئول داخل اروقة دار القضاء العالي ان الدفعة هتتأخر لآمتي الله أعلم إلي أول الأسبوع الجاي أو اللي بعده المهم انه من دلوقتي ليوم 10/1 الكل ينتظر في اي وقت لان ميعاد الطبي لازم يكون مفاجئ و غير متوقع و انا اعرف واحد صاحبي عرف ترتيبه في القرار

لعلم سيادتك الشخصي
الوقتي مستحيل ان واحد يعرف ان اسمه في القرار مش لأن الموضوع محتاج واسطة أو كدا
لأ
لأن اساسا لحد الوقتي القرار لسة ما اتكتبش عشان يعرف اسمه وترتيبه فيه Razz

و الله يا جماعة تليفونة مغلق شكله كده مخلصي المقابلة

بس هانت كلها حاجة بسيطة باذن الله و هعرف ايه النظام بالظبط و ابلغكم

يا مسهل الحال يا رب

انا لسه مكلم ابن عمتي حالا و قالي التالي

دي تحريات النيابة العامة بدون شك و هيا أول مرة تنزله

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009