النيابة الادارية دفعة 2010

ربنا يكرمك يا استاذ محمد ان شاء الله وتختم الكلية بتقدير جيد جدا زى كل سنة ان شاء الله ربنا معاك ويوفقق

ربنا يكرمك يا محمدالعجمى , وبأذن الله هتجيب امتياز . وتحت امرك دائما واسأل كما تشاء وان شاء الله هتلاقى الاجابة الصحيحة مننا .

تحياتى ليك وربنا يكرمك ويكرم جميع الشباب

سؤال من فضلك:-
لو احنا 2 اخوات هنقدم السنادى ممكن واحدة تأثر علي الثانية فى التعين؟؟ مع العلم ان واحدة جيد و انا جيد جدا
ولا كل واحدة تقدم ف هيئة غير الثانية أفضل ولا عادى مافى قلق؟؟

silent.dodo كتب:: سؤال من فضلك:-
لو احنا 2 اخوات هنقدم السنادى ممكن واحدة تأثر علي الثانية فى التعين؟؟ مع العلم ان واحدة جيد و انا جيد جدا
ولا كل واحدة تقدم ف هيئة غير الثانية أفضل ولا عادى مافى قلق؟؟

مفيش مشكلة قدموا عادى جدا , اعلان نتيجة الجيد جدا بيكون قبل الجيد و كما ان حضرتك المقابلة وطريقة الاجابة و المظهر واللباقة فى الحديث يختلف حتى ولو انتوا توأم

شكراااااا على الرد ربنا يكرمك

لو سمحتوا يا مشرفين علي القسم اعلان دفعة2010 لغاية الان لسه منزلش مفيش حد يعرف اي اخبار عنه وايه اخر اخبار دبلومة القضاء التاديبي وشكرا ليكم جميعا

لقاء كامل مع المستشار تيمور .. والحديث عن دبلومة القضاء التاديبى .. والسياسة القادمة فى الاختيار والتعيين.

[ندعوك للتسجيل في المنتدى أو التعريف بنفسك لمعاينة هذا الرابط]

تحياتى .

لسة الاعلان منزلش يا استاذة خلود واحتمال مينزلش دلوقتى خالص لانى المستشار تيمور صرح وقال ان الهيئة بها اعضاء كتير جدا واحتمال انة ياخد من دفعة 2008 50 معاون نيابة فقط
اما عن دبلومة القضاء التاديبى فلا يوجد اخبار عنها

ممكن كدا اعلان 2010 يتاخر كتيييييير لان كدا فى تخمة فى التعينات فممكن النيابة الادارية تبقى زى الشهر العقارى وزى الجهاز المركزى للمحاسبات وتفتح على فترات متباعدة.

دا اعتقاد وليس معلومة

يعنى ايه زى الشهر العقارى والجهاز المركزى للمحاسبات ويعنى ايه فترات متباعده ...يعنى ممكن الاعلان يتأخر اد ايه

RANA كتب:: يعنى ايه زى الشهر العقارى والجهاز المركزى للمحاسبات ويعنى ايه فترات متباعده ...يعنى ممكن الاعلان يتأخر اد ايه

دى مجرد توقعات فى اعتقادى انا , ولو ان كل شيىء متقع فى عهد المستشار تيمور , بصى على كلام اخونا المدير العام ان محتمل تعيين 50 واحد فقط من دفعة 2008 . وعلى حسب ما سمعت من المستشار تيمور فى التليفزيون ان دبلوم القضاء التاديبى شرط للتعين لدفعة 2009 وما بعدها , وعلى حسب قول معاليه بوجود معيييييييييينين كتيييييييير , اعتقد ان الاعلان ممكن يتأخر وممكن يكون بعد سنة من دلوقتى. و يبقى التعيين فى الادارية زى التعيين فى الشهر العقارى يعنى تستنى سنتين او اكتر علشان تقدم والتعيين بعدها بسنة وكدا ((( دا توقع شخصى)))))

شكرا على الرد وربنا يستر

السلام عليكم ورحمة الله وبركاته لو سمحتوا انا عايزة اعرف هو القيد بيكون باسم الاب و الام ولا الجد لاب و الجدلام

shimaa zaid كتب:: السلام عليكم ورحمة الله وبركاته لو سمحتوا انا عايزة اعرف هو القيد بيكون باسم الاب و الام ولا الجد لاب و الجدلام

مبدئيا نحن لا نجزم ولا متأكدين ان يكون هناك طلب قيد عائلى ولكن نقول انه احتمال فقط.

اما القيد العائلى ان طلب كما طلب فى النيابة العسكرية سيكون قيد عائلى للجدين ودا معناه ان والد حضرتك و الوالدة يعملوا قيد عائلى لاسرة والديهم يعنى من الاخر اقصد جدك من ناحية الاب وجدك من ناحية الام كل واحد لة اسرة فعايزين نعرف هما مين ((( جدك خلف مين غير والدك ))))(((( جدك خلف مين غير والدتك)))))

شكرا على الاهتمام وسرعة الرد بس اناعندى اسئلة كتير بداية انا ولدى معاش قوات مسلحة هل المفروض انى اجيب بيان بالمعاش أوأى ورق من القوات المسلحة ثانيا هوخطيب الاخت يكتب بالملف وكمان عايز اعرف هى الظروف الى بتمر بيها البلد هتاخر اوى من نزول الاعلان

shimaa zaid كتب:: شكرا على الاهتمام وسرعة الرد بس اناعندى اسئلة كتير بداية انا ولدى معاش قوات مسلحة هل المفروض انى اجيب بيان بالمعاش أوأى ورق من القوات المسلحة ثانيا هوخطيب الاخت يكتب بالملف وكمان عايز اعرف هى الظروف الى بتمر بيها البلد هتاخر اوى من نزول الاعلان

لازم تجيبى ورقة بمعاش الوالد لانها هترفق بالدخل للاسرة.
بالنسبة لخطيب الاخت يكتب عادى ومش شرط انه يكتب انا ليا واحد صحبى اختة مخطوبة ومكتبهاش , بس لو وظيفتة حلوة اكتبيه.

الاعلان ممكن ينزل فى اى لحظة , ممكن يتأخر علشان ظروف البلد وعلشان لسة دفعة2008 لم يتم مناقشتها , وممكن ينزل كتهدئة للناس علشان يقدموا فى الوظائف و تتركن المفات على جنب والله اعلم

جزاك الله خيرا

بالنسبة للقيد العلئلى اى هى الاواق المطلوبة فى استخرحه علما يان جدى من الناحيتين متوفيان من فترة بعيدة اوى

shimaa zaid كتب:: بالنسبة للقيد العلئلى اى هى الاواق المطلوبة فى استخرحه علما يان جدى من الناحيتين متوفيان من فترة بعيدة اوى

ننوة من جديد: ان القيد العائلى ما هو الا مجرد تخمين فقط وممكن ان لا يكون شرط من الشروط , نحن نخمن فقط انة ممكن ان يطلب على غرار النيابة العسكرية .

بالنسبة للقيد العائلى عليكى تروحى للسجل المدنى التابع له مركزك والسؤال هناك وهيقولك عايزين صور البطايق او شهادات الميلاد بالنسب لاخوالك خالتك((( جدك ناحية الام))) , اما جدك ناحية الاب فهيطلب منك شهادات ميلاد لاعمامك وعماتك او صور بطايقهم .
لو ايدك ىف السجل المدنى فرطة وتدفعى للموظف امورك هتمشى بسهولة , لو ليكى معرفة بظابط او بمستشار هيخلص القيد العائلى بكل سهولة جدااااااااااا.

ملحوظة: القيد العائلى صالح لمدة ثلاث شهور فقط.
ملحوظة: نخمن فقط انه ممكن ان يطلب ولا احد يقدر على معرفة انة هيطلب ام لا فى الوقت الراهن

جزاك الله خير الجزاء

تهنئة للاخوة الكرام والاخوات بحلول المولد النبوى الشريف

كل عام وجميعكم بخير .

---------------------------------

تهنئة اخرى بمناسبة عيد الحب (((( اراء كثيرة لا تحب الاحتفال به))))) ولكن كل ما احب ان اقولة اتمنى من الله ان يعيش الجميع فى حب ووئام وان يكون هذا الحب حلال شرعى Very Happy

وربنا يكرم الجميع ويحفظ مصر سالمة امنه.

حضرتك :أنا عملت القيد العائلى لما قدمت لجيش من فتره قريبه
وطلبوا منى الاوراق ده فقط
1-قسيمه الزواج وعند تعدد الزوجات يكون لكل واحده على حده وقسييمه طلاق فى حاله وجود طلاق
2-صوره بطاقه الاب والام
3-صور شهاده ميلاد الابناء حتى ولو كانت شهاده ميلاد كمبيوتر
هو ده كل المطلوب من الاخر وليس شى تانى
وفى ورقه تانى طلبوها جديد لو روحت السجل المدنى الرئيسى الى فى العباسيه وهى
شهاده الزواج كمبيوتر وانصحك متعملوهوش فى العباسيه لانه زحمه وهيعقدوك وموظفين رخمين
وبالتوفيق

السلام عليكم ورحمه الله
احنا كنا عرفنا ان اعلان النيابه الاداريه لدفعه 2010 هيتأخر وتعيين دفعه 2008هيتأخر وهياخد نسبه صغيره ودا كان قبل الثوره والاحداث دى كلها ..فيا ترى الاحداث ديه هتأثر فى الاعلان او فى نسبه اللى هيقبلو من دفعه 2008 وهتأثر ازاى

RANA كتب:: السلام عليكم ورحمه الله
احنا كنا عرفنا ان اعلان النيابه الاداريه لدفعه 2010 هيتأخر وتعيين دفعه 2008هيتأخر وهياخد نسبه صغيره ودا كان قبل الثوره والاحداث دى كلها ..فيا ترى الاحداث ديه هتأثر فى الاعلان او فى نسبه اللى هيقبلو من دفعه 2008 وهتأثر ازاى

كل شيىء وارد , يعنى ممكن ينزلوا اعلان علشان يلهوا الناس فيه ويتلبخوا , وممكن مينزلوش لغاية ما يخلصوا على دفغة 2008 ولا تنسى نا النيابة الادارية مشغوووووووولة بصفتها جهة تحقيق ادارى فى الفساد الان

هحاول اعرف الجديد بعد الاحداث الجارية واعلمكم بيه ان شاء الله تعالى

» النيابة الادارية دفعة 2009
» النيابة الادارية دفعة 2009
» اعلان النيابة الادارية دفعتى 2010 و2011
» حمل مشروع قانون النيابة الادارية الجديد 2010 لمحاكمة الوزراء والمحافظين والشرطة
» المستشار تيمور رئيس النيابة الادارية(((بيعض الايادى)))