اعلان النيابة العامة دفعة2010

فى مقابله التفتيش المستشار بيدى درجات [

الف شكر لكل الناس المحترمة اللى بترد وبتهدى الاعصاب
بالنسبة بقى للاسماء عايز اسال هى المقابلات بتبقى ميت واحد فى اليوم يعنى انا مثلا لو رقم 130 هيبدا فى اليوم بتاعى من 100 ويعتبر رقم 30
والمقابلات كلها بتخلص حوالى عالساعة كام وهل فيه تاخير لما بنروح ولا بندخل بسرعة لان الانتظار وحش اوى ؟

ياريت يا جماعة كل اللى يحضر مقابلة التفتيش يكتب تجربته علشان تعم الفائدة على الجميع بالنسبه لدفعه2010

pogar كتب:: فى مقابله التفتيش المستشار بيدى درجات [

المستشار بيكتب تقرير عن المرشح بيتم عرضه على اللجنة السباعية

mido aser2 كتب:: الف شكر لكل الناس المحترمة اللى بترد وبتهدى الاعصاب
بالنسبة بقى للاسماء عايز اسال هى المقابلات بتبقى ميت واحد فى اليوم يعنى انا مثلا لو رقم 130 هيبدا فى اليوم بتاعى من 100 ويعتبر رقم 30
والمقابلات كلها بتخلص حوالى عالساعة كام وهل فيه تاخير لما بنروح ولا بندخل بسرعة لان الانتظار وحش اوى ؟

الدخول بيكون عشوائي مش بترتيب معين يعني انت هتلاقي الموظف شايل الملفات بتاعة الناس اللي مقابلاتها اليوم دا وبينده عليهم بالترتيب اللي في ايده وهتلاقيه عمال يعيد ويزيد في اللي مش موجودين لحد ما ييجوا ويدخلوا المقابلة
مجرد ما ينادي على مرشح ويلاقيه موجود ياخدوا يوقفه في صف عشان يدخل للمستشار وقبليها يكون الموظف دخل الملف للمستشار
والأفضل طبعا انك تبقى موجود بدري عشان تعرف من زمايلك اللي خرجوا ايه اللي حصل جوا ايه الحاجات اللي المستشارين بيدققوا عليها زي الدخل مثلا والحاجات دي وعامة المقابلة مش بتاخد وقت

مقابلة التفتيش سهلة جدا فارجو منكم الهدوء جدااااااااا وانت داخل على المستشار , هيعاملك بمنتهى الاحترام

اهدى خالص وخد نفس عميق وادخل اقعد معاه كانه رئيسك وانت متعين

تحياتى لكم وربنا معاكم

مقابله التفتيش القضائى لها اهميه كبيره جدا عند اللجنه السباعيه ولا ايه ياريت تجاوبنى ياثعلب ياصديقى

pogar كتب:: مقابله التفتيش القضائى لها اهميه كبيره جدا عند اللجنه السباعيه ولا ايه ياريت تجاوبنى ياثعلب ياصديقى

مقابلة التفتيش مهمة جداااااااااااااا وبيتعمل فيك تقرير بيتبعت للسباعية , وفى رأيى الشخصى هى اهم من السباعية , لان السباعية مش بيلحق يبص فى وشك, ومش مهم الاجابة, اما التفتيش فبيشوف طريقة كلامك افضل من السباعية و بيشوف مظهرك افضل من السباعية.

بس فى الاول وفى الاخر المقابلات دى كلها مش هى شرط التعيين واى بدلة تبقى كويسة .

شكرا ليك ياثعلب وربنا يكرمنا كلنا{هوالتحريات بتبدأ تنزل ان شاء الله امتى وهى ممكن تبقى بعد التفتيش }

طيب لو سمحت يا جماعة انا دلوقت كتبت موهل عمتى دبلوم تجارة ولكنى اكتشفت انها بكالريوس تجارة
ههل ينفع اعدلها فى مقابله التفتيش ولا صعب
وكمان فى الممتلكات فى حاجات نسيت اكتبها وهى اسهم
وشقة تمليك ملك الوالد لها اجر شهرى
هل ينفع البيانات دى اكتبها فى مقابلة التفتيش
ولا المستشار مش هيوافق

,ومعلش فى حاجة تانى انا دلوقت عندى جوز عمتى نائب نقض
وجوز خالتى ايضا نائب نقض هل دول بيقوى موقفى فى التعيين ولا عادى
مع العلم ان اللى موصى عليا واحد تانى وهو صديق للعائله مش كتبه فى الملف
وهل دة هيعتبرو واخد رشوة ولا عادى ارجو الرد من الاخوة الافاضل من ذوى الخبرة
ولكم جزيل الشكر

ومعلش فى سؤال كمان ويا ريت يكون الواحد مبيتقلش عليكم
انا قريت فى مشاركة سابقة ان الغرض من مقابله التفتيش هى وجود حد من الاقارب مستشار
فهل الكلام دة صحيح وهل بيقيمو المرشح لو فى حد قريبة مستشار
وهل جوز خالتى وجوز عمتى هيقوى موقفى فى التصفيه ولا مش هيبصولهم وهيعتبروهم درجة قرابه بيعدة
وما هو المستوى المادى الجيد او اللى بيعتبر جيد يعنى بيكون الدخل الشهرى للاسرة فى حدود كام تقريبا
واسف على الاطالة وربنا يجعلو فى ميزان حسناتكم

pogar كتب:: شكرا ليك ياثعلب وربنا يكرمنا كلنا{هوالتحريات بتبدأ تنزل ان شاء الله امتى وهى ممكن تبقى بعد التفتيش }

ربنا يكرمنا جميعاا. التحريات بعد السباعية وليست قبل التفتيش, كان زمان بتنزل لاواد المستشارين قبل السباعية , ولكن بعد الغاء دفعة المقبول ((( الكوسة))) بقت بتنزل بعد السباعية .
وانتظر حوالى 45 يوم بعد نهاية اخر يوم لمقابلة جامعتك فى السباعية وابدا اسال فى مديرية الامن الخاص بيك على التحريات

الديلر كتب:: طيب لو سمحت يا جماعة انا دلوقت كتبت موهل عمتى دبلوم تجارة ولكنى اكتشفت انها بكالريوس تجارة
ههل ينفع اعدلها فى مقابله التفتيش ولا صعب
وكمان فى الممتلكات فى حاجات نسيت اكتبها وهى اسهم
وشقة تمليك ملك الوالد لها اجر شهرى
هل ينفع البيانات دى اكتبها فى مقابلة التفتيش
ولا المستشار مش هيوافق

صعب جدا انك تعدلها خصوصا ان ماضى ان كل البيانات دى صحيحة.كما ان مؤهل عمتك بعيييييد جدا عن انه يأثر عليك, وفى التصفية الى بعد التحريات برضوا مؤهل عامتك تاثيرة طفيف ان لم يكن ملوش تاثير اصلا.

حاول تجيب معاك ورق اثبات المليكة واعطية للمستشار للأرفاق بالملف.
بس اهم شىء يا باشا هى التحريات لان كل الى مكتوب فى الملف دا بينزل التحريات و التصفية بتكون على اساس التحريات , وانت كدا كدا فى تحريات القسم هتجيب ورق كل املاكك, وهيطلب منك بيانات اقاربك كلهم ومؤهلاتهم . فلا تقلق فالملف قيمتة فقط انها تعديك من السباعية.

الديلر كتب:: ,ومعلش فى حاجة تانى انا دلوقت عندى جوز عمتى نائب نقض
وجوز خالتى ايضا نائب نقض هل دول بيقوى موقفى فى التعيين ولا عادى
مع العلم ان اللى موصى عليا واحد تانى وهو صديق للعائله مش كتبه فى الملف
وهل دة هيعتبرو واخد رشوة ولا عادى ارجو الرد من الاخوة الافاضل من ذوى الخبرة
ولكم جزيل الشكر

ياباشا انت هتتعامل معاملة انك من وسط قضائى يعنى انت كدا وسطتك الاجتماعى كويس جدا.
الى وصى عليك هيسالوه هو يقربلك اية , هيرد ويقول بكل بساطة دا المرشح دا قريب فلان وفلان ,او اعرف ناس فى عيلته ((( وطبعا اسماء القضاه موجودة فى الملف))).
يعنى متقلقش خالص. وطالما الراجل قالك هوصى عليك, يبقى هيوصى عليك بأذن الله. ومبروك مقدما .

الديلر كتب:: ومعلش فى سؤال كمان ويا ريت يكون الواحد مبيتقلش عليكم
انا قريت فى مشاركة سابقة ان الغرض من مقابله التفتيش هى وجود حد من الاقارب مستشار
فهل الكلام دة صحيح وهل بيقيمو المرشح لو فى حد قريبة مستشار
وهل جوز خالتى وجوز عمتى هيقوى موقفى فى التصفيه ولا مش هيبصولهم وهيعتبروهم درجة قرابه بيعدة
وما هو المستوى المادى الجيد او اللى بيعتبر جيد يعنى بيكون الدخل الشهرى للاسرة فى حدود كام تقريبا
واسف على الاطالة وربنا يجعلو فى ميزان حسناتكم

اسال براحتك يا باشا كلنا هنا اخوة.وجودهم فى الملف يقوى ملفك جدا مع ان درجة القرابة بعيدة شوية.و لو ليك اى مستشار قريبك واسمة فى الملف دا بيقوى الملف جدا.
فى مقابلة التفتيش لا يتترق للحديث عن زوج الخالة وزوج العمة ولكن نظرا لوضعهم الخاص وخصوصا انهم نواب نقض فممكن يسأل عليهم وطبعا ليهم خاطر كبييييييييير فى المقابلة.

اما المستوى المالى الجيد فدا بيختلف من شخص لاخر وملوش حد معين. لان ممكن يكون دخلك الشهرى كبير بس معندكش اصول املاك مثلا,وممكن يكون عندك اصول املاك بس ايرادها ضعيف.يعنى الارض الزراعية مثلا دى مهمة جداااااااااااااا وجات عليها وقت من الاوقات ان الارض بتجيب مبلغ بسيط, ولكن فى التصفية الارض الزراعية تعتبر اهم شىء فى الاملاك. فملهاش حد معين, المهم انك تكون عايش مبسوط.

بارك الله فيك يا fox .. وربنا يقويك .

ومبروك مقدمــــــــــا لدفعة 2010 ان شاء الله ..

مشكور جدا يا استاذ الثعلب العربى وربنا يكرمنا جميعا بالكشف الطبى يارب
وبارك الله فيك

طيب هو بالنسبه للارض هى مساحتها حوالى نصف فدان هل هيعتبروها صغيرة ولا عادى
مع العلم انى كتبت انها ارض زراعية بس هى دخلت التخطيط العمرانى وقريبا هتبقى ارض مبانى
وانا لسة هقدم الحيازة بتاعتها فى مقابله التفتيش فينفع اكتب فى ضهر الحيازة انها اصبحت
ارض مبانى ولا الافضل اسبها كدة وتبقى ارض زراعية
وبشكرك يا استاذ الثعلب على مجهودك الكبيييييييييييييييييير

1/ طيب هو الوسط الاجتماعى بتاع العائله بيبقى كويس بمجرد ان فى حد فى العائله مستشار حتى ولو كان واحد

2/ وممكن توضحلى يعنى اية قوة ملفى فى التصفية اصل انا قريت فى مشاركه سابقة ان لو ملفى ضعيف
صعب على الواسطة انها تعمل حاجة خصوصا فى التصفية مع الوضع فى الاعتبار ان الوضع المادى كويس
وكذللك الاجتماعى او بالبلدى ما معنى قوة ملفى فى التصفية

3/وممكن اعرف من حضرتك التوصيه بتكون ازاى عشان ينزلى تحريات وانجح فى السباعية

4/وهل مثلا لو ملفى ضعيف بس عندى واسطه تقيله وهى ربنا ثم واحد عارف حد من اصحاب القرار
هل بكدة بيتغاضو عن اى حاجة وبينزلولو كشف طبى ولا بتبقى الحكاية دى صعبة

5/ وهل اقارب المستشاريين بيبقو ليهم اولويه فى التعيين ولا عادى

واخيرا لو انا عندى واحد قريبى مستشار بس مش طالبينو فى الملف ينفع اكتبو فى الملاحظات
خصوصا انة له ثقله ومستشار قديم وهو من اولاد العمات ولو على فرض انهم بيدققوا فى خانة الملاحظات
يبقى مفيش مشكله طالما انو قريبى فعلا والتحريات هتبقى تثبت دة
وانا اسف جدا اذا كانت اسئلتى كتير وربنا يجعلة فى ميزان حسنتاكم

الديلر كتب:: طيب هو بالنسبه للارض هى مساحتها حوالى نصف فدان هل هيعتبروها صغيرة ولا عادى
مع العلم انى كتبت انها ارض زراعية بس هى دخلت التخطيط العمرانى وقريبا هتبقى ارض مبانى
وانا لسة هقدم الحيازة بتاعتها فى مقابله التفتيش فينفع اكتب فى ضهر الحيازة انها اصبحت
ارض مبانى ولا الافضل اسبها كدة وتبقى ارض زراعية
وبشكرك يا استاذ الثعلب على مجهودك الكبيييييييييييييييييير

قشطة ياعم هتتباع بالمتر Very Happy

ههههههههههههههه.
اكتب كدا ماشى على الحيازة بس مش فارقة كتير لان التحريات هتفصص كل حاجة عندك وعن الوالد و الوالدة وهتجيب كل حاجة بالتفصيييل . والملكية نص فدان كويسة هى الا حدى ما صغيرة بس المهم انها موجودة اصلا ودا كويس.
اهم شىء تعامل مع المستشار فى المقابلة بهدوء تاام وكانه رئيسك وانك وكيل نيابة

ياباشا اكتب اللي انت عاوزه
لما ربنا يكتب لك نزول التحريات هتلاقي الامن هيطلب منك كل حاجة
لو عندك دفتر توفير وفيه جنيه هتلاقيهم بيقولولك هاتوا كله بيفيد
واعتماد المجلس في اثبات الممتلكات بيكون على الامن بصورة رئيسية مش على اللي انت كتبته

الديلر كتب:: 1/ طيب هو الوسط الاجتماعى بتاع العائله بيبقى كويس بمجرد ان فى حد فى العائله مستشار حتى ولو كان واحد

2/ وممكن توضحلى يعنى اية قوة ملفى فى التصفية اصل انا قريت فى مشاركه سابقة ان لو ملفى ضعيف
صعب على الواسطة انها تعمل حاجة خصوصا فى التصفية مع الوضع فى الاعتبار ان الوضع المادى كويس
وكذللك الاجتماعى او بالبلدى ما معنى قوة ملفى فى التصفية

3/وممكن اعرف من حضرتك التوصيه بتكون ازاى عشان ينزلى تحريات وانجح فى السباعية

4/وهل مثلا لو ملفى ضعيف بس عندى واسطه تقيله وهى ربنا ثم واحد عارف حد من اصحاب القرار
هل بكدة بيتغاضو عن اى حاجة وبينزلولو كشف طبى ولا بتبقى الحكاية دى صعبة

5/ وهل اقارب المستشاريين بيبقو ليهم اولويه فى التعيين ولا عادى

واخيرا لو انا عندى واحد قريبى مستشار بس مش طالبينو فى الملف ينفع اكتبو فى الملاحظات
خصوصا انة له ثقله ومستشار قديم وهو من اولاد العمات ولو على فرض انهم بيدققوا فى خانة الملاحظات
يبقى مفيش مشكله طالما انو قريبى فعلا والتحريات هتبقى تثبت دة
وانا اسف جدا اذا كانت اسئلتى كتير وربنا يجعلة فى ميزان حسنتاكم

1_ المستشار الواحد دا هيكون السبب فى تعيينك ان شاء الله Very Happy

, يا باشا ساعة التصفية هيقولك دا قريب فلان الفلانى .
2_ قوة ملفك يعنى انك تكون غنى الا حدى ما , يعنى مرتاح مالية هما عايزين واحد يدخل يبقى ماشى فى الشارع لما الناس تشوفه تقول دا شكلة وكيل نيابة , او لما ييجى يتكلم يتقال عليه دا باشا. علشان كدا تلاقى وكلاء النيابة لابسين اشيك بدل , ولازم يكون وسطتك الاجتماعى كويس جدا , يعنى مينفعش واحد يتعين وكل اقاربة صنايعية ومؤهلاتهم ضعيفة جداااااااا((( مع الاحترام للجميع))) ولكن النيابة عايزة واحد يقول انا اخويا كذا و ابن خالى كذا خالى كذا وعمى كذا وهكذا......
3_ بيتم اتصال تليفونى او مقابلة من الواسطة بتاعتك لعضو من الاعضاء الى فى المجلس او من احد المقربين من المجلس وبيوصى على اسمك وبيقوله اصلة قريبة وا علشان خاطر فلان.

4_ الواسطة بتظبطت كل شيىء. بس فى ظل المجلس الحالى لابد ان تكون التحريات سليمة اولا.
5_ لهم الاولوية فى التعيين واول يوم كشف طبى بيكون خاص لاولاد المستشارين فقط (((( تفرقة فى التعامل علشان بشوات Very Happy

))).
علشان تكون متراح لو ليك قريب مستشار يبقى الحياة حلوة معاك Very Happy

طيب سؤال يا جماعة :
ما هو الحد المعقول في الاراضي الزارعية بالنسبة للحيازة أقصد كام فدان اللي يمكن اعتبارهم وضع مالي كويس ؟

السؤال اللي بيطرح نفسه دلوقتي Very Happy

هو في إيه بعد مقابلة التفتيش القضائي Very Happy

» اعلان النيابة الادارية دفعتى 2010 و2011
» اسئلة النيابة العامة 2009
» النيابة العامة دفعة 2009
» الحركة الداخلية لاعضاء النيابة العامة
» قرار بالغاء مصاريف انتقال ضباط الشرطة لسلك النيابة العامة