اعلان النيابة العامة دفعة2010

thelord7410 كتب:: طيب سؤال يا جماعة :
ما هو الحد المعقول في الاراضي الزارعية بالنسبة للحيازة أقصد كام فدان اللي يمكن اعتبارهم وضع مالي كويس ؟

لا يوجد رقم معين , ممكن يكون عندك فدان واحد و املاك عقارية كتييييييير , وممكن يكون عندك كذا فدان ومعندكش عقار , فلمهاش رقم معين , القصة كلها انه بيشوف الراجل المرشح دا مرتاح ماليا ولا لا, يعنى من الاخر لما يدخل هيحاول يسرق او يستغل وظفته .

فملهاش مقياس معين , وياما ناس معاها ملالالالالاين مدخلتش , وناس ملكيتها كويسة واقل من كدا ودخلت.

أحمد م. أبوزيد كتب:: السؤال اللي بيطرح نفسه دلوقتي
هو في إيه بعد مقابلة التفتيش القضائي

هتسال موظف الى شغال فى مكتب التعينات تقولة انا جامتى كذا اجى امتى علشان السباعية , اما هيقولك ميعادك كذا او يقولك معلش الجامعات لسة متحددش ليها مواعيد فتعال فى شهر كذا اسأل على ميعادك.

ويوجد حل اخر بس انا شخصيا لا احبذه , انك تنفض خاااااااااااااالص وهما هيتصلوا بيك على الموبيل يقولك معاد حضرتك امتى.

مقابلة السباعية هامة جداااااااااااااااا ودى بتكون بوابة العبور للتحريات , فعليك انك من االن تكثف اتصالاتك بأى حد فى السلك القضائى علشان يقف جنبك

هو لازم واسطه فى مقابله التفتيش ولا لا يعنى اقصد ضروريه ولا مش ضروريه

pogar كتب:: هو لازم واسطه فى مقابله التفتيش ولا لا يعنى اقصد ضروريه ولا مش ضروريه

مقابلة التفتيش سهلة جدا .. والكل بيجتازها بسهولة .. تقبل مرورى .

عايز اسال بخصوص مهنة اخويا هو طالع على فيزا عامل لكن هو اشتغل طبعا محاسب لان معاه بكالريوس(وانا كاتبه فى الملف طبعا محاسب لان شغله كدة فعلا) انتوا عارفين بقى النظام بتاع برة علشان ماينفعش يشغلوا اجانب عنهم الوظايف دى فبيطلعوهم عمال المهم هو نهى وخلص الشغل معاهم والبطاقة لسة مكتوب فيها عامل
فهل ده هيؤثر مع انه عمره ماكان عامل وكان محاسب ودلوقتى ان شاء الله مستنى فرصة كويسة فى جهة محترمة

pogar كتب:: هو لازم واسطه فى مقابله التفتيش ولا لا يعنى اقصد ضروريه ولا مش ضروريه

ايه رأيك ياثعلب

اختلف معاك اخى mostafa_mostafa , فالتفتيش مقابلة سهلة ولكن لا تجتازها بسهولة نظرا لان بيتعمل فيك تقرير من مستشار التفتيش وبتتبعت للسباعية , و السباعية بتاخد بيها او لا تنظر فيها اصلا. فرأى مستشار التفتيش اختيارى للجنة السباعية.
ولكن فى ظل مجلس الدكتور المستشار سرى صيام اعتقد ان التقرير سيكون له قيمة , لان الراجل دا جاى يظبطت النيابة اوى ويظلطت التعيينات.

الاخ الفاضل mido aser2: انت اصلا بتكتب مؤهل اخوك واعتقد انه بكالوريوس تجارة او ما يعادلها. والوظيفة بتكب محاسب جدا عادى , محدش بيبص على بطاقة حد , وفى التحريات بيسألوك وبتكتب اى مهنه انت عايزها طالما مفيش مبالغه Very Happy

. فأكتب محاسب , وبعدين فى حاجة مهمة جدا هو محاسب فى مكتب صغير زى المحاسب فى شركة عالمية مثلا؟؟؟؟ اكيد لا , فلما تنزل التحريات هيسألوك ويقولك هو محاسب فين وانت لو قولت اى شركة فى حدود المعقول او اى جهة هيبقى عادى جدا

يعنى ياثعلب الواسطه ضروريه ولا ايه

ده بالنسبه للتفتيش

الواسطة ضرورية يا pogar فى مقابلة التفتيش ومقابلة السباعية ومفروض تتابع معاك خطوة بخطوة , بس اهميتها بتكون فى مقابلة السباعية اكتر من اهميتها فى التفتيش , لان السباعية هى بوباه العبور للتحريات .

ثم تأتى اهم شىء وهى التصفية ولازم الواسطة تكون قوية جدا علشان تعديك من التصفية

يا ثعلب :
بالنسبة للأراضي والعقارات أنا والدي يمتلك خمسة أفدنة زراعية ولكن نحن نمتلك عقار واحد (اللي بنسكن فيه ) فهل تقييمنا من الناحية المالية ضعيف ؟
2- بالنسبة لمقابلة التفتيش هل التقرير بيكتبه فيك المستشار في نفس الوقت ولا بعد المقابلة بفترة ؟
3- يزعجني جدا ما يحدث من اضطرابات في دول مجاورة فهل ستؤثر تلك الاضطرابات علي دفعة 2010 وهل ستؤدي انتخابات الرئاسة المقررة هذا العام وانتخابات مجلس الشوري ايضا الي تقديم أو تأخير نتيجة دفعتنا (2010) ؟
4- اذا كان معي بعد (الله ) عدد من الاشخاص يعملون بجهد علي دخولي النيابة العامة فهل يمكن للواسطة ان تحول دون خروجي في التصفية لأن أخي حاصل علي مؤهل متوسط وأيضا معظم أقربائي ؟

thelord7410 كتب:: يا ثعلب :
بالنسبة للأراضي والعقارات أنا والدي يمتلك خمسة أفدنة زراعية ولكن نحن نمتلك عقار واحد (اللي بنسكن فيه ) فهل تقييمنا من الناحية المالية ضعيف ؟
2- بالنسبة لمقابلة التفتيش هل التقرير بيكتبه فيك المستشار في نفس الوقت ولا بعد المقابلة بفترة ؟
3- يزعجني جدا ما يحدث من اضطرابات في دول مجاورة فهل ستؤثر تلك الاضطرابات علي دفعة 2010 وهل ستؤدي انتخابات الرئاسة المقررة هذا العام وانتخابات مجلس الشوري ايضا الي تقديم أو تأخير نتيجة دفعتنا (2010) ؟
4- اذا كان معي بعد (الله ) عدد من الاشخاص يعملون بجهد علي دخولي النيابة العامة فهل يمكن للواسطة ان تحول دون خروجي في التصفية لأن أخي حاصل علي مؤهل متوسط وأيضا معظم أقربائي ؟

1_ ناحيتك المالية كويسة جدا.
2_ وانت قاعد بتلاقى المستشار بيعلم علامات كدا بالاحمر , بعد ما بتخلص بيكون عرف هو عايز يكتب ايه , وبالنسبة للتقرير مش بياخد منه حاجة لان فى المقابلة بيحدد هو هيكتب ايه. وبعد المقابلة بيتم كتابتة بهدوء ودا شىء يرجعلة يكتبة بعد خروجك مباشرة , او انه يعض علامات لنفسة ويكتبه بعد انتهاء جميع مقابلات اليوم.
3_ بالطبع هيكون فيه تأثير جدااااااااااااااااااااا , خصوصا ان انتخابات الرئاسة القادمة هتحدد جزء كبير من دور القضاء فى البلد و ان الخريطة السياسية هيتغير جزء منها , فلا داعى نسبق الاحداث ونقول هيحصل ايه بالظبط ولكن دعنا نقول ان هيكون فى تأثير على دفعة2010 .
4_ بص كل شيىء بعد ربنا , يرجع الى الواسطة وقوة الملف , يعنى انا كواسطة علاقاتى حلوة بس مش هقدر اخدمك غير لما يكون ملفك قوى , وانا كواسطة علاقاتى جامدة اقدر اخدمك ولو ملفك ليس بجيد Very Happy

, فكل لما ملفك يبقى قوى دا يسهل دور الواسطة , و الواسطة ممكن تعدى اى شيىء.

الثعلب العربى كتب:: اختلف معاك اخى mostafa_mostafa , فالتفتيش مقابلة سهلة ولكن لا تجتازها بسهولة نظرا لان بيتعمل فيك تقرير من مستشار التفتيش وبتتبعت للسباعية , و السباعية بتاخد بيها او لا تنظر فيها اصلا. فرأى مستشار التفتيش اختيارى للجنة السباعية.
ولكن فى ظل مجلس الدكتور المستشار سرى صيام اعتقد ان التقرير سيكون له قيمة , لان الراجل دا جاى يظبطت النيابة اوى ويظلطت التعيينات.

الاخ الفاضل mido aser2: انت اصلا بتكتب مؤهل اخوك واعتقد انه بكالوريوس تجارة او ما يعادلها. والوظيفة بتكب محاسب جدا عادى , محدش بيبص على بطاقة حد , وفى التحريات بيسألوك وبتكتب اى مهنه انت عايزها طالما مفيش مبالغه . فأكتب محاسب , وبعدين فى حاجة مهمة جدا هو محاسب فى مكتب صغير زى المحاسب فى شركة عالمية مثلا؟؟؟؟ اكيد لا , فلما تنزل التحريات هيسألوك ويقولك هو محاسب فين وانت لو قولت اى شركة فى حدود المعقول او اى جهة هيبقى عادى جدا

ماهو ممكن يشوفوا البطاقة من الكمبيوتر ولا ايه
ثانيا لو جه ساعتها وسالونى عليه وماكنش لسة دخل شغلته الجديدة اللى باذن الله خلاص مع العلم انها جهة محترمة جدا جدا والكل يتمناها برضو بس ممكن يكون عقده مااتعملش لسة او فى اواخر مراحله فهكتب ايه وظيفته وهو جمبنا ولا اكتبها محاسب برضو وكانه فى اجازة ولا ممكن يكون ليهم علاقات تحرى برة
ثانيا انا والدى مفتش تموين ويتمتع بالضبطية القضائية وارفقت صورة كارنيه الضبطية مع الملف فهل ده له فااائدة ويحسن من المركز الاجتماعى
وبخصوص المركز الاجتماعى نحن لانملك غير شقة قاعدين فيها وعقار اخر بس الدخل الحمدلله مرتاح اوى فده يعتبر كويس ولا ايه (مع العلم اننا الحمدلله كاسرة صيتنا وسمعتنا الكل يشهد بيها وده من فضل الله طبعا)
والف شكر على الاجابات وردودكم السابقة

ممكن تجاوبنى على السؤال ده لانه هيفرق معايا جدا
هو مرتب معاون النيابه بيبقى كام وارجو الاجابه لان الموضوع هيفرق معايا جدا فعلا؟؟

الاخ الفاضل mido aser2 : المعروف ان اى خريج تجارة بيكون محاسب وبالنسبة للبطاقة دى شيىء مش مهم , يعنى حضرتك مثلا او اى زميل ليك سجلت فى نقابة المحامين بعد التخرج وفى البطاقة مكتوب طالب. فموضوع انه ياخد الى فى البطاقة اوى شىء مش مقيد , فى مرونة فى التعامل فى النقطة دى . وانت كدا كدا بتملى المخبر عايز تكتب اية او بتكتب بأيدك Very Happy

بالنسبة للدخل و وظيفة الوالد والاملاك : فدا شيىء كويس جدا , كما ان كل ما يهم مجلس السباعية هو انك تكون شبعان يعنى مبسوط فى حياتك و علشان متستغلش وظفتك. هما بيصوا للناحية دى عايزين واحد شبعان.

بالنسبة للصيت فدا شيىء كويس جدا وهيساعدك فى تحريات القسم لان المخبرين يتمنوا انك تكون عيك مشاكل كتييييييرة علشان يضحكوا عليك ويقولك نظبطتك وكدا , بس الحمد لله ان سمعتك زى الفل.

ISLAMMAGDY كتب:: ممكن تجاوبنى على السؤال ده لانه هيفرق معايا جدا
هو مرتب معاون النيابه بيبقى كام وارجو الاجابه لان الموضوع هيفرق معايا جدا فعلا؟؟

لك رسالة على الخاص .

شكرا للاجابه

هوا يعنى سر يا تعلب بك ؟ بس بصراحه انا كمان عدى فضول اعرف ؟؟ ما فيش رساله خاصه لاخوك

هو بعد التفتيش القضائى ايه ياثعلب هل هى السباعيه ام البحث الجنائى ام بيتحددلك مقابله فى مديريه الامن ارجو التوضيح

هو الواحد لو اتلألأ فى توضيح حاجه للمستشار اثناء مقابله التفتيش بصراحه ياثعلب هل ليها تأثير

$..عميد الخريجين..$ كتب:: هوا يعنى سر يا تعلب بك ؟ بس بصراحه انا كمان عدى فضول اعرف ؟؟ ما فيش رساله خاصه لاخوك

هههههههههههههه , لا مش سر بس واضح ان الراجل بيفاضل بين عقد عمل او سفر وبين الانتظار. كما ان كذا معاون اشتكى من تحديد الرقم.

يكفى ذكر ان الرقم يخليك تعيش حياة كريمة ومرتاحة

pogar كتب:: هو بعد التفتيش القضائى ايه ياثعلب هل هى السباعيه ام البحث الجنائى ام بيتحددلك مقابله فى مديريه الامن ارجو التوضيح

السباعية ان شاء الله.
وبعد السباعية هتلاقى امن الدولة ثم القسم ثم الامن القومى ثم الطبى ان شاء الله

pogar كتب:: هو الواحد لو اتلألأ فى توضيح حاجه للمستشار اثناء مقابله التفتيش بصراحه ياثعلب هل ليها تأثير

لا ملهاش تأثير ولا حاجة ومتخفش والله

ممكن سؤال مهم
هو خريجى كليه الحقوق التعليم المفتوح ليهم حق فى التقديم فى الهيئات القضائيه ولا لا يعترفوا بيهم وياريت تكون المعلومه اكيده؟؟؟؟

معلومة اكيدة
ايوة طبعا ليهم الحق فى التعيين فى الهيئات القضائية وخلى بالك من شرط السن

» اعلان النيابة الادارية دفعتى 2010 و2011
» اسئلة النيابة العامة 2009
» النيابة العامة دفعة 2009
» الحركة الداخلية لاعضاء النيابة العامة
» قرار بالغاء مصاريف انتقال ضباط الشرطة لسلك النيابة العامة