النيابة العامة دفعة 2009

كده العجله بدأت تدور يا جماعه .. هانت ان شاء الله اتوقع ان قرار مجلس الدوله الشهر ده و بعده قرار النيابه العامه .. يارب يكون لينا نصيب و يجعل اخر صبرنا خير

سؤال الناس دى الى اتعينت فى مجلس الدوله دول دفعة كام 2007 وله قبل كده كمان؟؟

يبقى الظاهر أن المعلومة التى وصلت لى صح وانتظروا المجلس عن قريب
وعلى فكرة المعينيين بالحكم القضائى دفعة 2005 ومعظمهم وكلاء نيابة

لو سمحتوا هو المجلس الأول ولا النيابه العامه وهل الدفعتين بتوع المجلس مع بعض يعنى 2008 و2009 ولا 2008 الأول علشان انا سمعت ان المجلس على أخر الشهر ان شاء الله

يعنى هما وكلاء نيابه ويتعيينوا فى المجلس بردوا ما علينا
هل هذا الموضوع هايأثر على الدفعه بتاعتنا من حيث سرعة التعيين ولا لا ؟؟؟

والله يا استاذ رياض الجنه المعلومات الى متوافر عند معظم الناس ان المجلس هايعين 2008 و2009 مع بعض ربنا يسهل ان شاء الله

معلومه وصلتني ان قرار مجلس الدوله لدفعتي 2008 - 2009 هيكون قرار واحد ان شاء الله

فلة شمعة منورة

كدة بإذن الله العملية قربت وعلى الله التساهيل

ياجماعة الخبر ده مؤكد ولا لا لانى مش لاقيه فى اى جريدة

لان القرار بيقول ينشر فى الجريدة الرسمية والقرار طالع بتاريخ 12 ابريل
وانا الحقيقة ماشوفتوش خالص لسة فى اى جريدة رسمية

قصده بالجريده الرسميه المختصه بنشر القوانين وليس الجرائد الرسميه زى الاهرام

هو الكلام واضح جريدة رسمية وعلى العموم لو كلامك صح ياريت تقولى اسم الجريدة

هى الجريده اسمها الجريد الرسميه بيتنشر فيها القوانين بس بس معرفش بتجاب منين بظبط ممكن تسال اى حد باباه مستشار عشان هما عارفين الصحيفه دى بتجاب منين

ده موقع لحضرتك يقولك يعنى ايه جريده رسميه لو حضرتك مش مصدقنى
[ندعوك للتسجيل في المنتدى أو التعريف بنفسك لمعاينة هذا الرابط]
او اعمل عليها search على جوجل

الجريده الرسميه هي جريده الوقائع المصريه و هي المختصه بنشر الامور التي ينص الدستور على نشرها

[ندعوك للتسجيل في المنتدى أو التعريف بنفسك لمعاينة هذا الرابط]
وده موقع بردوا للجريده الرسميه الرقميه بس لسه الجريده بتاعت يوم 12 لسه مانزالتش تبعوا الصفحه دى كل يوم وان شاء الله هاتنزال فيها القرار

spy كتب:

[ندعوك للتسجيل في المنتدى أو التعريف بنفسك لمعاينة هذا الرابط]
وده موقع بردوا للجريده الرسميه الرقميه بس لسه الجريده بتاعت يوم 12 لسه مانزالتش تبعوا الصفحه دى كل يوم وان شاء الله هاتنزال فيها القرار

والله مشوضوع مش مصدقك او كدة بس حاجة زى دى بتتنشر مش بس فى جريدة الوقائع وانما معظم الصحف بتنشرها وانا ماسمعتش اى حاجة عن صدور قرار زى ده من اى جريدة خصوصا ان قرارات المجلس العسكرى مهمة جدا فى الفترة دى والكل بيتابعها ويحللها بس انا ماسمعتش ان فى دفعة اتعينت خالص ياريت تكون اتعينت لان ده هايرحنا كلنا
بس انا ماشووفتش خبر رسمى لغاية دلوقتى ومن حقنا كلنا اننا نتأكد منه الاول وبعد كدة نحلله ونشوف ايه الى هايترتب عليه
بس انا لغاية دلوقتى ماشوفتش الخبر ده غير من واحد نقله وقال انه منقول ومابينش حتى منقول منين ياريت الى وضع الخبر يعرفنا شافه فى انهى جريدة او عرفه منين

انا قاعد ياجماعة انا قاعد ببحث فى الجوجل عن خبر زى ده مش لاقيه ياريت كلنا نحاول نتاكد والى يعرف حاجة ياريت ينشرها فورا لان حاجة زى دى لو طلعت صح هاتبقى انفراجة كبيرة اوى فى دفعتنا

انا اعتقد ان 99% ان الموضوع ده صح اكيد مش واحد هايعقد يألف القرار بالرقم بالقوانين بااسماء الناس الى جاله الحكم صح ولا لا
وبعدين ان شاء الله خير وكلنا نتعين فى النيابه العامه

minoo_106 كتب:

المشكلة ان كل من الاوضاع تستقر يرجع تانى اعتصامات ومظاهرات
ربنا يستر

ان شاء الله كلة هيهدى خالص وكمان امتحانات النقل هتبقى فى نهاية مايو , وامتحانات الكليات فى بداية شهر 6 والدراسات العليا ايضا فى بداية شهر 6 على جميع مستويات جامعات مصر. يعنى الى اقصدة ان هيكون الناس مشغولة بالى عندة امتحان او الى اخوة او اختة هيمتحنوا والى ابنة او بنتة هيمتحنوا يعنى مفيش مظاهرات زى الاول .

spy كتب:

انا اعتقد ان 99% ان الموضوع ده صح اكيد مش واحد هايعقد يألف القرار بالرقم بالقوانين بااسماء الناس الى جاله الحكم صح ولا لا
وبعدين ان شاء الله خير وكلنا نتعين فى النيابه العامه

كل شيىء ممكن يا سباى واصحاب النفوس المريضة كتيييير , ما انت شايف مثلا فى موضوع النيابة يدخل واحد يقول الدفعة كذا والدفعة حصل كذا وكذا وتلاقى الكلام الاهبل دا يتعب الاعصاب .

فكل شيىء جايز بجد .

بس الشك يفسر لصالح المتهم , والاصل البراءة
يبقى نقول ان الخبر صحيح
وبناء على ذلك سيدى القاضى : يبقى ان موضوع ان المسير يقدر يمضى الدفعة دا كلام حقيقى زى ما قولنا من قبل , ويبقى ان المشير ميقدرش يمضى دى تكون اشاعة زى ما قولنا .واطالب من سيادتكم الابتسامة والدعاء الى الله ان يوفقنا جميعا . وان شاء الله نسمع اخبار حلوة عن دفعتنا قريب ((( بعد الانتهاء من الاجتماعات الخاصة بدفعة المساعدين)))

ياجماعة اصل الموضوع يحير لاسباب كتير جدا
اولا انا اعرف ان التظلمات بتظهر مع الدفعة عادى وبيبقوا على راس القرار انما يصدروا دفعة خاصة بيهم ما سمعتش عنها الا اذا كان حد عرف ان فى سابقه قبل كدة !!!!!

ثانيا انا فعلا قاعد بدور على مصدر مش عارف اوصل لحاجة خالص من اى جريدة وفى جرايد كتير مهتمة بشئون القضاة ابرزهم الوفد وبردة الجرايد الرسمية حتى لو افترضنا انها الوقائع الجرايد التانية زى الاهرام والاخبار والجمهورية بالذات بيتنشر فيها الحاجات دى

ثالثا تاريخ القرار انه يوم 12/4/2011 يعنى بقاله اسبوع _اسبوع ياجماعة_ واحنا بكل مصادرنا يعنى نايمين فى العسل مش عارفين ايه الى بيحصل حاجة صعبة اوى

رابعا الناس الى نشرت الخبر علقت عليه وقالت ان معظم الى قدموا تظلمات متعينين فى النيابة حاجة غريبة بردوا

خامسا قالوا انهم كانوا دفعة 2005 وان دفعتهم اتعينت فى 2007 ودلوقتى فى 2011 بينظروا اجراءات التظلم بتاعتهم

سادسا الثعلب العربى بيقول الاصل فى الانسان براءة الذمة بس بصراحة مش فى دفعتنا الى كثرت فيها الاشاعات والحواديت والاقاويل من ساعة ما بدات
ومن شهر 10 وكل شوية الواحد يسمع ميعاد ويقول الاسبوع الجاى ....لا الى بعده ..لا شهر 11 وبعدين 12 وبعين 1 واهو دلوقتى احنا فى شهر 4 ولسة ناس بتطلع تقول الكشف اليومين الى فاتوا واليومين الى جايين وانا متاكد ان كلها توقعات
انا والله مش بقلل من شان الناس الى جايبين المعلومات دى كتر خيرهم مشكورين عاوزين يفرحونا بأى حاجة

بس دى كله يخلينى اشك واتمنى فى نفس الوقت ان القرار دا صحيح لانى ماعتقدش ان فى حد يتمنى مايشوفش المراكب سايرة فى دفعتنا

بس هو تمنى مشوب بشك له مبررات كتير ودلوقتى الى محتاجينه يقين مش رأى واحد ييجى يقولنا بكل باطة ان فى دفعة اتعينت من اسبوع ومحدش يعرف عنها حاجة

واسف للاطالة