النيابة العامة دفعة 2009

مش عايزين يأس يا شباب هااااااااااانت ان شاء الله و هنفرح كلنا باذن الله و ياريت نسيبنا من اي مشاركات مستفزه لاننا بنحرق اعصابنا ع الفاضي وياريت اي حد بعد كده يكتب مشاركه استفزازيه منردش عليه لان مفيش حد اعلم بحالنا غير ربنا ثم احنا ( دفعه 2009 ) بتفق مع التعلب ( المحترم-المتفائل) ان هيطلع اشاعات كتير جدا جدا الفتره دي واللي جايه ياريت منتأثرش بيها .. وربنا يكرم كل اعضاء و مشرفين و زوار المنتدى بالنيابه العامه قولوا امين

طيب يا شباب انا عندى فكرة وطلب ورجاء فى نفس الوقت

احنا تقريبا يوميا بنكون صحيين لحد الفجر
ايه رايكم لو نصلى كل يوم ركعتين قضاء حاجة قبل الفجر
او نتفق على دعاء واحد فى صلاة الفجر واحنا ساجدين
ونطلب من ربنا تيسير الحال وانه يكرمنا جميعا

ياريت ياشباب لو نناقش الموضوع ده ونربت له ونشوف هنعمله ازاى

تمام والله وانا هبدأ معاك دلوقتى وهقوم اصلى
وان شاء الله ربنا هيكرمنا جميعا

انا معاك في الرأي يا عبد العزيز بيه لس لنا سبيل سوي التضرع الي الله عز و جل بالدعاء في كل سجدة
cheers

بشاطركوا الرأى يا شباب وربنا يوفقنا جميعا واكثروا من الدعاء هانت جدا ان شاء الله وارجوا من الجميع الاطمئنان اما بالنسبه للاخ ميدو فهو استطاع ان يكذب عليكم خلال تلك الفترة السايقه فهو من دفعه 2009 ويريد احداث البلبله واثاره الشائعات ارجو عدم الرد عليه وشكرررررررررررررررررا تفائلوا وابشرررررررررروا ان شاء الله

عبدالعزيز كتب:: طيب يا شباب انا عندى فكرة وطلب ورجاء فى نفس الوقت

احنا تقريبا يوميا بنكون صحيين لحد الفجر
ايه رايكم لو نصلى كل يوم ركعتين قضاء حاجة قبل الفجر
او نتفق على دعاء واحد فى صلاة الفجر واحنا ساجدين
ونطلب من ربنا تيسير الحال وانه يكرمنا جميعا

ياريت ياشباب لو نناقش الموضوع ده ونربت له ونشوف هنعمله ازاى

كلام جميل والحمد لله الواحد بيفضل قاعد للفجر علشان يصلى ويدعى.جزاك الله خيرا

تم حذف مساهمة خارجة عن الموضوع وخارجة عن اداب الحوار.
وتم حذف رد زميل واخ معانا((اكرم)) رد على هذة المساهمة , بعتذر ليك يا اكرم على حذف ردك مع انه كان رد جامد وصح مليون بالمئة بس انا كنت لازم اعمل كدا علشان امحى المساهمة البغيضه دى.بكرر اعتذارى

mody كتب:: ايه رايكوا وبعد اذنكوا عايزين نؤهل اللى ربنا هايكرمه مننا ويارب نكون كلنا للكشف الطبى هايكون ازاى وايه الكشوفات اللى بتم وايه المطلوب مننا كاشخاص وايه نوعية الكشوفات وهل هى زى الجيش اى حاجه ولا فيها اهتمام شويه وايه انواع الكشوفات
يعنى موضوع يخرجنا من التوتر اللى بتعيشه دفعتنا المبجله
ويارب ماكنش ازعجتكوا

الكشف عبارة عن تحليل بول للكشف عن اي اثار للمخدرات او الكحوليات ياباشا

يالا سخرية القدر !!....!!

والله يا جماعه لو تأملنا حوالينا هنلاقى فى حاجات كتير حصلت مش فى مصر بس بل العالم العربى كله سببها دفعه 2009 بلا مبااالغه

انا مش عارف الموضوع دا تريقه وهزار ولا هوا كان كدا فعلا وقلب جد ..!!

اضافه الى كل العجائب اللى حصلت فى البلد وتصادفت مع قدم الدفعه الجميله دى ع الكل

مش واخدين بالكم من حاجه !! لو تفتكروا اننا كنا كل جمعه بنشحن موبيلاتنا ونهتم ان تليفون الارضى ما يكونشى مشغول ونقعد ع النت نستنى خبر حصرى يفرحنا

اهو يوم الجمعه دا بقى !! بقى عيد وطنى مش لمصر بس بل الامه العربيه كلها كل جمعه بقت تقعد ع النت وقدام الفضائيات تستنى اخر الاخبار ! مليونيه هنا وملونيه هناك احداث هنا واحداث هناك! بقت جمعه الاخبار والحصريات
ولســــــــــــــــــــه انظر وتأمل حولك وافخر بأنك دفعه 2009 ... لا ويقولك وائل غنيم هوا سبب الثوره !! دا وائل غنيم دا تلميذ جنبنا .... ماحدش عارف اللى فيها
..... اما الانصارى سامحه الله وجزاه خيرا
فأنا ملاحظ ان الانصارى بقى بيتحاشى يقول كلمته على اى حاجه تخص الدفعه وكأن الامر اصبح جد مش هزار فكرنى باحمد ادم فى فيلم معلشى احنا بنتبهدل لما كان ف القهوه بيكلم تليفون ويقول على امريكا (دمر يابنى اشوفها بتولع قدامى...ويبص ف التليفزيون يلاقى البرجين بيدمروا بقى يبص للتليفون بتاعه ويبص ف التليفزيون فى زهول مش مصدق ان هوا السبب ) متهيألى اننا حطينا الانصارى فى الموقف داا

دا انا حتى محل الاقامه اللى كاتبه ف بيناتى هنا كاتب جمهوريه مصر العالميه من قبل الثوره وبقينا كدا فعلا دا العالم كلو بيتغير بسببنا يا جدعان Very Happy

ارجو من كل واحد يتوخى الحذر فى تصرفاته وف كل كلمه بيقولها هنا لانها
مش بتاثر فى الدفعه بس...! دى بتأثر فى العالم كله وربنا يستر ع البشريه مننا Very Happy

للمرة الأولى منذ ٨ سنوات.. وزير العدل يلتقى «قضاة الإسكندرية»

يلتقى المستشار محمد عبدالعزيز الجندى، وزير العدل، أعضاء نادى قضاة الإسكندرية، بعد غد السبت، بعد نحو ٨ سنوات لم تشهد أى لقاءات بين وزراء العدل السابقين وقضاة الإسكندرية، وتحديدا منذ عام ٢٠٠٤. واعتبر المستشار محمد عزت عجوة، رئيس النادى، الزيارة «فاتحة خير» على القضاة، وصفحة جديدة مع أعضاء السلطة القضائية، فى ظل الظروف الراهنة، التى تتعرض لها البلاد.
وقال عجوة، خلال لقائه الصحفيين بمقر النادى، أمس الأول، إن اللقاء سيناقش بعض الأمور منها قانون السلطة القضائية، الذى تم تعديله والخاص باشتراط الحصول على تقدير تراكمى «جيد» عند تعيين خريجى كليات الحقوق والشريعة والقانون، بمن فيهم أبناء القضاة والمستشارين فى السلك القضائى، والذى فيه مساس بمراكز قانونية وحقوق مستقرة للقضاة قبل التعديل، مشدداً على ضرورة إزالة هذا القيد عند التعيين.
وأوضح عجوة أنه كان يتعين على المُشرع أن يعالج هذه الآثار، خاصة أنه لم يتم منح فترة بينية من تاريخ صدور القانون بعد التعديل وسريانه فى المستقبل، حتى لا يكون هناك مساس بتلك المراكز القانونية المكتسبة، مشدداً على ضرورة معالجة هذه الآثار، بحيث لا يكون هناك قيد على التعيين فى النيابة العامة بالذات، حيث لا توجد هناك مشكلة فى التعيين بالنيابة الإدارية ومجلس الدولة واشتراط التقدير.
وقال إنه لا يوجد قاض أو مستشار فى مصر يطالب بتعيين ابنه الحاصل على تقدير مقبول فى النيابة فى وجود هذا النص الذى يشترط التقدير «جيد»، لأن القانون يسرى على الجميع لذلك يجب إزالة الآثار المترتبة على التعديل حتى يكون هناك تكافؤ فرص.
وقال إن فصل تبعية جهاز التفتيش القضائى عن وزارة العدل وضمه إلى مجلس القضاء الأعلى يحقق مطالب وطموحات رجال القضاء فى مصر، واصفاً استجابة وزير العدل لهذا المطلب بفصل تبعيته عن الوزارة وضمه للمجلس الأعلى بـ«الجيدة».

دفعه 2009 ........................... ام الاجنبى Very Happy

الثعلب العربى كتب:: تم حذف مساهمة خارجة عن الموضوع وخارجة عن اداب الحوار.
وتم حذف رد زميل واخ معانا((اكرم)) رد على هذة المساهمة , بعتذر ليك يا اكرم على حذف ردك مع انه كان رد جامد وصح مليون بالمئة بس انا كنت لازم اعمل كدا علشان امحى المساهمة البغيضه دى.بكرر اعتذارى

خير ما فعلت فعلا ودى احسن حاجة عملتها

لا يا عميد الخريجين أنا لسة قايل الجملة إياها من 10 أيام فى وش المتظاهرين

وإنت شايف إيه اللى حصل أهو كنيسة إمبابة .. بوم Very Happy

وترتب على ذلك إن

مفيش حد فاضي للمتظاهرين ولا بيبصلهم بالإضافة إن التظاهر والتجمهر أصبح

صعب بعد الأحداث دى خاصة بعد تأمين المحاكم وأعتقد إن الجيش والشرطة

جابوا آخرهم وأعتقد كمان إن الفترة الجاية هى الأنسب لصدور القرار

قولوووووووووووووووا آآآآآآآآآآآآآآآآآآآآآآآآآآآآآآآآآآآآمين
------------------------------------------
بالنسبة للأخ ميدو أنا عندى ولله الحمد بعد نظر وكنت أول واحد طالب بعدم

مشاركته من حوالى 3 شهور بس للأسف التعلب كان بيناقض نفسه Very Happy

دا

هجوم صريح يا تعلب ههههههههههههههههههه

يا ميدو روح يا شيخ إن غدا لناظره قريب

على فكره من غير هزار و بتكلم جد الدفعه اللي تحس انها تاريخيه او فيها حاجه غريبه الدفعه دي هيكون ليها شأن كبير جدا في المستقبل ان شاء الله و الناس اللي هتتعين هيكون ليها دور في حاجه معينه في المستقبل الله اعلم بيها .. يعني من الاخر اللي بتكون بدايته تاريخيه بيفضل تاريخي لغايط نهايته

$..عميد الخريجين..$ كتب:: يالا سخرية القدر !!....!!

(دمر يابنى اشوفها بتولع قدامى...ويبص ف التليفزيون يلاقى البرجين بيدمروا بقى يبص للتليفون بتاعه ويبص ف التليفزيون فى زهول مش مصدق ان هوا السبب ) متهيألى اننا حطينا الانصارى فى الموقف داا

هههههههههههههههههههههههههههههههههه ملكمش حل والله
خلي بالك يا انصاري الكلام ده لو وصل لأمريكا , مش هيسيبوك دول مبيصدقو ,
وبعدين يا عميد الخريجين متنساش ان الانصاري هو السبب في اللي حصل في ماتش الجونه ,

يارب إكرمنا جميعا يارب
--------------------------------
مبروك الفوز يا أهلاوية ولا عزاء للزملكاوية والإسمعلاوية
والدورى لينا فاكر يابو فرق ست نقط .. هو عارف نفسه Very Happy

ان شاء الله خير وانا حاسس ان ربنا هيكرمنا قريب ويعوضنا خير باذن الله ويا تعلب ويا باهى اسياد افريقيا كسبوا انهارده واحنا نعتبر لعبنا اكتر من 13 دقيقه ب9 لاعيبه رجاله طول عمرهم والدورى للاهلى

أحمد الأنصارى كتب:: يارب إكرمنا جميعا يارب
--------------------------------
مبروك الفوز يا أهلاوية ولا عزاء للزملكاوية والإسمعلاوية
والدورى لينا فاكر يابو فرق ست نقط .. هو عارف نفسه

خلاص بقى يا انصارى متزودش المواجع Very Happy

على التعلب وباهى وعميد الخريجين هما فيهم اللى مكفيهم بسبب النيابه خلاص بقى يبقى نخلينا احنا نقدر ومتزودهاش عليهم اكتر من كدا ماهو كل حاجه معروفه الدورى لينا واحنا اسياد افريقيا ولعبتنا رجاله واحسن لعيبه فمصر فالاهلى ولسه هنكسبهم بس عايز اقول حاجه للتعلب وباهى وعميد الخريجين طول مالاهلى بيلعب فمصر مفيش نادى هياخد بطوله يلا يا انصارى مبروك عليك وعلينا وعلى كل الاهلاويه والدورى بتاعنا وان شاء الله سموحه هتعملها وخلي الزمالك والاسماعيلى يتعلموا منا الكوره

اهلااااااااااااااااااوى وجاى الليله عشان اقول
بحب الاهلى مهما العمر يطوووووووووول
اولاد صالح سليم
على الفوز دايما ناويين
ان شاء الله الدرع احمر السنه دى كمان

مبروك للأهلي , صدق اللي قال الاهلي والحكام ايد واحده
.من الاخر احنا هنتعين في سنتناالطين دي ولا ايه يعني انا بحذر مجلس القضاء وبقوله انتو ما تعرفوش الوش التاني بتاعي عامل ازاي , اظن كده الرساله وصلت

ربنا يكرم الجميع فى التعيين فى النيابة العامة أهلاوية وزملكاوية
-----------------------------------------------
علشان خاطرك إنت بس يا ياسر يا أهلاوى سأعفو عنهم .. يلا العفو

عند المقدرة وأعتقد إن بقى عندنا المقدرة دلوقتى Very Happy

يعنى إيه الدورى المصرى .. يعنى كله يعيش الوهم والأهلى ياخد الدورى

[ندعوك للتسجيل في المنتدى أو التعريف بنفسك لمعاينة هذا الرابط]

انا سمعت خبر مؤكد نهاردة 100% ان عدد الدفعة في القرار 590 معاون نيابة
و الدفعة خلاص قربت خالص خالص
و الخبر دة مصدر مستشار بالمكتب الفني لرئيس مجلس القضاء الاعلي
و ادعوا و قولوا يارب في كل صلاة ياااااااا جماعة .......... و ربنا يزيل العوائق

اسف يا جماعة العدد 590 انا غلطت في الكتابة
عدد المعينين 590 و دا كلام مؤكد مليون المية

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009