النيابة العامة دفعة 2009

يا راجل لا هتتعين ولا حاجة دى أسماء الناس اللى اتعينت من أبناء المستشارين

ودا خبر قديم فى جريدة صفرا الخبر دا من يوم 16 بالإضافة يعنى هو المستشار

المطلوب منه ميدخلش أبناءه حقوق مثلا ويدخلهم طب وصيدلة وتجارة وخدمة إجتماعية

والخبر لم يذكر شئ عن تقديرات هؤلاء ... ياريت سيبكوا من الجرايد الصفرا دى

وخلونا فى مصيبتنا الأساسية لأن الكلام دا مش هيفرق من هنا لآخر الشارع

أحمد مسعد مصطفى كتب:

أنا سمعت أن أكادمية الشرطة هتفتح قريب حد سمع حاجة عن الموضوع ولا اشاعة دى كمان يابلد م غير حاكم؟ وربنا يستر

لسة كلام و والله اعلم هيحصل اية , رئيس الاكادمية مش عاوز يفتح دفعة لحقوق وبيقول ان لو تم تووزيع الشرطة صح جغرافيا على مستوى مصر هتبقى الحياة تمام

ahmed elmenoufy كتب:

[ندعوك للتسجيل في المنتدى أو التعريف بنفسك لمعاينة هذا الرابط]

التوريث بقعة سوداء فى ثوب العدالة....اقرأوا ياجماعة الخير دة الظاهر كدة والله أعلم ان الصحافة والرأى العام مش عايز يجيبها لبر ويسيبنا فى حالنا...الخبر مفصل تفصيل جامد جدا ممكن تفضل تقرأ فية ساعتين وانت بتشوف أسماء أولاد المستشارين اللى داخلين من غير أى تعب.....أنا عايز أعرف بقى هيبقى رد المستشاء الزند اية ع الكلام دة بخصوص حواره عن أنه لا لتوريث للقضاء مع أن الحقيقة بينة وواضحة كوضوح الشمس.....اللهم أكرمنا جميعا يارب العالمين...ومالفت انتباهى للخبر أن هناك بشاعة من بعض المستشارين فى تعيين أبناءهم وهذا فية استفزاز واضح لمشاعر الطلبة من غير أولاد المستشارين...فهناك المستشار محمدى قنصوة الذى يعمل أبناؤه الثلاثة فى سلك النيابة العامة.؟؟؟؟؟.....علامات استفهام كثيرة...وع العموم ربنا يكرمنا كلنا ويعوض صبرنا خير....اسف ع الاطالة وتحياتى للجميع

للأسف الجرايد ومواقع الاخبار بتقول كلام مرسل ومش بتقول تقديرات الناس دول, بد شيىء يغيظ من الجرائد لانها عاوزة جنازة وخلاص وبتولع الامور وبس.
انا ليا صديق من الاسماء المذكورة قاعد جنبى الان وانا بكتب الرد اهو.وبجد حزين جدا على ان اسمة موجود بالطريقة دى , مع انه كان جايب تقدير عالى وواخد دبلوم كمان .وبيقولى اهو((( هو علشان بابا مستشار يبقى مقدمش , هو ولاد المستشارين بقوا عار على مصر؟؟؟؟ , هو انا مفروض اعمل اية ؟؟)))

بجد بصراحة عندة حق, وربنا ينتقم من الجرايد الصفرا دا

أقر مجلس القضاء الأعلى برئاسة القاضى الدكتور سرى صيام رئيس محكمة النقض رئيس مجلس القضاء الأعلى الجزء الثانى من الحركة القضائية
2011/05/17

أقر مجلس القضاء الأعلى برئاسة القاضى الدكتور سرى صيام رئيس محكمة النقض رئيس مجلس القضاء الأعلى الجزء الثانى من الحركة القضائية والذى تضمن التعيينات بدرجة الرؤساء من الفئتين (ا) و (ب) وكذا القضاة بالمحاكم الإبتدائية وتنقلاتهم والتبادل بين القضاء والنيابة العامة فى هذه الدرجات وقد اشتملت الحركة على ترقية 390 رئيسا من الفئة (ب) الى رئيسا من الفئة (أ) فضلا عن ترقية 400 قاضيا إلى درجة الرئيس من الفئة (ب) كما تضمنت تعيين 460 وكيلا من الفئة الممتازة بدرجة قاض بالمحاكم الإبتدائية وقد استجاب مجلس القضاء الأعلى لرغبات رجال القضاء مع مراعاة قوة المحاكم والأقدمية كما راعى المجلس الظروف المرضية والاجتماعية .
-------------------------------
تحية لصديقى وزميلنا : محمد الدياسطى على الخبر
[ندعوك للتسجيل في المنتدى أو التعريف بنفسك لمعاينة هذا الرابط]

ملحوظة: زميلنا محمد الدياسطى قال انة شافة على منتدى اخر .

يا شباب نركز مع بعض شوية

[ندعوك للتسجيل في المنتدى أو التعريف بنفسك لمعاينة هذا الرابط]

بيقول تم ترقية وكلاء نيابة ممتازة الى قضاه للمحاكم الابتدائية.

وطبعا الجزء الثالث من الحركة هيشمل ترقية وكيل نيابة الى وكيل مممتاز , والمساعد يترقى ويبقى وكيل .((( المساعدين الان هم خريجى دفعة 2008)))
يعنى الان لا يوجد معاون.
اذن بعد الترقية من المساعد الى الوكيل , لن يوجد وقتها معاون او مساعد.

لذا : من العقل والمنطق ان الدفعة تتعين قبل حركة الترقية الثالثة .

فارجو من سيادتكم محاولة معرفة ميعاد الحركة الثالثة هيكون امتى لان اعتقادى الشخصى انه هيكون فى شهر يونيو

يعني يا جماعة أيه المفهوم من الكلام دة

اليوم انتخابات نادى قضاه الاسكندرية
[ندعوك للتسجيل في المنتدى أو التعريف بنفسك لمعاينة هذا الرابط]

يذكر ان نادى قضاه الاسكندرية كان طلب من وزير العدل سرعة تعيين دفعة 2009
وبأذن الله ومن المنطقى ان اول ما الانتخابات تخلص هيجددوا طلبهم مرة اخرى .لان اكيد الى هيكسب الانتخابات هيطح فى اولوياتة سرعة تعيين دفعة 2009 علشان يرضى اعضاء النادى

madyy كتب:

يعني يا جماعة أيه المفهوم من الكلام دة

انها هانت اوى ان شاء الله , ويمكن خلال ايام نرتاح .

الثعلب العربى كتب:

يا شباب نركز مع بعض شوية

[ندعوك للتسجيل في المنتدى أو التعريف بنفسك لمعاينة هذا الرابط]

بيقول تم ترقية وكلاء نيابة ممتازة الى قضاه للمحاكم الابتدائية.

وطبعا الجزء الثالث من الحركة هيشمل ترقية وكيل نيابة الى وكيل مممتاز , والمساعد يترقى ويبقى وكيل .((( المساعدين الان هم خريجى دفعة 2008)))
يعنى الان لا يوجد معاون.
اذن بعد الترقية من المساعد الى الوكيل , لن يوجد وقتها معاون او مساعد.

لذا : من العقل والمنطق ان الدفعة تتعين قبل حركة الترقية الثالثة .

فارجو من سيادتكم محاولة معرفة ميعاد الحركة الثالثة هيكون امتى لان اعتقادى الشخصى انه هيكون فى شهر يونيو

الحركة الثالثة يجب أن تكون قبل يوم 30-6 بكل الأحوال و لكن الغريب أن الحركة فى الماضى كانت بقرار رئاسى يعنى كان المفروض أنها تبقى بقرار المجلس العسكرى هذا العام خصوصا مع عدم تغيير قانون السلطة القضائية . فما الذى تم ؟ بصراحة دية حاجة مطمنش لأن المعلومات اللى كانت عندى و سبق أن ذكرتها أنه من الممكن أن يتم أمضاء أمر دفعتنا مع أمضاء الحركة !!!

احناااااا بتوع الأتوبيس يا إخواااااااااااااناااااااااااااااااااا
دفعة 2009 يا إخوااااااااااناااااااااااااااااااااااااااااااا
إرحمونا يا ناااااااااااااااااااااااس يرحمكم من في السماء
اووووووووووووووووف أوووووووووووووووووف أووووووووووووووووووووف

انا اعتقد الحركات الى بيبقى فيها ترقيات هى الى بتبقى بقرار رئاسى مش حركة تنقلات دى بتبقى بقرار من المجلس الاعلى للقضاء

إيه يا رجالة نسخن التليفونات ولا لسة الأسبوع الجاااااااااااااى

ههههههههههههههههههههههههههههههههههههه

MeShOoO كتب:

اكرم صبرى كتب:

انا اعتقد الحركات الى بيبقى فيها ترقيات هى الى بتبقى بقرار رئاسى مش حركة تنقلات دى بتبقى بقرار من المجلس الاعلى للقضاء

لا يا باشا مالحركة الاخيرة دي ترقيات ومفيهاش مرسوم من المجلس العسكري القرار الرئاسي في التعيين بس وعموما الحركة دي ليس لها اي علاقة بدفعتنا المصونة وربنا يوفقنا جميعا

شكرا على المعومة وربنا يوفقنا ان شاء الله

عفوا يا أخ MeSHOoO على حد علمى أن حركة الترقيات يجب أن تكون بقرار رئاسى و أتذكر أن العام الماضى قرأت خبر بعد أجراء مقابلاتنا مفادة أن رئيس الجمهورية قام بأمضاء حركة الترقيات القضائية ووافق على تولى المستشار سرى صيام رئاسة مجلس القضاء . أرجو من يملك معلومة أكيدة و مؤكدة فى هذا الأمر أن يفيدنا فى أقرب وقت يا جماعة

ياجماعه دى دفعة الشرطه الى اتخرجت قريب دى دول اصغر مننا بسنتين واحنا لسه ماتعيناش اى مش هايفتكرونا باءه عشان الواحد جاب اخره

أحمد المنوفى كتب:

ميدو مش عايز تشارك معانا ليه في الاحتفال بعيد ميلاد المنتدي ؟؟؟؟؟؟؟؟؟؟
انت مش عضو معانا في المنتدي !!!!!!!!!!
علي فكرة الكلام و الدعوة لكل الناس و طبعا الكلام موجه لميدو ولذالورد و لحقاني برده
انتوا اعضاء في المنتدي الكريم دا و مستنيين تشاركونا فرحتنا النهاردة .
علي كل انا مستني اشوف مين هيدخل و يحتفل بالمناسبة دي ومين مش هيدخل و اللي مش هيدخل هو حر بس مش هيلحق نصيبه في البوفيه
هههههههههههههههههههههههههههههههههههههههههههه
يلا يا ميدو انا بدعوك للانضمام لينا هناك مستنيك
و دا اللينك لكل الناس
[ندعوك للتسجيل في المنتدى أو التعريف بنفسك لمعاينة هذا الرابط]

ربنا يخليك يامنوفى واكيد انا انضميت وبعتزر عن التاخير فى الرد لمشاكل النت عندى
وبخصوص الهدية يا mady لما تفرج اكيد هجيبها تكونوا دخلتوا فى العيد التالت بالمرة

والله ياجماعة انا كنت قولت ان قرار الترقية بقرار من رئيس الجمهورية ودى حاجة كنت اعرفها من زمان
لكن العضو MeShOoO قال غير كدة
ودا نص المادة 44 بالقانون رقم 46 لسنة 1972 - بشأن السلطة القضائية

يكون شغل الوظائف القضائية سواء بالتعيين أو بالترقية بقرار من رئيس الجمهورية
ويعين رئيس محكمة النقض من بين نواب الرئيس وبعد أخذ رأى مجلس القضاء الأعلى
ويعين نواب رئيس محكمة النقض بموافقة مجلس القضاء الأعلى بناء على ترشيح الجمعية العامة لمحكمة النقض ويرشح الأخر وزير العدل
ويعين رؤساء الاستئناف ونوابها ومستشاريها والرؤساء بالمحاكم الابتدائية والقضاء بمرافقة مجلس القضاء الأعلى.
ويعتبر تاريخ التعيين أو الترقية من تاريخ موافقة أو اخذ رأى مجلس القضاء الأعلى بحسب الأحوال

السلام عليكم يا شباب اتمنى انكم تكونوا بصحه جيده انا.............

ليا عندك طلب من باب العشم بين الاخوات انكم توصلوا رسالتنا للمجلس الاعلى للقوات المسلحه او المجلس الاعلى للقضاء عايزين صوتنا يوصل

.................بسم الله الرحمن الرحيم

السلام عليكم و رحمة الله و بركاته

السيد المحترم رئيس تحرير المصري اليوم و السادة المحترمين اعضاء هيئة التحرير

تحية طيبة و بعد,


ايمانا منا باحترامكم لمواثيق الشرف و الامانة و اهمها اتاحة حق الرد و عرض الرأي و الرأي الاخر لنفي شبهة التحامل علي طرف من الاطراف

نهيب بسيادتكم نشر ردنا نحن خريجي كليات الحقوق و الشريعة و القانون دفعتي 2008 و 2009 علي ما جاء في جريدتكم الغراء بخصوص ما نشر تحت عنوان التجاوزات في تعيينات مجلس الدولة دفعة 2008 و دفعة 2009:


اولا:مجلس الدولة قلعة قضائية حصينة و المعروف عنها انها من اكثر الهيئات التزاما بمعايير التفوق العلمي في تعييناتها و لولا نزاهتها في الاختيار ما كنا لنري احكام مثل الغاء عقد مدينتي و طرد الحرس الجامعي من داخل اسوار الجامعة و ما الي ذلك من احكام تاريخية فلولا وجود قواعد سليمة للاختيار ما صدرت تلك الاحكام و ما كان القضاء الملاذ الخير للمصريين فالقاضي الفاسد لا يصدر حكم تاريخي.

و نحن نرفض رفضا قاطعا المساس بهيبة هذه القلعة الحصينة او النيل من سمعة اعضاء المجلس الخاص شيوخ القضاة الاجلاء برئاسة معالي المستشار المبجل محمد عبد الغني.


و اكبر دليل علي التزام المجلس بمعايير التفوق العلمي هو المسابقة الاولي التي تم الغائها لأن الاعلان كان متضمن قبول ترشيح الاناث لهذا المنصب حيث كان الاعلان يشترط ان يكون المتقدم من ال 15 الاوائل علي الجامعة و ان يكون حاصلا علي تقدير جيد جدا و بعد ذلك كانت النية ان يكون هناك اعلان اخر لباقي المرشحين من جيد جدا من غير ال 15 الاوائل و جيد و لكن تم الغاء المسابقة الاولي لاعتراض الجمعية العمومية للمجلس علي تعيين الاناث و لضيق الوقت فقط تم ضم الاوائل مع باقي المرشحين و ان ظلت الاولوية لهم.


ثانيا:ورد في مقالكم انه تم تعيين سين و صاد من الناس, و لكن من اوصل لكم هذا الكلام لم يراعي الله و لم يتوخي الدقة في معلوماته, لأنه ببساطة شديدة لا يمكن لأحد كائنا من كان ان يعرف من تم تعيينه و من لم يتم تعيينه الا اعضاء المجلس الخاص و بالطبع هم بمناي عن تسريب مثل هذه المعلومات و اذا كان ما تقصدون من مستندات رسمية عريضة الدعوي التي رفعها المعترضون علي تعيين الدفعة فنود ان نوجه عناية سيادتكم ان عريضة الدعوي ليست مستند رسمي يثبت صحة معلومات المدعي بوجودها لأنه يمكن لأي شخص او جماعة ان يقوم برفع دعوي قضائية يدعي فيها ما يشاء فهذا ليس دليل علي صحة الكلام و انما الدليل علي صحة الكلام هو صدور حكم قضائي نهائه بصحة الادعاء الوارد في عريضة الدعوي

*و للعلم فقد تم الطعن علي قرار التعيين قبل صدوره و هو لم يصدر حتي الان و هو ما لا يجوز قانونا و من المؤكد انه سيتم الحكم برفض الدعوي شكلا لانتفاء القرار الاداري محل الطعن (لا يوجد قرار من الاساس لكي يتم الطعن عليه)


ثالثا:تم الاشارة في مقالكم الي توريث ابناء القضاة و للعلم لولا رفض التوريث ما وصلت اليكم هذه المعلومات لأن سر الاعتراض علي الدفعة هو رفض المجلس الخاص المبجل توريث المناصب القضائية لأشخاص لا يستحقوتها و هم اخوات مستشارين بالمجلس رفض المجلس الخاص تعيينهم و لهذا اثاروا كل هذه الضجة و للعلم هم حاصلين علي تقدير جيد فقط و هم يثيرون تلك الضجة لتعيينهم و تخطينا نحن اوائل الجامعات و لكنهم يلبسون الحق بالباطل و صدق الله العظيم حينما قال "لِمَ تَلْبِسُونَ الْحَقَّ بِالْبَاطِلِ وَتَكْتُمُونَ الْحَقَّ وَأَنتُمْ تَعْلَمُونَ".


نرجو من سيادتكم نشر ردنا و للعلم فاننا كلنا اوائل جامعات و متفوقون و لا نعرف من منا يتضمن القرار اسمه و من منا لا يتضمنه القرار و لكننا نريد خروج الدفعة للنور حتي لو لم نعين فالمجلس الخاص هو الاقدر علي تحديد قواعد الصلاحية لمن يشغلون المناصب القضائية به و اي تدخل في هذه الاختيارات هو اعتداء علي استقلال القضاء فنحن منتظرين منذ 3 سنوات حتي تظهر تلك الدفعة للنور و ما ادراكم ما مرارة الانتظار.





مرسله لسيادتكم اوائل خريجي كليات الحقوق و الشريعة و القانون دفعتي 2008 و 2009


انتهت الرساله يا ريت يا شباب كلوا يدخل علي موقع الجريدة ويدخل علي أتصل بنا في الاسفل ثم يدخل علي التواصل مع الجريدة مباشرة ويبعت الرسالة وأنا بعت وقالي تم الارسال بنجاح مش هتخسروا حاجة وشكرا للعضو الي كتب الرسالة ويا ريت يا جماعة نبعت للوفد وصوت الامة علشان لو واحد طنش أكيد التاني هينشر

[ندعوك للتسجيل في المنتدى أو التعريف بنفسك لمعاينة هذا الرابط]



فعلا يا رجالة كله يخش علي موقع المصري اليوم و في اخر الصفحة خااااااالص هيلاقي تحت علي الشمال اتصل بنا يخش هيلاقي اميلات و الرقام تليفونات و بتاع و بعدين او للمراسلة علي الموقع مباشرة هتكتب الاسم و البريد الاكتروني و تبعت الرسالة يلا يا رجالة مش عايزين حد يكسل الرسالة دي لو اتنشرت_ان شاء الله_ هيبقي لها مفعول السحر في دعم المجلس الخاص معنوياااا يلااااا يا رجااااالة كله يبعت
موقع المصري اليوم اهوه
[ندعوك للتسجيل في المنتدى أو التعريف بنفسك لمعاينة هذا الرابط]

مش هتخسروا حاجه كوبى وبست
وانا بعت دلوقتى برضة حوالى اربع مرات للمصرى اليوم

ربنا يسهل ويشوفوا الرسالة ويستجيبوا لندائنا ياااااارب الواحد تعب بجد

اكرم صبرى كتب:

والله ياجماعة انا كنت قولت ان قرار الترقية بقرار من رئيس الجمهورية ودى حاجة كنت اعرفها من زمان
لكن العضو MeShOoO قال غير كدة
ودا نص المادة 44 بالقانون رقم 46 لسنة 1972 - بشأن السلطة القضائية

يكون شغل الوظائف القضائية سواء بالتعيين أو بالترقية بقرار من رئيس الجمهورية
ويعين رئيس محكمة النقض من بين نواب الرئيس وبعد أخذ رأى مجلس القضاء الأعلى
ويعين نواب رئيس محكمة النقض بموافقة مجلس القضاء الأعلى بناء على ترشيح الجمعية العامة لمحكمة النقض ويرشح الأخر وزير العدل
ويعين رؤساء الاستئناف ونوابها ومستشاريها والرؤساء بالمحاكم الابتدائية والقضاء بمرافقة مجلس القضاء الأعلى.
ويعتبر تاريخ التعيين أو الترقية من تاريخ موافقة أو اخذ رأى مجلس القضاء الأعلى بحسب الأحوال

هذا ما سبق و ذكرته و لكن الأخ MeShOoO شكك الواحد فى معلوماتة , و ألف شكر ليك يا أكرم على تأكيد المعلومة .. و لكن الأن يا ريت لو حد يعرفلنا أيه اللى حصل و أزاى تمت الترقية دون أمضاء المجلس العسكرى و أحنا كده مصيرنا هيبقى أيه خصوصا أن المعلومة اللى كانت عندى أن أخر فرصة لينا أن النتيجة تتطلع مع حركة الترقيات .. فأحنا كده مصيرنا أيه .. يا ريت كل واحد يحاول يسأل مصادرة فى أقرب وقت

والله يا شباب اعتقد ان ميشوا عنده حق
لان قرار الترقية بيكون شيىء داخلى ولما فتحت موقع محمة النقض لقيت ان سرى بيه الى عملها .

لكن لو كان تعيين سرى بيه شخصيا او تيمور بيه فى الادارية دا بيكون بقرار جمهورى ودا شوفناه لما كان رئيس الجمهورية جة يعين وكان خبر مش فاكر فى جريدة اية وكان طارح الاسماء .

المهم ما علينا اذا كان رئاسى ولا داخلى .

المهم : ان الترقيتا دى هتزود الضغط على مجلس القضاء الاعلى فى التعيينات لان الشخص الى خد ترقية مش هيقدر يسيب وظيفتة ويشتغل بالوظيفة الاعلى طالما فيه عجز , يعنى بمعنى اخر هيضطر انه يعمل عمل الوظيفة الجديدة بالاضافة الى عمل القديمة وهكذا....

دا طبعا مش بيأثر اوى فى حالة نا المساعد يشتغل شغل السماعد وشغل المعاون لان المعاون شغلة قليل جدا وبحدود متحددة.
يعنى بمعنى اخر : ان كان المساعد رضى بشغله كمساعد وشغلة كمعاون , فلن يرضى عندما يتم ترقيتة الى وكيل بشغلة كمساعد وكمعاون .
يعنى قبل اصدار الترقيات القادمة بد من تعيين دفعة للمعاون .بل المنطقى يقول ان دفعة المعاون هتترقى بسرعة عن دفعات المعاون زمان , نظرا لان 2010 متخرجة و خلاص 2011 هتتخرج اهى .

اهم شيىء الان : ما هو ميعاد الحركة القادمة هل فعلا فى نهاية العام ام قبل شهر يوليو؟

معلومة شبه مؤكده من مستشار بالتفتيش القضائي
تقرر إستكمال مقابلات دفعة 2010 نيابة عامة في بدايات شهر 6 القادم وستبدأ الإتصالات بإذن الله من يوم 6/1 القادم إن شاء الله

ياريت يا ذا لورد يكون الخبر ده صحيح

ازيكوا يا جماعه ان شاء الله دفعتنا فاضل عليها ايام ويتمضى القرار الخاص بيها النهارده كانت انتخابات نادى القضاه بالاسكندريه و احد المرشحين من اقاربى لمجلس ادارة النادى قام بسؤال المستشار محمد عزت عجوه رئيس نادى القضاه بخصوص دفعتنا وكان رده عليه ان القرار الخاص بيها اى بالدفعه بتاعتنا هيتمضى خلال 5 ايام والله والله والله دا اللى اتقال لوالدى وربنا شاهد عليا انى لا بزود كلمه ولا بنقص ولا عايز اعشم نفسى واعشمكوا معايا ويارب يارب التوفيق لينا كلنا ونبارك لبعض قريب


وان شاء الله بردوا الدورى للاهلى