اخر اخبار وقفة اليوم لخريجى الحقوق والشريعة والقانون

اه والله دا راجل يغيظ انا سمعته مره على التلفزيون اتشليت لا ويقولك ايه احنا معندناش حاجه اسمها تعيين اولاد المستشارين كل واحد حسب اجتهاده ياراجل يابن ال...... يلا احنا اتلسعنا من القرف دا والله وبجد كنا مخنوقين اخر خنقه ربنا يكتبلكم انتوا الخير ان شاء الله والثوره دى تيجى بنتيجه على الناس المفتريه دى

سيادة النائب كتب:

[ندعوك للتسجيل في المنتدى أو التعريف بنفسك لمعاينة هذا الرابط]

لا كدا بقت قلة ادب والامر زاد عن الحد , ولازم يتقبض على الناس دى بجد , يعنى اية اقتحام مكتب لنائب العام , دى بقت بلطجة

مع حضرتك ان الامور المفروض متوصلش لاقتحام مكتبه بس دى حرقة دم من الظلم الى بحصل ولو حضرتك وقعت فى الظلم دا كنت هتبقا معاهم دلوقتى يعنى ايه ثوره وقال يعنى البلد نضفت والمحسوبيه لسه موجوده والوسايط مليه البلد والمصيبه السوده ان الى بعملوا كده مطالبهم بتتنفذ فى اى لحظه وبالتالى اى حد بيقع عليه الظلم بيلاقى انه مش قدامه دلوقتى غير كده وقمة الظلم انك تفضل تدرس وتحلم وتتفوق وتجيب تقدير ويطلع حلمك دا هبل وملوش اى اساس من الصحه الرزق دا بتاع ربنا ايوه بس ربنا ميحبش الظلم والناس للاسف هى الى بقت بتظلم نفسها وبتظلم بعضها ربنا يوفقكوا والوسايط دى تنتهى على حظكم وربنا يكرمكم بالتعيين بناء على مجهودكم ومتحسوش باحساس ان حد ميكنش بيفهم اى حاجه فى اى حاجه ويمكن مكنتش بتشوفه بيحضر اصلا فى الكليه وتلاقيه فجائه هو الى اتعين ربنا يكرمكم

طبعا يا شباب اقتحام مكتب النائب العام وغيرة من المستشارين الكبار (شيوخ القضاة) دا شى مرفوض تماما ولكن الظلم كمان مرفوض والوساطة والرشاوى والمحسوبية ايضا مرفوضين تعرفو انا شايف المشكلة كلها فين (عدم تنفيذ الاحكام الخاصة بالاحقية فى التعين ) [size=24][size=26]لان بجد لو الاحكام دى بتتنفذ كان الكل اخد طريقة القانونى فى التظلم ورفع هذة الدعاوى ولكن الكل شايف عدم جدوها وحاسين انهم مظلومين ومش عارفين ياخدو حقهم [/size][/size]

لا مانت مش واخد بالك يامنوفى الناس دى فعلا متعينتش الظلم وحش جدا جدا جدااااااااااااااااااا وخصوصا لوتعبت فى كليتك انا بقولك عن تجربه جميل اوى لما تبقا واقف مستنى المقابله وتلاقى فجائه ناس بيتنده عليها من جنبك بالاسم واتفضل واتفضلى وفجاه الاسامى دى هى الى تتعين لا وايه بتبقا معاهم وشايف انهم مستواهم اقل بكتييييييييييييييييير ومبيحضروش اصلا او حد يجى يقولك وانا ازاكر ليه وانا عارف انى هتعين وعارف تقديرى من دلوقتى كمان الظلم وحش اووووووووووووووى وتبقا فى مستوى اجتماعى كويس جدا وفيك كل الشروط الى انت شايف انها خلاص انت لازم تيجى وفجائة تلاقى نفسك باى باى عشان فى ابن مستشار عايزينله مكان بجد سيبك من مشوار الادب والتصرف بادب والكلام دا لان اصلا الى بحصل من تعيين الوسطه والمحسوبيه دا قمة قلة الادب معلش يعنى وانا مقتنعه اقتناع تام ان دا هيفضل موجود حتى بعد الثوره بردو الوسطه والمحسوبيات هتفضل الثوره غيرت اسامى بس مغيرتش افعال ولو عينوا السنه دى الاغلبيه بالتقدير فهيبقا خوف مش اكتر لكن السنه الى بعدها مش هيحصل ومتطلبش منى انى اسكت عن حقى وتقولى لازم يبقا التصرف بادب ولا احنا نطلع فى مظاهرات فئوه تافه ونهتف ونهلل ويطلعوا يوفقوا على المطالب الهبله الى بجد تغيظ انها معمولها مظاهره اصلا ونيجى على حاجه زى دى تبقا قلة ادب ومحدش يسمعلها وهتبقا وكان ولا حاجه حصلت ادينى حقى واطلب منى الواجب الى عليا مش دا الى المفروض يحصل ولاايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ادعوا بس ربنا يكرمكم ويبقا حظكم احسن ومتبصوش ليهم بسخريه ولا استهزاء لان الناس دى اتظلمتتتتتتتتتتتتتتتتتتتتتتتتتتت

كلام حضرتك صح جداااااا يا منوفى الناس دى والله المفروض تتحاكم هما بيهددوا قضاااااااه اززاى توصل ل كدة والله دا اسلوب مش حضاري ابدا لو كان التعين بالتقدير بس كان كل الدنيا اتعينت...

امال بايه يااستاذه دودو غير التقدير والاجتهاد والفهم لو كان كده بس مكنتش كل الناس اتعينت للاسف دا عشان هى مش بكده الى بيجيب تقدير والى مبيجبش الى ليه فى القانون والى ملوش بقا بيتعين هو فعلا اسلوب مش حضارى لكن قمة الحضارة هى الوسطه والظلم ياجماعه الله يكرمكم بلاش استفزاز انصروا المظلوم وبلاش تقفوا جنب الظالم وخصوصا لوكان الظلم بين وحسيناه وبنفسنا بننقده عشان دا ينتهى لازم كلنا نبقا عايزين دا مش ندافع عن الوسطه والمحسوبيه ونشجع الى بحصل ونقول على المظلومين هما الى هماجيين ومعندهمش تحضر وعايزين البلد ميبقاش فيها فساد طب ازاى اذا كان دا قمة الفساد حتى لو حد من اولاد المستاشرين ولا حد من عيله قضائيه قولوا كلمة حق وبس مشوفتوش خالص ظلم فى التعيينات عمركم ماشوفتوها لما يطلع الاستاذ الزند بمنتهى البجاحه ويقول احنا التعيين عندنا بالتقدير والاجتهادمفيش محسوبيه ياسلاااااااااااااااااام دا على اساس ان مفيش ناس حست بدا واتظلمت فعلا دا بدل مايصلح بيناقد نفسه ياجماعه قولوا كلمة حق الله يحفظكم انقدوا موقفهم اه لكن هما اتظلموا ومحدش يقدر ينكر دا والى بيحس بالظلم هو بس الى بيعيش فى نار الظلم دا خصوصا لو ظلم بين وجه بعده كلام زى ده

مش معنى ان في ولاد مستشارين اتعينوا يبأة كل المتعينين ولاد مستشارين بس خلي بالك في اعداد كبيرة جدا جدا ب تقدم ورقها و انا مش قولت بشجع الواسطة انا اول حاجة قوالتها التقدير و الوسط الاجتماعى فى ناس كتير جدا مش ولاد مستشارين و اتعينوا انتو كدا بتظلمونا زى م غيرنا ذاكر و تعب احنا كمان ذاكرنا و تعبنا و طلع عينا 4 سنوات علشان نجيب تقدير من جامعة كويسة و اتحملنا امتحانات صعبة و اساتذة جامعة بدون ضمير علشان التقدير مع ان فى جامعات الاقاليم بيخرجوهم ب "جيد" و امنحانات اسهل منا والله العظيم الدراسة ف القاهرة و الاسكندرية حاجة و الباقى حاجة و ده مش كان ظلم؟؟؟؟؟؟؟ حقنا يرجع ازاي طيب و مع ذالك انا الحمدلله تقديري كويس جدا خلى فى حياد شويةو بلاش كل الهجوم ده ربنا يكرم الجمييع

التقدير لا يمكن أن يكون المعيار الوحيد فى الإختيار وأنا هقول ثلاث

وقائع ولكم الحكم : -كان ليا زميل فى الكلية إسمه م.أ.س جايب جيد

جدا ومرتب على الدفعة كل ترم كان بيتسربله 4 مواد من 5 مواد ومن

ضمنهم مرة جالى إمتحان أحوال شخصية فى فجر يوم الإمتحان بس

الحمد لله المادة دى أساسا كانت سهلة وكنت كدة كدة هحل فيها يعنى مفرقش

معايا تسريب الإمتحان فيها

- ثانيا هل ينفع واحد إبن عمه تاجر مخدرات يدخل هيئة قضائية لمجرد إنه جايب

جيد جدا هل ينفع يخش وعلى خاله قضايا نصب وإحتيال أو أو أو

- الواقعة التالتة هل يعقل إن واحد والده بياع طعمية مع إحترامى لهم جميعا

وهى مهنة شريفة أو والده بيخيط جزم إنه يخش هيئة قضائية لمجرد إنه جايب

جبد جدا .. عارفين أول واحد هيتمسك من عيلته فى قضية مخدرات أو أو أو

هيطلعه فى نص ساعة وسلملى ساعتها على التقدير

إحنا مش بنقول إن مفيش ظلم .. لأ فى ظلم بس مش بالطريقة اللى الناس

متخيلاها ومش معقول كل اللى نفسه فى حاجة هياخدها فى ناس ربنا بيكرمها

وناس ربنا بيخليلها الخير فى مكان تانى

بالإضافة لحاجة ودا مش تحيز لأبناء المستشارين لأنى مش منهم .. بس لو إبن

المستشار لو جايب تقدير معلش هو الأحق من غيره بالتعيين لأن مفيش وسط

أفضل من الوسط القضائى مع وجود برضو بعض الأوساط الفاسدة فى القضاء

بس فى النهاية لا يمكن أن يكون التقدير هو المعيار الوحيد وياريت تطلعوا

على معايير تولى مهنة القاضى قى الإسلام وهتلاقوا كلامى صح

والسلام عليكم

دا مش هجوم ومحدش ضد تعيين ولاد المستشارين لان كله زى بعضه بس اتعين بتقدير متتعينش عشان باباك فلان وقريبك علان ودا حصل قدامى انا مش بظلم حد ولا بهاجم حد انا بقول دا عن تجربه لما تكونى واقفه زى مازكرت وتلاقى ناس بيتنده اسمهاقبل ا لمقابله بدقايق والناس دى تكاد لاتفقه شئ وتلاقيهم هما الى اتعينوا هيبقا ايه شعورك وانتى جايبه تقدير ومتفوقه وقرفت سفر بعيد عن اهلك وطلع عينك فى المذاكره بجد على امل انك هتعملى حاجه وان الحياه الوردى مستنياكى ولا مستنياك وفجائه تلاقى العكس كله زى بعضه لا دا الى اقل منك احسن منك كمان انا مبقولش كل ولاد المستشارين مش فاهمين حاجه ومش من حقهم لا من حق اى حد انه يتعين طالما يستاهل لكن محدش ينكر ان فى التعيينا بيبقا الاغلب ميستهلش وبتعين والحمدلله انا مش من المضرورين اوى من عدم تعيينى تعيينى اوعدمه مفرقش معايا اوى الحمدلله زى مافرق مع ناس تانيه بس منكرش انى زعلت وزعلت اكتر واكتر لما بانت التعيينات للى شفته من مهازل ومش حقد ولا غيره ولا الكلام دا خالص لانى الحمدلله مش محتاجلها كانت عندى شغل وهشغل وقت وقيمه وبس لكن غيرى الى من اسره بسيطه وجتهد وتعب عشان يبقا حاجه وناس طيبين ومفيش حاجه فى عيلته وحشه واهله مستتنين ابنهم الى هيعليهم ويتباهوا بيه ويجى فى الاخر انا اسف ياوالدى العيب مش فيا العيب فيك اصلك مش مستشار وفى ناس ملهاش علاقه بالمستشارين وبتعينوا بس قلة قلة قلة احساس الظلم نفسه مش حلو ياجماعه والله وخصوصا لو عليها اماله انا مش مضروره اه بس الظلم موجود ومش هنكره لان الساكت عن الحق شيطان اخرس وناس كتير بتتظلم فى التعيينات دى ودا مش عدل ومحدش يقدر ينكر دا تعيينا الهيئات القضائيه فيها وسطه ومحسوبيه كبير لو ابن مستشار ومتعين بمجهوده على عينا وراسنا لكن متعين عشان هو ابن مستشار طب مادى قمة البلطجه دى حاجه سلبيه فى القضاء ونقدها مش عيب ونهيها شرف للقضاء ولازم كلنا كدارسين للقانون نحث عليه ونشجع على انتهائها وخصوصا فى القضاء يعنى النزاهه والعدل ميبقاش عليه اى حاجه تشوهوه خد ناس محترمه وم نعائلات محترمه وجابوا تقدير واعملهم مقابله بجد تحسب ليهم وتبين قدراتهم وعلى اساسه خدهم لكن قاعدة ابن المستشار لازم يبقا مستشار وابن الدكتور لازم يبقا دكتور دى قاعده غلط مليون فى الميه ولو شجعنها البلد دى عمرها ماهتشوف خير ولا هينصلح حالها وعمر الفساد ماهيروح منها طالما ماليها الوسطه والمحسوبيه وغيره وغيره فى اى مجال مش فى القضاء بس لان للاسف دا النظام الى اغلب الوظائف ماشيه عليه فى مصر وشكلنا اتعودنا على كده

أحمد الأنصارى كتب:

التقدير لا يمكن أن يكون المعيار الوحيد فى الإختيار وأنا هقول ثلاث

وقائع ولكم الحكم : -كان ليا زميل فى الكلية إسمه م.أ.س جايب جيد

جدا ومرتب على الدفعة كل ترم كان بيتسربله 4 مواد من 5 مواد ومن

ضمنهم مرة جالى إمتحان أحوال شخصية فى فجر يوم الإمتحان بس

الحمد لله المادة دى أساسا كانت سهلة وكنت كدة كدة هحل فيها يعنى مفرقش

معايا تسريب الإمتحان فيها

- ثانيا هل ينفع واحد إبن عمه تاجر مخدرات يدخل هيئة قضائية لمجرد إنه جايب

جيد جدا هل ينفع يخش وعلى خاله قضايا نصب وإحتيال أو أو أو

- الواقعة التالتة هل يعقل إن واحد والده بياع طعمية مع إحترامى لهم جميعا

وهى مهنة شريفة أو والده بيخيط جزم إنه يخش هيئة قضائية لمجرد إنه جايب

جبد جدا .. عارفين أول واحد هيتمسك من عيلته فى قضية مخدرات أو أو أو

هيطلعه فى نص ساعة وسلملى ساعتها على التقدير

إحنا مش بنقول إن مفيش ظلم .. لأ فى ظلم بس مش بالطريقة اللى الناس

متخيلاها ومش معقول كل اللى نفسه فى حاجة هياخدها فى ناس ربنا بيكرمها

وناس ربنا بيخليلها الخير فى مكان تانى

بالإضافة لحاجة ودا مش تحيز لأبناء المستشارين لأنى مش منهم .. بس لو إبن

المستشار لو جايب تقدير معلش هو الأحق من غيره بالتعيين لأن مفيش وسط

أفضل من الوسط القضائى مع وجود برضو بعض الأوساط الفاسدة فى القضاء

بس فى النهاية لا يمكن أن يكون التقدير هو المعيار الوحيد وياريت تطلعوا

على معايير تولى مهنة القاضى قى الإسلام وهتلاقوا كلامى صح

والسلام عليكم

كلامك صح ياانصارى جداااااااااااااااا ومنها لاتعلموا اولاد السفلة العلم وخاصة الطب والقضاء على مااتذكر يعنى طب لو حد مفيش فى عيلته مخدرات ومش من عيله بسيطه اوى كده متوسطه ومستواهم كويس وجايب تقدير بلاش جايب تقدير شكلها بتزعلكم شاطر فى مهنته يعنى ومجاش يبقا ايه ؟؟؟؟؟؟؟؟؟؟؟
كل واحد بياخد رزقه دا اكييييييييييييييد ومن حق اولاد المستشارين يتعينوا لو استحقوا دا طبعااااااااااا بس الظلم ربنا ميرضاش بيه وموجود موجود موجود تفتكر لما ابن مستشار يكون بشرب هو نفسه مخدرات وبعد مايتعمله التحاليل ويعرفوا وعادى كله ماشى تفتكر دا معيار من معايير تولى مهنة القضاء فى الاسلام ولا داخل يلعب جوه ومش بشتغل والو اشتغل بيبقا ربنا الاعلم بشغله عادى كله ماشى اصلة ابن فلان عديله ياعم بردو من المعايير بصوا الظلم فى الهيئات القضائيه موجود وبين ومفضوح وعلى العلن وربنا ميكتبهاش على حد فيكم خالص وتتعينوا كلكم يارب ان شاء الله بس بعيد عنكم يعنى يارب يارب باذن الله لو اى حد فيكم مجاش مثلا وربنا ميكتبهاش والحمدلله هو متوافر فيه الشروط وسلم امربه لله وقال خلاص ربنا مش رايد وفى يوم لقى احد ممثلى الهيئات القضائيه طالع بيقول الكلام دا بذمتكم مش هيتحرق دمكم مش هتجننوا من الكلام انا اعرف واحد بس اتعين من غير واسطه مش قصدى ان هو بس يعنى بس هو الى اعرفه اتعين من غير وسطه للاسف الباقيين كلهم كانوا بواسطه يعنى ماعلينا بس اقسم بالله العظيم انه ماشاء الله الله اكبر عليه عبقرى قانون وفعلا لو الهيئات القضائيه مكنتش خدته كانت هى الى خسرت والله من غير مجامله ومن غير واسطه ولا محسوبيه ولااطيان ولاغيره يعنى القضاء لما يعدل بجد مش هيخسر بالعكس دا هيكسب شباب بالطريقه الى ماشيه دلوقتى دى هو الى بيخسرهم والى دايقنى بقا دلوقتى بجد ان محدش فيكم حاسس بدا ربنا يوفقكم انتوا يارب باذن الله وعلى حظكم كل حاجه وحشه تنتهى يارب ونفرح بتعيينكم اللهم امين ولربما الثوره الى حصلت تكون مصلحه كبيره ليكم ياااااااااااااااااااااااارب

الواحد دا أنا عارفه ... إيييييييييييييييييييييييه مين يشهدله

هههههههههههههههههههههههههههههههه

كلام جميل جدا دا كفاية الدعوة اللى فى الآخر بس كان نفسى تنهيه برضو

بإن التقدير مش هو المعيارالوحيد للتعيين فى الهيئات القضائية وأى إخلال

بالمعايير الباقية هيضيع البلد لأن ساعتها فى ناس الله أعلم بيها هتتولى مهنة

القضاء وفعلا ساعتها هنقول عليه العوض ومنه العوض

ههههههههههههههه ماشى ياانصارى والنبى مابشهد زور والنعمه والنعمه
وهى دى بقا الفكره ان فى زيه شباب كتير وشايفين ان من حقهم يتعينوا وملهمش لافى مخدرات ولاغيره بس مفيش فرصه لكن فى اكتساح للناس التانيه حقق العداله عشان البلد تمشى صح وميظهرش لاحاقد ولافاسد ولا دا كله وكمان عشان تكسب من خبرات الناس دى
انا مقولتش التقدير بس بس مينفعش اكون فيا الشروط المطلوبه بجانب انى متفوق ماهو دا لازم زكره مينفعش مذكروش وملقنيش فى الاخر ماهما وانا بقدم مقلوش عفوا التقديم مقصور على ناس معينه ولاد المستشارين زيهم زى اى حد من حقه يتعين بس متجبليش الاغلبيه وتاخد نفرين م مش اولاد المستشارين وتقولى هى ماشيه كده ماهى حاجه تغيظ وهو دا الى بقوله فى معايير تانيه للتعيين بس بلاش معيار ابن المستشار لازم يبقا مستشار اصل دا مش معيار دا استهبال لكن ابن مستشار ومتفوق وناجح وعدى مراحل التقديم بنجاح واتعين ياسلام دا على عينا وراسنا وشرف للقضا كله
ويلا بقا خلصوا واتعينوا عشان انا عاوزه جاتوه وحاجه سقعه وياريت لوصاندوتش لحمه بالمره
ربنا يكتب الخير للجميع يارب

أحمد المنوفى كتب:

بصي يا ميمو
انا مش عايز ادخل في جدل كتير
بس قبل ما تقولوا واسطة في التعيين حلوا مشكلة الواسطة في التقدير و التصحيح
بمعني
وقت ما يبقي كل طالب في جميع كليات الحقوق واخد حقه بجد ساعتها يبقي اللي جايب تقدير يستحقه و ميختلفش فيه اتنين
يعني حققوا المعيار اللي بيطالبوا بيه و كل واحد ياخد حقه في التصحيح و التقدير اللي يستحقه بجد
مش كل اللي جايبين تقديرات عالية يستحقوها
منهم اللي يستحقها و منهم اللي جايبينها و معروف جايبها ازاي
فلما يبقي التقدير صح مليون المية ساعتها نقدر نقول اه دا الاوائل او اللي جايبين تقدير عالي دول ليهم الحق يتظاهروا و يطالبوا
انما تقوليلي بيذاكروا و متعينوش طيب ما اغلب الدفعة كانوا بيذاكروا مش كده و بس لأ الكتير منهم كانوا بيذاكروا و بيطلع روحهم و روح اهاليهم و مكانوش بيجيبوا تقدير عالي بسبب ان مفيش زمة عند الدكتور و هو بيصحح او بسبب ان مزاجه مش رايق او بسبب ان فيه حد متوصي عليه لازم يطلع من الاوائل
الكلام دا بيحصل و علي مرأي و مسمع من الكل ولا لأ ؟؟؟؟؟؟؟؟؟؟
الكلام دا بيحصل و بيحصل في العلن كده
و معروف مين الاوائل او علي الاقل معروف 7 علي الاقل من ال 10 الاوائل مقدما منغير ما يتم الامتحان ولا اي حاجة من دا كله
فلما التقدير اللي هوه المعيار اللي بيتم التحجج بيه يبقي صح مليون المية
و كل واحد ياخد حقه بجد
ساعتها محدش هينكر ان اللي جايب تقدير احق بالوظيفة دي من غيره
و للمرة الثانية هقولك
مش الاوائل بس اللي ذاكروا و متعينوش
لأ
كتير جدا ذاكروا و طفحوا الدم و في الاخر لعدم وجود ضمير عند المصحح سواء كان دكتور الماده او غيره علي شان مفيش ضمير مبيلاقوش حقهم في التصحيح
و بيتم احباطهم جدا علي شان اقل حاجة و هيا انهم ياخدوا حقهم في التقدير مش لاقينها
يعني دول اتظلموا لما ذاكروا و طفحوا الدم و في الاخر ملاقوش نتيجة تعبهم و مذاكرتهم دي
هنيجي و نقولهم كمان لأ انتوا فشلة و مش ومن حقكم انكم تتعينوا ؟؟؟؟؟؟؟؟؟؟؟
يعني مش كفاية اتظلم مرة
هنظلمه مرتين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و بعدين ما التلاتة او الاربعة الاوائل بيتم تعيينهم في الكلية معيدين
مش دي شغلانة زيها زي القضاء و النيابات
صح ولا انا غلطان
شغلانة بيتمناها الكل ولا لأ ؟؟؟؟؟؟؟؟؟؟؟
بيسيبوها ليه و يجروا علي الهيئات القضائية
بياخدوا مكان زملائهم ليه ؟؟؟؟؟؟؟؟؟؟؟؟؟؟؟؟؟؟؟؟
طيب لما هما مش عايزين وظيفة المعيد دي يتنازلوا عنها من الاول و ميفكروش فيها و يسيبوها لغيرهم اللي عايزها
وطالما قبلها يبقي يفضل فيها و مياخدش مكان حد من زملائه
يعني يتحجز ليه مكان في شغلانتين ؟؟؟؟؟؟؟؟؟؟؟؟؟؟
ما كفاية شغلانة واحده و التانية تبقي من نصيب واحد زميله !!!

بس مش معني كلامي ان كل الاوائل واسطة او او
و مش معني كلامي برده ان كل اللي جايبين تقدير واسطة او او او
لأ
انا اقصد ان معيار التقدير دا مش صحيح
و المعيار دا نفسه بايظ لانه بيتلعب فيه كتير اوي

و بعدين حاجة اخيرة
لو قلنا التعيين بالتقدير و بس يبقي اللي هيعين في الهيئات القضائية هم دكاترة الكليات
و مجلس القضاء يقعد في بيته !!!!!!!!!!!!!!

و طبعا دا مينفعش ابدا

في الختام
شكرا لكم جميعا علي ارائكم
و اتمني من الله ان يكرم الجميع باذن الله

يانهار ازرع يامنوفى انا بجادل ماشى الله يسامحك انا بقا من الى جايبين تقدير ومن غير واسطه ولا اعرف حد اصلا والحمدلله مستوايا الاجتماعى كويس ولله الحمد مجتش ومش زعلانه واصحابى امتيازات مع مرتبة الشرف ومستوى كويس ومجوش ومزعلوش والى اتعين الى مكنش بحضر اصلا ولاليه علاقه بالكليه ولا بالقانون وداخلها عشان عارف انه هيجى ودا فعلا الى زعلانا مزعلانش اننا مجناش ومزعلناش ان زميلنا جم ولا حقدنا عليهم بالعكس والله العظيم باركينا وهنينا بس زعلانا انها ماشيه كده وبردو مش نفاق مننا بس احنا بشر واكيد حاجه زى دى تزعلنا وخصوصا لو طول دراستك بتكدب الكلام دا ويطلع حقيقه انا مش بحطها على تقدير وبس افهم بس كلامى وبعدين قول بجادل ولالا لازم يبقا فى عدل يبقا فى تكافؤ فرص بس فكر فى حد هتفرق معاه مش قصدى عشان تعليه ماديا بس لا فكر فى شاب وراه مسئوليه ومستقبل وبيفكر فيهم وشايف انه خلاص المستقبل ادامه مفتوح لانه عمل الى عليه وتلاقى البشر ظلموه الاحساس مش حلو والله ماحلوانا كليتى الى اتعين فيها ولاد المستشارين وواحده بس مش ولاد مستشارين وفى اخر الهيئات القضائيه والوحيده الى معها امتياز مع مرتبة الشرف ازاى عايزين ارمى التقدير خالص من قاموسى يعنى حطلى كل المعايير ومعاها تقديرى وتفوقى واجتيازى لاختبارات الهيئه وشيلى الوسطه والمحسوبيه وانى قريب فلان وعلان هو دا الى المفروض يتشال قيمنى باسره كويسه طيبه محترمه مستوى مقبول وبس لكن مش لازم ابقا اين معالى البيه الباشا ولا قريبى الباشا ومليش فى القانون واقول لا تقدير ايه الى بتكلموا عنه انت عارف مين اكتر الى بيجيبوا تقدير بالكوسه فى الكليه الى هيتعينوا فى الهيئات القضائيه نيه مبيته يعنى او هيتعين فى الكليه ماهو الدكتور مش هيديله تقدير عالى الا لو ليه مكان فى اى حته اوقريب حد ولازم يجى بتقدير لكن الناس الى بتجهد بجد وبتجيب تقدير بجد ربنا مش بيضيع تعب حد بس للاسف احنا الىضيعنا حقنا عشان بندافع عن الغلط ونقول لا دا صح طب ازاى وانا قلت مش الهيئات القضائيه بس الى كده لا دا مصر كلها كده واحنا اتعودنا على كده فمبقتش حاجه غريبه اوى او تفرق يعنى
اتعين انت بس يامنوفى وملكش دعوى ومتنساش الجاتوه وصاندوتش اللحمه والحاجه الساقعه عشان ابلع هههههههه

انتوا كلامكوا صح جدااا ربنا يكرمكوا

يا ميمو إنهاءا للجدل فى مقولة بتقول دع ما يريبك إلى ما لا يريبك

ولو صنفتى المعايير اللى هى التقدير والتحريات والوسط الإجتماعى

هتلاقى إن المعيار الوحيد اللى فيه شك وريبة هو معيار التقدير وبالتالى

مينفعش نقول إنه يكون هو المعيار الوحيد للتعيين أو معيار أساسى بس هو

معيارمن ضمن المعايير ولو لاحظتى كلامى وكلام المنوفى هتلاقى إن كل اللى

بنقوله إن التقدير وحده مش كفاية وأنا قولتلك زميلى اللى إسمه م.أ.س جايب

جيد جدا إزاى لو قلنا بمعيار التقدير وحده يبقى دا مش حراااااااااااااااااااااااااام

إنه يتعين لكن فى نفس الوقت مش معنى كدة إن كل اللى جايبين تقديرات عالية

إنهم جايبينها ظلم بالإضافة إن فيه جامعات بتدى تقديرات بالهبل وفى جامعات

بتدى تقديرات بالعافية وبصعوبة يبقى إزاى أسوى بينهم .. وبالنسبة لأبناء

المستشارين اللى إنتى فاكرة إنهم مكتسحين التعيينات عارفة إن عدد اللى نزلهم

تحريات نيابة عامة 870 واحد تقريبا فى منهم 168 واحد أبناء مستشارين على

إفتراض إن تم تعيينهم كلهم وعدد المعينين قد يصل إلى 550 إذا عدد أبناء

المستشارين لا يتعدى التلت يبقى فين الإكتساح اللى بتقولى عليه .......

بس فى النهاية نفسى تقولى إن معيار التقدير وحده مش كفاية أرجوكى

ومش هنساكى فى السندويتشات هههههههههههههههههههههههههههههه

ههههههههههههههه انا الى انا مش واخده بالى منه ياانصارى دانا عيشته وربنا انت عارف يعنى ايه كليه كامله ياخدوا منها ابناء المستشارين بس المعيار الوحيد الى فيه شك وريبه التقدير امال معيار الوسطه والمحسوبيه فيه ايه يانهار ابيض ياجدعان انتوا هتنرفزونى ليه بس هههههه هو ان انا متفوق دا عيب الناس الى بتجيب تقدير بالكوسه مببقوش مظلومين دول جايبين تقدير عشان يلاقوا مكان يتحطوا فيه يعنى بردو واسطه ومحسوبيه اقولك ارمى التقدير وهاتلى بتوع مقبول وعينهم واعملهم امتحان صح يجتازوه عارف هتلاقى ايه اغلب المقبول ولاد مستشارين داياناس كانوا بيعملوا دفع تكميليه عشان الى ولاد مستشارين ومقبول ومحلفهمش الحظ يعرفوا يدخلوا تقولولى معرفش ايه طب
والمنوفى انت بتقرا كلامى ولا بتاخد نصه ونصه لا هو انا قولت لو ابن مستشار ومتفوق ويستاهل مش من حقه يتعين عرفت مين الى بيجادل ؟؟؟؟؟؟؟؟؟؟ هبتتدى اشك فيك يامنوفى مش مرتحالك ربنا يوفقك انت والانصارى وكل الى مقدمين ومش هقول حاجه تانيه لما تقرا كلامى كله الاول بس بردو الهيئات القضائيه بتعيين ناس كتير متستحقش ايه ايه رائى وانا حره فيه الاختلاف فى الرائى لايفسد للود قضيه انا حره
نسيت اقولك انك ضحكتنى على الاوائل الى بيجوا معيدين فى الجامعه دول قولى صحيح انت مصدق الكلام دا ؟؟؟؟؟؟؟؟؟؟
عايزينى اقول ان التقدير مش معيار ماشى مش معيار ومش صح تاخدنى بالتقدير عشان الظلم الى فى الكليات مش دا كلامكم شيلى بقا الوسطه والمحسوبيه الى ماليه البلد وماليه الهيئات القضائيه اعترفوا ومتقولش لا لانكم مش بتكلموا واحده خريجة تجاره انا عديت بالفتره دى كلها وشوفت الى بحصل بالظبط
واخيرا الى بدخل وعارف انه ميستحقهاش وداخل بلطجه واخد حق غيره لازم يتاكد ان ربنا مش هيباركله فيها وبس
وانتوا بقا بعد المناهده دى فى الحر الجميل دا واتعينتوا ومجبتوليش الحاجات الى قولت عليها مش هقولكم الى هيحصل عشان مفيش حاجه هتحصل اصلا ههههههههههه ربنا يوفقكم يارب باذن الله وتتعينوا ويتعين كل الى يستحق التعيين وربنا يكتب الخير للجميع ياااااااااااااااارب

قبل كل شى السلام عليكم ورحمة الله وبركاته
بالنسبه للموضوع ده التقدير والواسطه انا معاكوا ان اللى معاه واسطه ربنا بيكرمه ويدخل القضاء بس لازم برده يكون مستوفى الشروط وبردوا اللى جايب تقدير ومستوفى الشروط بيدخل القضاء ودى حاجه حصلت قدام عينى قابلت واحد من دفعة 2007 لما كانوا بيحلفوا اليمين اسمه اسلام اتعرفت عليه صدفه والله ماكنتش اعرفه اسلام ده كان جايب تقدير ومن الاوائل جامعه اسيوط اتكلمت معاه وازاى اتعينت ومعاك واسطه ولالا
اقسم بالله انه مش معاه اى واسطه غير ربنا سالته امال اتعينت ازاى قالى جايب تقدير ومن عائله جيده والتحريات كانت سليمه فقبلت ده بكل بساطه وقالى الناس اللى معايا من الاوائل اللى التحريات بتاعته كانت سليمه فى منهم اتعين ومنهم منتظر باقى الهيئات
هذا الموقف والله حدث مش بدافع عن جهه معينه اللى حابب اقوله ان ولاد المستشارين لما بيتعينوا بيبقوا مستوفين الشروط مش اى حاجه ونسبه اولاد المستشارين لا تتعدى ال20فى الميه فى الدفعه وممكن اقل بمعنى ان الاوائل بيتعينوا وممكن بيبقى طالع من الاوائل وفى المقابله بيبقى غير مقنع للجنه يبقى هايتعين ازاى احب اقول ان موضوع ده تقديرى للجنه فسيبوا الناس تشتغل وربنا يهدى النفوس ويقدر لنا الخير

لاانتوا متفقين عليا اعترفوا اعترفوا ههههههههه
ياجماعه انتوا بتهزروا والله العظيم وولاد المستشارين بيكتسحوا التعينات ودى حقيقه والى مش مصدق او مش عايز يصدق هو حر ربنا يوفقكم وميحصلش معاكم كده يارب وانا اعرف ناس اتعينت من غير واسطه ولا ولاد مستشارين وقلت كده بس قليلين اوى فى وسط التانين تنكروا انكم لما بتقدموا بتبتدوا تدوروا على واسطه لو دا مش موجود طب الى بيدور بيدور ليه عموما ممكن دفعتى هى الى كانت منحوسه مع انها 2007 بردو ههههه بس ممكن كليتى انا خصوصا الى كانت منحوسه بزياده يعنى ههههههه عموما طالما انتوا مقتنعين بكده يبقا خير ربنا يوفقكم والى بتقولوه يكون صح ان شاء الله ويتحقق للدفع بتاعتكم قولوا يارب انا بس عاوزه اقول نرجع للموضوع نفسه متلوموش الى حس بالظلم انه عمل حاجه الا لما فعلا يكون الظلم مش موجود ربنا يوفقكوا يارب

لا إله إلا الله أشد فى شعرى ياهووووووووووووووووووو

أنا بقارن بين معايير الإختيار اللى هما التقدير والتحريات والوسط الإجتماعى

وبقول إن المعيار الوحيد اللى مش ثابت بين الجامعات هو التقدير بالإضافة للكوسة

والواسطة والمحسوبية اللى بتحصل فى تقديرات بعض الناس مش كلهم الله يخليكى

ركزى .. دا كله بيخلى إن مينفعش الإعتماد على التقدير وحده .. أما قصة الواسطة

والمحسوبية فدا موضوع تخين ومسيطر على كل الدنيا ومعلش يعنى حاجة بسيطة

لو فى واحدة جوزها وكيل نيابة أكيد بيتوسطلها فى حاجات كتير مثلا خبطت

عيل بعربيتها بيطلعها تصالح .. عايزة تحجز عند دكتور كبير .. عايزة تذاكر سفر

عايزة تتعين فى مكان معين .. الواسطة والمحسوبية مرض إجتماعى مالى البلد ياريت

تخلص منه كلنا وإحنا كلنا ضده بس برضو التقدير وحده مش كفاية لأنه فيه شك

وإختلاف بين الجامعات .. شكلى مش هجبلك صندويتشات السنة دى