منتدى راجعون الى الله
الجزيرة تغطى الوقفة الاحتجاجية لخريجى الحقوق والشريعة والقانون 5e6e128532

انرت منتدانا زائرنا الغالى اذا اردت التسجيل فمرحبا بك
منتدى راجعون الى الله
الجزيرة تغطى الوقفة الاحتجاجية لخريجى الحقوق والشريعة والقانون 5e6e128532

انرت منتدانا زائرنا الغالى اذا اردت التسجيل فمرحبا بك
منتدى راجعون الى الله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى راجعون الى الله


 
الرئيسيةأحدث الصورالتسجيلدخولالتسجيل
النيابة العامة والنيابة الادارية ومجلس الدولة وهيئة قضايا الدولة موضوعات متجددة تجدها بمصداقية فقط على منتدى راجعون الى الله ....
تابعوا معانا يوميات حنفى وحمديه والناس الموئعتيه فقط وحصريا بقسم القصص والمواعظ بمنتدانا منتدى راجعون الى الله
بمناسبة اقتراب شهر رمضان الكريم اعاده الله علينا وعليكم باليمن والخير والبركات ندعوكم لزيارة قسم (رياض الجنه الرمضانى )بمنتدانا لمتابعة كل ماهو مفيد وجديد فى الشهر الكريم
عايز تتابع وتعرف كل حاجه عن علماء بتحبهم ومفكرين وشيوخ اجلاء بتتمنى تكون زيهم تابع معانا فى منتدانا بقسم المفكرين والعلماء وسوف تجد كل ماتتمنى ان تعرفه عن مشايخنا وعلمائنا ومفكرينا
عندك موهبة الكتابه ؟؟؟عايز تقول رأيك ونفسك تبقا صحفى والكل يقرا مقالاتك ؟؟؟؟نورنا فى جريدة منتدانا منتدى راجعون الى الله (مقالات الاعضاء وبس)

 

 الجزيرة تغطى الوقفة الاحتجاجية لخريجى الحقوق والشريعة والقانون

اذهب الى الأسفل 
4 مشترك
انتقل الى الصفحة : 1, 2  الصفحة التالية
كاتب الموضوعرسالة
سيادة النائب
مشرف قسم
مشرف قسم
سيادة النائب


الساغة الأن :
الاقامة : مصر
الجنس : ذكر
عدد المساهمات : 934
نقاط : 1071
تاريخ التسجيل : 20/05/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty4th مايو 2011, 11:48 pm

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
سيادة النائب
مشرف قسم
مشرف قسم
سيادة النائب


الساغة الأن :
الاقامة : مصر
الجنس : ذكر
عدد المساهمات : 934
نقاط : 1071
تاريخ التسجيل : 20/05/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty4th مايو 2011, 11:53 pm

ودا اعتصام مفتوح لخريجى الشريعة والقانون امام محكمة النقض


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
سيادة النائب
مشرف قسم
مشرف قسم
سيادة النائب


الساغة الأن :
الاقامة : مصر
الجنس : ذكر
عدد المساهمات : 934
نقاط : 1071
تاريخ التسجيل : 20/05/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty4th مايو 2011, 11:54 pm

ودا اعتصام مفتوح لخريجى الشريعة والقانون امام محكمة النقض


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
سيادة النائب
مشرف قسم
مشرف قسم
سيادة النائب


الساغة الأن :
الاقامة : مصر
الجنس : ذكر
عدد المساهمات : 934
نقاط : 1071
تاريخ التسجيل : 20/05/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:00 am

يا انصارى كنت بتسال عن اخبار الوقفة الاحتجاجية صوت وصورة ياباشا

تحياتى
الرجوع الى أعلى الصفحة اذهب الى الأسفل
أحمد الأنصارى

راجع متفوق
راجع متفوق
أحمد الأنصارى


الساغة الأن :
الاقامة : مش مهم
الجنس : ذكر
عدد المساهمات : 1131
نقاط : 1265
تاريخ التسجيل : 24/11/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:28 am

يا باشا إيه الجمال دا .. دا خدمة فايف ستارز

أنا شاكر ليك جدا جدا يا باشا أشوفهم وأرد عليك بإذن الله
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 11:55 am

والله العظيم عندهم الف حق اقسم بالله العظيم الى بيقوله دا بيحصل وحرام وانتوا تقولولى شيلى التقدير يعنى الى يجيب مقبول يجى والى يجيب تقدير يتشال طب دا عدل والله العظيم حرام وانا موضوع مقبول دا انا شوفته بعينى اقسم بالله العظيم حرقة دم ياريت ياشبب تحسوا بالناس دى ومتدافعوش عن الظالم مبتمنلكوش تحسوا بالى حساه الناس دى بس احنا حسناه عارفين يعنى ايه تلاقى الى اقل منك تقديرا اتعين وانت لا وبمقبول وانت شارط ان اقل حاجه جيد يعنى ايه والله حرام ازاى يعنى طب دخلهم بجيد عشان تبقا مبلوعه تيجى تدخل ناس بمقبول وياريتهم ناس عاديين هاتولى واحد اتعين بمقبول مش من اولاد المستشارين ومتقولوش محصلش لانه حصل وانا واحده حضرت الكلام دا وبقولكم انه حصل لو هتمشيها على الكل وميبقاش شرط وعادى المهم تبقا متفوق فى القانون ماشى لكن ناس وناس لا دا قمة الظلم من جهة المفروض هى اساس العدل يعنى ايه اخد المقبول واقول للناس الى تقديرهم عالى لا التقديرات دى بتيجى بالكوسه وملكوش مكان ياسلام هما الى بمقبول دول مش كوسه والى جايين عادى كده الاوائل والمتفوقين والى زاكروا عشان هدف زى دا فى الزباله يعنى والله العظيم انا محترماهم جدا لانهم مش عايزين يسكتوا عن حقهم الساكت عن الحق ياناس شيطان اخرس والله العظيم قلبوا علينا المواجع ربنا يسامحهم بقا قبل اى ردود مستفزه ياجماعه وانتوا مش حاسين بالناس دى ومش حاسين بالى حصل قبلكم ادعوا احسن ان دا ميحصلكوش وادعوا ان فرصتكم تبقا اكتر ولو حد من ابناء المستشارين او اقاربه بلاش يعلق لان تعليقه هيبقا مش محايد هيبقا دفاع وبس يعنى مش هتبقا شهاده عادله فبلاش منها ودى حاجه حصلت ياجماعه وبتحصل ويمكن الى بعملوه دا يبقا فى صفكم يمكن الضماير تفوق شويه ويبطلوا محسوبيه ووساطه والله العظيم انتوا مش حاسين بالناس دى وربنا ميجعلكوش تحسوا بدا خالص ان شاء الله
شكرا ياسيادة النائب على التغطيه الروعه دى مع انك عيطتنى هههههههه
تسلم بجد تغطية رووووووووووووووووووووووووووعه
الرجوع الى أعلى الصفحة اذهب الى الأسفل
أحمد الأنصارى

راجع متفوق
راجع متفوق
أحمد الأنصارى


الساغة الأن :
الاقامة : مش مهم
الجنس : ذكر
عدد المساهمات : 1131
نقاط : 1265
تاريخ التسجيل : 24/11/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:03 pm

ههههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههه

يعنى بتردى قبل إحنا ما بنرد .. ومين قال إنى مؤيد لحاجة زى دى

أنا بقول إن مفيش مانع لتعيين أبناء المستشارين طالما إن متوافرة فيهم

جميع الشروط وأكيد من ضمنها التقدير والقانون يشترط جيد على الأقل

وبالتالى الغير حاصلين على جيد لا يحق لهم التعيين .. حد قال غير كدة

ولو طبق أقل من هذا الشرط لابد أن يطبق على الكل وليس أبناء

المستشارين فقط ....... ههههههههههههههههههه
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:09 pm

ايون كده محدش يتسفزنى دلوقتى لحسن عفاريت الدنيا بتتنطط فى وشى ههههههههههههههههه
الرجوع الى أعلى الصفحة اذهب الى الأسفل
سيادة النائب
مشرف قسم
مشرف قسم
سيادة النائب


الساغة الأن :
الاقامة : مصر
الجنس : ذكر
عدد المساهمات : 934
نقاط : 1071
تاريخ التسجيل : 20/05/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:10 pm

معلش يا ميمو متعيطيش دا واقع لازم الكل يعرف بيه

لان انا بصراحة شايف ان الكل لازم ياخد حقه حتى لو انا متعينتش فى اى هيئة لانى ممومن بان رزقى لن ياخذة غيرى وسيبها على الله ولو لى نصيب فى اى هيئة هيجيلى وعمرى ما اقدر اشتم او اقول كلام وحش على اى حد انا شايف انة فعلا مظلوم انا اعرف ناس كتير اتظلمت وعارف معنى الظلم كويس قوى عشان كدا انا متعاطف جدا مع اى حد مظلوم مش شرط انة يكون ظلم فى التعين ولكن شوفت ظلم فى حاجات كتيييير جدا وعارفة كويس قوى


عبدى انت تريد وانا اريد ولا يكون الا ما اريد فاذا رضيت بما اريد كفيتك ماتريد وان لم ترض بما اريد اتعبتك فيما تريد ولا يكون الا ما اريد (سبحان الله)
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:20 pm

تسلم ياسيادة النائب كلامك صح وطبعا الارزاق دى بتاعت ربنا وهو الى بيقسمها وكلنا مؤمنين بكده بس انا بقول مننصرش الظالم ونقف ضد المظلوم والظلم بين بالطريقه دى الحمدلله على كل شئ ويارب باذن الله ميكتبهاش على اى حد انه يتظلم فى اى مكان
بالتوفيق للجميع يارب
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير
أحمد المنوفى


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:24 pm

و الله يا ميمو انتي فاهمانا غلط
و للاسف الناس دي سمعت كلام و بتردده
دلوقتي احنا مبنقولش يتعين ابو مقبول لأ مبنتكلمش في النقطة دي خالص
بالعكس
اللي جايب مقبول مبيقدمش اساسا لا ابن مستشار ولا ابن غفير
يعني الشرط دا بينطبق علي الكل
واكيد هتقولوا لأ بيتعينوا
طيب سؤال و ردوا انتوا عليه
لو ولاد المستشارين بيتعينوا بمقبول زي ما بتقولوا دلوقتي الزند واجع دماغة ليه علي شان يلغي القرار الخاص بالجيد ؟؟؟؟؟؟؟؟؟؟؟؟؟؟
مكان اسهله انه يسكت و ميتكلمش عليه و العملية بتطبخ زي ما انتوا فاكرين او متصورين جوه
ههههههههههههههههههههه
حد عنده رد علي التساؤل دا ؟؟؟؟؟؟؟؟؟
يا ميمو الخلاف الوحيد اللي عايز افهمه ابن المستشار اللي جايب جيد و جيد جدا و متوافر فيه كافة الشروط
ظروف اجتماعية ممتازة اهل مفيش بعد كده جايب يا ستي جيد بس مش جيد جدا كمان
عدي الاختبار بتاع اللجنة
ايه ناقصة علي شان ميتعينش ؟؟؟؟؟؟؟؟؟
يعني دلوقتي الناس بتقول التحريات تبقي قاصرة علي المتقدم و اسرته الضيقة فقط
يعني بالعربي لو عمي او خالي متهم في قضية او عليه حاجة ماليش دعوي بيه
يعني دا مفيش مانع من انه يتعين زي ما الناس بتطالب
طيب دلوقتي قوليلي انتي يا ميمو

1) وكيل نيابة عمه او خاله او احد اقاربه متهم في قضية او مسل خطر
ولا
2) وكيل نيابة ابوه مستشار و تحرياته كلها زي الفل و مفيش حد من اقاربه عليه الهوا ؟؟؟؟؟؟

مين فيهم ينفع
اقولك علي حاجة
الفرض رقم (1) ممكن جدا علي شان خاطر الباشا قريبهم تتحفظ القضية اللي متهم فيها او يتم التصالح فيها علي شان خاطر الباشا ابو جيد جدا مثلا

الامور مش بالتقدير بس يا ميمو
عارف ان كلامي بيدايقك و متكونيش فاكره اننا منظلمناش
بس الحمد لله علي كل شئ انا عن نفسي راضي جدا عن نفسي وده المهم
طبعا هتقوليلي اتظلمت في ايه
صح ؟؟؟؟؟؟
هقولك اتظلمت و غيري الكتير مش انا لوحدي علي شان حبينا نمشي بنغير واسطة في الكلية و كانت النتيجة ان مفيش واسطة مفيش تقدير عالي و اخرنا زي اخر باقي الشعب جيد
و مبيجيبش الجيد جدا او الامتياز دي غير قله معروفة مسبقا
فوالنبي بلاش نبرة انتوا محستوش بالظلم دي

و برده في الاخر
انا مش حاقد علي حد و لا زعلان من حد
الحمد لله جيبنا جيد و الحمد لله
و ربنا يكرمنا باذن اله و فضله اولا و اخيرا و لو الخير في اللتعيين هيجي بغض النظر عن الواسطة او غيرها
ولو التعيين فيه ضرر انا متاكد ان ربنا مش هيكتبه ليا حتي لو واسطتي مين بالذي

الحمد لله اولا و اخيرا علي كل شئ
لا واسطة بتنفع ولا تقدير بينفع
سيبيك انتي و توكلي علي الله
و ربنا عمره ما بيعمل حاجة وحشة لاي مخلوق

الحمد لله
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير
أحمد المنوفى


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:33 pm

( عبدى انت تريد وانا اريد ولا يكون الا ما اريد فاذا رضيت بما اريد كفيتك ماتريد وان لم ترض بما اريد اتعبتك فيما تريد ولا يكون الا ما اريد )

و نعم بالله

يا ميمو و النبي انا راضي ذمتك بجد هو التعيينات بس هيا اللي فيها ظلم ؟؟؟؟؟؟؟؟؟
قبل ما التعيينات يبقي فيها ظلم التصحيح في الكليات و التقديرات فيها ظلم و ظلم بين جدا
صلحوا الدرجة الاول من السلم ( التقديرات ) علي شان لما تيجوا تصلحوا الدرجة التانية من السلم تصلحوها صح ( التعيينات ) متجيش بيت الدور الاول بايظ خالص و تقولي هصلح الدور التاني و الدور الاول علي وشك الانهيار
لما الاصلاح يبقي في الدور الاول ( التقديرات ) وكل واحد ياخد حقه بما يرضي الله فيها يبقي نتكلم عن اصلاح الدور التاني ( التعيينات ) و نتكلم عن الظلم اللي فيه
عمر الاصلاح ما بدا باللي فوق ابدا قبل اللي تحته
كده انتوا بتبوظوا الاتنين
لان باصلاح الدور التاني و الاول بايظ
الاول هيقع و بالتاني الدور التاني هيقع معاه
صح ؟؟؟؟؟؟؟؟؟
بلاش نغمة الظلم و الظالم و المظلوم لانك هتلاقي انك مش عارفه تبقي عادلة للاسف يا ميمو
لان مش الاوائل هما الي مظلومين و الباقي ظالمين
لأ
خليكي واضحة و صريحه مع نفسك و هتلاقي ان اللي جايبين جيد وكانوا يستحقوا اكتر انظلموا اكتر من الاوائل كمان

علي كل شكرا للحوار الممتع دا و اللي بيبين وجهات النظر
احنا بنتناقش مش بنزهق بعض

شكرا للجميع



الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:48 pm

بالعكس
اللي جايب مقبول مبيقدمش اساسا لا ابن مستشار ولا ابن غفير
يعني الشرط دا بينطبق علي الكل

هههههههههههههههههههههههههههههههههههههههههه

متزعلش يامنوفى انى ضحكت اصلك بتدافع وانت مشوفتش بقولك انا اعرف ناس كده

واصحابى تقول ايه بردو الناس بتردد كلام وبس منوفى والنبى بلاش جدل ودفاع وخلاص انت

مقتنع بحاجه خلاص ربنا يكتبلك الخير بس متكدبش حاجه بتحصل الله يخليك ومتقولش بيرددوا

وبس عشان انا مش جايه من بلد تانيه ولالسه مستنيه التعيين اقول شوفت بنفسى تقولى بيرددو

وبس طب ارد اقولك ايه ياراجل بقا الى بيجيبوا تقديرات فى الكليات ظالمين والى بتعينوا

ومن غير التقديرات مظلومين زند مين الى بتتكلم عنه الى بيقول مفيش حاجه اسمها واسطه

ومحسوبيه ويرجع يقول بيئه قضائيه تساوى وكيل نيابه بيرددوا ايه انا سمعاه بنفسى فى

التلفزيون وهو بتكلم بلاش نغمة مظلوم وظالم عارف الى اقدر اقولهولك ان البلد دى عمرها

ماهينصلح حالها لان خدنا على الفساد وبنقوله كمان والى بيحاول يقول لا للفساد الى بجد بقا

اهبل وعبيط وعايش فى الدور ربنا مايوريك النغمه دى ولا تحسها قول امين لحسن نغمه وحشه

اوى بجد مش عاجبك الى بحصل وشايف انه غلط خلاص متعلقش طالما متعرفش متدفعش عن

الظلم عشان حرام والى مشفش يقول عدس انت بتقول ايه وبتشجع مين احنا مش

بنزهق بعض ونقاشنا عادى طب طالما مشفتش الظلم خلاص متجادلش تقديرات

بالظبم ومقبول بالعدل سلم ايه الى بتقول عنه ومين هيجيب تقدير بالظلم الا لو كان

عشان هيتعين بردو بالظلم الى بيجيبوا تقديرا كوسه دول مش صدفه يامنوفى دول

مرتبين من البدايه يعنى ارجع للاساس وهتلاقيه واحد ولااتنين لكن تحكملى على الى

بيجيبوا تقديرات واوئل انهم ظلمه وغيره لا ازاى يعنى عايز تتدافع عن القضاء دافع

بس متظلمش ناس اتظلمت وادعى انك متحسش بالظلم دا

ربنا يعينك ويوفقك قول يارب ومتشوفش الى غيرك شافه عشان متتعقدش
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 12:55 pm

ياسيادة النائب متجيبش مواضيع من كده تانى لحسن شكلى هلم الرجاله من على القهوه واجى اكسر المنتدى دا وادب خناقه وهتبقا ايام مايعلم بيها الا ربنا ههههههههههههههه
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير
أحمد المنوفى


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 1:07 pm

هههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههههههههههه
و الله يا ميمو انتي بضحكيمي مووووووووووووووووووووووووووت

يا ميمو ارجوكي خليكي ايجابية شوية و متحكميش انتي علي حاجة واحده و بس
انا قلت ان التعيينات مفيهاش ظلم
انا بقول ان الظلم بدا من التقديرات و التصحيح في الكليات
فالعدل يبدا من هناك علي شان لما نقول اوائل و تقديرات يبقي الاوائل اوائل بجد مش كوسة وواسطة و اللي جايبين تقديرا يبقوا جايبينها بجد مش كوسة وواسطة برده
يا ميمو اقسم بالله الاوائل دول بيبقوا اغلبهم ولاد دكاترة او متوصي عليهم
انتي عايزاها صريحه اكتر من كده ايه
ولاد الدكاترة و اللي متوصي عليهم هم الاوائل و نادر لما يبقي حد من الاوائل بمجهوده
ناااااااااااااااااااااااادر
دا غير اللي بينخسف بتقديره الارض علي شان اي سبب
مذاج الدكتور مثلا
و مش فكرة اني مقتنع بحاجة و الكلام دا
لا لو كنتي عهاصرتي حاجة زي ما بتقولي دخلت بمقبول اوكي وخدي بالك
حاااااالاة واحده بس
انا بقي معاصر اربع دفع ما لا يقل عن 7 من الاوائل في كل دفعة معروف ان ال7 دول اوائل من قبل ما ندخل الكلية
انتي مصصمة مترديش عليا ليه و عماله تحوري في الكلام
احنا مش مختلفين علي فكرة بس انتي باصة انالاوائل دول كلهم ملايكة من السما و ان اللي مش منهم دول ولاد كلب
علي كل شكرا لتصوركم دا
بس كفاية جدا نظرتكم للي بره الاوائل
و اسفين يا ملايكة يا منزلين اسفين علي اهانتكم و اتفضلوا هينوا فينا براحتكم
مش دا اللي عايزه توصليلوا
صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احنا لازم نطاطي للاوائل و نقولهم احنا اسفين حقكم علينا احنا شوية اوباش ولا نستاهل انتوا احق مننا بكل حاجة
احق مننا لانكم ربنا كرمكم و بالواسطة و جبتوا تقدير الواسطة اللي مرضيناش نستخدمها وقولنا لأ احنا زينا زي غيرنا
انتوا احق مننا يا اصحاب التقديرات

بجد شكرا ليكم عرفتونا مقامنا و مقامكم
يا اوائل

الرجوع الى أعلى الصفحة اذهب الى الأسفل
أحمد الأنصارى

راجع متفوق
راجع متفوق
أحمد الأنصارى


الساغة الأن :
الاقامة : مش مهم
الجنس : ذكر
عدد المساهمات : 1131
نقاط : 1265
تاريخ التسجيل : 24/11/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 1:23 pm

أقولك إيه يا ميمو .. يعنى أعيد الكلام اللى كتبته تانى

بجد إنتى بتسيبى النقط المحورية والأساسية فى الكلام اللى هى منطقية

جدا وهى الخاصة بإن التقدير فى وظيفة القضاء مش هو المعيار الأساسى

من الآخر يا ميمو مينفعش فى وظيفة حساسة زى دى ويفهم كلامى الناس

اللى عايشة فى القرى والأرياف إن يتعين فيها واحد من عيلة واطية لمجرد

إنه جايب جيد جدا .. أقسم بالله هو وأهله وعيلته وبلده كلها بيستغلوا المنصب

أسوأ إستغلال ودا مش معناه إن كل اللى جايبين جيد جدا كدة بس أنا بقولك

على اللى مش بيتقبل لأسباب هو نفسه عارفها بس كل اللى فيها إنه بيتحجج

إنه جايب جيد جدا لكن أقسم بالله لو تم الإكتفاء بالتقدير وحده الدنيا هتهيص

مش كل الناس ملايكة .. مش معنى إن شخص جايب جيد جدا يبقى لازم

هيكون أهل لتولى منصب القضاء لمجرد إنه كان شاطر فى الحفظ طيب أخلاقه

إيه طيب عيلته إيه هل دا كله مش هيأثر عليه بعد توليه المهنة

حرام عليكم متبصوش من نظرة ضيقة جدا وأقعدوا مع الكبار فى السن

وهيقلولكم إن العرق بيمد لسابع جد .. بس دا ميمنعش إن فى ناس كتير بتستحق

التعيين ورغم ذلك مش بتتعين وإنتى أكيد منهم بس مناخدش حالات قليلة ونعممها

على الكل ......... وشكرا والسلام عليكم
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 1:52 pm

بقولك ايه ياانصارى انت قولت كلام كويس من شويه وخلاص قولتلك هو دا الى انا اقصده متعكهاش بقا بلا عيله واطيه بلا عيله رفيعه ومين قلك انى بقول على عيله واطيه تتوظف يعنى فى مهنه زى دى انا بقول الناس الكتيرا لى متعينتش ومن عائلات محترمه ومتوافر فيها الشروط ومقبول ومتعينين وانا ليا صاحبتى مقبول وعايده سنتين ومتعينه عايز اكتر من كده ايه هو انا عاندتك فى كلامك محوريه ايه انتوا بتكلموا فى ايه اصلا الكلام الى قولته فوق هو دا الصح وخلاص متلبخش بقا الدنيا وتدخل الدنيا فى بعضها المنوفى مقتنع بكلام غلط لانه محسش بالناس دى وعشان كده بتكلم وخلاص انتوا الى مش فاهمين كلامى وبتتكلموا وخلاص هوانا قلت تقدير بس انا بقول حط التقدير بجانب الباقى وشيل الواسطه والمحسوبيه انت بتعيد الى انا بقوله وبتبعد عن الاصل الوسطه والمحسوبيه الى مبوظه الدنيا كده وللمره الالف حط التقدير الى انت عايزه مع باقى الشروط وابعد عن المحسوبيه والوسطه يارب تكون وصلت بقا متقعدش تقولى الى من عيله واطيه والى تاجر مخدرات والى معرفش ايه ازاى يعنى هطالب ان دول يتعينوا انا بقول على ناس فيها كل الشروط واتظلمت عشان ابن البيه لازم يجى انت قولت كلام كويس فى الاول وقولتلك هو دا الى انا اقصده اعمل تكافؤ فرص وحقق العدل الى مش موجود وبس خلص الكلام

الى عاملين مظاهرات ولاد دكاتره اصل الدكاتره مش هعينوا ولادهم فى الكليه انت الى مش فاهم كلامى وكلامك مستفز وخلاص وبيدافع عن القضا باستماته معرفش ليه مع ان الظلم باين جدا الى واقفين دول ولا ولاد دكاتره ولا ولاد مستشارين يعنى لا نالو دى ولا دى من الاخر كده دول اتعينوا ودول اتعينوا مش مستنين يعنى عشان يبقوا هما الى ظلموا يامنوفى افهم الى بحصل وبعدين دافع انت بتجادل وبتناقد نفسك وبتدافع عن المستشارين اوى معرفش ليه مع ان الى حصل والى بحصل كفايه يقولك ازاى الناس بتتظلم وانت بتكمل ظلم بكلامك انا مش متفقه مع اى كلام من الى بتقول وانا وانتى كلامنا مش واحد متجادلش فى الحق يامنوفى ولاد الدكاتره الى جابوا تقديرات مش مستنين النيابه وولاد المستشارين الى مجبوش تقديرات مش مستنين التقديرات والباقى بقا يولع بس انت طمنتنى ان احنا هنفضل على كده علطول الحمدلله ربنا يستر على البلد دى عارف امتا هننصلح فعلا لما نبص على المصلحه من منظور اوسع مش منظور انا ومن بعدى الطوفان ولو شايف ان صعب العدل يتحقق يبقا بجد قول على البلد السلام وربنا يستر انا مش هعلق تانى بصراحه لانى عارفه انك هتدخل بردو تنقد الكلام دا وتدافع اوى عن الغلابه الى اتعينوا والمقبول الى مش موجود ربنا يعينك ومتشوفش ظلم ابدا قول امين ايا كان الى حصل والى انت مش حاسه ادعى الضماير تفوق على حظكم وميحصلش ليكم غير الخير اللهم امين
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير
أحمد المنوفى


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 2:07 pm

يا ميمو ابووووووووس ايديك
انا مش فاهم انتي شايفة الحق ازاي
انا لا بدافع عن ولاد المستشارين ولا غيره
بالرغم من ان ولاد المستشارين اساسا مش في موقف وحش يحسب ليهم بالعكس بس دا مش موضوعنا
اللي عايز اوصله لمعاليكي يا ميمو ان التقدير بس مش معيار صحيح علي الاطلاق
صدقتي كلامي مصدقتيش انتي حرة
بس و الله التقدير عمره ما كان ولا هيكون صح ابدا
و بعدين تعالي بقي نبصلها من منظور تاني خالص
بالعقل و سيبك من اوائل و سيبك من ولاد مستشارين و الكلام دا كله
الدفعة بيبقي فيها حوالي ما يقارب ال 5 الاف او 6 الاف او اكثر خريج جايبين جيد علي الاقل
اللي تحرياته سليمة و فل حوالي نقول 4 الاف واحد
عايزين 500 منهم
هاتيلي انتي 500 بس من ال 4الاف دول
علي اي اساس
التقدير بيبقي ليه نسبة
و التحريات السليمة ليها نسبة
و المنظر و اللياقة في المقابله ليها نسبة
يعني شوية معايير علي بعضها كده
اولا مش كل ال 4 الاف واحد هيتعينوا
مستحيل دا 500 في العامة و حوالي زيهم في باقي الهيئات
يعني الف واحد بس من ال 4 الاف دول
طلعيلي الف واحد بس من غير ما نظلم ال 3 الاف الباقيين
ايه
هتعرفي تطلعيهم من غير ما تظلمي الباقيين ؟؟؟؟؟؟؟؟؟؟؟؟؟؟
لو هتعرفي قوليلي و انا هتاسفلك علي تفكيري الخاطئ دا

بتعمل تفضيل للناس اللي تتعين
و لازم ناس تستبعد
فالمعايير دي مجلس القضاء هو اللي بيحدد المعايير

يعني مستحيل هيتم ارضاء الجميع بالعكس انت هتعين واحد قصاده تلاته او اربعه حاسسن بالظلم
و علي فكرة مالهاش حل المشكلة دي
لانه مينفعش تعيين كل الخريجين

و يا ستي انا اسف ان كلامي معجبكيش
بكرر اسفي
و ارجو ان اختلاف الراي لا يفسد للود قضية

ارجو قبول اسفي و اعتذاري
الرجوع الى أعلى الصفحة اذهب الى الأسفل
أحمد الأنصارى

راجع متفوق
راجع متفوق
أحمد الأنصارى


الساغة الأن :
الاقامة : مش مهم
الجنس : ذكر
عدد المساهمات : 1131
نقاط : 1265
تاريخ التسجيل : 24/11/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 2:12 pm

والله يا ميمو انت لو ركزتى فى كلامى كويس هتلاقى إنه كله مرتبط ببعضه

إنت بتقولى إن فى ناس جايبة جيد جدا لو مفيش واسطة ومحسوبية هيتعينوا

قولتلك فى واسطة ومحسوبية بس مش شرط كل اللى جايبين جيد جدا

بيستحقوا التعيين .. حضرتك مش عضو فى مجلس الأعلى للهيئات دى

ومشوفتيش ملفاتهم والأقدر على النظر فى الملفات دى هو المجلس نفسه

وبالتالى مش شرط كل اللى جايبين جيد جدا من عائلات محترمة وبالتالى

فى ناس كتير منهم متستحقش التعيين لأنهم من عائلات غير جديرة بالتعيين

بلاش الكلمة إياها ... يبقى كلامى مرتبط ببعضه ومفيهوش أى عك وأنا

بقصد كل كلمة كتبتها لأنى مفتنع بكدة وأنا عن نفسى هحاول مردش تانى

الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 3:03 pm

طب بصوا انا هقولكم على حاجه من الاخر الهيئات القضائيه فيها ظلم فى التعينات زيها زى

كل الوظايف الى ماشاء الكوسه شغاله فيها على ودنه وبتورث طبعا احنا بنتكلم على حاجه

معينه

1/فى ظلم فى التعينات ايوه فى

2/فى وسطه ومحسوبيه ايوه فى

3/ فى ناس بتتاخد من جنبك يوم المقابله قبلها بخمس دقايق معروفين ولاد مين وبيدخلوا عند المستشار مش عارف مين يشربوا حاجه ساقعه ويقولولهم اطمنوا كل حاجه هتبقا كويسه ايوه فى

4/فى ناس اتعينت بمقبول عشان اولاد مستشارين ايوه فى

هيحصل ازاى ان دا يتصلح ان احنا بقا منوفقش ان دا يحصل تانى وطبعا دا مش هيحصل ليه

لان عمرك ماهتبقا عندك فرصه تتعين بالطريقه دى وهتقول لا مبادئ متسمحليش فهى ماشيه

كده عشان مانعلى ونعلى لازم نطاطى

احنا متفقين ان فى واسطه ومحسوبيه وبالهبل فى الهيئات القضائيه ولالا؟؟؟؟؟؟؟ اعتقد متفقين

انتوا مش مصدقين ان فى ناس بمقبول اتعينت من حقكم لانكم مشفتوش مش موضوعنا

شايفين ان التقدير مش قاعده وانا كمان شايفه معاكم كده بس لما يحصل عدل فى دى مشيها

كده اعملى امتحان ينفع يبين قدراتى وبجانبه اعملى تحريات على الاهل والاقارب والى بحصل

دا كله واتاكد انى من عيله ومحترم واستحق والتقدير دا مش مشكله وعلى اساسه عينى بس

مشيها على الكل ماشى اهو مغلطتش فى حاجه متهيألى دا الى بقوله واحده واحده اهو

يارب تكون وصلت كده محدش يزعل من النقاش لا الانصارى ولا المنوفى ولا فى اسف

ولاالكلام دااحنا كلنا اخوات احنا بنتناقش بس انتوا جيتوا فى موضوع بقا ممكن خدنى الحماس

فيه شويه معلش بس متهيالى كده وصل كلامى

متفقين معايا وانا مكنتش فاهمه اوك

مش متفقين معايا وانا طلعت بفهم شويه هههههه يبقا الاختلاف فى الرائى لايفسد للود قضيه

وكل الهيصه الى انتوا عاملينها دى عشان متجبوش صاندوتشات اللحمه لم ولن وابدا ونيفر مش

هتنازل ههههههه

ربنا يوفقكم ان شاء الله ومحدش يزعل ياجماعه نقاش عادى عادى

ربنا يكتب الخير ان شاء الله قولوا اميييييييييييييييين

يلا مستنيه اسمعها عشان اعرف ان محدش زعلان علوا صوتكم شويه ها

اميييييييييييييييييييييييين
الرجوع الى أعلى الصفحة اذهب الى الأسفل
سيادة النائب
مشرف قسم
مشرف قسم
سيادة النائب


الساغة الأن :
الاقامة : مصر
الجنس : ذكر
عدد المساهمات : 934
نقاط : 1071
تاريخ التسجيل : 20/05/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 3:49 pm

اناعن نفسى بعتذر انى كنت السبب فى اللى حصل دا وان شاء الله مش هجيب موضيع زى دى تانى ولا غيرها وهبقى احتفظ بيها لنفسى عشان الحمدلله المردى يمكن تكون جات سليمة مين يمكنعارف الاختلاف فى الراى بعد كدا اية يحصل ..............

تقبلوا اعتذرى وتحياتى وتمنياتى للجميع بالتوفيق والنجاح (اللهم اهلك الظالمين بالظالمين واخرجنا منهم سالمين )امين يارب العليم


بالتوفيق للجميع
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير
أحمد المنوفى


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 4:36 pm

ههههههههههههههههههههههههههه
يا عم النائب غلطان ايه بس
يا باشا انا متكلمتش الا و انا عارف ان الاختلاف في الراي مش هيحصل حاجة لاني بتناقش مع ميمو و عارف ان ميمو مش هتزعل من النقاش
اه كان فيه حده في الكلام شوية
مش مشكلة
بس في الاول و في الاخر احنا كلنا في مركب واحده
و كلنا شايفين حاجة و عايزين نصلحها
ليس الا
بس

ميمو
مفيش مشاكل خالص خالص و زي ما قلتي دا نقاااااااااش عادي جدا
و يمكن الحماس خدك و انا الدفاع عن الحق اللي انا شايفه خدني برده فيه الحماس
ميضرش مفيش مشاكل
و عارف اننا طلعنا كل واحد ما زال مقتنع برايه اوكي
بس برده انا مازلت مصمم
ان قبل ما يتم النظر في الظلم اللي في التعيينات
لاااااااااااااااااازم يبقي فيه عدالة في التقديرات
كل واحد ياخد حقه في الكلية في التقدير و تصحيح الامتحانات و بعد كده يبقي التقديرات صح مليون المية يبقي وقتها نبص للتعيينات
قبل كده ممنوع
هههههههههههههههههههههههههههههههههه

و بالنسبة لساندويتش اللحمة
امممممممممممممممممممممممممممم
ادعي بجد الاول و باذن الله كلي امل ان ربنا هيوفقنا و هجيبلك الساندويتش


الرجوع الى أعلى الصفحة اذهب الى الأسفل
أحمد الأنصارى

راجع متفوق
راجع متفوق
أحمد الأنصارى


الساغة الأن :
الاقامة : مش مهم
الجنس : ذكر
عدد المساهمات : 1131
نقاط : 1265
تاريخ التسجيل : 24/11/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 4:58 pm

إختلاف الرأى لا يفسد للود قضية

والحمدلله أقنعتك إن التقدير وحده مش كفاية

لولولولولولى ... دى واحدة بتزغرت جنبى

بس أنا مش مقتنع بوجهة نظرك بأن التعيينات جميعها ظالمة

وكلها واسطة ومحسوبية .. هى موجودة بس مش بالشكل اللى

إنت متخيلاه عارفة ليه لأنك حاسة إنك إتظلمتى ودا نفس إحساس

أى واحد متعينش .. ومفيش حد متعينش إلا وهيقول إنه إتظللم ودا شئ

طبيعى لأن مجموع اللى بيتعينوا فى النهاية فى جميع الهيئات القضائية

لا يتعدى 1000 واحد وبالتالى لا يمكن أن يتم إرضاء جميع الناس

ومفيش زعل أبدا وهنعمل وقف إطلاق نار لغاية سيادة النائب ما ينزل

موضوع جديد ههههههههههههههههههههههههههههههههههه Very Happy
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير
أحمد المنوفى


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 5:12 pm

هههههههههههههههههههههههههه
صافي يا لبن ... حليب يا انجوووووي
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

الجزيرة تغطى الوقفة الاحتجاجية لخريجى الحقوق والشريعة والقانون Empty
مُساهمةموضوع: رد: الجزيرة تغطى الوقفة الاحتجاجية لخريجى الحقوق والشريعة والقانون   الجزيرة تغطى الوقفة الاحتجاجية لخريجى الحقوق والشريعة والقانون Empty5th مايو 2011, 7:05 pm

لا دا مش صافى خالص وانا الى قبل مااقرا كلام الانصارى قولت هدعيله ومش هدعيلك يامنوفى خلاص انا سحبت الدعوى عنكم انتوا الاتنين هههههههههه
بردو مش وصلك ياانصارى الى انا عايزه اقوله انا مفرقش معايا الحمدلله انى جيت ولا مجتش محستش بالظلم اوى زى الناس الى حطه امالها على التعيين دا وبالتالى هما محروقين اوى كده وطلعين فى المظاهرات دى وعشان كده انا بقول بمنتهى البساطه ان منحجرش على رايهم ونقول انهم مزودنها هما مش مزودنها هما اتظلموا وبس ومش قولت ان كل الناس جايه بالكوسه وقلت ان ناس اتخدت من غير كوسه بس بردو ببساطه بقول ان مش صعب ان العدل يتحقق بس انا حضرت المواضيع دى وشوفت الوسطه بتحصل ادامى ويومها كنت عماله اضحك وعيال طالعه متغاظه وانا اقولهم عادى ياجماعه عادى هى ماشيه كده بس لما الناس دى تطلع بجد وتتكلم من حقهم علينا حتى اننا نتعاطف مع الى حصلهم مش نقول مزودنها بس كده هو دا كل حاجه ببساطه
واتحيلوا عليا شويه عشان ادعى بذمه بس ان شاء الله ان شاء الله ربنا هيوفقكم والنعمه وهتيجوا وهتقولوا ميمو قالت وتعملولى ساعتها مقام كمان هههههههههه
الرجوع الى أعلى الصفحة اذهب الى الأسفل
 
الجزيرة تغطى الوقفة الاحتجاجية لخريجى الحقوق والشريعة والقانون
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية
 مواضيع مماثلة
-
» اخر اخبار وقفة اليوم لخريجى الحقوق والشريعة والقانون
» عاجل: نتائج اجتماع جماهير الزمالك....وتنظيم الوقفة الاحتجاجية ضد اتحاد الكورة.
» الدية والتعويض بين الشريعة والقانون
» التعاقد مع 81 ألف معلم بداية من يوليو
» الجزيرة تعد بتغطية ممتازة لمباراة مصر والجزائر.

صلاحيات هذا المنتدى:لاتستطيع الرد على المواضيع في هذا المنتدى
منتدى راجعون الى الله :: منتدى طلاب كليات القانون :: قسم خريجى كليات القانون-
انتقل الى:  
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية reddit      

قم بحفض و مشاطرة الرابط راجعون الى الله على موقع حفض الصفحات

قم بحفض و مشاطرة الرابط منتدى راجعون الى الله على موقع حفض الصفحات