تحيا الثوره ؟؟؟؟؟؟؟؟؟؟؟؟؟

هالة سرحان استقبلوها حلو علشان موقفها القديم فى الكلام عن النظام واللى بسببه اتوقف برنامجها
ولبست القضية اياها
ساويرس مش ثورى اوحد ولا حاجة ساويرس اتبهدل من النظام لانه من رجال الاعمال القليليين اوىاللى كانوا بينقدوا النظام ايام جبروته
الاخوان بقى يغوروا فى 60 داهية ومن غير احترامى لان اللى بيتاجر بالدين مالوش مكان بينا
ده غير انهم كانوا بيحرضوا على عدم قيام المظاهرات بتاعة 25 يناير اللى اتحولت ل ثورة الجمدلله

مش عارف انتى بتهزرى ياميمو ولا بتتكلمى بجد
بس لو بجد ف نو تعليق

وماجتش على تاخير الدفعة يامنوفى انا طيرتلى وظيفة فى وزارة المالية نفسها اللى مرتبها لايقل عن النيابة وعادى اهم حاجة بس تعمل مفعولها مش الجيش والقضاء يبوظوها

معلش يامنوفى فى بشاير اهو يدؤا يتصلوا بمجلس الدوله جايز انتوا تبقوا وراهم علطول قول

يارب بس ساعاتها بقا لن نتنازل عن الجاتوه والحاجه الساقعه وصاندوتشين لحمه هههههههه

ربنا يوفقكم يارب والله بندعيلكم انا ومحمود دفعتكم تظهر بقا احنا عارفين اد ايه بتبقوا قلقين ربنا

يعينكم يارب

للاسف مش بهزر ياميدو انا ناقله الكلام على فكره مش انا الى كتباه بس لما شفته عاجبنى لان فعلا دا الى حاصل دلوقتى الثوره مجدت فى ناس متستهلش التمجيد وانا مش اخوانجيه ولا ليا علاقه باى احزاب اساسا بس فعلا الاخوان مبيتجروش بالدين بالعكس دول افكارهم منظمه جدا بس الاعلام قدر يخلينا مش عارفين نفرق اما الاخ ساويرس فهو اتبهدل من النظام السابق اه وغيره بردو اتبهدل بس الغريب ان هو فعلا بقا الثورجى الاوحد ولو مش شايف الاعلام مبجله اد ايه ؟؟؟؟؟؟؟؟؟؟؟؟ اما الاخت هاله سرحان فباين احنا نسينا انها كانت هربانه عشان قضيه مشهوره ليها كانت فى البرنامج الى كان بيجلها على روتانا ولو قلنا ان النظام السابق هو الى لبسهلها طب لبسهلها ليه وهى اصلا كانت فى اخر برنامجها كان كل اهتمامها بالفن والفنانين فقط يعنى معلش مش منزله البلد دى فيها رموز كتير حتى بعد الثوره للاسف مظهرتش وانا مش بدافع عن الاخوان بس مستغربه من الهجوم الرهيب الى على الناس دى وعلى غيرهم مع ان فى ناس تانيه متستحقش الى هى فيه ومحدش فى الاعلام المبجل جايب سيرته

أحمد المنوفى كتب:

الجيش و القضاء اللي هيبوظوها برده يا ميدو !!!!!!!!!!!!!!!!!!!!
لا تعليق

اه طبعا
لما الجيش ييجى يبوظ الدنيا ويعمل اعلان دستورى تاييدا للى قالوا لا وعايز يعمل انتخابات قبل الدتور تاييدا للى قالوا نعم بذمتك فى قرارات مكس دة فى الدنيا
وتباطئوا ده هو اللى مسبب المظاهرات دى كلها اللى معطلة الدنيا

اما القضاء فهسيبلك اقل حاجة لراحل المفروض انه فاهم قانون هههههههه
http://gate.ahram.org.eg/NewsContent/13/54/83822/%D8%A7%D9%84%D8%A3%D8%AE%D8%A8%D8%A7%D8%B1/%D9%85%D8%AD%D9%84%D9%8A%D8%A7%D8%AA/%D9%86%D8%A7%D8%A6%D8%A8-%D8%B1%D8%A6%D9%8A%D8%B3-%D9%85%D8%AC%D9%84%D8%B3-%D8%A7%D9%84%D8%AF%D9%88%D9%84%D8%A9-%D9%84%D8%A7%D9%8A%D8%AC%D9%88%D8%B2-%D9%84%D9%84%D9%85%D8%AC%D9%84%D8%B3-%D8%A7%D9%84%D8%B9%D8%B3%D9%83%D8%B1%D9%8A-%D8%A5%D8%B9%D8%AF%D8%A7%D8%AF-.aspx

وغيره فى القضاء بيايدوه ده غير حاجات تانية سبق واتكلمنا فيها

memo dream كتب:

للاسف مش بهزر ياميدو انا ناقله الكلام على فكره مش انا الى كتباه بس لما شفته عاجبنى لان فعلا دا الى حاصل دلوقتى الثوره مجدت فى ناس متستهلش التمجيد وانا مش اخوانجيه ولا ليا علاقه باى احزاب اساسا بس فعلا الاخوان مبيتجروش بالدين بالعكس دول افكارهم منظمه جدا بس الاعلام قدر يخلينا مش عارفين نفرق اما الاخ ساويرس فهو اتبهدل من النظام السابق اه وغيره بردو اتبهدل بس الغريب ان هو فعلا بقا الثورجى الاوحد ولو مش شايف الاعلام مبجله اد ايه ؟؟؟؟؟؟؟؟؟؟؟؟ اما الاخت هاله سرحان فباين احنا نسينا انها كانت هربانه عشان قضيه مشهوره ليها كانت فى البرنامج الى كان بيجلها على روتانا ولو قلنا ان النظام السابق هو الى لبسهلها طب لبسهلها ليه وهى اصلا كانت فى اخر برنامجها كان كل اهتمامها بالفن والفنانين فقط يعنى معلش مش منزله البلد دى فيها رموز كتير حتى بعد الثوره للاسف مظهرتش وانا مش بدافع عن الاخوان بس مستغربه من الهجوم الرهيب الى على الناس دى وعلى غيرهم مع ان فى ناس تانيه متستحقش الى هى فيه ومحدش فى الاعلام المبجل جايب سيرته

الظاهر مكنتيش بتشوفى برنامج هالة سرحان قبل كدة ولا شوفتى حلقات السياسة الساخنة اللى اتريقوا فيها على جمال مبارك والنظام كله ده حتى فكروا الناس بيها لما كانوا بيعلنوا على برنامج ناس بوك الجديد بتاعها
وفعلا فى رموز تانية كتير غير ساويرس واحسن منه كمان بس هو يحسبله انه راجل ملياردير وهاجم مش مطحون يعنى وكان زى الفقرا فى كرهه للنظام دى كفاية اوى

الاخوان بقى مصايبهم كيتر ولا اعلام ولا غيره اللى عمل صورتهم احنا مش معاشرينهم ولا ايه فى الشارع
ابسط حاجة حكاية لما قالوا ان الشعب لو اختار رئيس مسيحى ايه المانع مادام باختيار الشعب وباعوا دينهم ونسيوا ان الولاية اصلها للاسلام ولو حصل ده معناه قتل لسيدنا عمرو بن العاص وللجيش كله اللى دخل معاه فى فتح مصر
مالبنان اهو دولة مدنية وناصة ان ريسها لازم يبقى مسيحى هنيجى نفتى احنا وننصب على المسيحين اللى عندنا دوول بينصبوا عليهم علشان يكسبوا ثقة الشعب كله
بجد الاخوان اخطر من الحزب الوطنى بمراحل والله
دى حاجة قليلة غير اللعبة القذرة فى الاستفتاءات وغيره وغيره

الثورة نهاية لكل فساد ولو شوفتى اضرار بعدها يبقى اعرفى ان العيب من اللى ماسك البلد دلوقتى ومش عارف يديرها للاسف الجيش ممكن يكون نيته كويسة فى كل حاجة الا فى محاكمة مبارك طبعا بس نيته الكويسة دى بتقابلها عدم كفاءة فى الادارة وده اللى مخلى الناس بتلعن الثورة
الثورة ملك لمن قاموا بها ومن ايدها ومن يلعنها فانه خارج الاغلبية وخارج الشعب

يا ميدو انا مش هدخل معاك في نقاش في كلام المستشر بس اللي اعرفه ان الناس كلها قالت اننا عايزين انتخابات الاول و بعدين دستور فميجيش ححد يقول لا زي ما بيحصل دلوقتي و يقول لا عايزين دستور الاول
دا يبقي مخالف لارادة الشعب اللي قال علي الاستفتاء بنسبة كبيرة حاجة و سبعين في المية
مش معني انك او غيرك عايزين الدستور الاول تبقوا تلغوا ارادة الشعب اللي قال بنسنة ساحقة انتخابات و رئيس اولا
دي نقطة

التانية بقي الجيش
الجيش مشكلته انه مش عايز يشد علي الناس
لانه لو شد كتير هيقولوا دا بيشد علينا و مش عارف ايه
فهو بيطبطب ودا مش عاجبني شخصيا بس برده هو معزور مش عارف يعمل ايه
خايف يشد الناس اللي هتبقي مضروة من الشد دا ضرر شخصي يثوروا عليه


اما بقي الحاجات التانية اللي اتكلما فيها قبل كده بالنسبة للقضاء
كلامك اساسا مكانش مقنع يا باشا علي شان يتقال ان القضاء هيبوظ البلد
تمام كده

فبجد بلاش ترمي الجيش و القضا و هم المؤسستين اللي بجد ماسكين نفسهم لغاية دلوقتي دا لانهم فعلا كويسين
لانهم لو كلنوا فاسدين او وحشين زي ما فيه ناس بتقول كان الناس ثاروا عليهم بالاجماع زي ما ثاروا علي غيرهم
و متقوليش ال15 ولا ال 100 واحد دول اغلبية دول كانوا مطالب فئوية و اللي يقول كده يبقي سوري مبيشوفش من الغربال

العيب فينا احنا لاجيش ولاغيره احنا بس لو نبطل نعلق اخطائنا على الحكومه والسلطه العيب فى الناس الى غيرت اشخاص ومغيرتش افعال

أحمد المنوفى كتب:

يا ميدو انا مش هدخل معاك في نقاش في كلام المستشر بس اللي اعرفه ان الناس كلها قالت اننا عايزين انتخابات الاول و بعدين دستور فميجيش ححد يقول لا زي ما بيحصل دلوقتي و يقول لا عايزين دستور الاول
دا يبقي مخالف لارادة الشعب اللي قال علي الاستفتاء بنسبة كبيرة حاجة و سبعين في المية
مش معني انك او غيرك عايزين الدستور الاول تبقوا تلغوا ارادة الشعب اللي قال بنسنة ساحقة انتخابات و رئيس اولا
دي نقطة

التانية بقي الجيش
الجيش مشكلته انه مش عايز يشد علي الناس
لانه لو شد كتير هيقولوا دا بيشد علينا و مش عارف ايه
فهو بيطبطب ودا مش عاجبني شخصيا بس برده هو معزور مش عارف يعمل ايه
خايف يشد الناس اللي هتبقي مضروة من الشد دا ضرر شخصي يثوروا عليه


اما بقي الحاجات التانية اللي اتكلما فيها قبل كده بالنسبة للقضاء
كلامك اساسا مكانش مقنع يا باشا علي شان يتقال ان القضاء هيبوظ البلد
تمام كده

فبجد بلاش ترمي الجيش و القضا و هم المؤسستين اللي بجد ماسكين نفسهم لغاية دلوقتي دا لانهم فعلا كويسين
لانهم لو كلنوا فاسدين او وحشين زي ما فيه ناس بتقول كان الناس ثاروا عليهم بالاجماع زي ما ثاروا علي غيرهم
و متقوليش ال15 ولا ال 100 واحد دول اغلبية دول كانوا مطالب فئوية و اللي يقول كده يبقي سوري مبيشوفش من الغربال

اولا موضوع ارادة الناخبين
بجد خسارة يامنوفى كنت متوقع ترد رد فاهم عن كدة
عموما ده ردى الكامل اللى كتبته عالفيس

الخلطة المكس مش خلطة فيجتار دى خلطة الدستور اللى مولعة نار
----------------------------------------------


الظاهر ان مصر اتكتب عليها انها تبقى غير الكل فى كل حاجة لعنة الدهر الابدية للأسف

لما تخالف القانون او الدستور او نتيجة الانتخاب اوالاستفتاء فى اى دولة دى تبقى مخالفة لكن فى مصر سميها اى حاجة تانية

لان احنا بنلعب بالبيضة والحجر وولا يوقفنا دستور ولا حتى خا.... (همسك نفسى ومش هقولها علشان لو فى بنات هتقرا) الناس اتكلمت كتير الدستور اولا ولا الانتخابات وكل واحد حر طبعا ورايه يحترم سواء عايز ده ولا ده الاول لان دى الديمقراطية

لكن لما ييجى واحد المفروض انه قانونى وماسك منصب نائب رئيس مجلس الدولة ويقول كلام يثبت بصفة قاطعة ان مالوش علاقة بكلية الحقوق اللى اتخرج منها او باى قانون قراه ويطلع يقول (لايجوز للمجلس العسكري إعداد الدستور قبل الانتخابات) ويستند فى ده

على اساس ان الاعلان الدستورى جت فيه مادة بتقول ان مجلس الشعب والشورى يجتمعا لانتخاب جمعية تاسيسية

وطلع يقول ده يعتبر مخالفة للاعلان ولارادة الناخبين ول اى هنجا بطاطا ( الخ يعنى)ا



انا بجد بقيت مش عارف الاعلان الدستورى ده استجابة للى قالوا نعم فى الاستفتاء ولا لينا اللى قولنا لا

بمنتهى البساطة اللى دخل يقول نعم دخل يقولها علشان التعديلات الدستورية مع بقاء دستور 71 لغاية مامجلس الشعب يعمل دستور جديد واللى دخل يقول لا دخل يقولها علشان يتعمل اعلان دستورى استعدادا للدستور قبل اى انتخابات

راح المجلس العسكرى عملنا ايه عملنا الخلطة السرية المكس اللى خلا مصر متيمزة بيها وهتتكتب فى التاريخ

عمل الاعلان الدستورى ( استجابة لينا اللى قولنا لا) وكتب فيه ان الانتخابات اولا قبل الدستور(استجابة للى قالوا نعم) بذمتكوا فيه حلاوة احلى من كدة مكس مكس يعنى مش هزار

من الاخر الاعلان الدستورى ده ينهى نتيجة الاستفتاء ويعطلها وكانه لم يكن لعدم الاخذ بقرار من قالوا نعم

كما انه نص على مادة مخالفة لمن قالوا لا وهى ان الانتخابات قبل الدستور وهى اللى بيستند ليها نائب مجلس الدولة

ده بالتالى يبطل الاعلان لانه جاء مخالف لارادة الجميع

بعد كل ده ييجى واحد المفروض يكون جهبوذ فى القانون ويقول لا دى مخالفة للاعلان ول ارادة الناخبين

ابسط قواعد القانون والدستور تبين بطلان الاعلان ده ولو جبنا طفل ببزازة هيقولنا الكلام ده



بجد انا مش عارف ياريت حد يقولى

!!!هو فى بانجو فى الجو؟

قولى بقى يامنوفى فين ارادة الناخبين اللى بتتكلم عليها
----------------------------
وانا مابقولش ان الجيش فاسد
بالعكس ده احسن جيش على مر تاريخ مصر لان اللى فاتوا كان ليهم مصالح وطمع اما دوول فاحسن بكتير
القضاء مش هنعيده تانى وخلينا كل واحد مقتنع باللى فى دماغه
( رغم ان القضاء خبط فى الجيش السلطتين خبطوا فى بعض فى موضوع مجلس الدولة ولسة)

ياباشا الفساد فينا كلنا ووحياتك فيا انا كمان وانا بحاول اتغير والكل لازم يتغير
الشعب كله غلطان ولازم يطهر نفسه بس انا بتكلم عن اللى ماسكين ابللد دلوقتى
واللى لو الثورة باظت يبقبى بسببهم

memo dream كتب:

العيب فينا احنا لاجيش ولاغيره احنا بس لو نبطل نعلق اخطائنا على الحكومه والسلطه العيب فى الناس الى غيرت اشخاص ومغيرتش افعال

مش مختلف معاكى خالص فى الكلام ده الكل لازم يتغير

بخصوص موضوع ان الجيش يشد يامنوفى ( نسيت ارد عليه)
والله مابالقوة هتتصلح القوة والكبت جاب ايه جاب اكبر انفلات شرعى وهو الثورة
العدل يامنوفى اساس الملك
ابحث عن الحديث اللى حصل مع سيدنا عمر بن عبد العزيز و ولى احدى الدول لما جه يستاذن سيدنا عمر فى استعمال القوة بسبب الفوضى اللى فى البلد فقالوا بالعدل مش بالقوة
ومارضيش ياذنله
لو فيه عدل الشاه هتنام جمب الذئب يامنوفى مش ده كلام دينا برضو ولا انا جايبه من عندى

عموما ياسيدى
ربنا يرشد اللى ماسكينا ويسترها الايام الجاية لانها اهم ايام فى مستقبل مصر

(ملخص الحديث) الشرح نقلته من احدى خطب المساجد
وكتب عامل حمص إلى عمر بن عبد العزيز رضي الله عنه: إن مدينة حمص قد تهدمت واحتاجت إلى الإصلاح فكتب إليه عمر: حصنها بالعدل ونق طرقها من الجور، والسلام. الطرطوشي : سراج الملوك 412.

أخر:
وقد ثبت في حلية الأولياء أن : بعض التابعين مرّ على راع ٍ يرعى الغنم فوجد عنده ما يزيد على ثلاثين كلباً ، فقال له : ما تفعل بهذه الكلاب ؟ وواحد يكفي !! فقال : سبحان الله ، ألا تعلم أن هذه ذئاب وليست كلاب : فقال : ومتى اصطلح الذئب مع الشاة ، فقال الراعي : \" إذا صلح الرأس فما على الجسد بأس\" إذن إذا عدل أمير المؤمنين واتقى الله فإن الله يحول بين المخلوقات وبين الظلم.
.
روى أولوا التاريخ أن البهائم كانت في عهد عمر بن عبد العزيز ترعى في مرعى واحد، لايعدي الذئب على الغنم ولا الأسد على البقر، ففي ليلة عدى ذئب على غنم، فقال الراعي: \" إنا لله، ما أرى الرجل الصالح إلا هلك\"، فنظروا فإذا هو مات في تلك الليلة. البداية والنهاية (9/203).

معنى كل ده لو لقيت فوضى والناس بتضر بعضها اعرف ان مفيش عدل دى معادلة الهية مش انا اللى حاططها

العدل بيصنع معجزات واقوى من القوة نفسها

وحدو الله يا جماعه صلوا عالنبى لحظه شيطان
هههههههههههههههههه

هههههههههههههههههه صلى الله عليه وسلم
احنا بنتناقش لسة ماتخنقناش هههههههههههههههه
بس كويس انه فى موضوع مستقل بعيد عن النيابة علشان يبقى مفتوح للكل

هههههههههههههههههههههههه ايه ياميدو فينك وحشنى يابنى

انا موجود ياباشا وانت والله واحشنى
وقريب هتلاقينى ناططلكوا فى موضوع النيابة بس تيجى اخبار جديدة
بالتوفييييييييييييييييييييييييييييييق

حد سمع خطبة الشيخ محمد حسان الشيخ محمد قال ماتسمعوش كلام الاخوان ولا السلفين لانهم هاستيخدموا الدين فى تحقيق مصالحهم الشخصيه اى حد يقولك حاجه ارجع لرسولك الكريم وكتاب الله العلى العظيم
يعنى احنا نسمع كلام ربنا والرسول ومانسمعش كلام حد تانى
وانا عاوز اقول اخوان او مش اخوان سلفى او مش سلفى حكم عقلك الاول اكيد اللى بيتكلم ده عاوز مصلحته اولا يعنى من النهارده لازم نفرق من الشعارات ومن الكلام اللى كده وكده

mido aser4 كتب:

انا موجود ياباشا وانت والله واحشنى
وقريب هتلاقينى ناططلكوا فى موضوع النيابة بس تيجى اخبار جديدة
بالتوفييييييييييييييييييييييييييييييق

ياريس انت تنور فأى وقت دانت ميدو يعنى مش اى حد فالمنتدى ولا ايه يا ابو زمل

mody كتب:

حد سمع خطبة الشيخ محمد حسان الشيخ محمد قال ماتسمعوش كلام الاخوان ولا السلفين لانهم هاستيخدموا الدين فى تحقيق مصالحهم الشخصيه اى حد يقولك حاجه ارجع لرسولك الكريم وكتاب الله العلى العظيم
يعنى احنا نسمع كلام ربنا والرسول ومانسمعش كلام حد تانى
وانا عاوز اقول اخوان او مش اخوان سلفى او مش سلفى حكم عقلك الاول اكيد اللى بيتكلم ده عاوز مصلحته اولا يعنى من النهارده لازم نفرق من الشعارات ومن الكلام اللى كده وكده

عندك حق ياميدو جدااااااا الفتره دى عايزه فعلا تحكيم عقل من كتر الاشاعات والتفاهات الى بقت بتتقال على حس الثوره بقت حاجه مستفزه بجد والمصيبه ان فى ناس بتصدق وتحس انها راكنه عقلها فى جنب وانا مبقصدش بدول الى بيايدوا الاخوان او غيرهم او بيعارضوهم لا انا اقصد الناس الى راكنه عقلها على جنب والى يتقال من اى حد لازم يبقا منزل تلاقى حد طالع يحكى حكايه لو نام مش هيحلم بحاجه كده بس خياله واسع شويتين وطالع يقولها بكل ثقه وتلاقى ناس مصدقاه طب ازاى متعرفش فعلا لازم نحكم عقولنا ونشوف الصح بتفكيرنا احنا مش بتفكير حد تانى

yasserahlawy كتب:

mido aser4 كتب:

انا موجود ياباشا وانت والله واحشنى
وقريب هتلاقينى ناططلكوا فى موضوع النيابة بس تيجى اخبار جديدة
بالتوفييييييييييييييييييييييييييييييق

ياريس انت تنور فأى وقت دانت ميدو يعنى مش اى حد فالمنتدى ولا ايه يا ابو زمل

ههههههههههه ربنا يخليك ياياسر ده من ذوقك

دا كلام واحد قال لأ في الاستفتاء و عجبني جدا
تعالوا نشوفه مع بعض :

الدستور أولا .. ولا .. الانتخابات أولا .. طب هى النخلة اطول ولا البحر اوسع .. انا بقول الملوخية اطعم والله انا من الناس الى قالت لا فى الإستفتاء وكان نفسى يتعمل دستور جديد نوفى لكن بغض النظر عن حالات اللعب بعقول الناخبين قبل وأثناء الاستفتاء مينفعش نقول للناس الى نزلت الاستفتاء سواء قالت نعم او لا شكرا يا جماعة بس بردو هنعمل دستور ...جديد .. دة استخفاف بعقول الناس .. اة صحيح الاستفتاء اتفرض علينا بس الناس صوتت وقالت رأيها .. احنا كنا بندعو للديمقراطية والثورة قامت على هذا المبدأ فياريت منحرمش الناس منها لأن الناس دى الى وقفت جانبنا فى الميدان وساندونا ولو حسو اننا بنلعب بعقولهم هنفقد كل الثقة الى كسبنها منهم .. ومش بعيد يقوموا بثورة ضدنا .. لو مكنش عاجبك الاستفتاء كنت قاطعة ... وساعتها الناس كانت هتضع اختيار ثالث ما بين نعم ولا ومقاطعة بس خلاص لا تبكى على اللبن المشروب لية محدش قاطع الاستفتاء !!! ياريت بقة نتحد تانى وترجع روح الوحدة مرة تانية ويكون لينا مطلب واحد .. وياريت خفافيش الظلام ترجع بيوتها ويحمدو ربنا على الى هما وصلوا له .. ودمتم

ياريت نتحد تانى فعلا لان دلوقتى اختلاف الرائى بقا بيفسد للود قضيه بس ليه كل الى قالوا لا معتبرين الى قالوا اه اتلعب بعقولهم مع ان دا مش صحيح مع كتير ولو حصل على اساس الدين زى اغلبيه الى بيقولوا لا شايفين كده طب مابردو فى فئه من الى قالت لا قالت لا عشان اتلعب بعقلها على اساس الدين بردو انا مش بقول ان دول او دول صح بس ليه وصلنا لدرجه الى بقى يخالف رائى حد تانى يبقا ملعون ونازل عليه غضب ربنا ربنا يستر على مصر ويهدى شعبها انا حاسه ان الثوره اظهرت اسوء مافى الناس والله ربنا يلطف بينا يارب