حصرى لراجعون ......اعلان رقم 2 لسنة 2011 وظائف خالية بالمحاكم

الشكر لله استاذ عبدة بالتوفيق ان شاء الله

يارب يكون لينا نصيب المرة دية

ان شاء الله يكون ليك نصيب

اخر ميعاد للتقديم يوم 21/9

اريت ياسياده النائب تقولنا هو ايه اللي بيتم بعد كده يعني هيتصلوا او هنعرف ازاي ان احنا تم قبولنا وشكرا

بص يا استاذ خالد اما 15 يوم بتوع الاعلان يخلصو بيدءو يفحصو الاواق المرشحين واللى بيتوافرفية شروط المسابقة بيكتبو اسماءهم ف كشوفات وبيعلقوها ف المحاكم وبيحددك ف الكشف يوم الاختيارات ومكانها وبعد ين اللى بينجح ف الاختبارات التحريرى دا بيحددولة ميعاد اختبار عملى وغالبا بيكون ف محكمة النقض واللى بينجح بيتعين .....فما عليك غير انك تاتابع ف المحكمة اللى انت تابع ليها ومتسئلش حد غير الامين العام او رئيس المحكمة لانهم هما دول المختصين واللى هيفيدوك وتابع معانا بردو بالتوفيق

شكرا جدا وبالتوفيق لكل اللي قدم وان شاء الله هتابع معاكم اول باول Smile

يا تري المسابقة دي هتغيب زي 2010 ولا هينجزو فيها علي طول

الله اعلم بس اكيد هتتاخر شوية هههههههه

صرح المستشار محمد منيع مساعد وزير العدل لشئون المحاكم بأن الوزارة وفرت 700 درجة خالية بالمحاكم الابتدائية منها 550 حاملي المؤهلات العليا و150 للمؤهلات المتوسطة وفوق المتوسطة.

قال إنه يجري حالياً فرز كافة الطلبات التي قدمها المتسابقون عن طريق البريد لتنقيتها ومطابقتها علي شروط المسابقة. أضاف أنه سيتم الاعلان بالمحاكم الابتدائية عن جميع المرشحين الذين تنطبق عليهم شروط المسابقة لاجراء اختبارات شفوية وتحريرية في الحاسب الآلي خلال 3 أشهر.

أوضح أن المسابقة تتم بشفافية عالية ولا مجال للوساطة أو المحسوبية في التعيين بالمحاكم. وأكد مساعد الوزير أن المسابقة الفنية التي تم الاعلان عنها في يناير الماضي قد تم إلغاؤها لعدم اكتمال الأعداد المطلوبة للتعيين في المحاكم الابتدائية بحلوان والاسكندرية وجنوب سيناء والبحر الأحمر والأقصر وكان عددها 400 درجة فقط.

الجمهورية

يا جماعة انا سمعت ان المسابقة دي هتخلص علي طول لان في اعلان تاني نازل في شهر 1 او 2 تابع لوزارة العدل بردو
في حد يعرف حاجة عن الموضوع دة

حسبى الله ونعمة الوكيل

العدل : فرز طلبات التعيين بالمحاكم أول أكتوبر والأولوية لأبناء العاملين

العدل : فرز طلبات التعيين بالمحاكم أول أكتوبر والأولوية لأبناء العاملين
Share0

قال المستشار محمد منيع، مساعد وزير العدل لشئون المحاكم، أن الوزارة تلقت آلاف الطلبات من حاملى المؤهلات العليا والمتوسطة، منذ الإعلان عن مسابقة شغل الوظائف عن طريق التعيين، وفقاً لأحكام القانون رقم 47 لسنة 1978 بنظام العاملين المدنيين بالدولة، مشيرا إلى أن فحص الطلبات سيبدأ فى الأول من أكتوبر المقبل، وتعلن النتيجة فور الانتهاء من عمليات الفحص.

وأضاف المستشار منيع، سيتم فحص الطلبات بشكل دقيق وعادل، والأولوية ستكون لأبناء العاملين، يليهم من تنطبق عليهم شروط الوظيفة دون أى وساطة أو محسوبية فى التعيين.

وتابع الوزارة طلبت تعيين (550 شخصاً) لشغل وظيفة باحث ثالث تنمية إدارية، وباحث ثالث قانون، وباحث ثالث نفس، وباحث ثالث اجتماعى، وباحث ثالث تمويل ومحاسبة، بالأقسام المدنية وأقسام المحضرين بالمحاكم الابتدائية من الحاصلين على ليسانس الحقوق وبكالوريوس التجارة قسم المحاسبة وبكالوريوس خدمة اجتماعية وليسانس آداب قسم علم النفس.

وطلبت الوزارة أيضًا تعيين عدد (150 شخصاً) لشغل وظيفة، كاتب رابع، ومحضر رابع، وفنى رابع، بالأقسام المدنية وأقسام المحضرين، من الحاصلين على المؤهلات المتوسطة، وهى دبلوم ثانوى تجارى ودبلوم فنى تجارى شعبة قانون وشعبة سكرتارية ودبلوم ثانوى صناعى ودبلوم فنى صناعى.

اليوم السابع

هو لسة فى كدا ابناء عاملين حسبى الله ونعمة الوكيل

بجد لو الموضوع كدا يبقى مصر مش هتتغير ابدا
بس شطرين يقولوا محاربة الوساطة ومحاكمات الفساد الشهيرة
شكله كله كلام فض مجالس وخلاص
انا مش هقول غير حسبى الله و نعم الوكيل وهو خير منتقم

ويبقا الحال على ماهو عليه وكانه حق مكتسب لكل واحد شغال فى مصلحه انه لازم ولابد يعين ابنه فيها حاجه مستفزه

المفروض ان الى هيقبل هيتصلو به او هيرسلو له جواب يفيد ذللك

اللى هيقبل هيروح مع والدة كل يوم الصبح الشغل

ربنا يرحمنا برحمته

يــــــــــــــــــــــــــــارب يكون كلمهم دا بجد عشان مفيش حد يتظلم

"العدل" تشكل لجنة من 10 قضاة لفرز 100 ألف طلب لشغل 700 وظيفة

الخميس، 29 سبتمبر 2011 - 13:26
عبد العزيز الجندى وزير العدل عبد العزيز الجندى وزير العدل

كتب إبراهيم قاسم
Add to Google

شكل المستشار محمد منيع، مساعد وزير العدل لشئون المحاكم، لجنة قضائية مكونة من 10 مستشارين لفحص وفرز طلبات الوظائف التى أعلنت عنها الوزارة مؤخراً، حسب الإعلان رقم 2 لسنة 2011، حيث تبدأ اللجنة فرز الطلبات اعتباراً من غد السبت، دون تحديد موعد الانتهاء من الفرز.

وقال منيع، فى تصريحات خاصة لـ "اليوم السابع"، عدد المتقدمين، حتى الآن، تجاوز الـ 100 ألف، رغم أن عدد الوظائف المطلوبة 700 فقط، وهو ما يطيل أمد عملية الفرز لاختيار الفائزين بتلك الوظائف.

وأضاف مساعد وزير العدل، اللجنة وضعت عدداً من الخطوات لاختيار المتقدمين للوظائف بسبب التزاحم على المسابقة، حيث سيتم تعيين 550 شخصاً من الحاصلين على الموهلات العليا، على أساس التفوق العلمى، حيث يبدأ بالحاصلين على درجة الماجستير أو دبلومة علمية، ثم من الحاصلين على درجة امتياز فى الكليات التى حددتها المسابقة، يليهم الحاصلين على درجة جيد جدا، وأخيراً درجة جيد، وفور انتهاء الفرز وإعلان النتيجة، سيتم إرسال خطابات إلى الفائزين لتحديد موعد إجراء اختبارات لهم فى الحاسب الآلى.

وتابع، بالنسبة لحملة المؤهلات المتوسطة من الدبلومات، سيتم تعيين 150 شخصاً عن طريق الدرجات التى حصلوا عليها، دون خضوعهم لأى اختبارات، مشدداً "عملية الفرز ستكون بمنتهى الشفافية والأمانة والعدالة، لكل المتقدمين دون تدخل أى شخص فى الاختيارات"، مدللاً برفض الوزارة استلام المظاريف من المتقدمين باليد، والاكتفاء بالمظاريف المرسلة بالبريد المستعجل المصحوب بعلم الوصول تأكيدا للنزاهة فى عملية الفرز.

الجدير بالذكر، أن وزارة العدل أعلنت عن مسابقة لشغل الوظائف عن طريق التعيين وفقا لأحكام القانون رقم 47 لسنة 1978 بنظام العاملين المدنيين بالدولة، حيث طلبت تعيين (550 شخصا) لشغل وظيفة باحث ثالث تنمية إدارية وباحث ثالث قانون وباحث ثالث نفس وباحث ثالث اجتماعى وباحث ثالث تمويل، ومحاسبة بالأقسام المدنية وأقسام المحضرين بالمحاكم الابتدائية من الحاصلين على المؤهلات، وهى من الحاصلين على ليسانس الحقوق وبكالوريوس التجارة قسم المحاسبة وبكالوريوس خدمة اجتماعية وليسانس آداب قسم علم النفس.

كما طلبت الوزارة تعيين عدد (150 شخصا) لشغل وظيفة كاتب رابع ومحضر رابع وفنى رابع بالأقسام المدنية وأقسام المحضرين من الحاصلين على المؤهلات المتوسطة، وهى دبلوم ثانوى تجارى ودبلوم فنى تجارى شعبة قانون وشعبة سكرتارية ودبلوم ثانوى صناعى ودبلوم فنى صناعى.

اليوم السابع

ماجستير ثم دبلومة ثم امتياز ثم جيد جدا ثم جيد

خاليكو فاكرين

يعنى ايه بالظبط هيخدوا من أبناء العاملين ولا بالكفاءة العلميه
أنا عرفت فعلا ان ابناء العاملين اقدموا فى المحاكم مش وزارة العدل
وبالعقل كدا لو الموظفين كانوا عندهم شك فى انى هيخدوا اولادهم كانوا قدملهم فى الناحيتين بس معنى انهم يقتصروا على التقديم فى المحكمه انى دى اللى هيخدوهم وربنا يستر

وانا عشان مش من ابناء العاملين اروح فين ؟؟ ويعني ايه اصلا ابناء عاملين !!!!شركات بترول يقولك ابناء عاملين بنوك يقولك ابناء عاملين وزارات يقولك ابناء عاملين وكل اللي بيدخلوا ابناء عاملين اصلا ولا يفهموا حاجه (مثال : خريج جامعه عماليه وباعترافه انه فاشل ابوه مشغله ابناء عاملين ف شركه بترول حكوميه) دي واسطه بشكل قانوني هو في ف بلاد ربنا كلها حاجه اسمها ابناء عاملين الا ف البلد المقرفه دي مش عارف ليه فيه اصرار غير مبرر علي البقاء ف الغلط والجهل والظلم ده ليه اللي مسكيين البلد مش عيزين ينضفوا بجد شئ مستفز واحساس بالقهر حسبي الله ونعم الوكيل

بجد حرام يبقى الواحد جايب جيد وعامل دبلومة
ويعينو مكانه واحد اقل منة فى التقدير علشان ابن فلان وابن علان
والله دا ظلم وانا عارفة ان الثورة مش هتغير فيهم حاجة
علشان مستفدين
ربنا يهديهم ويرحمنا

يا شباب سيبكو من كلام الجرائد الاعلان بيقول ماجستير ثم دبلومة ثم امتياز ثم جيدجدا ثم جيد

ولو ف حد فيكو اتظلم وحد اقل منة اتعين فى دعوى اسمها تخطى ف التعين اسلكو الطريق القانونى وان شاء الله مفيش حد هيتظلم اتمنى ذلك والله

أنا أرسلت بريد عادي (مش مستعجل) هيتقبل ولا يترفض

mroor.green كتب:: أنا أرسلت بريد عادي (مش مستعجل) هيتقبل ولا يترفض

لو وصل ف الميعاد متركنش هيتقبل ان شاء الله

اية يا جماعة لسة مفيش جديد

» ظهور نتيجة اعلان رقم 2 لسنة 2011 وظائف خالية بالمحاكم
» اعلان رقم (1) لسنة 2010 الاداره العامه للشهر العقارى والتوثيق
» علان رقم (1) لسنة 2011 لشغل وظائف خالية بالمحاكم الإبتدائية
» اعلان رقم(1)لســـنة(2010)لشغل وظائف خالية بالمحاكم الابتدائية
» اعلان رقم(1)لســـنة(2010)لشغل وظائف خالية بالمحاكم الابتدائية