خريج جديد وعايز تطلع كارنيه النقابة(ادخل هنا)

السلام عليكم ورحمة الله وبركاته
إجراءات الحصول على كارنيه النقابة
للمحامين الجدد (جدول عام)





اولا : سحب الطلب من النقابة الفرعية التابع لها

ثانيا : إستيفاء الاوراق المطلوبة فى الطلب وهى :
1-شهادة ميلاد أو مستخرج رسمى منها .
2- صحيفة الحالة الجنائية حديثة وموجهة للنقابة.
3- شهادة من احد المحامين المعتمدين من النقابة بالنقض او بالاستئناف العالى على الاقل كالنموذج الموضح فى الطلب.
4- شهادة تحديد موقفك من الخدمة العسكرية ( لمن يهمه الامر).
5- شهادة الحصول على الليسانس (الشهادة المؤقتة).
6- إيصال تسديد نقود معتمد من النقابة.
7-( 6 صور شخصية + صورة من البطاقة).
8- شهادة عن السمعة تعتمد من 2 موظفين من احد المصالح الحكومية كالنموذج المرفق في ظهر الطلب.
9- شهادة من التأمينات.
10- شهادة تحركات من الجوازات.


ملحوظة : الاوراق المطلوبة رقم 9 و10 لمن هم اكثر من 24 عاما اى شهادة من التأمينات وشهادة التحركات من الجوازات.

ثالثا : بعد ان يتم إستيفاء الاوراق المطلوبة يعتمد الطلب اولا من النقابة الفرعية ويختم بختم النقابة بعد سداد رسوم الختم 2 جنية .


***الان دور النقابة الرئيسية في القاهرة ***

يبدأ العمل الساعة التاسعة صباحا تذهب بجميع أوراقك اول ما تدخل على إيدك اليمين حتلاقى شباك تقديم الاوراق حيراجع الاوراق ويقولك روح هات إيصال الدفع من شباك 5 تروح شباك 5 وتقوله عايز ادفع جدول عام حيديك إستمارة تكتب فيها إسمك فى خانة الجزئى وتديها تانى لشباك 5 وهو حينادى إسمك تانى عشان يقولك تدفع فين وفى الغالب بيكون فى شباك 2 تدفع سيادتك في شباك 2 (والرسوم إخوانى الاعزاء 1200 جنية مصرى)
تدفعهم وتاخد الايصال عبارة عن اصل و2 كربون تحتفظ بالكربون وتدى الاصل لاول شباك رحت فيه عشان تراجع الاوراق .
حياخد منك الايصال ويديلك دوسيه وفيه جميع اوراقك تملا البيانات الموجودة فى اول الدوسيه
كالاسم والعنوان ومحل العمل إلى هو المكان إلى حتدرب فيه بس بخط كويس عشان دة ملفك فى النقابة إلى حيفضل معاك لاخر يوم .
قربنا نخلص
حيحددلك يوم عشان تروح تانى تحلف اليمين وهو غالبا بيكون اول حد من شهر مارس وما تنساش تروح على الساعة 9.
يومها تسال إمتى حيطلع الكارنية وهو يا استاذنا حيتبعتلك على النقابة الفرعية التابع لها.



الحمد لله طلعنا الكارنية
وبقيت الأستاذ فلان الفلانى المحامى
الله يباركلك وعقبال ما تقيد الابتدائى
ونصيحة اخوية لحياتك العملية
إتق الله في عملك
والسلام عليكم ورحمة الله وبركاته

يعطيك العافيه علي هالموضوع الممتاز لكن لي سؤال هل حلف اليمين بيكون فقط في اول احد من مارس ؟؟؟؟؟ يعني لو نزلت مصر بعد شهر مارس مش هقدر اعمل الكارنيه؟؟؟؟؟؟؟؟؟
بليز افيدوني للاهميه

ميرسي كتييييييييييييير بجد انت أفدتني كتير ربنا يكرمك يارب

مشكور يا رامى باشا

شكرا جدا يارامى باشا

بالطبع الشكر للرائع الاستاذ محمود....وموضوعاتة الهادفة.....وبالتوفيق دائما......مع تقبل مرورى

موضوع مهم فعلا
شكرا محمود

شكرا يا رامى وشكرا يا حسام وشكرا يا شيماء

هناك نقطه لم تذكر
استماره 111 للفحص الطبى

نرجو شرحها

شكرا يااستاذ رامى يجميل
بارك الله فيك

شكر واجب لاستاذ رامى ولكل القائمين على هذا المنتدى الرائع
انا مقدم نيابة عامة وادارية واذا تم قبولى ان شاء الله فى ايهما لن يكون للكارنية اهمية لاننى ساقدم طلب بتحويلى غير مشتغلين
سؤالى هو
1\هل التزم بدفع مصاريف سنوية للنقابة خلال فترة قيدى بالنقابة كغير مشتغلين
وهل التزم بدفع مصاريف تجديد كارنية وانا من غير المشتغلين؟ وكم تبلغ هذة المصاريف ؟
2\بعد عمر طويل وخروجى على المعاش من الجهه القضائية سواء كانت نيابة عامة ام ادارية هل سأستحق معاش من نقابة المحامين ؟

جزاكم الله كل خير

الاخ الحبيب رامى كمال
انا جهزت جميع الاوراق المطلوبه للكارنيه سؤالى هو
1_ كم المبلغ بالظبط , انا سمعت ناس بتقول وصل ل3000 جنيه . صح ام خطأ ؟
2_ لما اقدم الاوراق الان يطلع امتى بالظبط ؟
3_ولازم اروح احضر حلف اليمين والاستلام ولا ممكن حد يجيبهولى (وسطه صغيره يعنى ) ؟

والف شكر مقدما ( للكريم : رامى كمال )

لو انا باشتغل في الحكومة و لي معاش وكدة دة يمنعني من الاشتراك في النقابة؟؟؟؟؟؟ انا عاملة خدمات معاونة في التربية والتعليم .......وحصلت علي الليسانس اثناء العمل . وبالمناسبة لسة نش عارفة اسوي وضعي بالؤهل الاعلي حسب المادة 25 لحد دلوقتي !!!!! انا حريجة 2009 لو ممكن تساعدوني في الموضوعين دول ..يبقي جزاكم اللة عني خيراااا.[i]

انا متشكرة جدااا جداااا لكم .....وانكم رديتوا عليا بسرعة كدة !!! جزاكم اللة خيرااا كثيرااا

بالتوفيق للجميع يارب ان شاء الله
شكرا لمجهود حضرتك الرائع يااستاذ رامى

لو سمحت ممكن حد يجيب على سؤالى الا وهو
دلوقتى رسوم كارنيه النقابه بكام ارجو الرد

ان شاء الله هسأل لحضرتك وارد