النيابة الادارية دفعة 2009

ما هو التزوير المفضوح ؟ اللى يعرف الاجابه يتفضل مشكورا ويجيب على هذا السؤال وله جزيل الشكر

سيادة النائب ان كنت تقصدنى انا بسؤالك اناجامعة ازهر اسيوط ومقابلتى يوم 31/5 دعواتك معانا بالتوفيق للجميع ارجو من الاخوه الاعضاء كل اللى عنده مقابله يقول لباقى الاعضاء حتى نجتمع جميعا وندعوا له بالتوفيق لعل الله يستجيب لاحدنا فالدعوه لاخيك بظاهر الغيب مقبوله باذن الله

انا فعلا كنت بقصدك انت وسوالى ليك دة لانى معياد مقابلتى يوم 30/5 وكنت عاوز اعرف اخر ميعاد للمقابلات وبالتوفيق ليك خاصا وللجميع عاما وان شاء الله هتجتاز المقابلة بتفوق وعن قريب هتنزلك تحريات بس دعواتك لينا انت كما

هل فى بنات مش اولاد مستشارين نزلهم تحريات ؟ ارجــــــــــوا الــــــــــــــرد

أيوه يا سيادة النائب فى بنات مش أولاد مستشارين نزلهم تحريات زمايل لى من عين شمس وتقديرهم حوالى 68% بس التحريات نزلت ليهم من حوالى أسبوعين أو ثلاث أسابيع

شكرا على ردك يا احمد بية بس كنت عاوز اعرف نسبة نزول التحريات فى الادارية بتصل لحد كم فى المية على افتراض عدد المتقدمين 100 شخض ينزل لكم شخص تقريبا ؟

أخى الحبيب سيادة النائب
نسبة نزول التحريات بالنسبة للادارية بتكون كم فى المية ؟لانة على حد علمى ان النسبة فى الادارية بتكون اكتر بكتير من العامة فما مدى صحة هذا الكلام
معلومة صحيحه ... فالنيابة الإدارية تنزل لها تحريات لعدد كبير من المتقدمين بعكس النيابة العامه التى تنزل لها تحريات للعدد المطلوب وعدد إحتياطى إضافى ...

ســـــؤال شخصى للرامى بية ارجوا الاجابة عليـــة
ما هو مـصدر معـلومـاتـــك؟
بمعنى انت بتجيب اجابتك على جميع الاسئلة المطروحة منين ؟
إذا كان تسائلك لكى تطمئن من صحة المعلومات وأن المصدر موثوق كما ذكرت فى ردك لأخى الحبيب المدير العام ... فلاتقلق وإطمئن ... فالمعلومات صحيحة والمصدر موثوق بمشيئة الله...

هل فى بنات مش اولاد مستشارين نزلهم تحريات ؟
نعم نزلت لهم تحريات ...

أخى الحبيب حسام الدين
على فكره استاذ رامى انا غلطت وكتبت مقابلتى يوم 31/6 وهى 31/5 وهذا خطأ من السرعه اعتذر عنه وعلى هذا يمكننى انتظار التحريات ان شاء الله فى نهايه شهر 6 او منتصف شهر 7 صح كده ؟
بالضبط ... وفقك الله ونبارك لك على نزول التحريات ثم على التعيين بمشيئة الله ...

ما هو التزوير المفضوح ؟
هى جريمه لاتتوافر فيها إلا الركن المادى والمعنوى فقط دون أن يتوافر ركن الضرر حتى وإن كان ضرراً محتملاً فلا عقاب على تلك الجريمه ومن أمثلته إصطناع محرر لإثبات حق لا نزاع فيه أو لإثبات دين تم الوفاء به وكذلك إذا كان تزوير المحرر ظاهراً بشكل كبير مما لا يتصور معه انخداع أي شخص بذلك التزوير ....

أخى الحبيب spy
هل الى مجالوش تحريات لغايط دلوقتى من جامعة عين شمس يفقد الامل والنسبه 66% ولا لسه فيه امل
جميع الجامعات بلاإستثناء لاتفقد الأمل ... فالآن هى مرحلة تحريات ومازال الوقت مبكر على إنتهائها .... الأمل موجود بفضل الله ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

مع خالص الشكر والتقدير يا رامــــى بية دعوتك معانا وبالتوفيق للجميع

معذرة سيادة النائب لأعلم نسبة نزول التحريات
بس اللى أنا لاحظته أنى اللى نزله تحريات هو اللى جاوب فى المقابلة بغض النظر عن التقدير وعن أى معايير أخرى ولا أدرى أذا كانت ملاحظتى فى محلها أم لا
بس زمايلى كلهم اللى جاوبو نزلهم تحريات بنات أو ولاد واللى لم يوفق فى الأجابة لم ينزل له تحريات إلى الأن

خالص شكرى يا احمد بية

يا ريت يا رامى بية تقولى اية اللى بيتم بالظبط فى مقابلة الادارية هل مثل العامة ام تختلف عنها ؟ من طريقة الاسئلة ؟ وكم سول بتسألة ؟ والمدة اللى بتسغرقها فى المقابله ؟ وغيرة

اقتباس :: يا ريت يا رامى بية تقولى اية اللى بيتم بالظبط فى مقابلة الادارية هل مثل العامة ام تختلف عنها ؟ من طريقة الاسئلة ؟ وكم سول بتسألة ؟ والمدة اللى بتسغرقها فى المقابله ؟ وغيرة

بالنيابه عن الاستاذ رامى بيه احب اقول لسيادتك ان مقابله النيابه الاداريه بتختلف اختلاف كلى ع النيابه العامه.
اولا بيتم دخول عشره افراد اللى اللجنه اول ماتدخل بتقعد على كرسى بالترتيب يعنى لو انت اول واحد بتقعد على الكرسى الاول وهكذا الى العاشر .بينادى واحد من اعضاء اللجنه عليكم واحد واحد بالترتيب .بيسأل حضرتك سؤال شفوى ولازم تجاوبه بسرعه.يعنى ممكن يسمحولك ب 30 ثانيه لكل واحد من اللجنه .ولازم يكون عندك سرعه بديهه وممكن يسألك كمان سؤال.... يعنى مثلا ممكن يسالك ويقولك عرف مجلس الدوله وبعد ماتجاوب يسألك تانى ويقولك وايه هى اقسامه (1- قسم قضائى 2- قسم فتوى 3- قسم تشريع) اوكى .وبعدين يروح للى بعدك يسأله سؤال تانى اما اذا معرفتش الاجابه ممكن تقوله انا مش متذكر الاجابه ومتحاولش تألف اجابه لازم تكون واثق من اجابتك...وعموما الاجابه مش معيار على نزول التحريات انا اعرف ناس كانت اللجنه كلها معرفتش الاجابه على السؤال ونزلهم تحريات عادى جدا .وكان السؤال بتاعهم ماهى اختصاصات محكمه امن الدوله عليا !
ويعد مايسأل العشره تقوموا كلكم وتخرجو من المكتب اللى فيه اللجنه بالسلامه وتاخدوا بطايقكم وخلاص... والمقابله سهله جدا ومفيش اى مشكله فيها اهم حاجه المظهر العام بتاعك ولازم تكون شيك على قدر المستطاعوالاسئله اللى بتتسأل هى اللى موجوده على المنتدى بس فيه اسئله بتتسأل جديده مش موجوده فى اى منتدى خالص زى سؤال اختصاصات محكمه امن الدوله عليا .....وربنا يوفق الجميع

بالتوفيق للجميع وان شاء الله فيه اخبار حلوة لما اتأكد منها هقولهالكم ان شاء الله تعالى

ياريت نسمع أخبار حلوة ياسيادة المدير العام لحسن الواحد نفسه يسمع خبر حلو

المدير العام كتب:: بالتوفيق للجميع وان شاء الله فيه اخبار حلوة لما اتأكد منها هقولهالكم ان شاء الله تعالى

ربنا يفرح قلبك يا سياده المدير الحترم
وفعلا عايزين نسمع اخبار حلوه بقى

مــــع خالص شكرى وتدير يا فارس بية

سيادة المدير العام اتمنى اكون يكون الخبر اللى سيادتك بتقول علية هو صدرو قرار جمهورى بتعين دفعتى 2008/2009 مع بعض

سيادة المدير إنت سألتنى عن تقديرى وعن مديرية الأمن التابعة ليهاوجاوبتك ولغاية دلوقتى مردتش عليا ومفهمتش السؤال كان هدفه إيه؟

سلام الله عليكم جميعا اخوة واخوات

سيادة النائب كتب:
ســــــــــــــــــؤال شخــــــــــــــــــصى للرامى بية ارجوا الاجابة عليــــــــــــــة

ما هو مـــــــــصدر معـــــلومــــــــــاتــــــــــــــــك؟

بمعنى انت بتجيب اجابتك على جميع الاسئلة المطروحة منين ؟

رد السيد المدير
علم لا ينفع وجهل لا يضر
بمعنى اخر لما تلاقى استاذ رامى قال معلومة غلط ابقى اسأله مصدر معلوماته لكن غير كده معتقدش ليها لازمة الاجابة
وبالتوفيق للجميع

ما اعتقده وأوكد عليه ان الاستاذ رامى له منا جميعا

شكرا وتقدير وامتنان لما يفعله لنا جميعا هو وسيادة

المدير كل على حسب تواجده معنا والمعلومات اللى وضعها

للجميع فى معلومات قد افادة الجميع ودليل ذلك

انا بعض الاخوة المتابعين الموضوع منذ البداية هم من

قاموا بالرد على بعض الردود على الاعضاء الجدد فدليل

ذلك اننا قد استفادنا من معلوماتهم لنا

وملحوظة هامة ايضا لاخى الكريم الذى تفضل بالسؤال

فان ما يفعله الاستاذ رامى بالفعل وليس مجاملة له فقد

وفر لنا جميعا معانه البحث عن اجابات تشغل فكرنا كثير

** وانا كنت كتب هذه الكلمات فهى تعد جزء ضئل لرد جميل

للاستاذ رامى واننا لما نوفيه حقه وانا بالنيابة عن

الجميع اشكره لما فعله من اجل افادة الجميع بالمعلومات

وكلمة اخيرة اقولها بحق اذا ارت ان تشكك او بمعنى احسن

من ذلك فعليك اذا بالمعانة لك وتذهب انت وتسئل عما

تريد وسوف تجد المعانة الشاقة ومع ذلك ستجد ان ما

قاله لك كل من الاستاذ رامى والمدير فعلا معلومات صحيحه

( يا أيها الذين امنوا لا تسالوا عن اشياء ان تبدا لكم تسؤكم ) صدق الله العظيم

ادعوالله سبحانه وتعالى ان ينفع بما يفعلوا من خير

للجميع ويكون فى ميزان حسناتهم وان يجازيهم خيرا

الدال على الخير كفاعله شكرا لكم واسف على الاطالة

اسال المولى ان يوفق الجميع الى الخير وان يقدروه لنا

اللهم انى لا أسالك رد القضاء ولكنى أسالك يا ربى اللطف فيه اللهم أمين

فعلا ياسيادة المدير نفسنا نسمع اخبار حلوة ونفرح كدة وربنا يفرحك كمان وكمان

الى الاستاذة رورو
والله انا لم ارى المشاركة الخاصة بتقديرك ولا مديرة الامن التابعة اليها برجاء كتابتها مرة ثانية
والغرض من السؤال هو الاستعلام فى مديرية الامن عن وجود تحريات اخرى موجودة فى نفس النسبة ام لا

الى (المدير العاااااااااام )
لقد ارسلت تقرير عن مساهمه معينه ,,, ولم يتم الرد او (حذف المشاركه )
ارجو منك الاهتمام بصفتك مسئول واخ كريم
وشكرا

شكراا للمدير العام وياريت فعلا نسمع خبر حلو بس انا عندى سؤال عملت ايه فى الحركه الى فاتت ياريت تكون اترقية النيابة الادارية دفعة 2009 Icon_cheers

spy بية افهم من كدا ان المدير العالم عضو فى احدى الهيئات القضائية بالتوفيق ان شاء واتمنى انك يكون تم ترقية بس دعواتك معانا

الى الاخ بروسيكتور
والله ما شوفت تقارير حاضر هشوفها واتخذ اللازم
الى الاخ سباى
جزاكم الله خيرا على السؤال ثم انا لسى متعين بقالى ثلاثة اشهر مش هتلحق اترقى يغنى يا باشا بس ادعيلى افضل فى المكان اللى اا فيه اصل الحركة بتاعت التنقلات الاسبوع القادم

الى الاخ سيادة النائب
ايوة الحمد لله تعالى فانا عضو هيئة قضائية اعتز بها وهى هيئة النيابة الادارية

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية